Morgunblaðið - 24.02.2001, Síða 2

FRÉTTIR
2 LAUGARDAGUR 24. FEBRÚAR 2001 MORGUNBLAÐIÐ
Fylgstu
með
nýjustu
fréttum
www.mbl.isBikarúrslitaleikir
í Laugardalshöll / B2
Ekki að leita að
landsliðsþjálfara / B1
4 SÍÐUR20 SÍÐUR
Sérblöð í dag
Á LAUGARDÖGUM L a u g a r d a g u r24.
f e b r ú a r ˜ 2 0 0 1
Hann er röskur meðalmaður
á hæð og gildur að sama
skapi, svarar sér vel og rek-
inn saman um herðarnar,
sem eru dálítið lotnar og
kúptar. Hálsinn er tiltakan-
lega stuttur en mjög gildur og
er til að sjá eins og höfuðið
standi fram úr bringunni, er
hann gengur lotinn. Hann er
mjög hárprúður, hárið mikið
og fagurt, dökkt á lit og brúnt
alskegg, sem tekur niður að
bringu. Hann er tiltakanlega
vel eygður, móeygður og
fremur stóreygður; augna-
ráðið stillt, blíðlegt og eins og
biðjandi og ógleymanlega
fagurt.
B Andrésson 1999
LITIR:
ÍSLENSKUR 3070 Y70R
SLENSKUR 0510 G90Y
BJÖRGVIN Vilmund-
arson, fyrrverandi
bankastjóri Lands-
banka Íslands, er lát-
inn 67 ára að aldri.
Björgvin fæddist 28.
júní 1934 í Reykjavík.
Faðir hans var Vil-
mundur Vilhjálmsson,
bifreiðarstjóri í
Reykjavík, og móðir
hans var Ólafía
Björnsdóttir, hús-
freyja í Reykjavík.
Björgvin varð stúd-
ent frá MR árið 1954
og lauk viðskiptafræði-
námi við Háskóla Íslands 1957.
Hann stundaði framhaldsnám í hag-
fræði og milliríkjaviðskiptum við
University of Indiana og The
George Washington University í
Washington DC 1958–1960. Hann
starfaði sem kennari við Flensborg-
arskólann í Hafnarfirði 1957–1958
og var jafnframt framkvæmdastjóri
Sambands ungra jafnaðarmanna á
sama tíma. Björgvin var stunda-
kennari við Iðnskólann í Reykjavík
1960–1969.
Hann var forstöðumaður gjald-
eyrisdeildar bankanna og fulltrúi
viðskiptaráðuneytisins frá 1. maí
1960 til ársloka 1964. Hann var að-
stoðarbankastjóri við Landsbanka
Íslands frá 5. janúar 1965 til 5.
september 1969 og var þá skipaður
bankastjóri bankans og formaður
bankastjórnar frá 1990–1998.
Hann var formaður Stúdenta-
félags jafnaðarmanna 1955–1956 og
var í stjórn Félags ungra jafnaðar-
manna og stjórn Alþýðuflokksfélags
Reykjavíkur um skeið. Hann var í
miðstjórn og fram-
kvæmdastjórn Alþýðu-
flokksins 1969–1986.
Hann var í stjórn
Varðbergs, félags
áhugamanna um vest-
ræna samvinnu, 1961–
1964 og formaður
1963–1964. Hann var í
stjórn Samtaka um
vestræna samvinnu
1969–1981, lengst af
varaformaður. Hann
var í stjórn Fiskveiða-
sjóðs Íslands 1969–
1978 og 1980–1982, og
formaður stjórnar
sjóðsins frá 1986.
Björgvin var formaður samninga-
nefndar bankanna í kjaramálum frá
1971. Hann var í bankamálanefnd
1972–1974, í stjórn Iðnþróunarsjóðs
1975–1977, í öryggismálanefnd rík-
isstjórnarinnar 1979–1991, formað-
ur frá 1980, í olíuviðskiptanefnd
1979–1980, formaður stjórnar Út-
flutningslánasjóðs 1979–1989, í
stjórn Sambands íslenskra við-
skiptabanka frá 1986, formaður
1992–1994, í stjórn European Bank-
ers Round Table 1988–1992, for-
maður stjórnar Landsbréfa hf. frá
1989, í stjórn Þróunarfélags Íslands
hf. 1989–1992 og Kreditkorts hf. frá
1990, í bankaráði Scandinavian
Bank í Lundúnum 1989–1990, í
stjórn Hamla hf., Rekstrarfélagsins
hf., Regins hf. og Kirkjusands hf.
frá 1992 og í stjórn Banking Fed-
eration of the European Union frá
1994.
