Morgunblaðið - 04.04.2001, Blaðsíða 12
FRÉTTIR
12 MIÐVIKUDAGUR 4. APRÍL 2001 MORGUNBLAÐIÐ
DAVÍÐ Oddsson forsætisráð-
herra hefur hafnað beiðni formanna
stjórnarandstöðuflokkanna þriggja
um að fá aðgang að minnisblaði til
starfsnefndar ríkisstjórnarinnar í
öryrkjamálinu.
Fram kemur í svari forsætisráð-
herra að minnisblaðið var undirbúið
fyrir ríkisstjórnina og sérstaklega
tekið saman fyrir fund hennar um
málið. Alþingi hafi bæði með stjórn-
sýslulögum og upplýsingalögum tal-
ið ástæðu til að verja gögn sem sér-
staklega eru tekin saman fyrir slíka
fundi aðgangi annarra. Auk þess
hafi forsætisráðuneytið þegar synj-
að beiðni sem borin var fram á
grundvelli upplýsingalaga um að-
gang að umræddu minnisblaði á
grundvelli heimildar til að und-
anþiggja aðgangi gögn sem tekin
hafa verið saman fyrir fund rík-
isstjórnarinnar. Sú ákvörðun hafi
verið kærð til sjálfstæðrar og óháðr-
ar úrskurðarnefndar um upplýs-
ingamál og hún staðfest hana.
STJÓRNARANDSTAÐAN hefur
gagnrýnt þetta svar forsætisráð-
herra harðlega og sagði Stein-
grímur J. Sigfússon, formaður
Vinstri grænna, m.a. að synjun
svars á efnislegri og skýrri fyrir-
spurn frá þingmönnum um tiltekið
opinbert málefni væri mjög alvar-
legur atburður. Réttur þingmanna
til að krefjast upplýsinga sé, eða hið
minnsta eigi, að vera mjög sterkur
og skylda ráðherra til að svara fyr-
irspurn, sem hefur á annað borð
verið leyfð á Alþingi, sé ótvíræð.
„Láti menn sér detta í hug eitt
andartak að slíkri beiðni væri hafn-
að í þjóðþingunum í kringum okkur
þar sem alsiða er að þingnefndir
hlutist til um rannsókn mála og hafa
algjörlega ótakmarkaðan rétt til
þess að draga fram allar þær upp-
lýsingar sem þær vilja. Séu þær svo
hernaðarlega mikilvægar að þær
gætu skaðað hagsmuni ríkisins út á
við geta ráðherrar gert aðvart um
og óskað eftir því að farið verði
leynt með upplýsingarnar. En þing-
menn eiga eftir sem áður rétt á því
að fá þær í sínar hendur,“ sagði
Steingrímur m.a.
DRÍFA Hjartardóttir, Sjálfstæð-
isflokki, hefur í félagi við þrettán
samflokksmenn sína og einn þing-
mann Framsóknarflokksins, lagt
fram frumvarp til laga um breyt-
ingu á lögum um tekjuskatt og eign-
arskatt að heimilaður verði frá-
dráttur á mótteknum arði frá
veiðifélögum.
Fram kemur í greinargerð að í
framkvæmd hafi verið mismunur á
skattlagningu eftir því hvort jarð-
areigandi telst stunda atvinnurekst-
ur á þeirri jörð er veiðihlunnindi
fylgja. Einstaklingar í rekstri hafi
þannig greitt tekjuskatt af slíkum
tekjum, en aðrir jarðareigendur,
sem talist hafa utan rekstrar, hafi
greitt 10% fjármagnstekjuskatt.
Með frumvarpinu sé leitast við að
jafnan þennan mismun.
GUÐMUNDUR Hallvarðsson,
Sjálfstæðisflokki, er fyrsti flutnings-
maður tillögu til þingsályktunar um
nýja námsbraut við Sjómannaskóla
Íslands. Í tillögunni felst að mögu-
leikar verði kannaðir á að stofna til
viðbótarnáms (námskeiðs) sem lýtur
að störfum skipstjórnarmanna á
skemmtiferðaskipum. Námið verði
með alþjóðlegu sniði, kennsla fari
fram á ensku en tímalengd og um-
fang námsins ráðist af þeim kröfum
sem gerðar eru í dag til öryggis og
rekstrar skemmtiferðaskipa.
