Morgunblaðið - 20.03.2001, Blaðsíða 16

LANDIÐ
16 ÞRIÐJUDAGUR 20. MARS 2001 MORGUNBLAÐIÐ
Geitagerði - Aðalfundur hluta-
félagsins Barra h.f., fyrir starfsárið
2000-2001, var haldinn í Valaskjálf á
Egilsstöðum 8. mars sl. Eins og
kunnugt er rekur félagið plöntuupp-
eldisstöð á Egilsstöðum og starfs-
árið 1999-2000 rak það einnig gróðr-
arstöðina í Fossvogi í Reykjavík.
Fram kom í skýrslu stjórnar, að
samkvæmt reikningsuppgjöri var
tap á rekstri félagsins um 5 millj-
ónir króna og er það nokkuð verri
staða en fjárhagsáætlun gerði ráð
fyrir. Helstu ástæður fyrir tapinu
eru þessar: Í fyrsta lagi var gert ráð
fyrir að hætta öllum rekstri gróðr-
arstöðvar í Fossvogi sl. sumar en
nauðsynlegt reyndist að vera með
starfsemi þar til októberloka.
Ástæða þess er sá dráttur sem varð
á sölu birgða til Reykjavíkurborgar
og yfirtöku borgarinnar á rekstri
stöðvarinnar. Launakostnaður og
annar rekstrarkostnaður þar varð
því nokkru hærri en ráð var fyrir
gert.
Í öðru lagi reyndist ekki unnt að
ganga frá sölu á plöntulager og
rekstrarvörum Fossvogsstöðvar á
fjárhagsárinu, eins og vonir stóðu
til. Gengið var frá þessari sölu í des-
ember og keypti Reykjavíkurborg
birgðirnar en Ræktunarstöð borg-
arinnar hefur nú yfirtekið gróðrar-
stöðina í Fossvogi.
Í þriðja lagi reyndist plöntusala í
Fossvogi undir vonum og munar
þar mestu að sala á vegum Blóma-
vals var minni en áætlað var.
Vænst betri afkomu næstu árin
Á síðustu fjárlögum ríkisins
(2001) hefur auknu fjármagni verið
varið til skógræktar. Framlög hafa
hækkað til Héraðsskóga og einnig
til nýrra landshlutabundinna skóg-
ræktarverkefna. Vænst er því mun
betri afkomu félagsins á næstu ár-
um. Þannig er gert ráð fyrir að
hagnaður yfirstandandi árs verði
um 4 milljónir króna. Eigið fé hluta-
félagsins er bókfært á 49.559.000
kr., sem er lækkun um 3.235.000 kr.
frá sl. ári. Greiðslustaða félagsins
var erfið á síðasta ári en eftir sölu
eignanna í Fossvogi hefur hún verið
góð og er reiknað með að svo verði
út þetta ár.
Um þessar mundir er verið að
ganga frá ræktunarsamningum
vegna framleiðslu ársins 2001. Gert
er ráð fyrir að plöntusala til Hér-
aðsskóga aukist úr 1.110.000
plöntum í 1.280.000 plöntur; auk
þess verða framleiddar 350.000
plöntur fyrir nýstofnaða Austur-
landsskóga og fleiri aðila, svo sem
Landgræðsluna. Árið 2000 voru af-
hentar samtals 1.608.000 plöntur frá
uppeldisstöð Barra á Egilsstöðum,
sem er svipað magn og 1998 en
nokkru minna en árið 1999. Skipt-
ing milli tegunda er þannig, að
rússalerki er í fyrsta sæti, eða 41%
af framleiðslunni, þá birki, greni,
stafafura og nokkrar aðrar tegundir
í minna mæli. Eins og áður voru
Héraðsskógar langstærsti kaupandi
skógarplantna, eða með 1.090.000
plöntur. Aðrir helstu kaupendur
voru Aldamótaskógar, Skógrækt
ríkisins og Landgræðsluskógar.
