Morgunblaðið - 21.08.2001, Qupperneq 18

AKUREYRI
18 ÞRIÐJUDAGUR 21. ÁGÚST 2001 MORGUNBLAÐIÐ
KRISTJÁN Þór Júlíusson bæjar-
stjóri á Akureyri tók fyrstu skóflu-
stunguna að nýrri stólalyftu í Hlíð-
arfjalli sl. laugardag. Nær lagi
væri að tala um að bæjarstjórinn
hafi tekið fyrstu skíðastunguna að
lyftunni, því til verksins notaði
hann svigskíði sem hafði verið
útbúið sérstaklega til verksins.
Bæjarstjóra til aðstoðar voru tveir
aldnir heiðursmenn og helstu
skíðaforkólfar bæjarins, þeir Her-
mann Sigtryggsson og Óðinn
Árnason.
Í kjölfarið hófust svo jarðvegs-
framkvæmdir í Hlíðarfjalli. Fyr-
irtækið Árfell ehf. í Dalvíkurbyggð
átti lægsta tilboð í byggingu und-
irstaðna fyrir nýju lyftuna og var
samið við fyrirtækið á grundvelli
þess. Árfell bauðst til að vinna
verkið fyrir tæpar 17 milljónir
króna, sem er um 81% kostnaðar-
áætlun. Verkinu skal lokið fyrir
15. október.
Áður hafði verið gengið frá
kaupum á nýrri fjögurra sæta
stólalyftu af Doppelmayr gerð og
er stefnt að því að uppsetningu
hennar verði lokið um miðjan
desember nk. Nýja lyftan flytur
um 2.000 manns á klst. en gamla
stólalyftan flutti um 450 manns á
klst. Heildarkostnaður við lyftuna
og uppsetningu hennar er um 160
milljónir króna.
Morgunblaðið/Kristján
Kristján Þór Júlíusson bæjarstjóri tók skóflustungu að nýrri stólalyftu í
Hlíðarfjalli sl. laugardag og notaði til þess svigskíði sem hafði verið sér-
staklega útbúið til verksins. Honum til aðstoðar voru skíðaforkólfarnir
Hermann Sigtryggsson, til vinstri, og Óðinn Árnason.
Skóflustunga tekin
að nýrri stólalyftu
HELGIN var róleg hjá lögreglu og
slökkviliði á Akureyri. Hins vegar
var sl. föstudagur erilsamur hjá
slökkviliðinu og m.a. bárust tvær til-
kynningar um eld á tæpum fimm
mínútum.
Skömmu fyrir hádegi á föstudag
barst tilkynning um eld í potti í íbúð
við Snægil. Húsráðanda tókst að
slökkva eldinn með eldvarnarteppi
áður en slökkvilið kom á vettvang
en slökkviliðið reykræsti íbúðina.
Tæpum fimm mínútum síðar
barst tilkynningin um eld í drátt-
arvél við bæinn Syðri-Brennihól.
Þangað var sendur annar slökkvibíll
en dráttarvélin var alelda þegar að
var komið.
Þessu til viðbótar bárust þrjú
brunaútköll en þau komu frá eld-
varnarkerfum og áttu sér skýringar
aðrar en að eldur væri laus.
Þá komu tvö slys til kasta sjúkra-
flutningamanna á Slökkvistöð Ak-
ureyrar sl. föstudag. Fullorðin kona
datt illa í Borgarsíðu og slasaðist á
höfði og drengur brenndist illa á
hendi við Skútagil. Hann setti hönd-
ina í nýlagða götumálningu sem var
mjög heit og brenndist illa á lófa.
Annríki hjá slökkviliði
GÍFURLEGUR áhugi var fyrir
jasstónleikunum sem haldnir voru
í verslunarmiðstöðinni Glerártorgi
sl. laugardagskvöld. Tónleikarnir
voru hápunkturinn á fjögurra
daga Django djasshátíð á Ak-
ureyri, þar sem innlendir og er-
lendir tónlistarmenn stigu á svið.
Húsfyllir var en um 600 manns
sóttu tónleikana og þurftu margir
frá að hverfa. Tónleikarnir stóðu
yfir í fimm klukkustundir og hóf-
ust með leik akureyska django-
tríósins Hrafnasparki. Einnig
komu fram hljómsveitin Pearl
Django frá Bandaríkjunum og
Robin Nolan Trio frá Hollandi,
ásamt söngvaranum Randy Greer
frá Spáni og gítarleikaranum Paul
Weeden frá Noregi.
Jón Hlöðver Áskelsson, formað-
ur Jazzklúbbs Akureyrar, sagði að
tónleikarnir hefðu verið vel
heppnaðir og stemmningin í hús-
inu mjög góð. „Þessi jasshátíð
hefði sómt sér vel hvar sem er í
heiminum,“ sagði Jón Hlöðver.
