Morgunblaðið - 20.03.2001, Blaðsíða 4

FRÉTTIR
4 ÞRIÐJUDAGUR 20. MARS 2001 MORGUNBLAÐIÐ
Til sölu VW Golf GTi Turbo
5 dyra, nýskráður 09,09,1999,
svartur, ekinn 19,000 km, 17
tommu, felgur, spoiler, topplúga.
Ásett verð 1.790.000
Morgunblaðið/Brynjar Gauti
Vetri fagnað
í Bláfjöllum
ÁÆTLAÐ er að um 2000 manns
hafi komið í Bláfjöll síðastliðna
helgi eftir langvarandi lokun í vet-
ur vegna snjóleysis. Þetta var
fyrsta helgin sem hægt var að hafa
opið í Bláfjöllum síðan í janúar og
var fögnuður skíðafólks mikill, sér-
staklega á sunnudag. Sjö lyftur
voru í gangi og var veður og færi
gott. Útlit er fyrir að bæti í snjóinn í
vikunni svo segja má að veturinn sé
loks kominn í Bláfjöll. Að sögn
Grétars Þórissonar, rekstrarstjóra
skíðasvæðisins, hafa snjóflutningar
í byrjendabrekkuna fyrir ofan
skíðaskálann haft góð áhrif á að-
sókn.
ÍBÚÐ í Jörfabakka 6 í Reykjavík er
mikið skemmd eftir eldsvoða á
sunnudag. Maður og ungur drengur
voru í íbúðinni þegar eldurinn braust
út en þeir komust báðir ómeiddir út.
Átta voru fluttir á slysadeild
Landspítala – háskólasjúkrahúss
vegna gruns um reykeitrun en fengu
flestir að fara heim að rannsókn lok-
inni. Þrír voru þó látnir gista á spít-
alanum en fengu að fara heim um há-
degið í gær.
Slökkviliði höfuðborgarsvæðisins
barst tilkynning um eldinn kl. 16.37.
Þegar slökkviliðið kom að húsinu
logaði eldur út um glugga á 2. hæð.
Áður hafði lögreglunni tekist að
bjarga fimm manns, þar af einu ung-
barni af svölum á 3. hæð með því að
brjóta niður skilrúm á milli svala.
Reykkafarar slökkviliðsins björguðu
síðan tveimur til viðbótar úr húsinu
og einum af svölum.
Bergur Guðbjörnsson var að líta
eftir ungum dreng í íbúð á 2. hæð, við
hliðina á þeirri sem kviknaði í þegar
bankað var harkalega á dyrnar. „Ég
lít fram á stigagang og sé þar mann-
inn sem býr í íbúðinni [sem kviknaði
í] vera að berja á dyr og það var
kominn talsverður reykur í stiga-
ganginn,“ sagði Bergur í samtali við
Morgunblaðið.
Kolsvartur reykur og mikill hiti
„Ég gríp strax guttann og hleyp
með hann út á stétt. Ég gleymdi nú
alveg að setja hann í skó og úlpu,“
sagði Bergur. Hann fór aftur inn í
húsið og hringdi á slökkviliðið. Eig-
andi íbúaðarinnar var þá kominn
með slökkvitæki í hendurnar en átti í
nokkrum erfiðleikum með að fá það
til að virka. „Ég tók það af honum og
ætlaði að hlaupa inn í íbúðina til
hans. Þá kemur kolsvartur reykur á
móti mér og þvílíkur hiti þannig að
hárið á mér sviðnaði um leið,“ segir
Bergur. „Ég gusaði smávegis úr
tækinu en henti því síðan inn í íbúð-
ina og lokaði þar sem ljóst var að
vonlaust yrði að ráða við eldinn.“
Bjarni Ólafur Marínósson býr
ásamt Tinnu Tómasdóttur, unnustu
sinni, í íbúð sem er beint fyrir ofan
þá sem kviknaði í. Þau urðu vör við
eldinn þar sem þau sátu í stofunni. Í
samtali við Morgunblaðið í gær sagði
Bjarni Ólafur að þykkur, svartur
reykur hefði mætt þeim þegar þau
opnuðu dyr fram á stigagang og því
augljóst að þau kæmust ekki þar út.
