Morgunblaðið - 16.06.2001, Blaðsíða 26

NEYTENDUR
26 LAUGARDAGUR 16. JÚNÍ 2001 MORGUNBLAÐIÐ
Í HÆSTARÉTTI BRETLANDS Nr. 2651/2001
CHANCERY DIVISION
COMPANIES COURT
Í MÁLI FRIENDS’ PROVIDENT LIFE OFFICE
- og -
Í MÁLI FRIENDS PROVIDENT LIFE AND PENSIONS LIMITED
- og -
Í MÁLI INSURANCE COMPANIES ACT 1982
TILKYNNT ER HÉR MEÐ í samræmi við 4. mg., viðauka 2C við Insurance Companies Act 1982 (Lög
um tryggingafyrirtæki, 1982) að þann 11. júní 2001 var gerð tilskipun frá Her Majesty’s Court of Justice
(Dómstól Bretlands) samkvæmt 1. hluta þess viðauka til að leyfa áætlun („UK Scheme“) til þess að færa
mætti til Friends Provident Life and Pensions Limited („FPLP“) þau skírteini sem heyra til langtímavið-
skipta á vegum Friends’ Provident Life Office („FPLO“) í United Kingdom (Stóra-Bretlandi og Norður
Írlandi).
ENNFREMUR ER TILKYNNT HÉR MEÐ að þann 12. júní 2001 var gerð tilskipun frá Royal Court of
Guernsey (Konunglega dómstól Guernsey) til að leyfa áætlun („Guernsey Scheme“) til þess að færa mætti
til FPLP þau skírteini, sem heyra til langtímaviðskipta á vegum FPLO á Guernsey.
Að því tilskyldu að útistandandi skilmálum UK Scheme sé mætt, munu yfirfærslur samkvæmt UK Scheme
og Guernsey Scheme fara fram 9. júlí 2001. Tilkynning um yfirfærslurnar birtist einnig í Legal Gazette
(Lögbirtingarblaði) þann 23. mars 2001.
Þar sem, hvað varðar sérhvert skírteini sem heyrir til viðskiptanna sem yfirfærð verða samkvæmt annað-
hvort UK Scheme eða Guernsey Scheme, hvort sem á við, ríki skuldbindingarinnar er aðiljaríki annað en
United Kingdom (Bretland) (samkvæmt skilgreiningu þess orðs hvað viðkemur þá áætlun) og tryggingar-
skírteinishafi á rétt á að afturkalla skírteinið vegna skuldbindingarinnar, má þá nýta sér þann rétt á tímabili
sem nemur 21 degi frá þeim degi sem þessi tilkynning birtist (eða, þar sem við á, á því lengra tímabili sem
leyft má vera samkvæmt lögum ríkis skuldbindingarinnar).
DAGSETT þann 16. júní 2001.
Herbert Smith
Exchange House
Primrose Street
London EC2A 2HS
Englandi.
Tilv. 2067/2555
Lögfræðingar fyrir hönd FPLO
og FPLP
in almennt. „Það hefur ekki verið, við
höfum ekki látið það skipta máli í
sambandi við bensín og annað.“
Lífrænn áburður
úr rabarbaraseyði
Hvernig á hlutfallið af grænsápu-
blöndu og rabarbaraseyði að vera
þegar úða á í garðinum með þessum
lífrænu vörnum?
Að sjálfsögðu eru til nokkrar mis-
munandi uppskriftir fyrir þessa
blöndu. Að sögn Láru Jónsdóttur
garðyrkjufræðings er sú blanda sem
hún mælir með eftirfarandi: „Blöð af
rabarbara eru brytjuð niður og lögð í
bleyti í ryðfrían stálpott og suðan lát-
in koma upp. Þegar suðan er komin
upp er seyðið látið kólna. Þegar það
er orðið kalt er vökvinn síaður frá.
Gott er að leysa upp eina matskeið af
grænsápu í hvern lítra af vökva. Síð-
an er vökvanum tappað á flöskur og
hann geymdur þannig. Þegar úðað
er á plönturnar er einn desilítri af
þessum vökva settur í einn til tvo
lítra af vatni.“
Eru FÍB og ESSO-safnkorta-
klúbbur í samstarfi?
Ef fólk gengur í Félag íslenskra
bifreiðaeigenda er það sjálfkrafa
komið í ESSO-safnkortaklúbbinn?
Hvers vegna hjá einu félagi frekar
en öðru?
Ólafía Ásgeirsdóttir fulltrúi FÍB
segir það vera rétt, þegar gengið er í
FÍB er fólk sjálfkrafa komið í Safn-
kortaklúbb ESSO. „Þetta er bara
einn af notkunarmöguleikum félags-
skírteinisins en fólk þarf ekki að nota
það sem safnkort frekar en það vill.
