Morgunblaðið - 27.04.2001, Qupperneq 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 27. APRÍL 2001 VERÐ Í LAUSASÖLU 165 KR. MEÐ VSK.
STJÓRNIR Húsasmiðjunnar hf. og Kaupáss
hf. samþykktu í gær að veita stjórnarformönn-
um og framkvæmdastjórum félaganna heimild
til að hefja viðræður um hugsanlega samein-
ingu félaganna. Samkvæmt heimildum Morg-
unblaðsins hafa óformlegar viðræður þó átt sér
stað um nokkurra mánaða skeið.
Jón Snorrason, stjórnarformaður Húsasmiðj-
unnar, sagði í samtali við Morgunblaðið, að á
næstunni yrði grundvöllur sameiningar félag-
anna kannaður.
Ætlunin væri að fyrirtækin rynnu saman í
eitt ef viðræður leiddu til jákvæðrar niður-
stöðu. Tímarammi viðræðnanna verður settur á
næstu dögum.
„Það eru álitnir felast í þessu hagræðing-
armöguleikar og tækifæri til stærri og öflugri
rekstrar,“ sagði Jón. „Sameinað fyrirtæki verð-
ur áhættudreifðara i sínum rekstri. Fyrirtækin
hafa kjarnastarfsemi og síðan ýmis sérvörusvið
sem eru að nálgast sífellt meira.
Sameinað félag mun hafa mun áhættudreifð-
ari tekjugrunn, auk þess sem nútímaverslunar-
rekstur er sífellt meira byggður á þekkingu og
upplýsingatækni. Þar liggja margvísleg sam-
legðartækifæri.“
Auknir sóknarmöguleikar
Samkvæmt heimildum Morgunblaðsins líta
forsvarsmenn fyrirtækjanna svo á að með sam-
einingu verði hægt að ná fram umtalsverðri
hagræðingu og auka sóknarmöguleika fyrir-
tækjanna beggja þar sem hvort þeirra um sig
er með rekstur víða um land. Telja þeir að sér-
vara Húsasmiðjunnar ætti að laða fleiri við-
skiptavini að verslunum Kaupáss og öfugt.
Húsasmiðjan hf. er að meirihluta í eigu af-
komenda stofnanda fyrirtækisins, Jón Snorra-
son og Sturla Snorrason eiga hvor um sig rúmt
21% og Sigurbjörg Snorradóttir á tæp 15%.
Aðrir eiga 5% eða minna. Velta félagsins á sl.
ári nam 7,9 milljörðum króna sem var 34%
aukning frá fyrra ári og skilaði reksturinn 318
milljóna króna hagnaði það árið.
Fyrirtækin Ískraft ehf., Byggingavörur ehf.
og H.G. Guðjónsson ehf. voru sameinuð Húsa-
smiðjunni í byrjun árs 2000 og Blómaval ehf.
sameinaðist Húsasmiðjunni um mitt árið í
fyrra. Þá fjárfesti félagið í þremur erlendum
fyrirtækjum, timburframleiðslufyrirtæki í Eist-
landi, glugga- og glerframleiðslufyrirtæki í
Lettlandi og timbursölufyrirtæki, einnig í Lett-
landi.
Kaupás hf. var stofnað fyrir réttum tveimur
árum með sameiningu þeirra fyrirtækja sem
ráku verslanir Nóatúns, KÁ á Suðurlandi og
11-11. Kaupás er næststærsta verslanakeðja
landsins á eftir Baugi með tæplega 30% mark-
aðshlutdeild af matvörumarkaði. Þá á og rekur
félagið verslanirnar Intersport og Húsgagna-
höllina.
Velta félagsins á síðasta ári nam 11,8 millj-
örðum króna. Kaupás er að stærstum hluta í
eigu EFA, sem á u.þ.b. 35%, og Landsbankans-
Fjárfestingar hf., sem á um 20% hlut. Aðrir
eiga 6% eða minna, þ.á m. ýmsir lífeyrissjóðir.
Húsasmiðjan og Kaupás
í sameiningarviðræðum
THORBJØRN Jagland, utanrík-
isráðherra Noregs, kom í stutta
vinnuheimsókn til Íslands í gær
og átti viðræður um sameiginleg
hagsmunamál Noregs og Íslands
við hinn íslenzka starfsbróður
sinn, Halldór Ásgrímsson. Hér
sjást ráðherrarnir, Halldór
fremstur og Jagland næstur,
bregða sér til sunds í Bláa lóninu
að loknum vinnufundi þeirra.
Evrópumál voru efst á baugi í
viðræðunum. Á blaðamannafundi
í Eldborg, upplýsinga- og ráð-
stefnumiðstöð orkuvers Hitaveitu
Suðurnesja í Svartsengi, greindi
Halldór frá því, að ráðherrarnir
hefðu komið sér saman um „að
setja okkar embættismenn í það á
næstu tveimur mánuðum að fara
yfir þau vandamál sem við finn-
um að eru til staðar í sambandi
við samskiptin við Evrópusam-
bandið og þau vandamál sem eru
því samhliða að reka EES-
samninginn“.
Ráðherrar allra EFTA-ríkjanna
þriggja sem aðild eiga að Evr-
ópska efnahagssvæðinu, Íslands,
Noregs og Liechtenstein, myndu
síðan ræða betur hvað gera skuli
í þessum málum á fundi í Liecht-
enstein í sumar.