Þau hringdu því næst á slökkvilið
sem ráðlagði þeim að fara út á svalir.
Það reyndist ómögulegt þar sem
svalirnar voru einnig á kafi í reyk.
Þau fóru þá inn í eldhús og settu
blautar tuskur fyrir vit sín en tals-
verður reykur barst inn í íbúðina.
Þar biðu þau þar til reykkafari
náði í þau þegar tekist hafði að
slökkva eldinn. Bjarni Ólafur og
Tinna voru flutt á slysadeild en
fengu að fara heim að rannsókn lok-
inni.
Jóhann Hjalti Þorsteinsson hafði
lagt sig í íbúð sinni á 3. hæð en vakn-
aði við ónot af völdum reyks, að hann
telur um stundarfjórðungi eftir að
eldsins varð vart. Þá var stigagang-
urinn orðinn mettaður af reyk. Hann
fór því út á svalir og beið þess að
slökkviliðsmenn kæmu með stiga.
Rafhlöður í reykskynjara í íbúð
hans höfðu klárast á laugardag og
átti hann eftir að kaupa nýjar. „Þetta
er eitthvað sem maður passar sig á í
framtíðinni,“ sagði Jóhann Hjalti.
Miklar skemmdir urðu á íbúðinni
sem kviknaði í bæði af völdum elds
og reyks. Þá urðu miklar reyk-
skemmdir á stigagangi. Reyk-
skemmdir urðu einnig í öðrum íbúð-
um hússins.
Lögreglan í Reykjavík kannar
eldsupptök.
Miklar skemmdir í eldsvoða í fjölbýlishúsi við Jörfabakka í Reykjavík
Kolsvartur
reykur í stiga-
gangi varnaði
fólki útgöngu
Ljósmynd/Ingvar Guðmundsson
Reykkafarar frá slökkviliðinu sjást hér fara inn í íbúðina.
Hröfnum
fer fækk-
andi
RANNSÓKNIR á hröfnum í Þing-
eyjarsýslum hafa sýnt fram á stöðuga
fækkun hrafna frá því að farið var að
fylgjast með stofninum árið 1981. Þar
hefur varpfuglum fækkað um 31% frá
árinu 1981. Einnig eru sterkar vís-
bendingar um fækkun hrafna annars
staðar á landinu, svo sem við Breiða-
fjörð og í grennd við Reykjavík. Þetta
kemur fram í svari umhverfisráð-
herra við fyrirspurn Árna Gunnars-
sonar, varaþingmanns Framsóknar-
flokksins, um íslenska hrafninn.
Í svarinu kemur fram að líklegt
megi telja að hröfnum hafi fækkað
víðar á landinu, þótt ekki séu til
óyggjandi gögn um það.
„Hrafninn getur verið skæður
eggja- og ungaræningi og veldur
stundum miklum usla og jafnvel fjár-
hagslegu tjóni í þéttum fuglabyggð-
um eins og æðarvörpum. Því er
stundum haldið fram að fækkun
hrafna mundi leiða til fjölgunar þeirra
tegunda sem hann sækir mest í,“ seg-
ir enn fremur í svari ráðherra.Þar
kemur einnig fram að hér á landi hafi
ekki verið sýnt fram á að fækkun
hrafna geti haft áhrif á aðra stofna í
lífríkinu. Víðtækasta tilraun sem gerð
hefur verið hér á landi til þess að hafa
áhrif á viðkomu tiltekins dýrastofns
með því að fækka óvinum hans var
gerð við Breiðafjörð um 1890. Þar var
stofnað Æðarræktarfélag (svokallað
Vargafélag) sem varði miklu fé og
fyrirhöfn til þess að fækka örnum,
hröfnum, fálkum og ýmsum öðrum
fuglategundum sem æðarbændum
var illa við. Nákvæm skráning var
gerð á þessu fugladrápi, svo og af-
komu æðarvarps á svæðinu.
