Morgunblaðið - 04.04.2001, Blaðsíða 53
BRÉF TIL BLAÐSINS
MORGUNBLAÐIÐ MIÐVIKUDAGUR 4. APRÍL 2001 53
Laugavegi 101 við Hlemm.
Opið mán.-fös. frá kl. 11-18, lau. frá 11-16
ANTIK-
ÚTSALA
Skápar, skenkar, borð
og stólar, málverk.
Mikið af fáséðum smáhlutum,
matar- og kaffistell
10—30% afsláttur
REYKJAVÍKURFLUGVÖLLUR
hefur mikið verið til umræðu að und-
anförnu og Reykvíkingum gefinn
kostur á því að kjósa um það hvort
flugvöllurinn eigi að vera í Reykjavík
í framtíðinni eða ekki. Það sem vant-
aði inn í þetta tilboð var að búið væri
að ákveða á hvaða stað ætti að flytja
flugvöllinn. Flugvöllurinn er sam-
göngutenging milli Reykjavíkur og
landsbyggðar og jafnsjálfsagður
tengiliður umferðar að og frá
Reykjavík eins og þjóðvegakerfið og
skipaumferð, því skiptir það miklu
máli hvar hann er. Hvern langar t.d.
til þess að fara fyrst til Keflavíkur,
Akraness eða austur á Hellu til þess
að komast með flugvél frá Reykjavík
til Akureyrar? Svæðið sem flugvöll-
urinn er á er ekkert verr nýtt undir
flugbrautir en undir hús. Það er aft-
ur á móti erfiðara að finna heppilega
lóð undir flugvöll, en hús.
Það var sérstök áhersla lögð á það
að kosningarnar væru til þess að
fullnægja lýðræðinu, varðandi
ákvörðunina hvort flugvöllurinn ætti
að fara eða vera. Það er oft hægt að
setja spurningamerki við lýðræðið.
Lýðræðisleg pólitísk kosning hefur
þann tilgang að meirihlutinn fái ein-
ræðisvald yfir minnihlutanum. Síðan
getur bæst við að reglur sem settar
voru fyrir kosningar séu felldar nið-
ur eftir kosningar, telji meirihlutinn
þær rýra valdið. Í framtíðinni verður
flugvallarsvæðið í úthverfi Reykja-
víkur og að miklum líkindum Mos-
fellsbær miðbær Reykjavíkur. Þess
vegna er háhýsahverfi ekkert verr
sett uppi á Kjalarnesi en á flugvall-
arsvæðinu. Það sem skiptir aftur á
móti máli fyrir fólk er að atvinnufyr-
irtæki dreifist um byggðina.
Umræðan um Reykjavíkurflug-
völl hefur verið í gangi síðan hann
var byggður en aldrei orðið neitt úr
því að færa hann annað, vegna þess
að menn hafa ekki fundið svæði sem
hentar undir flugvöll, þess vegna er
umræða um flutning flugvallarins
ekki tímabær fyrr en nýtt flugvall-
arsvæði er fundið. Reyndar er þessi
uppákoma núna ekkert annað en
pólitískur vindgangur. Þar að auki
bendir ekkert til þess að við lendum í
neinum vandræðum með lóðir undir
hús á þessari öld.
Það er líka spurning hvort þessi
tími sé heppilegur til ákvörðunar um
staðsetningu flugvallarins, þar sem
margt bendir til þess að miklar
breytingar geti orðið á gerð flugvéla
á styttri flugleiðum, sem þyrfti að
taka tillit til við gerð flugvalla og
einnig gætu orðið í náinni framtíð
töluverð breyting á gerð áætlunar-
bíla og rekstri þeirra. Breytingar á
þessum farartækjum gætu kallað á
allt aðrar áherslur í samgöngum en
nú eru, áður en langt líður.
Þegar ég var ungur þótti Vatns-
mýrin ekki fýsilegur kostur til hús-
bygginga vegna þess hvað djúpt
væri niður á fast. Nú virðist það ekki
skipta neinu máli þó grunnurinn
kosti jafnmikið og sjálft húsið. Það
mun líka vera hagkvæmt fyrir fast-
eignasala, lánastofnanir og jafnvel
lögfræðinga að íbúðaverð sé hátt.
Síðari árin hefur verið kvartað
undan slæmu loftslagi í gamla mið-
bænum vegna mengunar frá bílum
og fleiri þáttum. Ekki býst ég við að
loftslagið batni við það að fylla
Vatnsmýrina af háhýsum.
GUÐVARÐUR JÓNSSON,
Hamrabergi 5.