Robin Nolan Trio hélt tónleika í
Deiglunni sl. fimmtudagskvöld og
Pearl Django daginn eftir og var
uppselt á þá báða. Einnig var mik-
ill áhugi fyrir djassnámskeiðinu
sem Robin Nolan Trio stóð fyrir í
Tónlistarskólanum en námskeið-
inu lauk með tónleikum í göngu-
götunni á laugardag. Að sögn
Jóns Hlöðvers var námskeiðið
kjarninn í hátíðinni.
Vel heppnaðir djasstónleikar á Glerártorgi
Morgunblaðið/Kristján
Söngvarinn Randy Greer og gítarleikarinn Paul Weeden taka lagið með Robin Nolan Trio í verslunarmiðstöð-
inni Glerártorgi. Lengst til vinstri er Paul Meader, bassaleikari Robin Nolan-tríósins.
NEMENDUM við Háskólann á Ak-
ureyri fjölgar um ríflega 30% milli
ára. Kennsla hófst í háskólanum í
gær, mánudag, og hófu þá nám rétt
um 900 nemendur, en þeir voru 688
á síðasta skólaári. Nýnemar eru alls
um 500 talsins og hefur þeim fjölg-
að um rúmlega 40% frá fyrra skóla-
ári.
Mest fjölgun er í rekstrardeild
þar sem nemum fjölgar úr 168 í 293
og þá fjölgar nemendum í kenn-
aradeild úr 258 í 342. Nemendum í
fjarnámi fjölgar einnig umtalsvert
eða úr 156 nemendum í 273.
Ný deild, upplýsingatæknideild,
tók til starfa í gær og þar mun 31
nemandi hefja nám í tölvunarfræði
til BS-prófs. Deildarforseti er Mark
O’Brian sem var prófessor við tölv-
unarfræðideild háskólans í Notting-
ham í Bretlandi.
Fyrsta vika skólaársins hefur að
þessu sinni fengið nafnið Nýnema-
vika og er ástæðan sú að sérstök
kynningarvika hefur verið skipu-
lögð fyrir alla nýnema sem skráðir
eru við háskólann. Meginmarkmið
hennar er að kynna nemendum
Nýnemavika í Háskólanum á Akureyri
Nemendum fjölgar um
ríflega 30% milli skólaára
Morgunblaðið/Kristján
Jóna Jónsdóttir, verkefnisstjóri nýnemaviku í Háskólanum, ræðir við
nemendur á upplýsingatæknideild, sem sestir voru á skólabekk í gær.
tölvukerfi, tölvuumhverfi og stoð-
þjónustu skólans og gefa þeim tæki-
færi til að kynnast innbyrðis og
starfsfólki skólans áður en kennsla
hefst. Með þessu er verið að gera
aðlögun nýnema að háskólanámi
auðveldari og leggja grunn að enn
betri námsárangri. Hugmyndin að
Nýnemavikunni er fengin að láni
frá erlendum háskólum þar sem
slíkar vikur hafa verið haldnar ár-
lega með góðum árangri.
NORÐLENSKA, kjötvinnslufyrir-
tæki Kaupfélags Eyfirðinga, hefur
sent sauðfjárbændum á félags-
svæði sínu bréf og hvatt þá til að
koma með fé til forslátrunar í dag,
þriðjudaginn 21. ágúst en afurð-
irnar verða sendar ferskar á
Bandaríkjamarkað. Norðlenska
stefnir að því að tvöfalda útflutning
til Bandaríkjanna frá fyrra ári og
flytja nú út 40 tonn, að sögn Jóns
Helga Björnssonar framkvæmda-
stjóra.
Jón Helgi sagði útflutninginn til
Bandaríkjanna spennandi verkefni
og að fyrirtækið hefði fengið nóg af
gripum í þessa fyrstu slátrun í dag.
Kjötinu verður pakkað í gaspakkn-
ingar, sem eiga að gefa meira
geymsluþol og er þar um tilraun að
ræða. Stefnt er að því að senda kjöt
til Bandaríkjanna fyrir Laborday
Weekend sem er þann 3. septem-
ber. Norðlenska hefur haft sér-
staka vottun á Bandaríkin og í síð-
asta mánuði fékk fyrirtækið einnig
vottun fyrir Evrópu.
Sauðfjárbændur fá greitt innan-
landsverð ásamt álagi fyrir allt
magnið en meðalverð fyrir kílóið er
um 280 krónur. Í fyrstu slátrun
verður útflutningsverðið hið sama
og innanlandsverð en fer síðan
stiglækkandi eftir því sem líður á
haustið og verður lægst í lok októ-
ber, 170 krónur fyrir kílóið.
20 útlendingar
í sláturtíðina
Norðlenska auglýsti eftir fólki á
dögunum í sláturtíðina á Húsavík,
sem hefst af fullum krafti í byrjun
næsta mánaðar og stendur í um tvo
mánuði. Jón Helgi sagði að nokkuð
vel hefði gengið að fá fólk til starfa.
Alls verða ráðnir 60-70 manns og
sagði Jón Helgi að í þeim hópi yrðu
20 útlendingar, frá Skandinavíu.
Norðlenska slátrar fyrir Bandaríkjamarkað
Stefnt að tvöfalt meiri út-
flutningi en á síðasta ári