Morgunblaðið - 21.08.2001, Síða 2
FRÉTTIR
2 ÞRIÐJUDAGUR 21. ÁGÚST 2001 MORGUNBLAÐIÐ
Fylgstu
með
nýjustu
fréttum
www.mbl.isFram að ráða nýjan þjálfara
í handknattleik?/B1
Haukur Ingi
til Molde?/B1
16 SÍÐUR40 SÍÐUR
Sérblöð í dag
Á ÞRIÐJUDÖGUM
TVÍTUGUR karlmaður missti
framan af handlegg í vinnuslysi í
fiskvinnslufyrirtæki í Fellabæ í
gærmorgun.
Maðurinn festi höndina í fisk-
vinnsluvél og var hann fluttur með
sjúkraflugi á Landspítala – há-
skólasjúkrahús í Fossvogi. Að
sögn vakthafandi læknis á slysa-
deild er maðurinn ekki í lífshættu
en ekki var hægt að græða hönd-
ina aftur á. Að sögn lögreglunnar
á Egilsstöðum er málið nú í rann-
sókn.
Missti
framan af
handlegg
SÝSLUMAÐURINN í Vík í Mýrdal
rannsakar ferð fólks með hrossahóp
um Lakagíga um verslunarmanna-
helgina. Sýslumanni barst kvörtun
frá landverði, er starfar í Lakagígum
á vegum Náttúruverndar ríkisins, en
hann segir að fólkið hafi ekki hlýtt
tilmælum sínum og að viðkvæmur
gróður við gígana hafi skemmst. Að
sögn Sigurðar Gunnarssonar sýslu-
manns eru skýrslutökur eftir og
gætu þær tekið nokkurn tíma. Að
þeim loknum verður tekin ákvörðun
um framhald málsins og ákveðið
hvort kært verður. Um tuttugu
manns voru í förinni og kemur fólkið
víðs vegar að af landinu, flest þó af
höfuðborgarsvæðinu.
Sögð hafa skemmt
viðkvæman gróður
við Lakagíga
UNDIRBÚNINGUR að lands-
fundi Sjálfstæðisflokksins er kom-
inn vel á veg, en fundurinn stendur
dagana 11.-14. október. Í þessari
viku standa málefnanefndir flokks-
ins fyrir opnum fundum þar sem
drög að ályktunum landsfundar
verða kynnt og rædd. Fundirnir
eru opnir öllum sjálfstæðismönn-
um. Í dag standa íþrótta- og æsku-
lýðsnefnd, jafnréttisnefnd, land-
búnaðarnefnd, menningarmála-
nefnd og nefnd um málefni eldri
borgara fyrir fundum. Á morgun
funda orkunefnd, skattamálanefnd
og sveitarstjórna- og byggðanefnd.
Fundirnir hefjast kl. 17:15 í Val-
höll. Milli 1.400 og 1.500 fulltrúar
hafa seturétt á landsfundinum. Yf-
irskrift fundarins hefur ekki verið
ákveðin og endanleg dagskrá ligg-
ur ekki fyrir.
Landsfund-
ur Sjálfstæð-
isflokksins
11. október
ÍSLENDINGAR fengu fern gull-
verðlaun á heimsmeistaramótinu í
Stadl Paura í Austurríki og fjög-
ur af sex kynbótahrossum sem
fram komu fyrir hönd Íslands
stóðu efst í sínum flokki en hin
tvö voru í öðru sæti. Hafliði Hall-
dórsson sigraði í töltkeppninni á
Valíant frá Heggsstöðum í mjög
sögulegri keppni.
Vignir Jónasson stóð sig með
mikilli prýði á Klakki frá Búlandi,
vann tvo heimsmeistaratitla, ann-
an í fimmgangi og hinn í stiga-
söfnun þar sem reiknaður er sam-
an árangur í tölti, fimmgangi og
skeiði. Að auki hlaut hann brons-
verðlaun í gæðingaskeiði. Reynir
Aðalsteinsson hlaut brons í 250
metra skeiði á Sprengi-Hvelli frá
Efstadal og Sigurbjörn Bárðarson
vann sigur í 100 metra flugskeiði
á Gordon frá Stóru-Ásgeirsá, en
sú grein var kynnt á mótinu og
því ekki talað um gullverðlaun
fyrir sigur þar.
Svíar unnu tvenn gullverðlaun
en sigur þeirra í 250 metra skeiði
þótti í meira lagi umdeildur þar
sem Mjölnir, hestur sigurveg-
arans Önnu Skúlason, stökk upp á
síðustu metrunum í sigursprett-
inum en spretturinn var ekki
dæmdur ógildur. Þjóðverjar unnu
ein gullverðlaun í frjálsri fimi og
Danir unnu sitt fyrsta gull í slak-
taumatölti.
Mótið þótti takast með ágætum
að flestu leyti en lok töltkeppn-
innar þóttu dapurleg, þótt allir
hestar hafi komist heilir frá
leiknum og sjálfsagt enginn skaði
orðinn.