Lýðræði,
móðir
einræðis
Frá Guðvarði Jónssyni:
Á UNDANFÖRNUM mánuðum
hefur þjóðin fengið að heyra í sóða-
legum en jafnframt spaugilegum
málflutningi Ís-
lenskra þjóðern-
issinna. Þeir hafa
líkt ættleiðingum
við hundahald og
telja sig og hinn
íslenska kynstofn
í mikilli hættu
vegna hörunds-
dökkra innflytj-
enda hér á landi.
Hæstvirtur
félagi númer átta í hinum íslenska
þjóðrembuflokki kom fram á Skjá
einum og reyndi þar að útskýra fyr-
ir almenningi ókosti erlends vinnu-
afls á Íslandi. Hann var nú reyndar
fremur illskiljanlegur þar sem hann
reyndi í sífellu að krydda málfar
sitt með latínuslettum í misheppn-
aðari tilraun til þess að virðast
gáfulegur. En af því litla sem skilja
mátti virtust rökin gegn austur-
lensku vinnuafli aðallega felast í
ógnarháum kostnaði við tungu-
málakennslu og hitastigi í Pakistan.
En jafnvel þótt sá sem þetta ritar
hafi haft gaman að trúðslátum
þessara frummanna má vel skilja
að þau fari fyrir brjóstið á mörgum
hér á landi.
Af þeim sökum hafa heyrst þær
raddir að banna beri slíkt hjal með
öllu. Þeir sem telja sig verndara ís-
lenskrar alþýðu vilja setja lög gegn
þessum „röngu“ skoðunum. En
slíkar hugmyndir eru illa ígrund-
aðar og jafnframt hættulegar. Því
það að leyfa sér að skerða málfrelsi
manna, einungis vegna þess að þeir
séu illa upplýstir og fáfróðir, er
mun hættulegra en að leyfa þeim að
gaspra og hjala eins og þá lystir.
Slík höft myndu einungis efla fas-
ista á Íslandi en ekki draga úr
þeim. Það sem er bannað er nefni-
lega yfirleitt mun áhugaverðara
heldur en það sem er leyfilegt.
Ekki má gleyma að málfrelsi trygg-
ir fólki rétt til þess að hafa fornald-
arlegar skoðanir á hlutunum. Al-
menningur hefur einnig rétt á því
að heyra hvað íslenskir þjóðrembu-
sinnar hafa að segja vegna þess að
án þess getum við ekki vitað hvers-
lags afglapar eru þar á ferð.
Því skulu forsjárhyggjuöflin
hugsa sig tvisvar um áður en þau
setja lög gegn tjáningarfrelsi. Þessi
öfl telja að Íslendingar séu ekki
nægilega viti bornir til að sjá þenn-
an kjánaskap í réttu ljósi.
Slíkur hroki er óþolandi, almenn-
ingur á Íslandi þarf ekki vernd
gegn fíflagangi fasistaflóna. Leyf-
um því rasistaröflið, jafnvel þótt
það sé ógeðfellt. Því í frjálsu landi
er einnig frelsi til þess að vera með
vitleysu.
HEIMIR HELGASON,
frjálshyggjumaður,
Gyðufelli 4, Reykjavík.
Leyfum
rasistum
að röfla
Frá Heimi Helgasyni:
Heimir
Helgason
SAMGÖNGURÁÐHERRA og for-
maður samgöngunefndar virðast
hafa trénaðar hugsanir varðandi hjól-
reiðar og Reykjanesbraut. Báðir eru
þessir menn tilbúnir í eyðslu umtals-
verðra fjármuna í nýja braut til
Rosmhvalaness og nefna það breikk-
un. Ausa skal í það einhverjum millj-
örðum króna, svo hið stórhættulega
morðtól, bíllinn, njóti einn greiðrar
leiðar þar í milli og Reykjavíkur. Lög
lands vors gera þó ráð fyrir að sam-
göngur séu milli byggðakjarna og er
þar hvergi, mér vitanlega, gert ráð
fyrir að samgöngur séu einvörðungu
með bifreiðum.
Heilbrigður lífsmáti sem hjólreiðar
eru góður samgöngumáti auk þess
sem vaxandi fjöldi ferðamanna kýs
þennan ferðamáta. Þá má og minna á
að elsti ferðamáti Íslendinga, gang-
an, á sér engan stað við Reykjanes-
braut né aðra þjóðvegi landsins.
Þessir sömu herrar samgöngumála
vinna leynt og ljóst að því að þjónn yf-
irstéttarinnar mest alla Íslandssög-
una, hesturinn, fái sem víðast sínar
götur. Áður riðu fyrirmenn fullir um
héruð og varð mörgum að aldurtila.