Sumarið 2000 var sáð tvisvar í
gróðurhúsið á Egilsstöðum, alls í
43.000 bakka, eða samtals 2.191.000
hólf. Áætlað er að framleiðslan hafi
skilað um 1.554.000 plöntum, sem er
rúmlega 70% nýting. Framleiðslu-
geta gróðurhússins er um 46 þús-
und bakkar á ári, miðað við að sáð
sé tvisvar.
Barri hf hefur gegnum árin verið
með plöntur í háum gæðaflokki,
enda hefur stöðin á að skipa traustu
og vel þjálfuðu starfsfólki. Fram-
kvæmdastjóri er sem fyrr Jón
Kristófer Arnarson en stjórnarfor-
maður Hilmar Gunnlaugsson.
Aðalfundur Barra hf. á Egilsstöðum
Fimm milljóna
króna rekstrartap
Morgunblaðið/Guttormur V. Þormar
Starfsfólk Barra við grisjun og eftirlit plantna í gróðurhúsi félagsins.
Borgarnesi - Framkvæmdanefnd
félagsmiðstöðvar fyrir „eldri ung-
linga“ í Borgarnesi veitti 50.000
krónum viðtöku frá Lionsklúbbnum
Öglu. Lionsklúbburinn gefur pen-
ingana til kaupa á PlayStation-
leikjatölvu og leikjum eins og
krakkarnir hafa sjálfir ákveðið.
Félagsmiðstöðin hefur verið
starfrækt af fullum krafti í vetur og
er opið tvö kvöld í viku frá 20–23 og
miðast aldurinn við 16–20 ára.
Þarna hittast krakkarnir, drekka
kaffi eða kók, lesa, læra, horfa á
sjónvarp, spila biljarð, hlusta á tón-
list eða spjalla saman. Algjört reyk-
bann er í félagsmiðstöðinni og öll
meðferð áfengis að sjálfsögðu bönn-
uð. Ekki er enn komið nafn á stað-
inn en unglingarnir kalla hann sín á
milli ,,Veigar“. Staðurinn er ágæt-
lega sóttur, segir framkvæmda-
nefndin að um 12 til 15 krakkar
komi á kvöldi og í verkfallinu litu
enn fleiri inn. Þegar eitthvað sér-
stakt er um að vera eins og t.d.
karaókí eru send sms-skilaboð til
um 60 til 70 krakka og þeir látnir
vita. Þegar félagsmiðstöðin var
formlega opnuð síðastliðið sumar
lagði bærinn til tvær milljónir í
verkefnið. Krakkarnir unnu sjálfir
við að mála og standsetja og reyndu
að kaupa húsgögn af hagsýni. Kaup-
félag Borgfirðinga gaf 50.000 kr. til
kaupa á sjónvarpstæki og ýmislegt
hefur sankast að staðnum. Fram-
kvæmdanefndin segist afar ánægð
með árangurinn og bjóst ekki við að
þetta yrði eins fínt og raun ber vitni.
Ætla að kaupa leikjatölvu
Ólafsvík - Föstudaginn 16. mars fór
fram formleg opnun heimasíðu
Grunnskólans í Ólafsvík. Athöfnin
fór fram í hátíðarsal skólans að við-
stöddum nemendum og starfsfólki
ásamt gestum. Sigurlaug Jensey
Skúladóttir, tölvukennari við skól-
ann, hefur haft veg og vanda af gerð
síðunnar og hóf undirbúninginn síð-
astliðið haust.
Útkoman er lifandi og litrík síða
þar sem hægt er að kynna sér flest
allt sem viðkemur skólanum og
skólastarfinu og skoða fjölda ljós-
mynda. Þar má m.a. finna helstu
upplýsingar, fréttabréf, bekkjavefi,
skóladagatal, fræðast um sögu skól-
ans og kynna sér skipulag og verk-
efni sem eru á döfinni. Að sögn
Sveins Þórs Elinbergssonar skóla-
stjóra er stefnt að því að heimasíðan
verði vettvangur gagnvirkra sam-
skipta heimilanna og skólans og er
ýmislegt í smíðum þar að lútandi, má
þar nefna nýja skólanámskrá skólans
sem birt verður á síðunni. Þá er ætl-
unin að bæta og auka við síðuna jafnt
og þétt og uppfæra hana reglulega.