BREYTING verður gerð á
kirkjuskipan ríkisins samkvæmt
frumvarpi til laga frá þeim Guðjóni
A. Kristjánssyni, Árna Steinari Jó-
hannssyni og Sverri Hermannssyni,
samþykkt á Alþingi. Frumvarp
þeirra felur í sér að öllum trú-
félögum skuli gert jafnhátt undir
höfði og í samræmi við það skuli
stefnt að aðskilnaði ríkis og hinnar
evangelísku lútersku kirkju.
Í greinargerð með frumvarpinu
er fullyrt að tengsl þjóðkirkjunnar
við fólkið í landinu hafi slævst. Til
marks um það hafi verið kristnihá-
tíð á Þingvöllum síðastliðið sumar
sem almenningur hafi sýnt mikið
tómlæti.
105. fundur hefst í Alþingi í
dag, miðvikudag, 4. apríl kl.
13:30.
Á dagskrá fundarins er at-
kvæðagreiðsla um alls tuttugu
og tvö mál.
106. fundur hefst strax á
eftir atkvæðagreiðslunni, en
þá verða á dagskrá fyrir-
spurnir til ráðherra.
STEINGRÍMUR J. Sigfússon og
Ögmundur Jónasson, Vinstri hreyf-
ingunni – grænu framboði, hafa lagt
fram tillögu til þingsályktunar um
endurskoðun á starfsemi og stöðu
Þjóðhagsstofnunar.
Í nefndinni skulu sitja fulltrúar
allra þingflokka, einn fulltrúi til-
nefndur af starfsmönnum Þjóðhags-
stofnunar og einn fulltrúi forsæt-
isráðuneytis og skal hann jafnframt
vera formaður. Verkefni nefndar-
innar verði, auk almennrar úttekt-
ar, að skoða verkaskiptingu milli
Þjóðhagsstofnunar og annarra aðila
sem vinna að einhverju leyti að
svipuðum verkefnum og meta kosti
þess að Þjóðhagsstofnun verði færð
undir Alþingi. Nefndin skili niður-
stöðum sínum í skýrslu til Alþingis
og kostnaður við störf hennar greið-
ist úr ríkissjóði.
Í greinargerð með tillögunni seg-
ir að sú hugsun sé ekki ný af nálinni
að hin opinbera stofnun, sem hafi
það meginhlutverk að annast mat á
þjóðhagshorfum, safna, vinna með
og birta upplýsingar um ýmis þjóð-
hagsmál efni sem liggja utan
ramma hinnar sígildu skráningar
hagskýrslna, þurfi að geta starfað
óháð framkvæmdavaldinu, hags-
munaaðilum, fyrirtækjum og öðrum
stofnunum á sama sviði. Þannig hafi
Kristinn H. Gunnarsson og fleiri
lagt fram frumvarp fyrir fjórum ár-
um um að flytja Þjóðhagsstofnun til
Alþingis og oft og iðulega hafi verið
rætt um að efla óháða starfsemi á
vegum Alþingis á þessu sviði.
Gæti orðið Alþingi til styrktar
„Breyting á stjórnsýslulegri
stöðu Þjóðhagsstofnunar af því tagi
sem gert er ráð fyrir samkvæmt til-
lögunni að verði skoðuð mundi
styrkja stofnunina sem óháða fag-
stofnun, sjálfstæða gagnvart fram-
kvæmdavaldinu. Mikilvægt er að
stofnun, sem hefur það með hönd-
um að meta stöðu og horfur í þjóð-
arbúskapnum, hafi svigrúm til að
miðla hlutlægum upplýsingum í hví-
vetna og njóti sem slík almenns
trausts í þjóðfélaginu. Ljóst er að
slík stofnun gæti jafnframt orðið
Alþingi til styrktar við að rækja eft-
irlitshlutverk sitt og komið að gagni
við gerð fjárlaga,“ segir þar enn-
fremur.
Þá kemur einnig fram að eitt
meginhlutverk Þjóðhagsstofnunar
sé að fylgjast með framvindu efna-
hagsmála, meta árangurinn af efna-
hagsstjórn ríkisstjórnar á hverjum
tíma og líklegar afleiðingar ráðstaf-
ana í efnahagsmálum. Því geti tæp-
ast talist heppilegt að stofnunin
heyri beint undir forsætisráðuneyt-
ið sem fer með yfirstjórn efnahags-
mála og hefur þar á ofan nýlega
tekið við forsvari fyrir Seðlabank-
ann.