Nú aka þeir á stóru og miklu fjalla-
jeppunum og skyldu ekki einhverjir
vera drukknir? Þó svo væri ekki þá
hafa bílstjórar nútímans allskyns
tæki og tól til að trufla við stjórn öku-
tækjanna. Margur gleymir sér við
þórdrunur tónlistarinnar sem þeytt
er úr hljómtækjum bifreiðarinnar
langt út fyrir bílskrokkinn. Aðrir
spjalla í farsíma sína svo sem heima í
stofu væru. Hvað varðar þá um aðra
vegfarendur? Það sýna nú slysin.
Hátt settir ráðamenn samgöngu-
mála geta auðvitað ekki lengur hjól-
að, hafi þeir á annað borð einhvern-
tíma getað það, í þeirra ungdæmi var
þó hjólið mikilvægt farartæki hins
venjulega manns og margar ferðir
farnar landshluta milli. Ekki virðast
þeir vel upplýstir um samgöngur á
reiðhjólum í Vestur-Evrópu og á
Norðurlöndum. Tæplega verður við
því búist að þeir þekki til nútíma reið-
hjóls hvað varðar búnað né til fatn-
aðar sem hentar í okkar veðráttu.
Haldi þeir enn að reiðhjól séu ann-
aðhvort leikföng eða æfingatæki í
þreksölum er mál að opna glugga
skynseminnar og skoða í kring.
Reykjanesbrautin er varasöm, en
oftast er um að kenna að bílstjórar
fylgja ekki reglum um hraða, fram-
úrakstur og aki miðað við þær að-
stæður sem veður skapar. Þetta er
nú ekki kappakstursbraut.
Svo eru það umferðarspár fyrir
framtíðina, menn segja að hún verði
svo og svo mikil á næstu 20 árum. Til
að svo megi verða þarf að fjölga
þegnunum með miklum hraða eða
flytja inn mikinn fjölda fólks frá öðr-
um löndum, því í dag eru fleiri skráð-
ir bílar en fólk með ökuréttindi.
Hverjir eiga að aka öllum hinum bíl-
unum sem spáð er að verði hér að
fáum árum liðnum? Ekki er að sjá að
ráðandi stjórnmálamenn hafa neina
sýn til framtíðarferðamáta sem um
þessar mundir er í örri þróun annars
staðar.
Mér sýnist að gamla fornhyggjan
sé ríkjandi, bara það sem ríkjandi
hefur verið og öllum er hættulegt og
óhollt sé eina myndin sem kemst í
trénaðan hugarheim ráðamanna.
Bara það atriði vegalaga að ríkis-
stofnun (vegagerð) skuli hafa umsjón
með samgöngum um landið er túlkað
svo þröngt að eingöngu eigi að hugsa
um bílæðar. Það er von mín og
margra annarra að til valda komi
brátt menn með víðsýni framtíðar í
samgöngum og heilbrigði þjóðarinn-
ar.
BJÖRN FINNSSON,
Krummahólum 13.
Reiðhjól og
Reykjanesbraut
Frá Birni Finnssyni:
Ágæti ritstjóri
Á forsíðu Morgunblaðsins í dag
var frétt frá fréttastofu AFP þar
sem fram kom að breski forsætisráð-
herrann, Tony Blair, hefði frestað
þingkosningunum í Bretlandi. Þessi
frétt er ekki rétt. Þeim kosningum
sem hefur verið frestað eru sveitar-
stjórnarkosningar sem áttu að fara
fram í maí. Þrátt fyrir miklar vanga-
veltur fjölmiðla í Bretlandi þá hefur,
forsætisráðherrann enn ekki til-
kynnt hvenær þingkosningar verða
haldnar.
Ein af ástæðum þess að sveitar-
stjórnarkosningum er frestað til
júní, er auðvitað vegna þess að sum
svæði á landsbyggðinni í Bretlandi
glíma við gin- og klaufaveiki og
hamlar það umferð um þau svæði.
Takmörkunum á umferð er hins veg-
ar einungis beitt á vissum svæðum
landsins.
Einungis 1% af býlum með búpen-
ing hefur orðið fyrir beinum áhrif-
um. Í borgum og bæjum Bretlands,
og á stærri svæðum landsbyggðar-
innar, sem eru ekki nálægt sýktum
svæðum, eru hlutirnir í sömu skorð-
um fyrir íbúa og ferðamenn. Lesend-
ur þínir geta fundið upplýsingar,
sem eru uppfærðar reglulega, á vef-
síðunni www.openbritain.gov.uk.
Kærar kveðjur,
JOHN CULVER,
breski sendiherrann.
Athugasemd frá sendi-
herra Breta á Íslandi
Frá John Culver:
alltaf á
þriðjud.