Að sögn forsvarsmanna þessara
aðgerða var hrafni nær gjöreytt á
stórum svæðum með eitri eða skot-
veiðum. Þrátt fyrir það fjölgaði æð-
arfugli ekki og sums staðar fækkaði
honum jafnvel. Það er því ekki einfalt
samband milli afráns hrafna og stofn-
stærðar viðkomandi tegundar, sam-
kvæmt svari umhverfisráðherra.
RAFMAGNSLAUST varð í fyrrinótt
skömmu fyrir ellefu að kvöldi í vest-
urbæ Reykjavíkur, norðan Hring-
brautar, eftir bilun í rafstreng. Sam-
kvæmt upplýsingum frá Orkuveitu
Reykjavíkur varð bilunin um klukkan
22:45 en rafmagn var komið á aftur
tæpri klukkustund síðar eða klukkan
23:32. Bilunin orsakaðist af skamm-
hlaupi í jarðstreng sem varð til þess
að rofar í spennustöðvum leiddu út.
Starfsmenn Orkuveitunnar fóru
þegar af stað til að finna bilunina, ein-
öngruðu hana og komu rafmagni á til
bráðabirgða eftir öðrum leiðum. Raf-
magnsleysið var á mjög afmörkuðu
svæði og ekki mörg heimili sem
fundu fyrir orkuleysinu.
Sams konar bilun orsakaði einnig
rafmagnsleysi í hluta Garðabæjar á
laugardagskvöld frá klukkan 22:53 til
23:53. Skýring á biluninni er ekki
kunn en niðurgrafnir rafstrengir
verða oft fyrir hnjaski þegar rask
verður á jarðvegi, t.d. þegar verið er
að endurnýja götur og lagnir. Eins
má eiga von á bilunum þegar strengir
eru orðnir gamlir.
Rafmagnslaust í
vesturbæ og Garðabæ
HEIMASÍÐA Hæstaréttar var
heimsótt um 370.000 sinnum á síðasta
ári. Í ársskýrslu réttarins segir að síð-
unni hafi verið vel tekið bæði af lög-
fræðingum og öðrum. Síðan hafi bætt
aðgengi almennings að dómum og
stuðlað að aukinni umræðu um dóms-
mál í þjóðfélaginu. Stefnt að því að
hefja birtingu á völdum ákvörðunum
réttarins, t.d. hvað varðar endurupp-
töku mála.
Í skýrslunni kemur fram að heild-
arfjöldi áfrýjaðra einkamála var 200.
Hæstiréttur staðfesti niðurstöðu hér-
aðsdóms í 102 málum. Í 30 málum var
niðurstöðu héraðsdóms breytt að ein-
hverju leyti og í 53 málum var nið-
urstöðu héraðsdóms breytt að veru-
legu leyti eða snúið við. Í 15 tilvikum
var málum vísað frá, þau felld niður
eða héraðsdómur ómerktur.
Dómum í 54 opinberum málum var
áfrýjað á árinu 2000. Niðurstaða hér-
aðsdóms var staðfest í 27 tilvikum.
Henni var breytt að einhverju leyti í
13 málum en þar eru taldar með
breytingar á refsingum. Í 12 málum
var niðurstöðu héraðsdóms breytt að
verulegu leyti eða snúið við.
Þann 31. desember átti Hæstirétt-
ur eftir að dæma í 103 málum sem
áfrýjað hafði verið til réttarins fyrir
árslok 2000 sem er svipað og á síðustu
tveimur árum. Hæstiréttur lauk með-
ferð 419 mála á árinu sem er nokkur
fækkun frá fyrra ári.
Í ársskýrslunni kemur fram að
heildarfjöldi mála sem bárust Hæsta-
rétti árið 2000 er nokkuð lægri en árið
á undan. „Skýrist þettaað hluta til af
fækkun kæra í tengslum við rekstur
opinberra mála en slíkum kærum
fjölgaði mjög á árinu 1999 í tengslum
við viðamiklar rannsóknir lögreglu á
því ári, auk þess sem nokkur óvissa
var þá uppi um rétt verjanda sak-
bornings til aðgangs að sakargögn-
um,“ segir enn fremur í skýrslunni.
Ársskýrsla Hæstaréttar fyrir árið 2000
Heimasíða Hæstaréttar fékk
370 þúsund heimsóknir