Morgunblaðið - 24.02.2001, Blaðsíða 23

VIÐSKIPTI
MORGUNBLAÐIÐ LAUGARDAGUR 24. FEBRÚAR 2001 23
AUGLÝSING Húsasmiðjunnar hf.,
„Lifa, elska, óska, fá“, sem unnin var
af Íslensku auglýsingastofunni og
Hugsjón, hlaut þrenn verðlaun á Ís-
lenska markaðsdeginum sem Ímark,
í samstarfi við Samband íslenskra
auglýsingastofa, hélt í Háskólabíói í
gær. Þar voru veitt verðlaun fyrir
athyglisverðustu auglýsingar ársins
2000. Þetta var eina auglýsingin sem
hreppti verðlaun í fleiri en einum
flokki en alls voru veitt verðlaun í 12
flokkum. Auglýsing Húsasmiðj-
unnar sigraði í flokki kvikmyndaðra
auglýsinga, auglýsingaherferða og
veggspjalda.
Íslenska auglýsingastofan og
Hvíta húsið hrepptu hvor um sig
þrenn verðlaun fyrir auglýs-
ingagerð.
Hvíta húsið og Delta hlutu verð-
laun í flokki dagblaðaauglýsinga.
Auglýsingin „Mamma“ sigraði í
flokki útvarpsauglýsinga en fram-
leiðendur hennar voru útvarpssvið
Norðurljósa og Hvati en auglýs-
endur voru Ingvar Helgason og
FM957. Auglýsing Fíton „Skafið
hér“ þótti athyglisverðasta tímarita-
auglýsingin en Fíton sigraði einnig
sem framleiðandi kynningarefnis
annars en markpósts fyrir „Veidd-
irðu eitthvað, elskan?“ sem framleitt
var fyrir Aco.
„Nýtt útlit Stöðvar 2“ þótti at-
hyglisverðasta umhverfisgrafíkin en
hún var unnin af Hvíta húsinu. Vef-
ur auglýsingastofunnar Gott fólk-
McCann Ericsson sigraði í flokknum
vefir fyrirtækja og var hann fram-
leiddur af auglýsingastofunni sjálfri.
Athyglisverðasta vöru- og firma-
merkið þótti vera „Þú færð meira á
xy.is“ sem unnið var af Hvíta húsinu
fyrir Íslandsbanka.
„Pútta pútta pútt“ var valinn at-
hyglisverðasti markpósturinn og
var hann unninn fyrir Vátrygginga-
félag Íslands af Góðu fólki-McCann
Ericsson. Loks þótti óvenjulegasta
auglýsingin vera „Áttu erfitt með að
sofna?“ sem unnin var af presti
Óháða safnaðarins fyrir Óháða söfn-
uðinn.
Athyglisverðustu auglýsingar ársins 2000
Húsasmiðjan sigursæl
Morgunblaðið/Árni Sæberg
Björn Aðalsteinsson, forstöðumaður markaðssviðs Delta, tók við verðlaunum í flokki dagblaðaauglýsinga úr hendi
Margrétar Kr. Sigurðardóttur, markaðsstjóra Morgunblaðsins, en auglýsingin var unnin af Hvíta húsinu.
LYFJAVERSLUN Íslands hf.
og Thorarensen Lyf hf. hafa
undanfarna daga rætt um sam-
einingu félaganna. Samkvæmt
fréttatilkynningu eru viðræð-
urnar nú á lokastigi og er stefnt
að því við sameininguna að
Thorarensen Lyf verði rekin
sem sjálfstæð eining innan
félagasamstæðu Lyfjaverslun-
ar Íslands.
Áætluð velta sameinaðs
félags á yfirstandandi ári er ríf-
lega 6 milljarðar króna.
Í fréttatilkynningu segir að
stefnt sé að því að samkomulag
stjórna beggja félaga liggi fyrir
á næstu dögum. Milligöngu um
viðræðurnar höfðu MP verð-
bréf og Fjármálaráðgjöf
Landsbanka Íslands.
Thorarensen Lyf höfðu ný-
lega í hyggju að sameinast
Austurbakka hf. og áttu í samn-
ingaviðræðum þar um í des-
ember síðastliðnum og yfir ára-
mótin. Af þeim samruna varð
ekki og viðræðunum var slitið
8. janúar. Áætluð vörusala
Thorarensen Lyfja og sam-
stæðufélaga þeirra var á síð-
asta ári tæpir 2,3 milljarðar
króna án virðisaukaskatts.
Samstæðufélögin eru Lyfja-
dreifing og J.S. Helgason.
Lyfjaverslun Íslands keypti í
desember síðastliðnum allt
hlutafé í umboðs- og heildversl-
uninni A. Karlssyni hf. Áætluð
velta Lyfjaverslunar Íslands
eftir þennan samruna er rúm-
lega 3,1 milljarður króna.
Lyfjaverslun Íslands er
skráð á Verðbréfaþingi Íslands
og hækkaði í gær um 4,1% í sjö
viðskiptum sem námu saman-
lagt tveimur milljónum króna.
Gengi félagsins nú er 5,10.
Lyfjaverslun Íslands
og Thorarensen Lyf
Samruni
á lyfja-
markaði
ÍSLANDSBANKI-FBA hf. áformar
að sameina þrjú dótturfélög sín bank-
anum. Þetta eru félögin VÍB hf., Tal-
enta hf. og FBA-ráðgjöf hf., sem hafa
hingað til verið rekin sem sjálfstæð
dótturfélög en verða eftir sameiningu
sérstök afkomusvið innan bankans.
„Þessi breyting er fyrst og fremst
gerð í hagræðingarskyni,“ segir Val-
ur Valsson, forstjóri Íslandsbanka-
FBA, „en áður fyrr var lagaleg skylda
að félög eins og VÍB væru í sérstök-
um hlutafélögum. Sú skylda var af-
numin með lögum fyrir nokkrum ár-
um. Það sem við erum að gera núna er
fyrst og fremst að breyta forminu og
við getum sparað okkur töluvert fé
með þeim hætti. Þar að auki verður
þessi sameining til að einfalda stjórn-
un og skipulag og samræma skipulag
öðrum afkomueiningum sem ekki eru
sérstök dótturfélög.
Breytingin leiðir ekki af sér neinar
aðrar breytingar á rekstri eða sam-
skiptum við viðskiptavini.“
Valur segir formbreytinguna engu
breyta um fjölda starfsmanna, en
lækkun kostnaðar náist með ýmsu
öðru móti, til að mynda muni eftir
hana ekki þurfa að greiða tvöföld
gjöld til Verðbréfaþings og Fjármála-
eftirlits.
Í fréttatilkynningu frá bankanum
segir að samþykkis Fjármálaeftirlits-
ins verði leitað áður en breytingin
tekur gildi og komi ekki fram athuga-
semdir sé stefnt að því að hún komi til
framkvæmda í vor.
Þrjú dótt-
urfélög
sameinast
Íslands-
banka-FBA