Eftirlifandi eiginkona Björgvins
er Sigurlaug Pétursdóttir. Þau áttu
saman einn son.
BJÖRGVIN
VILMUNDARSON
Andlát
ÁKJÓSANLEGAR aðstæður eru fyrir laxeldi í
Vestmannaeyjum og yrði það mikil lyftistöng fyrir
atvinnulíf og mannlíf í Eyjum, að mati Þorsteins
Sverrissonar, framkvæmdastjóra Þróunarfélags
Vestmannaeyja. Þetta kom fram á ráðstefnu um
málefni fiskeldis á Íslandi, sem haldinn var í gær, í
tengslum við aðalfund Landssambands fiskeldis- og
hafbeitarstöðva.
Að sögn Þorsteins fellur laxeldi vel að atvinnulífi í
Vestmannaeyjum. Þar er sjávarútvegur og fisk-
vinnsla höfuðatvinnuvegurinn og nægar aflaheim-
ildir. Hinsvegar vantar fisk til vinnslu í Eyjum. Þar
er mikið af sérhæfðu fiskvinnslufólki, nægt húsnæði
til vinnslu á fiski og bræðsla til að taka á móti þeim
úrgangi sem til fellur við vinnsluna. Þá er fyrir
hendi fjármagn og áhugi á fiskeldi í Vestmanna-
eyjum, enda gera Eyjamenn sér grein fyrir því að
aukinni fiskvinnslu í eyjunum verður ekki mætt
með auknum veiðum. Þorsteinn benti einnig á að
Vestmannaeyjar lægju vel við samgöngum, þar
væri út- og uppskipunarhöfn millilandaskipa, dag-
legar ferjusiglingar milli Eyja og Þorlákshafnar
vildu menn koma ferskum fiski upp á fastalandið og
áætlunarflug milli Eyja og Reykjavíkur. Eins benti
Þorsteinn á að við Eyjar væri meðalhiti sjávar tölu-
vert hærri en annarsstaðar á Íslandi og því mætti
ætla að þar yrði vaxtarhraði eldislax meiri.
Þorsteinn sagði að áhrifum fiskeldis í Eyjum
mætti líkja við að þangað yrði keyptur frystitogari
með góðan kvóta. Hann sagði að gengju áætlanir
eftir yrði verðmæti afurðanna allt að 900 milljónir
króna á ári. Hann sagði að í kringum fiskeldið
myndi auk þess skapast fjöldi starfa. Í kringum eld-
ið sjálft yrðu til tíu heilsársstörf og tíu til viðbótar á
sláturtíma. Þá væri líklegt að í kringum eldið yrði
stofnað nýtt fyrirtæki og þar yrðu til eitt til tvö
skrifstofustörf. Þannig væru 20 til 22 störf tengd
eldinu.
Þorsteinn sagði erfitt að meta hversu mörg fleiri
störf tengdust fiskeldinu. Enn væri óljóst hversu
mikið hráefnið yrði unnið í Eyjum. Vel mætti hins-
vegar hugsa sér að eldisfiskurinn færi til frekari
vinnslu í Eyjum, svo sem reykingar og frystingar.
Þar yrðu þá einnig til markaðs- og sölustörf. Einnig
yrðu til störf tengd viðhaldi á búnaði, auk þess sem
fyrirtækið myndi nýta ýmsa aðra þjónustu í Eyjum.
Þorsteinn benti á að af fiskeldinu myndu hljótast
miklar tekjur og margfeldisáhrifin væru töluverð.
Hann nefndi sem dæmi leigutekjur af húsnæði und-
ir aðstöðu fyrirtækisins, starfsfólk fengi greidd laun
og bæjarfélagið fengi útsvar af laununum, auk þess
sem verslun og þjónusta nyti góðs af tekjum fyr-
irtækisins. Þannig mætti ætla að launatekjur skil-
uðu sér þrefalt til fjórfalt inn í byggðarlagið.
