Morgunblaðið - 21.08.2001, Blaðsíða 22
VIÐSKIPTI
22 ÞRIÐJUDAGUR 21. ÁGÚST 2001 MORGUNBLAÐIÐ
TRYGGINGAMIÐSTÖÐIN hf. skil-
aði 154,8 milljóna króna hagnaði á
fyrri hluta ársins og er það tæplega
56% aukning frá sama tímabili í fyrra
en þá var hagnaðurinn 99,4 milljónir.
Til samanburðar má geta þess að
hagnaður ársins 2000 í heild var 171,3
milljónir króna. Félagið segir afkomu
tímabilins vera viðunandi en verulegt
tap hafi orðið á eignatryggingum,
m.a. vegna brunans hjá Ísfélagi Vest-
mannaeyja og tveggja stórra bruna-
tjóna til viðbótar. Afkoma ökutækja-
trygginga, sem nema um 50% af
heildariðgjöldum félagsins, hefur
hins vegar batnað, að sögn fyrst og
fremst vegna iðgjaldahækkana og
fækkunar tjóna á fyrstu fjórum mán-
uðum ársins.
Þreföldun hagnaðar
af vátryggingarekstri
Hagnaður af vátryggingarekstri
nær þrefaldaðist frá sama tímabili í
fyrra, var 338,9 milljónir króna nú en
113,5 milljónir í fyrra. Hlutfallslega
mest aukning frá fyrri hluta síðasta
árs, eða um tæp 72%, varð á fjárfest-
ingatekjum sem færast á vátrygg-
ingarekstur, en þær fóru úr 430 í 738
milljónir króna. Skýringin er rakin til
mikillar verðbólgu og hárra vaxta. Þá
jukust eigin iðgjöld um 28,0% eða 472
milljónir króna en þar af nam aukn-
ing bókfærðra gjalda 29,9%, voru þau
um 4,4 milljarðar króna nú á móti 3,4
milljörðum árið áður. Um þriðjungur
aukningarinnar er rakinn til tilfærslu
á gjalddögum innan ársins en sé tillit
tekið til þess er aukning bókfærðra
iðgjalda 20,1%. Eigin tjón tímabilsins
námu 2,1 milljarði króna á móti tæp-
lega 1,7 milljörðum árið áður og juk-
ust um 27,7%. Þar af jukust bókfærð
tjón um 45,9% frá fyrra ári, voru 2,8
milljarðar króna nú en 1,9 milljarðar
árið áður. Aukningin er rakin til upp-
gjörs bóta upp á 989 milljóna króna
vegna stórbrunans í Ísfélagi Vest-
mannaeyja. Þá jókst hluti endur-
tryggjenda í bókfærðum tjónum um
179%, var 1.309 milljónir króna nú á
móti 469 milljónum árið áður.
18 m.kr. tap af fjármálarekstri
Vegna þeirra háu fjárfestingar-
tekna af vátryggingarekstri sem
færðar voru vegna verðbólgu og
hárra vaxta myndast 18,4 milljóna
króna tap af fjármálarekstri félags-
ins samanborið við liðlega 86 milljóna
króna hagnað í fyrra. Þá er 55 millj-
óna króna afskrift viðskiptavildar
vegna kaupa á Tryggingu hf. gjald-
færð undir öðrum gjöldum. Hvað
varðar afkomu síðari hluta ársins
segir í tilkynningu að hún verði vænt-
anlega svipuð og afkoma fyrri hlut-
ans. Ennfremur segir að þess sé
vænst að rekstur ökutækjatrygginga
verði kominn í viðunandi horf eftir
mikinn taprekstur undanfarin ár. Þá
sé verið að huga að leiðum til að
stöðva taprekstur í eignatrygging-
um.
Í samræmi við væntingar
Katrín Friðriksdóttir, sérfræðing-
ur hjá Búnaðarbankanum Verðbréf,
segir afkomu Tryggingamiðstöðvar-
innar vera að mestu leyti í samræmi
við væntingar greiningadeildar Bún-
aðarbankans. „Ljóst var að tekjur
félagsins myndu aukast verulega
vegna hækkana á iðgjöldum öku-
tækjatrygginga. Félagið hefur til-
kynnt að stórtjón í eignatryggingum
það sem af er árinu myndu hafa áhrif
á afkomu í þeim flokki vátrygginga.
