Morgunblaðið - 27.04.2001, Side 22
VIÐSKIPTI
22 FÖSTUDAGUR 27. APRÍL 2001 MORGUNBLAÐIÐ
TEKIÐ var á móti nýju skipi Eim-
skipafélagsins, Brúarfossi, í Brem-
erhaven í fyrradag, og mun skipið
sigla á svokallaðri Suðurleið, þ.e.
Reykjavík, Straumsvík, Vestmanna-
eyjar, Immingham og Rotterdam á
móti systurskipi sínu Selfossi, sem
félagið tók í rekstur 1999. Brúarfoss
kemur í stað Lagarfoss sem fer í
siglingar á Ameríkuleið og verður
fimmti Brúarfossinn í rekstri Eim-
skips. Jón Ólafsson verður skipstjóri
og Valdimar Jóhannsson yfirvél-
stjóri.
Brúarfoss er smíðaður í Örskovs-
værft í Fredrikshavn í Danmörku
árið 1992. Brúarfoss hefur 8.675
tonna burðargetu, er 126 metra
langur og lestar 724 gámaeiningar
(TEÚs) þar af 140 frystigáma. Á
skipinu eru tveir 40 tonna kranar.
Eimskip hefur á undanförnum
mánuðum endurnýjað fjögur skip í
áætlunarsiglingum til Evrópu. Tekin
hafa verið í notkun fullkomin og
hraðskreið skip, sem uppfylla vel
flutningaþarfir fyrir viðskiptavini
félagsins. Þessi fjögur skip eru af
tveimur stærðum. Goðafoss og
Dettifoss sem sigla á Norðurleið eru
með 1.450 gáma burðargetu. Brúar-
foss og Selfoss sem sigla á Suðurleið
eru með liðlega 700 gáma burðar-
getu. Meðalaldur skipastóls félags-
ins í áætlunarsiglingum er nú 10 ár,
en var fyrir rúmu ári síðan 15 ár.
Nýr Brúar-
foss í
Evrópu-
siglingar
NÝJAR áherslur hafa verið teknar
upp í skipulagi og starfsemi sam-
gönguráðuneytisins. Markmið
þeirra er að gera starfsemi ráðu-
neytisins og verkefni í umsjón þess
markvissari, skilvirkari og hag-
kvæmari og jafnframt að bæta þjón-
ustu við almenning.
Sturla Böðvarsson samgönguráð-
herra segist hafa lagt ríka áherslu á
að innleiða rafræna stjórnsýslu og
að nýta tölvutæknina í ráðuneytinu
og þeim stofnunum sem undir það
heyra. Jafnframt sé mikilvægt og af
hinu góða að stjórnsýslan, og þar
með talið ráðuneytið, nýti þá
reynslu við stjórnun sem atvinnu-
lífið hafi verið að byggja upp.
Vinnuaðferðir verkefnastjórnunar
teknar upp í ráðuneytinu
Sturla segir að þótt fjöldi starfs-
manna samgönguráðuneytisins sé
ekki mikill þá heyri mjög stórar
stofnanir undir það; Ferðamálaráð,
Flugmálastjórn, Póst- og fjarskipta-
stofnun, Siglingastofnun, Vegagerð-
in og rannsóknarnefndir sjóslysa og
flugslysa. Allar þessar stofnanir séu
að vinna að úrlausn fjölþættra verk-
efna ásamt því að vera í stjórnsýsl-
unni og óbeint í stefnumörkun með
ráðherra hverju sinni. „Þess vegna
er afar mikilvægt að fylgja vel eftir
ákvörðunum og ekki síður að bregð-
ast fljótt og vel við og afgreiða er-
indi sem berast,“ segir Sturla.
„Jafnframt er mikilvægt að vinna
við stefnumótun sé unnin skipulega
og eftirfylgnin sé traust. Vegna
þessa er unnið að því að taka upp
vinnuaðferðir verkefnastjórnunar í
samgönguráðuneytinu.“
Að sögn Sturlu verður áhersla
lögð á að fela starfsmönnum ábyrgð
á tilgreindum verkefnum og að fela
verkefnahópum úrlausn mála, með
stöðluðum vinnuaðferðum. Stefnt sé
að því að ná góðum árangri með
betri aðferðum þannig að stuðlað
verði að bættri þjónustu við almenn-
ing og öruggari stjórnsýslu.
