Morgunblaðið - 01.02.2001, Qupperneq 22

NEYTENDUR
22 FIMMTUDAGUR 1. FEBRÚAR 2001 MORGUNBLAÐIÐ
Í DAG taka feðgarnir Ragnar Haf-
liðason og Hafliði Ragnarsson, sem
ásamt fjölskyldum sínum reka Mos-
fellsbakarí, við rekstri Miðbæjarbak-
arís Bridde við Háaleitisbraut 58-60.
Bakaríið er lokað í dag en verður opn-
að á morgun.
Miðbæjarbakarí Bridde hefur ver-
ið starfrækt af Hermanni Bridde í um
37 ár en fyrir þann tíma starfaði Her-
mann með föður sínum í bakaríi hans
á Hverfisgötu 39. Undanfarin ár hef-
ur sonur Hermanns, Karl H. Bridde
starfað með föður sínum í bakaríinu.
Það hefur margt breyst hjá bök-
urum frá því Hermann byrjaði í fag-
inu sem ungur drengur. Það eru ekki
meira en um 20 ár síðan bakarar
máttu baka fjórar tegundir af brauð-
um, fransbrauð, maltbrauð, heil-
hveitibrauð og rúgbrauð og allir áttu
að verðleggja þau eins. Það var ein-
mitt Hermann Bridde sem rauf þann
múr og fór að panta korn að utan og
bjóða upp á rúnstykki og framandi
brauðtegundir. Hann var ákærður og
dæmdur í verslunarrétti til að hætta
þessum bakstri. Hermann ákvað að
hunsa þann úrskurð og bauð við-
stöddum upp á norskt víkingabrauð.
Málið fór fyrir Hæstarétt og Her-
mann vann málið. Þarmeð fóru bak-
arar að njóta sín, segir Hermann.
Hann segist vera hrifinn af því að
fá þá feðga í bakaríið og ber þeim vel
söguna frá því hann kenndi þeim þeg-
ar þeir voru við nám í Iðnskólanum í
Reykjavík. „Þeir hafa komið með
skemmtilegar nýjungar og það er
nauðsynlegt að fylgjast vel með í
þessu fagi.
En mun Miðbæjarbakarí Bridde
taka breytingum á næstu mánuðum?
„Til að byrja með bjóðum við upp á
okkar brauð og kökur sem við höfum
verið með í Mosfellsbakaríi en síðan
verður bakaríið tekið í gegn á næstu
mánuðum,“ segir Hafliði Ragnars-
son.
„Við erum að vinna að því að end-
urhanna allt bakaríið og komum til
með að baka á staðnum. Innan nokk-
urra mánaða verður búið að stækka
bakaríið um helming.“
Hafliði segir að auk þess sem boðið
verði upp á brauð og ýmsar kökur
verði búið til konfekt á staðnum og
sérbakaðar veislutertur.
Aðstöðu verður komið upp til að
fólk geti sest niður og fengið sér snarl
í hádeginu eða kaffibolla og með því
hvernær dags sem er.
En verður boðið upp á smurt brauð
og aðra létta rétti í hádeginu?
„Já, við erum æ meira að færa okk-
ur inn á þá braut og munum leggja
töluverða áherslu á að hafa tilbúið
smurt brauð og aðra létta rétti á boð-
stólum.“
Eigendur Mosfellsbakarís kaupa Miðbæjarbakaríið Bridde
Bakaríið tekur stakka-
skiptum á næstunni
Morgunblaðið/Ásdís
Hafliði Ragnarsson, Hermann Bridde og Ragnar Hafliðason. Feðgarnir Hafliði og Ragnar og fjölskyldur
þeirra, sem reka Mosfellsbakarí, taka í dag við rekstri Miðbæjarbakarísins Bridde við Háaleitisbraut. Her-
mann hefur rekið bakaríið við Háaleitisbraut sl. 37 ár.
ÞEIM sem þurfa að gæta að kólest-
erólmagni í fæðu hefur um árin verið
ráðlagt að takmarka neyslu á vissum
fæðutegundum þ.á.m. eggjum og
rækjum.
Ekki fer á milli mála að kólester-
ólgildi í eggjum er frekar hátt eða um
400 mg í 100 g og sé eggjarauða skoð-
uð sérstaklega eru um 1.500 mg af
kólesteróli í 100 g.
Kólesterólgildi í rækjum er á hinn
bóginn mun lægra eða um 150 mg í
100 g. Hvers vegna er fólki þá ráð-
lagt að takmarka neyslu á þeirri
fæðutegund?
