Morgunblaðið - 21.08.2001, Side 8
FRÉTTIR
8 ÞRIÐJUDAGUR 21. ÁGÚST 2001 MORGUNBLAÐIÐ
Nýr dýraspítali í Víðidal
Miklu betri
aðstaða
Á næstunni munudýralæknar Dýra-spítalans í Víðidal
taka í notkun nýtt húsnæði
sitt, samnefnt, á horni
Breiðholtsbrautar og
Vatnsveituvegar. Katrín
Harðardóttir dýralæknir
er einn af fimm hluthöfum
í nýja fyrirtækinu og
gjaldkeri þess. Hún var
spurð hvort reksturinn
breyttist mjög við þessi
umskipti.
„Við dýralæknarnir
fimm sem störfum allir við
Dýraspítalann í Víðidal
stofnuðum hlutafélag árið
1999 með það fyrir augum
að reisa nýtt húsnæði yfir
starfsemina. Jafnframt
breytist rekstrarfyrir-
komulag fyrirtækisins
þannig að hluthafarnir fimm reka
það, en fram að þessu höfum við
verið verktakar hjá Dýraspítalan-
um í Víðidal. Öll útivinna, t.d. störf
viðvíkjandi hestum, hefur verið á
vegum hvers og eins dýralæknis.“
– Hvers vegna gerið þið þessa
breytingu?
„Það var draumur okkar að
geta verið með sterka miðstöð fyr-
ir allar tegundir dýra þar sem við
getum boðið upp á fullkomna
þjónustu. Með umræddri breyt-
ingu á rekstrinum munu framveg-
is öll okkar störf fara í gegnum
fyrirtækið. Við gerum okkur ekki
vonir um fjárhagslegan afrakstur
með þessu en hins vegar fáum við
miklu betri aðstöðu til okkar
starfa í þágu okkar viðskipta-
vina.“
– Hvaða dýr er mest leitað til
ykkar með?
„Einkanlega hunda og ketti og
svo hesta. Við þjónum einnig átján
kúabúum í Kjósinni og það er tölu-
vert mikið af kindum á höfuðborg-
arsvæðinu, einkum á Reykjanesi.“
– Og hvað er það nú helst sem
plagar sjúklinga?
„Hjá köttum eru það nú oft sár
eftir slagsmál og meltingartrufl-
anir, niðurgangur og uppköst. Hjá
hundum er mikið um magavanda-
mál, ofnæmi og eyrnabólgur,
einnig heltast margir hundar.
Mikið af störfum okkar er svoköll-
uð „rútínuvinna“ – við geldum
húsdýr, bólusetjum og hreinsum
þau af ormum.“
– Er mikið um dýrahald á höf-
uðborgarsvæðinu?
„Það hefur aukist gífurlega á
þeim tólf árum sem ég hef starfað
á Dýraspítalanum í Víðidal. Eink-
um hefur hundum fjölgað eftir að
hundahald var leyft í Reykjavík
og hafinn var innflutningur á
hundum. Fjölbreytnin í tegundum
bæði hjá hundum og köttum er
ótrúlega mikil.“
– Hvaða tegundir eru vinsæl-
astar?
„Smáhundarnir eru mjög vin-
sælir núna, töluvert framboð er af
þeim og það er minni vinna að
hafa þá, þeir þurfa minni viðrun,
borða minna og fara síður úr hár-
um. Veiðihundar eru líka vinsælir
og íslenski hundurinn
stendur fyrir sínu.
Hvað kettina áhrærir
er íslenski húsköttur-
inn mjög algengur
ennþá, en það er búið
að flytja inn persneska
ketti og skógarketti,
svo og síamsketti í mörgum af-
brigðum og í minni mæli aðra
ketti, svo sem abyssiníuketti og
bengalketti.“
– Hvað með hestana, hefur
komið fyrir að fluttir séu inn út-
lendir hestar?
„Nei, það er bannað með öllu.
Íslenski hesturinn ríkir hér al-
valdur. Það er meira að segja
bannað að leyfa íslenskum hestum
að koma aftur til landsins ef þeir á
annað borð hafa verið fluttir til út-
landa, sem mikið er gert af.“
– Hvers vegna er þetta svona
strangt með hestana?