Þetta er í raun gert til þæginda fyrir
þá sem vilja safna punktum, til að
fækka kortum.“
Aðspurð af hverju ESSO frekar en
eitthvað annað félag segir Ólafía: „Á
sínum tíma var óskað eftir samstarfi
við olíufélögin og því stóð öllum til
boða samstarf við okkur. Þetta félag
var ekki valið úr án þess að tala við
alla aðila.“ Ólafía telur þetta sam-
starf ekki skapa hagsmunaárekstra
þegar kemur að gagnrýni á olíufélög-
Spurt og svarað um neytendamál
FYRIR nokkru lækkaði verð á
ávöxtum og grænmeti í verslunum
Krónunnar og Bónuss.
Undanfarið hafa viðskiptavinir
þar t.d. getað keypt kíló af sveppum
á um 195 krónur í stað 595 króna. Þá
hafa fleiri tegundir eins og agúrkur,
tómatar, appelsínur, epli, bananar,
jöklasalat og jarðarber verið seldar
með svipuðum afslætti. Hálft kíló af
jarðarberjum kostaði t.d. 299 krón-
ur í Bónus í gær en áður voru 200 g
seld á um 189 krónur í versluninni.
Óvíst hversu
lengi lækkunin
varir
Guðmundur
Marteinsson fram-
kvæmdastjóri Bón-
uss segir að í kjölfar
opnunar nýrrar
Bónusverslunar á
Selfossi hafi farið af
stað verðlækkun á
ávöxtum og grænmeti
í öllum verslunum
Bónuss og Krónunnar, en báðar
þessar verslanakeðjur eru nú með
útibú á Selfossi.
Guðmundur segir, að í Bónus
gildi sú regla nú sem endranær, að
Bónus bjóði lægsta verðið og þá sé
alveg sama hversu lágt verð sam-
keppnisaðilar séu að bjóða. „Það er
ómögulegt að segja hversu lengi
þessi verðlækkun stendur núna, en
við fylgjumst með og okkar mark-
mið er bara að vera ávallt með
lægsta verðið. Það er ekkert flókn-
ara.“
Sigurjón Bjarnason fram-
kvæmdastjóri Krónunnar segir að
verðið á ávöxtum og grænmeti hafi
verið lágt í Krónunni undanfarið og
í sumum tilfellum í nokkrar vikur.
Hann segir þó mismunandi eftir
dögum hvaða grænmeti og ávextir
lækki í verði og segir að síðustu
daga hafi það t.d. verið bananar,
appelsínur, sveppir, og jöklasalat.
„Afslátturinn er mismunandi
hverju sinni en hann hefur verið
töluverður.“ Þegar Sigurjón er
spurður hversu lengi Krónan ætli að
vera með í þessari verðsamkeppni
segir hann ómögulegt að segja til
um það, verðið breytist daglega og
jafnvel á klukkutíma fresti.
Bónus og Krónan lækka verð á ávöxtum og grænmeti
Morgunblaðið/Ásdís
Hörð verðsamkeppni í kjöl-
far opnunar Bónuss á Selfossi
ÞEGAR Hollustuvernd ríkisins og
Heilbrigðiseftirlit sveitarfélaga tóku
nýlega 59 sýni úr ferskum kjúkling-
um um land allt og rannsökuðu m.t.t.
salmonellu og kamfýlóbakter reynd-
ust öll sýnin neikvæð. Úttektin var
gerð á tímabilinu 21. maí – 7. júní. Á
sama tíma árið 2000 fannst kamfýló-
bacter í 11% af ferskum kjúklingum
sem þá voru rannsakaðir en Salmon-
ella hefur ekki fundist í kjúklingum á
Íslandi undanfarin ár.
Elín Guðmundsdóttir, matvæla-
fræðingur hjá Hollustuvernd ríkis-
ins, segir að þessi árangur sé einstak-
ur ef borið er saman við aðrar þjóðir
og hún segir að hann megi þakka
samstilltu átaki kjúklingaframleið-
enda og heilbrigðisyfirvalda. „Þrátt
fyrir þessar góðu niðurstöður er
minnt á vandaða meðferð kjötmetis,
einkum fuglakjöts sem nauðsynlegt
er að gegnsteikja eða sjóða með full-
nægjandi hætti. Þá er fólk minnt á að
gæta fyllsta hreinlætis við undirbún-
ing og matreiðslu og að tryggja full-
nægjandi kælingu á hrámeti og af-
göngum.“
Ferskir kjúklingar rannsakaðir
Engin sýni sýkt
ÞEIR sem slá með bensíndrifnum
sláttuvélum gætu verið að anda
að sér krabbameinsvaldandi efn-
um í útblæstrinum. Í nýlegri
sænskri rannsókn, sem unnin var
af Dr. Peter Westerholm við
Stokkhólmsháskóla og fjallað var
nýlega um á fréttavef BBC, kom
fram að við það að slá gras í
klukkutíma myndast jafn mikil
loftmengun og venjulegur bíll
gefur frá sér í 150 kílómetra
akstri. Í niðurstöðum hans kemur
einnig fram, að með því að setja
mengunarvarnarbúnað á sláttu-
vélarnar, megi minnka meng-
unina um 90% á krabbameins-
valdandi efnunum og um 30 til
50% á öðrum mengandi efnum.
