Morgunblaðið - 01.02.2001, Qupperneq 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 1. FEBRÚAR 2001 VERÐ Í LAUSASÖLU 165 KR. MEÐ VSK.
Síðan 1972
múrvörur
Traustar
íslenskar
Leitið tilboða!
ELGO
UNDIRRITAÐUR hefur verið
samningur um stofnun fyrirtækis
um uppbyggingu sjókvíaeldis á
laxi í Seyðisfirði. Að fyrirtækinu,
sem hlotið hefur nafnið Austlax,
standa aðilar á Seyðisfirði; hafn-
arsjóður og þjónustufyrirtækið
ÓS-þjónusta, og færeyska laxeld-
isfyrirtækið Vestlax sem er eitt
öflugasta fiskeldisfyrirtæki Fær-
eyja.
Að sögn Sigfinns Mikaelssonar,
framkvæmdastjóra ÓS-þjónustu,
verður farið hægt af stað í upp-
byggingu eldisins og stefnt á að
hefja eldi í einni til tveimur kvíum
í sumar. Hann segir að Austlax
muni fyrst í stað nýta leyfi sem
Strandalax hafði áður til laxeldis á
um 200 tonna lífmassa í Seyðis-
firði. Gangi það vel sé fyrirhugað
að færa út kvíarnar. „Við teljum
að hér séu góðar aðstæður til lax-
eldis. Við munum hinsvegar leggja
áherslu á að byrja smátt en rasa
ekki um ráð fram í þessum efn-
um,“ segir Sigfinnur.
Nýtt laxeldisfyrirtæki á Seyðisfirði
Hefja eldi næsta sumar
Engu líkara er en að þessir farþegar
SVR hafi verið klipptir út úr litríkri
borgarmyndinni á hlið strætisvagns-
ins. Raunveruleikinn í tíðarfarinu
þessa dagana er þó fjarri björtum
sumarnóttum og því gott að komast
inn í hlýjan vagninn í votviðrinu og
láta sig dreyma um betri tíð.
Morgunblaðið/RAX
Klipptir
út úr borg-
armynd
TVEIR karlmenn og ein kona voru
handtekin og einn karlmaður flutt-
ur á slysadeild Landspítala – há-
skólasjúkrahúss í Fossvogi eftir að
tilkynnt var um hnífstunguárás í
húsi við Klapparstíg upp úr klukk-
an tíu í gærkvöldi.
Í tilkynningu um atburðinn til
Neyðarlínunnar var talað um að
maður lægi í blóði sínu með mörg
stungusár eftir hníf. Sá er fór á
slysadeild hlaut ekki djúp stungu-
sár, samkvæmt upplýsingum frá
lögreglunni í Reykjavík, og var
ekki talinn í lífshættu.
Tildrög átakanna voru ekki ljós
og málið enn í rannsókn er Morg-
unblaðið fór í prentun. Umrætt
hús við Klapparstíg hefur áður
orðið vettvangur útkalla hjá lög-
reglunni og einkum vegna fíkni-
efnamála.
Þrjú hand-
tekin og einn
á slysadeild
Tilkynnt um
hnífstunguárás
MIKIL loðna er nú fyrir Vestfjörð-
um og hafa nótaskipin fengið þar
góðan afla. Að sögn Hjálmars Vil-
hjálmssonar, fiskifræðings og leið-
angursstjóra á Árna Friðrikssyni
RE, liggur ekki fyrir hve mikið er
af loðnu í vesturgöngunni en þó
megi ætla að þar sé á ferðinni stór
hluti hrygningarstofnsins. Hann
segir að bera megi þessa göngu
saman við vesturgöngu sem kom að
landinu árið 1979. Þá hafi vetr-
argöngur loðnu verið mældar í
fyrsta skipti og um helmingur
stofnsins þá mælst fyrir vestan land
en hinn fyrir austan. Vesturgangan
hafi þá gengið suður með landinu
og suður fyrir Reykjanes, þar sem
síðasta loðnan hrygndi. Hann segir
að hrognafylling loðnunnar sé nú
um 9% en búast megi við að hægist
á hrognafyllingunni ef loðnan geng-
ur sunnar í kaldari sjó.
Hafrannsóknaskipið Árni Frið-
riksson RE var í gær á leiðinni
austur fyrir land til loðnumælinga
en skipið hefur síðustu daga mælt
loðnugönguna fyrir vestan.
Mikil loðna fyrir vestan