Nýtt skipurit
Nýtt skipurit samgönguráðuneyt-
isins tók gildi um síðustu áramót og
er ráðuneytinu nú skipt upp í fjögur
meginsvið eða skrifstofur. Þær eru
skrifstofa ráðherra og ferðamála,
skrifstofa fjarskipta, siglingamála
og öryggisþátta samgöngumála,
skrifstofa fjármála, starfsmanna-
mála, almennrar afgreiðslu og póst-
mála og skrifstofa flutninga og sam-
gönguáætlana. Skrifstofustjóri fer
fyrir hverri skrifstofu. Í fréttabréfi
samgönguráðuneytisins segir að
breytt skipulag sé í takt við aukin
umsvif ráðuneytisins og nýja tækni í
samskiptum. Upplýsingatækni hafi
fleygt fram, áherslan á öflugt sam-
göngunet vaxi sífellt sem og þáttur
ferðaþjónustunnar og fjarskipta.
Sveigjanlegri vinnubrögð með
tilkomu verkefnastjórnunar
Þórður Víkingur Friðgeirsson og
Bjarni Snæbjörn Jónsson hjá ráð-
gjafarfyrirtækinu Corporate Lyfe-
cycles International unnu með sam-
gönguráðuneytinu að þeim breyt-
ingum sem gerðar hafa verið á
skipulagi ráðuneytisins og þeim
nýju áherslum sem verið er að taka
upp í starfsemi þess. Þórður segir
að með auknum hraða, aukinni sam-
keppni og alþjóðavæðingu og auknu
vægi upplýsingatækninnar, því
sveigjanlegri þurfi öll stjórnun fyr-
irtækja og stofnana að vera. Í stað
þess að byggja upp umfangsmiklar
deildir í fyrirtækjum og stofnunum
sé æ algengara að stofna verkefni
sem hafi upphaf og endi. Margt ann-
að þurfi jafnframt að koma til.
Starfsfólk verði til að mynda að vera
mjög agað í vinnubrögðum. Með til-
komu verkefnastjórnunar verði
vinnubrögð samgönguráðuneytisins
sveigjanlegri og líkari því sem ger-
ist hjá atvinnulífinu almennt.
Þórður segir engan vafa á því að
verkefnastjórnun og það að fram-
selja stjórnun til millistjórnenda sé
það sem atvinnulífið hafi verið að
taka upp í auknum mæli. Því sé
mjög til eftirbreytni að Samgöngu-
ráðuneytið skuli taka þessi vinnu-
brögð upp.
Þeir Þórður og Bjarni hafa séð
um þjálfun og fræðslu fyrir starfs-
fólk samgönguráðuneytisins til að
það geti nýtt til fulls þá möguleika
sem í verkefnastjórnuninni felast.
Að sögn Þórðar lýkur því verkefni á
morgun.
Nýjar áherslur í skipulagi og starfsemi samgönguráðuneytisins
Mikilvægt að
nýta reynslu
atvinnulífsins
!"# HAGNAÐUR Össurar hf. eftir
fyrsta ársfjórðung er 56 milljónir
króna eftir skatta. Rekstrartekjur
félagsins eru 1.421 milljón króna og
rekstrargjöld 1.275 milljónir króna.
Hagnaður fyrir vexti er 146 milljónir
og hagnaður fyrir afskriftir
(EBIDTA) er 193 milljónir króna.
Fjármagnsliðir eru neikvæðir um 31
milljón króna og er hagnaður fyrir
skatta 115 milljónir króna. Veltufé
frá rekstri er 148 milljónir króna á
tímabilinu.
Ársfjórðungurinn endurspeglar
rekstur allra dótturfélaga sem keypt
voru á síðasta ári, að því er fram
kemur í tilkynningu frá félaginu. Það
gerir kennitölusamanburð við
rekstrarniðurstöður í lok síðasta árs
erfiðan, en í rekstrarniðurstöðum
síðasta árs var Flex-Foot inni í sam-
stæðutölum félagsins í 9 mánuði,
Century XXII Innovations 1 mánuð
og Karlsson & Bergström og Pi
Medical í 2 mánuði. Á fyrsta árs-
fjórðungi hefur markvisst verið unn-
ið að sameiningu félaganna og 30.