Þá hefur hátt vaxtastig og mikil verð-
bólga þau áhrif að auka fjárfesting-
artekjur af vátryggingarekstri og á
kostnað fjármálareksturs sem nú
skilar tapi.“
Katrín segir að hlutfall eigin tjóna
á móti eigin iðgjöldum sé lítið breytt
frá sama tímabili í fyrra en verulegur
viðsnúningur hafi orðið þar á ef litið
er á tjónahlutfall í árslok 2000 sem
var 105,4%. „Að því gefnu að félagið
verði ekki fyrir stórtjónum í eigna-
tryggingum á seinni hluta árs má
gera ráð fyrir enn hagstæðara tjóna-
hlutfalli á seinni helming ársins, sér-
staklega í ljósi þess að enn á hluti af
hækkunum iðgjalda ökutækjatrygg-
inga eftir að skila sér inn í rekstur-
inn.“
Hagnaður Tryggingamiðstöðvarinnar 156 milljónir króna á fyrri hluta árs
Afkoma öku-
tækjatrygg-
inga batnaði
#
3'
#
4
5 3
6
$
!
!
78
"
!
" 9
9:
3
#
%
$;
&
(', 0*)
(',,.
*0)
)
+/*
+ ""
(('/,*
((' *'-)0
('(0(
-
())
%
&%
&%&
&%&
%
%
%
%
%&
%
%
&%
%&
%
%
%
!
" #
" #
" #
!
!
SÍLDARVINNSLAN hf. í Nes-
kaupstað var rekin með 398 millj-
óna króna tapi á fyrstu sex mán-
uðum ársins 2001 en tap sama
tímabils í fyrra var 16 milljónir
króna. Björgólfur Jóhannsson, for-
stjóri Síldarvinnslunnar, býst við að
betur gangi á seinni hluta ársins og
ekki sé ástæða til að breyta rekstr-
aráætlun.
Áætlanir félagsins um afkomu
hafa ekki gengið eftir á tímabilinu
sem rekja má aðallega til þriggja
þátta, að því er fram kemur í til-
kynningu: aukins fjármagnskostn-
aðar vegna mikils gengistaps á
tímabilinu og hækkandi vaxta, olíu-
verð hækkaði á tímabilinu en reikn-
að var með lækkunum í áætlunum
og í þriðja lagi hafi verkfall sjó-
manna í 50 daga haft veruleg áhrif
þar sem reiknað hafði verið með
veiði á kolmunna á þeim tíma.
Rekstrartekjur Síldarvinnslunnar
á fyrri hluta ársins námu 1.973
milljónum króna en rekstrargjöld
námu 1.320 milljónum króna. Hagn-
aður fyrir afskriftir og fjármagns-
liði nam 653 milljónum króna, eða
sem svarar til 33,1% af rekstrar-
tekjum. Á sama tímabili árið áður
nam þessi fjárhæð 323 milljónum
króna, eða 20,9% af rekstrartekjum.
Afskriftir námu samtals 239 millj-
ónum króna, samanborið við 214
milljónir sama tímabil árið áður.
Fjármagnsgjöld umfram fjármuna-
tekjur námu 913 milljónum króna,
samanborið við 75 milljónir króna
sama tímabil árið áður. Verðhækk-
un og gengismunur skulda var 962
milljónir króna fyrstu sex mánuði
ársins. Veltufé frá rekstri nam 501
milljón króna samanborið við 258
milljónir króna á sama tímabili árið
2000.
Eigið fé félagsins í júnílok nam
1.906 milljónum króna, samanborið
við 2.471 milljón í árslok 2000. Í
júnílok var eiginfjárhlutfall félags-
ins 22,80%, samanborið við 33,64% í
lok ársins 2000. Veltufjárhlutfallið
var 0,66 samanborið við 0,85 í árs-
lok 2000.
„Ég get ekki verið sáttur við
þessa niðurstöðu,“ segir Björgólfur
Jóhannsson, forstjóri Síldarvinnsl-
unnar, í fréttatilkynningu. „Það
verður hins vegar að horfa á að
félagið er að mestu leyti fjármagnað
með erlendri mynt og breytingar á
gengi krónunnar setja því verulegt
mark á rekstrarniðurstöðuna. Það
eru hins vegar batamerki sjáanleg í
rekstri félagsins sérstaklega í upp-
sjávarfiskinum, sem gefur von um
betri tíð að minnsta kosti um sinn.“
Björgólfur segir síðari hluta árs-
ins yfirleitt lakari hjá Síldarvinnsl-
unni hf. en nú megi hins vegar
reikna með góðum síðari hluta
vegna hás markaðsverðs fyrir síld-
arafurðir, frosnar og saltaðar, svo
og fyrir mjöl- og lýsisafurðir.