„Í tilefni af breytingum sem lík-
lega eru í aðsigi, m.a. á stöðu Seðla-
bankans, á gjaldeyris- og peninga-
markaði og fleiri sviðum, er eðlilegt
að farið sé yfir stöðu og hlutverk
stofnana og embætta sem hlutverki
gegna á þessu sviði. Tillagan hefur
sem grundvallarforsendu að allar
breytingar sem gerðar kunna að
verða á starfsemi og stöðu stofnana
á þessu sviði séu yfirvegaðar og
vandlega undirbúnar, í góðu sam-
starfi við starfsmenn og samtök
þeirra,“ segir ennfremur í grein-
argerð með tillögunni.
Lögð til endurskoðun á starfsemi og stöðu Þjóðhagsstofnunar
Kannaðir verði kostir þess að
færa stofnunina undir Alþingi
ÞEGAR þingfundi var slitið laust
fyrir kl. 20 á Alþingi í gærkvöld var
lokið tveggja daga stífri lotu þar
sem nálega 50 þingmál, flest sk.
„þingmannamál“ komu til umræðu
og voru síðan afgreidd til nefnda.
Til að ná svo miklum afköstum,
komust formenn allra þingflokka
að samkomulagi um forgangsröðun
og styttan ræðutíma. Þetta er ný-
breytni í starfi löggjafarsamkund-
unnar, en á undanförnum árum
hafa mörg mál þingmanna, frum-
vörp eða tillögur, ekki komist einu
sinni til fyrstu umræðu og þar með
aldrei hlotið meðferð þingnefndar.
Mörður Árnason, sem nú situr á
þingi fyrir Samfylkinguna í
Reykjavík í fjarveru Jóhönnu Sig-
urðardóttur, var einn þeirra sem
fylgdist með hinni hröðu af-
greiðslu, en í baksýn eru Ögmund-
ur Jónasson og Sigríður Anna
Þórðardóttir.
Morgunblaðið/Árni Sæberg
Tveggja daga lota
MÁNAÐARGRUNNLAUN lög-
reglumanna, sem hafa lokið prófi frá
Lögregluskólanum, eru 108.364 kr.
eftir eins til fimm ára starf. Í Dan-
mörku eru mánaðargrunnlaun lög-
reglumanna sem lokið hafa prófi frá
lögregluskóla 196.712 krónur eftir
eitt ár og 216.536 eftir fimm ár, en
122.304 hérlendis eftir fimm til tíu
ár.
Þetta kemur fram í svari dóms-
málaráðherra við fyrirspurn Mar-
grétar Frímannsdóttur alþingis-
manns en Margrét lagði fram
fyrirspurn á Alþingi um hver væru
mánaðargrunnlaun almennra lög-
reglumanna sem lokið hafa lögreglu-
námi hér á landi og til samanburðar
hver væru mánaðargrunnlaun lög-
reglumanna með lögreglumenntun í
Danmörku.
Í svarinu kemur einnig fram að
meðalmánaðartekjur karlkyns lög-
reglumanna eftir Lögregluskóla eru
221.643 krónur. Meðallaun kvenkyns
lögreglumanna eftir Lögregluskóla
eru 207.748 krónur. Meðalmánaðar-
tekjur karlkyns lögreglumanna í
flokksstjórastöðu eftir 15 ár í lög-
reglustarfi eru 265.142 krónur en
kvenna 241.830 krónur.
Í svarinu er tekið fram að örðugt
sé að bera saman launakerfi ís-
lenskra og danskra lögregluþjóna
þar sem þau séu ólík að uppbygg-
ingu. Íslenska kerfið byggist á
grunnlaunum sem síðan bætast við
margvíslegar álögur. Launatekjur
séu því í mörgum tilvikum í ósam-
ræmi við þá heildarmynd sem
grunnlaun lögreglumanna gefi.
Laun lög-
reglumanna
Grunnlaun
eru mun
hærri í
Danmörku
VERJA á sex milljörðum til verk-
efna í landgræðslu árin 2002 til 2013
samkvæmt tillögu til þingsályktunar
sem lögð hefur verið fram á Alþingi.
Áætlað er að verja 1.852 milljónum í
landgræðsluátakið árin 2002 til 2005,
rúmum tveimur milljörðum árin
2006 til 2009 og rúmlega 2,1 milljarði
á síðasta fjögurra ára tímabilinu. Þá
er gert ráð fyrir að áætlunin verði
endurskoðuð fyrir lok ársins 2003.