mars var söluskrifstofu og vöruhúsi
Century XXII Innovations í Michig-
an lokað og hvort tveggja sameinað
Bandaríkjaskrifstofu félagsins í Al-
iso Viejo, Kaliforníu. Jafnframt var
tekin ákvörðun um að leggja niður
sölu- og markaðsskrifstofu félagsins
í Stóra-Bretlandi, en sölufólk og
tæknilegir ráðgjafar á þeim markaði
vinna frá sameiginlegri Evrópuskrif-
stofu í Eindhoven, Hollandi. Unnið
hefur verið að uppsetningu á hinu
nýja rekstrarformi félagsins og hef-
ur henni miðað vel að því er fram
kemur í tilkynningunni. Í sambandi
við þá vinnu stendur nú yfir innleið-
ing á nýju greiningar- og upplýs-
ingakerfi sem auðvelda mun alla yf-
irsýn yfir einstakar rekstrareiningar
félagsins.
Ekki talin ástæða til að
endurskoða áætlanir félagsins
Stjórnendur Össurar hf. hafa bent
á að óvissu gætir í áætlunargerð fyr-
ir árið 2001 vegna umfangsmikilla
breytinga sem félagið stendur fyrir á
dreifikerfi þess í Bandaríkjunum og
Evrópu, en breytingin miðar að því
að félagið taki sjálft yfir alla sölu á
þessum mörkuðum sem áður hafa
farið í gegnum dreifiaðila.
Áætlanir félagsins hljóða upp á
6.100 milljónir íslenskra króna og að
hagnaður yrði um 700 milljónir. Í
áætlunum félagsins sem birtar voru
fyrr á árinu var gert ráð fyrir betri
niðurstöðum á síðari helmingi ársins
vegna verulegrar veltu- og hagnað-
araukningar þegar hið nýja sölufyr-
irkomulag hefur fest sig í sessi.
„Niðurstöður ársfjórðungsupp-
gjörs eru heldur betri en áætlanir
gerðu ráð fyrir en ekki er talin
ástæða til að endurskoða áætlanir
félagsins vegna óvissu á mörkuðum
og breytinga í starfsemi félagsins,“
segir Jón Sigurðsson, forstjóri Öss-
urar hf.
Fjárfestum og öðrum sem áhuga
hafa á rekstri fyrirtækisins, gefst
kostur á að taka þátt í opnum síma-
fundi í dag kl. 11. Á fundinum munu
Jón Sigurðsson forstjóri og Árni Al-
var Arason fjármálastjóri fara yfir
niðurstöður árshlutauppgjörsins. Til
að taka þátt í símafundinum þarf að
hringja í síma 595 2030. Einnig er
unnt að fylgjast með fundinum á
www.fundur.is/ossur
Þriggja mánaða samstæðuuppgjör Össurar hf.
Niðurstaðan nokkuð
umfram áætlanir
Í GÆR var tilkynnt á Verðbréfa-
þingi Íslands að skipt hefði verið á
yfirmönnum verðbréfasviðs Búnað-
arbanka Íslands og Búnaðarbankans
í Lúxemborg. Í tilkynningunni segir
að á stjórnarfundi Bunadarbanki
International S.A. í Luxemburg 25.
apríl 2001 hafi verið samþykkt í sam-
ráði við bankastjórn Búnaðarbanka
Íslands hf. að Þorsteinn Þorsteins-
son framkvæmdastjóri verðbréfa-
sviðs Búnaðarbanka Íslands hf. yrði
skipaður bankastjóri B.I. Internatio-
nal S.A. Þá hafi verið ákveðið að Alf
Muhlig fyrrverandi framkvæmda-
stjóri hjá B.I. International yrði
skipaður aðstoðarbankastjóri hjá
bankanum og um leið að Yngvi Örn
Kristinsson tæki við starfi fram-
kvæmdastjóra verðbréfasviðs Bún-
aðarbanka Íslands hf. Breytingarn-
ar taki gildi frá og með 1. maí 2001 og
séu gerðar til að skýra verksvið og
samræma stjórnskipulag bankans
vægi íslensku starfseminnar.
Árni Tómasson bankastjóri Bún-
aðarbankans segir að með þessum
breytingum sé verið að færa til menn
sem séu í sambærilegum stöðum
innan bankans og bankanum hafi
þótt mikilvægt að nýta þá alþjóðlegu
reynslu sem Þorsteinn hefði til að
styrkja starfsemi bankans ytra.