„Íslenski hesturinn er alveg
laus við allar alvarlegar veirusýk-
ingar og smithætta er alltof mikil
til að leyfa innflutning.“
– Svo við snúum okkur aftur að
hinu nýja húsnæði – er það mun
stærra en það sem þið eruð í nú
við Vatnsveituveg?
„Nýi spítalinn er 500 fermetrar,
sá gamli 130 fermetrar. Nýi spít-
alinn skiptist í hestaspítala og
smádýraspítala með tengibygg-
ingu á milli, sem er biðstofa.“
– Hafið þið byggt þennan nýja
spítala á eigin kostnað?
„Já, við höfum ekki fengið neinn
fjárstuðning en auðvitað hefur
fyrirtækið fengið lán til bygging-
arinnar.“
– Í hverju liggur aðstöðumun-
urinn helst?
„Fyrir utan stækkun á húsnæði
þá er þetta nýja húsnæði hannað
sérstaklega fyrir þennan rekstur,
en hið gamla var það ekki. Arki-
tektastofan Gláma Kím teiknaði
húsið í náinni samvinnu við okkur
dýralæknana.“
– Er þetta steinhús?
„Þetta er stálgrindarhús og
reksturinn á einni hæð nema hvað
geymsluloft er yfir hestaspítalan-
um.“
– Hvað munu starfa margir á
hinum nýja spítala?
„Það verða fimm
dýralæknar og væntan-
lega þrír starfsmenn að
auki.“
– Mun þetta draga úr
einkarekstri dýra-
lækna á höfuðborgar-
svæðinu?
„Við fimm hættum öllum einka-
rekstri en það eru þrjár aðrar
dýralæknastofur á höfuðborgar-
svæðinu og það mun væntalega
ekki breytast.“
– Hvenær hefst starfsemin í
nýja spítalanum?
„Vonandi fyrir 1. október, þetta
er allt að smella núna.“
Katrín Harðardóttir
Katrín Harðardóttir fæddist í
Reykjavík 24. janúar 1963. Hún
lauk stúdentsprófi frá Mennta-
skólanum við Hamrahlíð árið
1982 og læknaprófi frá landbún-
aðarháskólanum í Kaupmanna-
höfn 1989. Hún hefur starfað á
Dýraspítalanum í Víðidal frá
1990. Hún er varaformaður
Kattavinafélagsins og á sæti í
stjórn Dýralæknafélags Íslands.
Katrín er gift Kristjáni Jónas-
syni, jarðfræðingi á Náttúru-
fræðistofnun Íslands. Þau eiga
tvö börn.
Nýi spítalinn
er 500 fer-
metrar en
sá gamli 130
fermetrar
STARFSMÖNNUM Áburðarverk-
smiðjunnar var tilkynnt í gær að milli
35 og 40 þeirra, eða um tveimur
þriðju hlutum starfsmanna, yrði sagt
upp um næstu mánaðamót vegna
skipulagsbreytinga hjá fyrirtækinu
sem ætlað er að bæta samkeppnis-
stöðu þess. Fyrirtækið mun hætta
frumvinnslu hráefna til áburðarfram-
leiðslu og leggja í staðinn áherslu á
fullvinnslu áburðar.
Efnaverksmiðjur fyrirtækisins
verða því lagðar niður og verður hrá-
efni flutt inn til landsins. Haraldur
Haraldsson, stjórnarformaður
Áburðarverksmiðjunnar, segir að
skorið verði niður í öllum rekstri fyr-
irtækisins.