Hræddir/24
ÍSLENSKRI dægurtónlist hef-
ur verið hampað í hvívetna
undanfarið í bandarískum
fjölmiðlum. Fer þar fremst í
flokki hljómsveitin Sigur Rós.
Dagblaðið LA Times og
tónlistartímaritið Rolling
Stone voru með stórar grein-
ar um þetta efni fyrir stuttu.
Erlend stórfyrirtæki þar í
landi keppast nú við að landa
samningi við Sigur Rós á
meðan rappsveitin Quarashi
er þegar búin að skrifa undir
við útgáfurisann EMI.
Íslensk tón-
list umtöluð

Umtalið sjaldan/72
Bandaríkin
SLITNAÐ hefur upp úr samninga-
viðræðum skipstjórnarmanna hjá
Landhelgisgæslunni við samninga-
nefnd ríkisins um kaup og kjör. Sam-
kvæmt upplýsingum frá Félagi ís-
lenskra skipstjórnarmanna er
ástæða viðræðuslitanna sú að í gær
lagði samninganefnd ríkisins fram
bréf til Farmanna- og fiskimanna-
sambandsins, sem fer með samn-
ingaviðræður fyrir hönd skipstjórn-
armanna, þar sem fram kemur listi
yfir 13 stýrimenn sem sagt hafa upp
störfum hjá Landhelgisgæslunni.
Telur ríkið að hér sé um ólögmæta
vinnustöðvun að ræða.
Þeirri túlkun ríkisins var mótmælt
þar sem um einstaklingsbundna
ákvörðun hefði verið að ræða hjá
þeim mönnum sem sögðu upp. Hún
hefði verið óháð yfirstandandi samn-
ingaviðræðum og samninganefnd-
inni og Farmannasambandinu því
óviðkomandi.
Samningar skipstjórnarmanna
hjá Landhelgisgæslunni hafa verið
lausir frá 1. nóvember sl. Viðræður
um nýja kjarasamninga hófust í
september en hlé var gert á þeim um
miðjan nóvembermánuð. Félag ís-
lenskra skipstjórnarmanna heldur
því fram að þegar viðræður hófust að
nýju í desember sl., þegar samning-
ar skipstjórnarmanna á almenna
kaupskipamarkaðnum lágu fyrir,
hefði ekki verið vilji hjá ríkinu að
taka mið af þeim samningum nema
að litlu leyti.
Viðræðum
við ríkið slitið
Skipstjórnarmenn
Gæslunnar
♦ ♦ ♦
SAMKVÆMT álitsgerð Eiríks Tóm-
assonar fyrir landbúnaðarráðherra
fór embætti yfirdýralæknis að lögum
um dýrasjúkdóma þegar heimilaður
var innflutningur á írskum nauta-
lundum til landsins í lok síðasta árs. Í
álitsgerðinni kemur einnig fram að
embættið hafi sinnt lögboðinni rann-
sóknarskyldu sinni þegar það mælti
með því að innflutningurinn yrði
leyfður.
Hins vegar kemst Eiríkur að
þeirri niðurstöðu að tilgreind ákvæði
auglýsingar landbúnaðarráðuneytis-
ins og reglugerðar hafi ekki næga
stoð í núgildandi lögum. Telur Eirík-
ur orðalag í þeim „gagnrýnisvert og
ekki samrýmast vönduðum stjórn-
sýsluháttum“.
Guðni Ágústsson sagði á fundi
með fréttamönnum í gær að álits-
gerðin væri mikilvæg fyrir íslenska
neytendur og bændur. Hann sagðist
gleðjast yfir því að embætti yfir-
dýralæknis hefði viðhaldið ströngu
eftirlitshlutverki sínu í þessu tilviki.
„Á sama hátt finnst mér miður að
hnökrar koma fram í stjórnsýslunni.
Það kemur mér á óvart hvernig
stjórnsýslan milli landbúnaðarráðu-
neytisins, yfirdýralæknis og tollayf-
irvalda hefur þróast í kjölfar gildis-
töku WTO-samningsins [Alþjóða
viðskiptastofnunarinnar] frá árinu
1995,“ sagði Guðni og benti á úttekt-
ir sem ríkisstjórnin hefði ákveðið að
gera í framhaldinu.
Álitsgerð um innflutning nautalunda frá Írlandi
Innflutningur heimill en
stjórnsýslu ábótavant

Álitsgerð Eiríks/12-13