Tap hjá Síldarvinnslunni í Neskaupstað
Búist við betri
afkomu seinni
hluta árs
UMSÓKN Kjötumboðsins, áður
Goða, um framlengingu á greiðslu-
stöðvun var tekin fyrir í héraðsdómi
í gær. Að sögn Kristins Geirssonar,
framkvæmdastjóra kjötumboðsins,
komu fram mótmæli við framleng-
ingu á greiðslustöðvun frá einum að-
ila og málinu hafi því verið frestað
um einn dag. Aðspurður segir Krist-
inn að þessi mótmæli hafi ekki verið
mjög haldbær en það dugi að einn
aðili mótmæli til þess að dómtaka
þurfi málið. Kristinn segir að lög-
menn sínir telji að þessi mótmæli
muni þó væntanlega ekki breyta
endanlegri niðurstöðu, þ.e. að
greiðslustöðvunin verði framlengd
þar sem allir aðrir kröfuhafar hafi
samþykkt eða ekki mótmælt áfram-
haldandi greiðslustöðvun félagsins.
Sigurgeir Þorgeirsson, fram-
kvæmdastjóri Bændasamtakanna,
segir að samtökin hafi ekki mætt við
þinghaldið en þau hafi átt fund með
öðrum kröfuhöfum fyrir helgina þar
sem farið hefði verið yfir stöðuna.
Samtökin hafi ákveðið að mótmæla
ekki beiðni um framlengingu
greiðslustöðvunar til Kjötumboðs-
ins. „Við ráðfærðum okkur við ýmsa
aðra lánardrotta Kjötumboðsins.
Reyndar teljum við framlögð gögn á
fundinum benda til þess að það verði
líklega erfitt fyrir Kjötumboðið að
komast í gegnum þetta mál. Það get-
ur verið tvísýnt hvor aðferðin er
betri við að ná sem mestu af kröfum
okkar, þannig að við lögðum ekki í
það að mótmæla framlengingu á
greiðslustöðvun.“
Málið dóm-
tekið í dag
Greiðslustöðvun
Kjötumboðsins
TAP Hraðfrystihússins – Gunnvarar
hf. nam 178 milljónum króna fyrstu
sex mánuði ársins samanborið við 41
milljónar króna hagnað á sama tíma-
bili í fyrra. Helsta skýringin á þessum
viðsnúningi er að gengistap á fyrstu
sex mánuðum ársins 2001 var 529
milljónir króna samanborið við 64
milljóna króna gengistap árið áður.
Rekstrarhagnaður fyrir afskriftir
nam 419 milljónum eða 30,8% af
rekstrartekjum samanborið við 314
milljónir króna árið áður eða 23,2% af
rekstrartekjum.
Rekstrartekjur félagsins voru
1.356 milljónir krónur samanborið við
1.353 milljónir króna árið áður.
Rekstrargjöld námu 937 milljónum
króna en voru 1.039 milljónir króna
árið áður sem er lækkun um 10%.
Veltufé frá rekstri var 257 milljónir
króna á tímabilinu sem er 19% af
rekstrartekjum, samanborið við 200
milljónir króna árið áður sem er 15%
af rekstrartekjum. Heildareignir
félagsins voru 5.388 milljónir króna í
lok júní og eigið fé var 838 milljónir
króna. Eiginfjárhlutfall hefur lækkað
úr 20,6% í 15,5%.
Auknar tekjur vegna
veikingar krónunnar
Í frétt frá Hraðfrystihúsinu –
Gunnvöru kemur fram að á tímabilinu
gengu bolfiskveiðar og -vinnsla vel,
svo og útgerð frystiskips félagsins
þrátt fyrir tafir frá veiðum vegna sex
vikna verkfalls sjómanna í apríl og
maí. Útgerð rækjuveiðiskipa félags-
ins var rekin með nokkrum halla á
tímabilinu. Rekstur félagsins fyrir af-
skriftir og fjármagnslið hefur gengið
betur en áætlanir gerðu ráð fyrir og
er meginskýring þess að við veikingu
íslensku krónunnar hafa tekjur
félagsins aukist.
Gert er ráð fyrir því að afkoma
félagsins á síðari hluta ársins verði
betri en á þeim fyrri að því gefnu að
gengi íslensku krónunnar verði stöð-
ugt.
Hraðfrystihúsið –
Gunnvör
Nær 180
milljóna tap
♦ ♦ ♦