Landbúnaðarráðherra jákvæður
gagnvart fiskeldi í Eyjum
Guðni Ágústsson landbúnaðarráðherra sagðist á
fundinum jákvæður gagnvart veitingu tímabundins
tilraunaleyfis til fiskeldis í Vestmannaeyjum. Hann
lagði hinsvegar áherslu á að fara yrði varlega í upp-
byggingu fiskeldis hér á landi. „Það kemur ekki til
greina að vera með eldi þar sem veiðiáin kyssir
fjörðinn. Engum er heimilt að gerast svo djarftæk-
ur til íslenskrar náttúru. Við verðum að sameinast
um að byggja upp þekkingu og skilning á áhrifum
sambýlis eldis og villtrar náttúru.“
Guðni sagði að í næstu viku gæfi hann út reglu-
gerð þar sem ákveðin svæði í kringum landið verða
skilgreind sem svæði þar sem kvíaeldi verður ekki
leyft. Þá yrði leyfi til sjókvíaeldis í Berufirði og
Mjóafirði jafnframt veitt.
Fiskeldi skapar tuttugu
störf í Vestmannaeyjum
VIGNIR Bjarnason hampaði kátur ófrýnilegum feng
sínum á bryggjunni í Ólafsvík í fyrradag. Steinbít-
urinn var hins vegar ekki dauður úr öllum æðum og
kom að óvörum með því að gera skyndiáhlaup á
veiðimanninn sem tókst þó að forðast að verða bráð
sinni að bráð.
Morgunblaðið/RAX
Bráðin bítur veiðimanninn
FÓLKSBÍLL fór út af vegin-
um í Skötufirði í Ísafjarðar-
djúpi um hádegi í gær. Bíllinn
fór ofan í fjöru og hafnaði á kafi
í sjónum. Þrjú börn og tveir
fullorðnir voru í bílnum og
komust þau af sjálfsdáðum í
land.
Samkvæmt upplýsingum frá
lögreglunni á Ísafirði voru
meiðsl fólksins lítilsháttar.
Vegfarandi kom að slysstað
skömmu síðar og tilkynnti slys-
ið. Tvær sjúkrabifreiðir voru
sendar á staðinn og fluttu þær
fólkið á Sjúkrahúsið á Ísafirði.
Bíllinn er mikið skemmdur.
Þá skullu tveir malarflutn-
ingabílar saman á vegamótum
Bláfjallavegar og Krísuvíkur-
vegar laust fyrir hádegi í gær.
Voru ökumenn beggja bíla
fluttir á slysadeild. Bílarnir
voru óökufærir eftir árekstur-
inn.
Bíll með
fimm
manns í
sjóinn
INGA Jóna Þórðardóttir, oddviti
sjálfstæðismanna í borgarstjórn
Reykjavíkur, segist fagna öllum þeim
sem leggi borgarstjórnarflokki sjálf-
stæðismanna lið í baráttunni gegn R-
listanum.
Björn Bjarnason menntamálaráð-
herra staðfesti í samtali við Morgun-
blaðið fyrr í vikunni að rætt hefði ver-
ið við hann um að hann veitti lista
sjálfstæðismanna í borgarstjórn
Reykjavíkur forystu í næstu kosning-
um. Hann sagðist hlusta á þessi sjón-
armið en enga afstöðu hafa tekið til
þeirra enda væri það ekki tímabært.
Morgunblaðið leitaði álits
Ingu Jónu á þessum um-
mælum.
„Ég fagna öllum þeim
sem vilja leggjast á árarnar
með okkur til þess að koma
R-listanum frá völdum. Það
sem skiptir mestu máli er
að okkur takist að stilla upp
sigurstranglegum lista því
að framtíðarhagsmunir
Reykvíkinga krefjast þess
að það verði stjórnarskipti
í Reykjavík á næsta vori,“ sagði Inga
Jóna.
„Við höfum verið að vinna
að því innan borgarstjórnar-
flokksins á þessu kjörtíma-
bili að styrkja stöðu okkar
eins og kostur er. Þeirri
vinnu verður haldið áfram,“
sagði Inga Jóna og vildi ekki
tjá sig að öðru leyti um
hugsanlega þátttöku Björns
Bjarnasonar í næstu borg-
arstjórnarkosningum.
Inga Jóna er núna á
ferðalagi erlendis og sagð-
ist ekki ætla að ræða þetta mál frekar
við fjölmiðla á næstunni.
Inga Jóna Þórðardóttir um hugsanlegt framboð Björns Bjarnasonar
Inga Jóna
Þórðardóttir
Fagnar öllum nýj-
um liðsmönnum