Yngvi hafi mjög mikla reynslu hér á
landi þannig að betur færi á að þeir
skiptu um störf.
Spurður um reynslu Þorsteins er-
lendis segir Árni að hann hafi, auk
þess að hafa stundað nám ytra, starf-
að hjá Norræna fjárfestingarbank-
anum og í gegnum það hafi hann
mjög víðtæka reynslu á þessu sviði.
Aðspurður segir Árni að þetta
tengist alls ekki neikvæðum um-
ræðum sem verið hafi um verðbréfa-
svið bankans hér.
Áður voru Yngvi Örn og Alf
Muhlig báðir framkvæmdastjórar
bankans í Lúxemborg, en Árni segir
að með því að nú sé gerð sú breyting
að Þorsteinn verði bankastjóri og Alf
Muhlig aðstoðarbankastjóri sé verið
að leggja áherslu á að bankinn sé ís-
lenskur og að mest viðskipti komi í
gegnum Ísland, að minnsta kosti til
að byrja með.
Í lok september í fyrra tilkynnti
Búnaðarbankinn um fyrirhugaða
stofnun banka í Lúxemborg og um
leið að ráðnir hefðu verið tveir fram-
kvæmdastjórar, þeir Yngvi Örn
Kristinsson og Alf Muhlig. Yngvi
Örn hafði verið framkvæmdastjóri
peningamálasviðs Seðlabanka Ís-
lands og Muhlig aðstoðarbankastjóri
Union Bank of Norway Internation-
al í Lúxemborg. Í tilkynningunni
kom fram að Muhlig hefði starfað í
bankakerfi Lúxemborgar í tólf ár og
hefði mikla reynslu af bankarekstri
þar og góð tengsl bæði þar og á
Norðurlöndunum.
Morgunblaðið/Ásdís
Síðastliðið haust var tilkynnt um stofnun banka í Lúxemborg. Frá vinstri:
Þorsteinn, sem tekur við Búnaðarbankanum í Lúxemborg, Sólon R. Sig-
urðsson bankastjóri og Yngvi Örn, sem tekur við verðbréfasviði bankans.
Yfirmenn í BÍ
víxla sætum
VERSLUNARRÁÐ Íslands hefur
gengið til samstarfs við Modernus
ehf. um framkvæmd á reglubundinni
mælingu á notkun vefmiðla, en Versl-
unarráð hefur í áratugi veitt útgef-
endum dagblaða og tímarita þjónustu
upplagseftirlits.
Í fréttatilkynningu frá Verslunar-
ráði segir að með sívaxandi netnotk-
un almennings hafi áhugi vaknað á
því að koma einnig upp nokkurs kon-
ar upplagseftirliti með vefmiðlum og
á undanförnum árum hafa óskir um
slíka þjónustu borist Verslunar-
ráðinu.
„Eftir miklar tæknilegar vanga-
veltur og víðtækt samráð við aðila á
þessum markaði hefur nú verið geng-
ið til ofangreinds samstarfs og stend-
ur aðstandendum vefmiðla til boða að
taka þátt í Samræmdri vefmælingu.
Hefur þetta upplagseftirlit fengið
nafnið Samræmd vefmæling. Upp-
lagseftirlit Verslunarráðs verður
áfram heiti yfir könnun á upplagi dag-
blaða og tímarita,“ segir í fréttatil-
kynningunni. Modernus er hugbún-
aðarhús sem sérhæfir sig í þróun og
rekstri á gagnagrunnstengdum hug-
búnaði, sem mælir og flokkar notkun
á vefsetrum. Með hugbúnaðinum
Virkri vefmælingu mun Modernus
stöðugt mæla ýmsa þætti sem snerta
notkun þátttakenda. Einu sinni í viku,
á þriðjudögum, verður birtur listi yfir
þrjár helstu stærðirnar; gesti, innlit
og flettingar. Listinn verður birtur
undir eftirliti Verslunarráðs og á
heimasíðu þess, www.chamber.is.
Fyrsta birting Samræmdrar vefmæl-
ingar verður 1. maí nk. og mun sýna
mælingar vikuna áður.
Samræmd mæling
á notkun vefmiðla