Heimsmeistaramótið
í Austurríki
Íslending-
ar á sig-
urbraut
Morgunblaðið/Valdimar Kristinsson
Það var Guðna Ágústssyni landbúnaðarráðherra mikið gleðiefni að afhenda Hafliða Halldórssyni tölthornið.
BRESKA hljómsveitin Coldplay
kom til landsins í gær, en sveitin
mun halda tónleika í Laugardals-
höll annað kvöld. Fjórmenning-
arnir komu við í Bláa lóninu til
þess að þvo af sér ferðarykið á
leið sinni til Reykjavíkur.
Mikill áhugi er fyrir tónleikum
sveitarinnar og er búist við fjöl-
menni í Laugardalshöllinni á
morgun. Hins vegar er enn ekki
uppselt á tónleikana. Coldplay
hyggst leika í eina og hálfa
klukkustund og spila efni af
væntanlegri breiðskífu sinni.
Þeir í Coldplay hlökkuðu til að
heimsækja landið og sögðu í sam-
tali við Morgunblaðið á sunnudag
að Ísland væri eitt þeirra landa
sem þeir hefðu ávallt viljað heim-
sækja. Liðsmenn Coldplay áforma
að dvelja hér í fjóra daga, fram
til fimmtudags, en þá halda þeir
til Írlands til að leika á tónleikum
U2 í Slane-kastala.
Morgunblaðið/Palli Sveinsson
Coldplay
komin til
landsins
PÉTUR Magnússon, 36 ára gamall
sjómaður búsettur í Ólafsvík, bjarg-
aðist þegar að eldur gaus upp í fjög-
urra tonna trillu, Hrönn AK, á
Húnaflóa snemma á laugardags-
morguninn síðasta. Báturinn er
gerður út frá Akranesi og var Pétur
að leysa af um helgina.
„Það var í raun algjör tilviljun að
ég var þarna um borð. Kunningi
minn sem var með þennan bát þurfti
að fara í frí og ég var með hann fyrir
hann yfir helgina,“ sagði Pétur og
tiltók að báturinn hafi verið í topp-
standi og nýuppgerður.
Eldur hafði komið upp í bátnum
kvöldið áður, en Pétur slökkti hann
og taldi sig hafa komist fyrir vand-
ann. „Ég taldi að sá eldur hefði kom-
ið upp í miðstöðinni og þorði þess
vegna ekkert að kveikja á henni aft-
ur.“ Þetta sagði Pétur hafa gert að
verkum að hann varð seint var við
eldinn sem kom upp í stýrishúsinu
því brunalykt hafi verið í bátnum.
„Maður veit bara ekki neitt um elds-
upptökin, enda hvorki slökkviliðs-
maður né rafvirki,“ sagði Pétur, en
hann var nývaknaður og byrjaður að
skaka þegar kviknaði í aftur. „Ég sá
að stýrishúsið var allt fullt af reyk,
en svo blossaði upp eldur þegar ég
opnaði dyrnar. Þá lokaði ég aftur og
sótti slökkvitækið sem ég var með á
dekkinu frá því kvöldið áður og
reyndi að slökkva en réð bara ekk-
ert við eldinn. Hitinn var mjög mikill
og hurðin brann fljótlega í gegn eftir
að ég hafði lokað dyrunum,“ sagði
hann. Þegar Pétri varð ljóst að ekki
yrði ráðið við eldinn greip hann lok
af fiskikari og setti fyrir dyrnar.
„Ég skellti lokinu fyrir því ég þurfti
að standa upp við dyrnar til að ná
björgunarbátnum,“ sagði hann.
Báturinn brann mjög hratt
Talstöðvar og fjarskiptatæki eru
öll í stýrishúsinu og Pétur hafði því
engin tök á að kalla strax á hjálp.
„En þykk reykjarsúlan stóð óhemju-
hátt upp úr bátnum og það var
heiðskí3rt þannig að ég var nokkuð
klár á að ef væri skip einhvers stað-
ar í nágrenninu þá myndu þeir sjá
þetta. Svo kveikti ég á neyðarbauj-
unni í björgunarbátnum,“ sagði
hann og bætti við að í trillunni væri
einnig sendir sem stöðugt sendi boð
til tilkynningaskyldunnar. „Þannig
að þegar hann brennur og hættir að
senda hverf ég af skjánum hjá þeim
og þeir vita að eitthvað er að.“
Pétur telur að trillan hafi verið
orðin alelda örfáum mínútum eftir
að hann komst í hann. „Þetta brenn-
ur hratt, það er rosalegur eldmatur í
þessu plasti þegar það brennur og
það gerist miklu hraðar en ég hélt,“
sagði hann. „Þá sá ég fljótlega bát-
inn sem kom nokkuð langt að vegna
þess hve hann er stór. Maður verður
náttúrlega svolítið rólegri þegar
maður sér stórt skip koma öslandi
til sín,“ sagði Pétur, sem slapp
ómeiddur.
Manni bjargað af brennandi báti á Húnaflóa að morgni laugardags
Þykk reykjarsúlan stóð
hátt upp úr bátnum
♦ ♦ ♦