Guðjón Atli Auðunsson, efnafræð-
ingur hjá Rannsóknastofnun Fisk-
iðnaðarins, segir að það komi honum
spánskt fyrir sjónir að fólki sé ráð-
lagt að takmarka neyslu á rækjum ef
kólesterólmagn í blóði er of hátt.
„Ef kólesterólgildi í rækjum er
skoðað og borið saman við annað
sjávarfang og önnur matvæli telst
það vera um miðbik.
Það eru um 150 mg af kólesteról í
100 g af rækjum. Til samanburðar
má nefna að í þorski, kræklingi og
lúðu eru um 50 mg í 100 g, um 60 mg í
ýsu og lax og túnfiskur innihalda um
70 mg. Í áli eru um 140 mg í 100 g og
humar er með um 200 mg í 100 g.
Þorskhrogn eru með 235 mg, grá-
sleppukavíar 310 mg og þorskalýsi
500 mg. Þá má geta þess að gula í
hænueggjum er með 1.500 mg í 100 g
en í eggi, rauðunni og hvítunni, er
gildið um 400 mg í 100 g.“
Guðjón Atli segir að miðað sé við
að fullorðinn maður fái ekki meira en
300 mg af kólesteróli á dag.
Breytir vondu kólesteróli í gott
Hann segir að rækjur innihaldi 1%
fitu og því teljist rækjur vera fitu-
rýrar. Þar af sé meira en helmingur
af fitunni ómettuð fita sem er mjög
heppileg fyrir æða- og hjartasjúkl-
inga.
„Áður fyrr, þegar greiningarað-
Rækjur hollar
og fiturýrar
Misskilningur að rækjur séu
með hátt kólesterólgildi
VOR- og sumarlisti
Freemans er kominn
út. Í fréttatilkynn-
ingu frá Freemans
segir að í vörulist-
anum sé að finna fjölbreytt
vöruúrval t.d. sumartísku hvort
sem er fyrir ungar eða eldri kon-
ur, þekkt íþróttavörumerki, barna-
og karlmannsfatnað og ábreiður
og rúmfatnað. Þá býður Freemans
upp á fatnað í stærðunum 42 til 56
sem og fatnað fyrir lágvaxnar og
grannar konur.
Nýtt
Vor- og
sumar-
listi
Af nýjum
vörumerkj-
um í listan-
um má nefna
DKNY og
One.
Allar pant-
aðar vörur eru
keyrðar heim
að dyrum.
Pöntunarsím-
inn sem er 565-
3900 en enn-
fremur má fara
á heimasíðu
Freemans,
www.freemans.is, og panta vörur
úr listanum.
Það er hægt að nálgast vörulist-
ann hjá Freemans í Bæjarhrauni
14 í Hafnarfirði eða í öllum helstu
bókaverslunum landsins. Vörulist-
inn kostar 400 kr.
HALLDÓR Jónsson ehf. hefur hafið
innflutning á ezeetan-brúnkuklút-
um. Í klútunum er m.a. efnið
erythrulose, sem er náttúruleg
sykra, og aloe vera. Í fréttatilkynn-
ingu kemur fram að ezeetan-
brúnkuklútarnir séu lyktarlausir og
þurrki ekki upp húðina.
Ezeetan-brúnkuklútarnir fást í
Lyfju, Lyf og heilsu og á hár-
greiðslustofum.
Morgunblaðið/Árni Sæberg
Brúnkuklútar
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteigna- og skipasali.
Heiðarhjalli 29 í Kópavogi
Opið hús milli kl. 19 og 21 í kvöld
Íbúðin verður til sýnis í kvöld milli kl. 19 og 21
Verið velkomin.
Glæsileg 118 fm 5 herb. efri sérhæð ásamt
22 fm bílskúr í nýlegu húsi í Suðurhlíðum
Kópavogs. Íbúðin, sem er afar vönduð, með
sérsmíðuðum innréttingum, skiptist í stórt
hol, rúmgóða stofu, eldhús, 3 svefnherbergi
og baðherbergi. Mikil lofthæð í íb. og inn-
felld lýsing í öllum loftum. Stórar suður-
svalir, gríðarlegt útsýni. Áhv. húsbr. 7,8
millj. Verð 18,9 millj.
Nám í grunndeild
matvælagreina
Innritun stendur yfir
Nánari upplýsingar veitir kennslustjóri hótel- og
matvælagreina á skrifstofutíma
milli kl. 9.00 og 15.00.
Kennsla hefst 6. febrúar.
HÓTEL- OG MATVÆLASKÓLINN
MENNTASKÓLINN Í KÓPAVOGI
v/Digranesveg
200 Kópavogi
Sími 544 5530
Fax 554 3961
Netfang mk@ismennt.is
Tækifæri til að kynnast
spennandi atvinnugreinum!