Þungt hljóð í starfsmönnum
Frank Hall, vaktstjóri hjá fyrir-
tækinu, segir að þungt hljóð sé í
starfsmönnum. „Margir eru búnir að
vinna hérna hálfa starfsævina, í 20–30
ár. Ef það er rétt sem virðist útlit fyr-
ir, að það sé framleiðslan sem er verið
að stöðva, eru náttúrlega elstu starfs-
mennirnir þar,“ segir Frank. Hann
segir að á morgun muni fulltrúar
starfsmanna funda með forsvars-
mönnum fyrirtækisins og þá muni
staðan kannski skýrast eitthvað, en
ekkert hefur verið gefið upp um hvar
verði skorið niður. Frank segir að
starfsmenn séu slegnir og að það sé
erfitt fyrir þá að bíða til mánaðamóta
með að vita hvort þeir haldi vinnunni,
best hefði verið að fá úr því skorið
strax. Frank segir að vel hafi verið
mætt á starfsmannafundinn í gær,
miðað við að boðað var til hans með
þriggja klukkustunda fyrirvara og að
margir hafi verið í sumar- eða vakta-
fríi.
Óvægin samkeppni frá innflytj-
endum erlends áburðar
Nú eru tæplega 60 fastráðnir
starfsmenn hjá fyrirtækinu en árið
1999, þegar Haraldur keypti fyrir-
tækið ásamt hópi fjárfesta, voru
starfsmenn 88 talsins. Haraldur segir
að síðan þá hafi verið farið í ýmsar
hagræðingaraðgerðir og að starfs-
mönnum hafi verið fækkað um 33 á
þeim tíma, en það hafi ekki verið nóg.
„Við höfum verið að tapa peningum
og það getur enginn haldið áfram að
reka fyrirtæki sem tapar peningum,“
segir Haraldur.
Þegar kaupin fóru fram árið 1999
var markaðshlutdeild fyrirtækisins
80%, en er hún nú um 70%. Haraldur
segir að óvægin verðsamkeppni ís-
lenskra innflytjenda á erlendum
áburði, sé ástæða minnkandi mark-
aðshlutdeildar. Að meginstofni komi
samkeppnin frá fimm aðilum, m.a.
hafi kaupfélögin flutt inn áburð. Har-
aldur segir að um leið og Áburðar-
verksmiðjan hafi gefið út verð á sína
vöru hafi innflytjendurnir undirboðið
þá. „Þeir hafa reynt að selja sína vöru
á verði, en ekki gæðum.“ Haraldur
segir ekki nokkurn vafa leika á að er-
lendur áburður sé lakari. „Vara okkar
er sérhönnuð fyrir íslenskt veðurfar
og íslenskt gróðurlendi,“ segir hann.
Haraldur segir að bændur sem hafa
keypt erlenda áburðinn eigi eftir að
sjá jarðveginn hjá sér rýrna á næstu
árum. „Það tekur um þrjú ár að koma
fram að skipt hafi verið um áburð, því
áhrifin koma ekki fram á fyrsta degi.“
Til þessa hefur Áburðarverksmiðj-
an lagt höfuðáherslu á framleiðslu
einkornaáburðar, en mun eftir breyt-
ingarnar eingöngu framleiða fjöl-
kornaáburð sem er einfaldari í fram-
leiðslu. Haraldur segir að uppsagn-
arfrestur starfsmanna sé allt frá
þremur mánuðum upp í sex mánuði
og að á þeim tíma verði starfseminni
breytt. Í einkornaáburði innihalda öll
kornin sömu efnablönduna, en í fjöl-
kornaáburði eru kornin mismunandi,
hvert korn inniheldur hluta úr heild-
arblöndunni.
Haraldur segir að það eigi eftir að
skýrast hvað verði um þau hús sem
hafa hýst þá starfsemi sem nú verður
lögð niður og þau tæki sem hætt verð-
ur að nota. Hann segir að engin tilboð
hafi borist í eignirnar. „Skipulagsyfir-
völd hafa verið að tala um að setja
íbúðabyggð þarna. Ef það verður
munum við bíða eftir því, en þangað
til nýta húsin í það sem mögulegt er.“
Nærri 40 af 60 starfs-
mönnum sagt upp
Breytingar fyrirhugaðar hjá Áburðarverksmiðjunni
ÞEIR líkjast helst risavöxnum marmarabjörgum, ísjak-
arnir á Jökulsárlóni á Breiðamerkursandi, sem ferða-
mennirnir – sem aftur á móti virðast einungis örlitlar
þústir á myndinni – skoðuðu í blíðviðrinu á dögunum.
Morgunblaðið/RAX
Tignarleg fegurð