Grunnskóli Ólafsvíkur var tölvu-
væddur fyrir nokkrum misserum og
hófst þá markviss tölvukennsla með
tilheyrandi búnaði. Heimasíðan er
liður í sérstakri „sóknaráætlun“
skólans og eru í sjónmáli nýir áfang-
ar í tækjavæðingu og verkefnum
tengdum tölvusamskiptum. Nú þeg-
ar hefur skólinn hafið samstarf við
grunnskóla í Suðvestur-Frakklandi
þar sem lögð er áhersla á samskipti
og samvinnu nemenda og kennara í
gegnum tölvu. Þá er skólinn einnig
þátttakandi í samstarfsverkefni evr-
ópskra skóla eða „Comenius-áætlun-
inni“ sem er liður í Sókrates-áætlun
Evrópusambandsins. Þar er miðað
að auknu samstarfi, samskiptum og
kynnum kennara og nemenda í
grunn- og framhaldsskólum í Evr-
ópu. Slóð heimasíðu Grunnskólans í
Ólafsvík er http://olafsvikurskoli.is-
mennt.is.
Grunnskólinn með heimasíðu
Morgunblaðið/Elín Una Jónsdóttir
Sveinn Þór Elinbergsson skólastjóri þakkar Sigurlaugu Jensey Skúla-
dóttur vefara ötult starf við uppsetningu heimasíðunnar.
Norður-Héraði - Afkomendur Ingi-
bjargar Jónsdótttur, sem var gift
Aðalsteini Jónssyni og bjó á Vað-
brekku í Hrafnkelsdal í fimmtíu ár,
héldu upp á að hundrað ár voru liðin
frá fæðingu hennar 10. mars síðast-
liðinn.
Haldið var upp á afmælið á þrem-
ur stöðum á landinu og sóttu um 130
afkomendur hennar og makar þeirra
þessa afmælisveislu. Afkomendurnir
hittust í Golfskálanum á Ekkjufelli í
Fellabæ, Félagsheimili Þórs, Hamri,
á Akureyri og í heimahúsi í Graf-
arvogi í Reykjavík.
Ingibjörg var gift Aðalsteini Jóns-
syni í rúm sextíu ár þar til hann lést
árið 1983, þar af bjuggu þau á Vað-
brekku í fimmtíu ár frá því þau giftu
sig árið 1922.
Ingibjörg lést fyrir fjórtán árum
árið 1987, áttatíu og sex ára að aldri.
Afkomendur Ingibjargar og Aðal-
steins eru nú orðnir nær 160.
Morgunblaðið/Sigurður Aðalsteinsson
Barnabarnabörn Ingibjargar Jónsdóttur frá Vaðbrekku sungu henni til
heiðurs í afmælisveislunni á Ekkjufelli þegar hundrað ár voru liðin frá
fæðingu hennar.
Hundrað ár
frá fæðingu
Ingibjargar
Jónsdóttur
Mývatnssveit - Hún hefur lengi beð-
ið við þjóðveginn hjá Neslandavík
eftir karli sínum, kerlingin í Kross-
hól, og hann bíður hennar hinum
megin víkurinnar karlinn á Tanga
og hvorugt nálgast hitt. Trúlega er
kerlingin gostappi úr gervigígnum
Krosshól sem vatnið hefur sorfið í
aldanna rás og nagað meira en til
hálfs. Karlinn er lítilfjörlegur og
engin von til að 5 metra há kerl-
ingin þýðist hann.
Morgunblaðið/BFH
Kerlingin í Krosshól