Sláttuvélaframleiðendurnir hjá
Atco-Qalcast, sem er stærsti
sláttuvélaframleiðandi á Bret-
landi, segja slíkt vera ómögulegt
vegna gríðarlegs kostnaðar.
Þór Tómasson, verkefnastjóri
á mengunarvarnasviði hjá Holl-
ustuvernd ríkisins, segir þetta
vera þekkt vandamál með gömlu
bensínsláttuvélarnar. Hann mælir
með því að bensínsláttuvélar séu
stilltar reglulega til að minnka
loftmengun.
„Fyrir einstakling, sem slær
nokkrum sinnum á sumri, munar
þetta trúlega engu. Ég mundi
samt mæla með handsláttuvél
eða rafmagnssláttuvél frekar en
bensínsláttuvél.“
Lúðvík Gústafsson, sviðsstjóri
umhverfissviðs hjá Heilbrigð-
iseftirliti Reykjavíkur, segir
þetta aldrei hafa verið rannsakað
sérstaklega hér á landi, en segir
að í fljótu bragði telji hann
mengunina frá sláttuvélum
hverfandi miðað við mengun frá
bílum. „Það eina sem ég get sagt
er að í bensíninu er efnið bensen,
sem hefur verið notað í staðinn
fyrir blý í blýlausu bensíni.“ Efn-
ið bensen er krabbameinsvald-
andi, en áhrif þess koma þó ekki
fram í útblæstrinum að sögn
Lúðvíks, heldur kemur það í
gufum þegar maður andar að sér
bensínlykt.
Einnig gætu sótagnir í út-
blæstrinum verið krabbameins-
valdandi, en Lúðvík segir að sót-
agnir frá sláttuvélum séu eflaust
hverfandi á við þær sótagnir sem
myndast þegar grillað er, eða út-
blástur díselbíla. Lúðvík vill þó
ekki gera lítið úr vandamálum
tengdum útblæstri frá sláttu-
vélum, en segist ekkert hafa
heyrt um hann sérstaklega und-
anfarið.
Bensínsláttuvélar
að verða vinsælli
Jóhannes Valdimarsson er
framkvæmdarstjóri Hvells, en
þar eru seldar sláttuvélar og
boðið upp á viðgerðaþjónustu.
Hann segir meðferð á sláttu-
vélum oft ábótavant hjá fólki. Þó
bendir hann á að sumir komi allt-
af með vélarnar í stillingu á vor-
in og sé það vel. Hann tekur þó
fram að ef meðferð á vélinni er
góð og bensín ekki látið standa í
henni allan veturinn sé eflaust
nóg að stilla vélina annað hvort
vor. Aðspurður um hvort sala á
bensínsláttuvélum hafi minnkað
segir hann: „Einmitt ekki, það er
aukning í bensínvélunum á með-
an rafmagnsvélarnar virðast
vera á útleið“
Ekkert eftirlit
Aðspurður um eftirlitsskyldu
Vinnueftirlits ríkisins með sláttu-
vélum segir Björn S. Pálsson eft-
irlitsmaður: „Það er ekki neitt
eftirlit með loftmengun frá
sláttuvélum yfir höfuð, í vinnu-
skóla eða annarsstaðar.“ Vinnu-
veitandanum er því í sjálfsvald
sett hvort hann stillir vélina eða
ekki.
Arnfinnur Jónsson skólastjóri
Vinnuskóla Reykjavíkur segir að
sláttuvélum vinnuskólans sé vel
haldið við. „Við rekum þjónustu-
miðstöð, sem hefur eftirlit með
öllum verkfærum og öðru slíku.
Þar erum við með starfsmann
sem hefur það verkefni á veturna
að hugsa um þessar vélar. Mót-
orsláttuvélar og vélorf eru yf-
irfarin, hver einasta vél, athuguð
kerti og stillt það sem þarf að
stilla og almennu viðhaldi sinnt.
Svo er þetta geymt í upphituðu
húsi yfir veturinn og hugsunin er
sú, að þetta sé til reiðu og eins
tilbúið og hugsast getur þegar
sumarstarfið hefst.“
Krabbameinsvaldandi efni
í útblæstri bensínsláttuvéla?
Morgunblaðið/Arnaldur
Ekkert eftirlit er í vinnuskólum með loftmengun frá sláttuvélum.
Regluleg stilling
dregur úr loftmengun