Í athugasemdum við þingsálykt-
unartillöguna kemur fram að þrátt
fyrir árangursríkt starf Land-
græðslunnar í áratugi eigi sér enn
stað mikið jarðvegsrof. Ástand jarð-
vegs og gróðurs sé víða í ósamræmi
við möguleg gróðurskilyrði. Þá segir
að áætlunin feli í sér aukna land-
græðslu sem muni veita atvinnu og
bæta landkosti víða um landið. Ár-
angur byggist á samstarfi fjöl-
margra aðila. Í landgræðsluáætlun-
inni eru markaðar áherslur í stöðvun
jarðvegseyðingar, uppgræðslu, eft-
irliti með ástandi gróðurs og jarð-
vegs, stjórn landnýtingar, fræðslu,
ráðgjöf, rannsóknum og upplýsinga-
miðlun.
Sett er fram áætlun um helstu
verkefni og aðgerðir árin 2002 til
2005. Meðal þeirra er að efla héraðs-
setur Landgræðslunnar og koma á
fót slíku setri á Austurlandi, að
koma á vöktunarkerfi fyrir ástand
og nýtingu beitilanda bæði á heima-
löndum og afréttum, veita bændum
og samtökum búfjáreigenda ráðgjöf
og aðstoð við beitarskipulag, að
byggja upp samræmdan gagna-
grunn um vistkerfi, gera áætlanir
um úrbætur og forvarnir, að rann-
saka eiginleika, ræktunaraðferðir og
notkunarmöguleika tegunda til land-
græðslu, þróa uppgræðslutækni og
koma á framfæri fræðsluefni um
landgræðslustarfið og verndun vist-
kerfa.
Sex milljarða
verkefni í 12 ár
Tillaga um landgræðsluáætlun
FJÓRAR þingkonur úr jafn-
mörgum stjórnmálaflokkum,
þær Katrín Fjeldsted, Sjálf-
stæðisflokki, Jónína Bjartmarz,
Framsóknarflokki, Bryndís
Hlöðversdóttir, Samfylking-
unni, og Þuríður Backman,
Vinstri grænum, hafa lagt fram
á Alþingi tillögu til þingsálykt-
unar um aukið samstarf fag-
stétta í heilsugæsluþjónustu.
Heilsugæslan ein
af grunnstoðunum
Í tillögunni felst að heilbrigð-
isráðherra verði falið að kanna
gildi þess fyrir framgang heil-
brigðisáætlunar og jafnframt
hagkvæmni þess að koma á
auknu samstarfi heilsugæslu
við aðrar fagstéttir svo sem
gert er ráð fyrir í lögum um
heilbrigðisþjónustu og reglu-
gerð fyrir heilsugæslustöðvar.
Í greinargerð með tillögunni
segir að mikilvægi heilsugæsl-
unnar sem einnar af grunnstoð-
um heilbrigðisþjónustunnar í
landinu sé óumdeilt. Talið hafi
verið að 80–85% af landsmönn-
um ættu að geta fengið þjón-
ustuþörf sinni fullnægt innan
heilsugæslunnar. Jafnframt því
sem áhersla sé lögð á að fjölga
heimilislæknum þurfi að huga
að aðkomu skjólstæðinga að
stoðþjónustu og ráðgjöf ann-
arra fagstétta og hafi löggjaf-
inn gert ráð fyrir að á heilsu-
gæslustöð eða í tengslum við
hana skuli veitt þjónusta af
ýmsu tagi. „Tillögunni er ætlað
að stuðla að auknu og bættu
þjónustustigi innan heilsugæsl-
unnar þannig að hún sé betur
fær um að mæta þeim kröfum
sem gerðar eru til hennar. Auk-
ið samstarf við aðrar fagstéttir
ætti jafnframt að létta nokkuð
álagi af heimilislæknum og um
leið auka afköst heilsugæslunn-
ar í heild sinni. Þannig gæti
heilsugæslan m.a. samið við
félagsráðgjafa, fjölskylduráð-
gjafa, sálfræðinga o.fl. um sam-
starf til stuðnings þeim skjól-
stæðingum sem heimilislæknar
stöðvanna teldu að þyrftu á
slíkri þjónustu að halda,“ segir í
greinargerðinni.
Aukið
samstarf
fagstétta
Heilsugæslan