Jagland sagði Noreg og Ísland
vera að flestu leyti í sömu stöðu í
Evrópumálunum og mælti að-
spurður með því að löndin yrðu
enn betur samstiga en hingað til í
stefnu sinni gagnvart Evrópusam-
bandinu.
Morgunblaðið/Árni Sæberg
Stilla saman
strengi í
Evrópumálum

Óljós framtíð EES/6
ATLANTSSKIP og Transatlantic
Lines (TLL) munu ekki sjá um sjó-
flutninga fyrir varnarliðið eftir mitt
næsta ár ef marka má orð ónafn-
greinds embættismanns hjá flutn-
ingadeild Bandaríkjahers (US Milit-
ary Traffic Management Command) í
skipafréttablaðinu TradeWinds.
Atlantsskip og TLL gerðu fyrir
tveimur árum samning við Banda-
ríkjaher um sjóflutningana og voru
samningarnir til þriggja ára með
möguleika á framlengingu til tveggja
ára til viðbótar. Embættismaðurinn
segir að vegna þrýstings frá íslensk-
um og bandarískum stjórnvöldum og
Eimskipafélagi Íslands verði samn-
ingarnir ekki framlengdir heldur
verði þeir boðnir út sumarið 2002.
Þegar niðurstaða útboðsins varð
ljós fyrir tveimur árum höfðuðu Eim-
skip og Van Ommeren, sem höfðu
sinnt flutningunum, mál gegn flutn-
ingadeild Bandaríkjahers fyrir að
semja við Transatlantic Lines og Atl-
antsskip um flutningana, en félögin
eru í eigu sömu aðila. M.a. þess vegna
töldu kærendur að samningarnir fælu
í sér brot á sjóflutningasamningi Ís-
lands og Bandaríkjanna frá árinu
1986. Eimskip vann málið fyrir undir-
rétti, en TLL og Atlantsskip áfrýjuðu
málinu og unnu málið í áfrýjunarrétti.
Eimskip ákvað að láta á það reyna
hvort málið fengist tekið fyrir hjá
Hæstarétti Bandaríkjanna, en réttur-
inn hafnaði þeirri beiðni.
Óheppilegt að blanda saman
viðskiptum og stjórnmálum
Embættismaðurinn, sem rætt var
við í blaðinu TradeWinds, segir að
flutningadeild hersins hafi fundið fyr-
ir miklum þrýstingi vegna samnings-
ins við Atlantsskip og TLL og segist
hann hafa þurft að svara fjölda spurn-
inga um málið bæði frá Pentagon eða
bandaríska varnarmálaráðuneytinu
og sínum yfirmanni.
Að sögn embættismannsins er lík-
legt að flutningadeild hersins muni
gefa eftir og í stað þess að framlengja
samninginn við Atlantsskip og TLL
muni fara fram útboð á næsta ári.
Hann segir að ef þetta verði raunin
yrði það dapurleg niðurstaða enda
óheppilegt að blanda viðskiptum og
stjórnmálum saman.
Líkur á að
samningum
verði sagt upp
Alþjóðlegt skipafréttablað um
sjóflutninga fyrir varnarliðið
KINDURNAR sem börðu hjarnið í
Mýrarhyrnu fyrir mánuði, og sagt
var frá í Morgunblaðinu, eru nú
úr helju heimtar. Þær birtust ofan
við bæinn Mávahlíð, fannhvítar og
mjóslegnar en virðast vel frískar.
Þær hafa ekki verið handsamaðar
en þær eru með vissu taldar í eigu
Þorgerðar Jónsdóttur í Tungu. Er
þarna komin ær á öðrum vetri
sem í fyrrahaust hlaut nafnið Ísa-
fold og er Peladóttir. Henni fylgir
gimbur frá í fyrravor og önnur
gimbur sem móðirin hrapaði frá.
Eru þær allar geldar, því enginn
var hrúturinn á fjallinu.
Það þykir með hreinum ólík-
indum að kindurnar skuli vera
komnar niður í byggð. Þegar þær
svo tóku sig upp hafa þær þurft
að ganga miklar fannir efst á
fjallinu áður en þær komust í
haga að nýju og gátu farið að
þoka sér heimleiðis. Kindurnar
verða ekki teknar á hús því betra
er talið fyrir þær að taka á móti
vorgrösunum í hlíðinni.
Kindurnar
björguðu sér
HÉRAÐSDÓMUR Reykjavíkur
hefur staðfest þá niðurstöðu sam-
keppnisráðs að Tryggingastofnun
ríkisins hafi verið stætt á því að neita
að ganga til samninga við sérfræð-
inga í heimilislækningum, þótt stofn-
unin hafi gert sérstaka samninga við
aðra lækna. Félag íslenskra heimilis-
lækna höfðaði mál gegn samkeppn-
isráði og taldi að ákvörðun TR fæli í
sér brot á samkeppnislögum þar sem
um væri að ræða aðgangshindrun að
markaðnum. Héraðsdómur taldi að
heimilislæknar og sérfræðingar á
öðrum sviðum læknisfræðinnar
störfuðu ekki á sama markaði og
ættu þar af leiðandi ekki í samkeppni
sín á milli, þótt eðli málsins sam-
kvæmt hljóti störf þeirra að skarast.
Læknar hafa höfðað annað dóms-
mál á grundvelli þess að lög brjóti
gegn atvinnufrelsi þeirra.
TR heimilt
að hafna
samningum

Starfa ekki/12