Morgunblaðið - 21.08.2001, Blaðsíða 46
Guð sér út um holt og hæðir,
heyrir sjúkra kvalaóp,
skynjar allt, sem manninn mæðir,
miskunn sýnir hverjum glóp.
Honum er í lófa lagið
líf að skapa, hvar sem er –,
eyðir líka annað slagið
ýmsu því, sem miður fer.
Guð er alltaf góður hirðir,
gætir þess, sem lítils má,
rætur lífsins ver og virðir,
vakir jafnan öllu hjá.
Þeir, sem ganga villur vegar,
vonarglætu enga sjá,
örvinglaðir eru, þegar
andinn losnar holdi frá.
Hraust og falleg íslensk æska
á að vera nógu sterk
til að vita, að guð og gæska
gera mikil kraftaverk.
Ef menn tendra ástarneista,
elska börn af hjartans lyst,
þeim, sem Honum trúa’ og treysta,
trygg er Paradísarvist.
(Ort 19. júní 1996.)
SIGURGEIR ÞORVALDSSON,
Keflavík.
Sáluhjálp
Frá Sigurgeiri Þorvaldssyni:
46 ÞRIÐJUDAGUR 21. ÁGÚST 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
NÝLEGA var kveðinn upp dómur í
hrottalegasta nauðgunarmáli sem
um getur hér á landi. Þjóðin varð
agndofa þegar
níðingurinn, sem
átti eftir að af-
plána 7 ára fang-
elsi, fékk 3 ára
dóm fyrir illvirk-
ið. Glæpaverkið
þykir óprenthæf-
ur hryllingur sem
ekki má fjalla um
vegna fyrirsjáan-
legs sálarháska
þeirra sem á
hlýða. Tökum til hliðsjónar ólíkt mál
þar sem þingmaður ofhlaðinn trún-
aðarstörfum fer út af sakramentinu.
Berum saman afleiðingar þessara
mála á gerendur og þolendur. Einn
af virkustu alþingismönnunum fellur
í gryfjur ágirnda og lyga. Græðgin er
svikull förunautur sem leynist illa og
því varð maðurinn uppvís að stór-
felldu misferli og sem verra var, lyg-
um. Gæfuleysið er mikið og örvænt-
ingin þegar gripið er til lyga til að
leyna og má líkja viðbrögðunum við
að skvetta olíu á eld til að slökkva.
Þingmaðurinn, ásamt vinum og ætt-
ingjum á eftir að líða fyrir þetta en
engir aðrir. Viðbrögð fjölmiðla og al-
mennings hljóta að verða honum
minnisstæð martröð þar sem drama-
tísk eymd hans og volæði vakti park-
insonlögmálið til pólitískra nota.
Freistarinn lætur ekki að sér hæða
og er ávallt viðbúinn eins og skát-
arnir. Þegar klúðurslegum lagasmíð-
um misvitra þingmanna er þröngvað
í gegnum þingið fá alþýðuóvinirnir
færið. Götótt lög eru fjárglæfra-
mönnum áskorun til þjófnaðar en eru
heiðarlegu fólki eins og illur andi í
húsi. Lög sem segja jafnréttinu stríð
á hendur og hvetja þannig fólk til
óheiðarlegra undanbragða, eru það
líka. Verkalýðsforingjar sem semja
þannig að vísitalan eikur launabilið,
eru vandræðagemsar og engum trúir
frekar en vanhæfir stjórnmálamenn.
Skattsvik verða rússnesk rúlletta og
gefur gráðugum spennufíklum byr
undir báða vængi. Smátt og smátt
myndast háþróaðar svikaleiðir fyrir
þau sem hafa lært að láta almenning
borga brúsann fyrir sig og mörg
fórnardýranna eru svo rækilega úti á
þekju að þau halda að gróðinn sé
þeirra. Ljóst er að andskotalausir
verða Íslendingar ekki meðan þeir
tala hljóðlega og af hógværð um
hræðilegustu illvirki síðari ára en
ætla af göflunum að ganga þegar
freistingarnar verða þjóðkunnum
manni að falli. Þá hefst gúrkutíð í
fréttamennsku og síbyljurullan setur
margt í vafasaman farveg. Það sem
vakti helst athygli mína var hvað
margir köstuðu steinum úr glerhús-
um. Stjórnmálin eru söm við sig og
manngæskan verður í ljósára fjar-
lægð. Fallvölt vinátta er eins og skít-
ur á priki, einskis virði og hverfur
með hagsmunalokun. Það var talað
um sex ára dóm fyrir það sem þing-
maðurinn gerði en hryllilegur nauðg-
ari, forhert illmenni var dæmt í 3 ár.
Ég þekki þingmanninn ekkert og
ætla ekki að mæla honum bót, en
fyrr má nú rota en dauðrota. Það
góða við mál mannsins er að þau
greiða mistur frá svikaleiðum sem
eru og hafa verið notaðar af fjölda
manns. Þingmaðurinn verður að taka
afleiðingum gerða sinna og gera
hreint fyrir sínum dyrum því þannig
gerir hann leiðina best færa til baka.
Bréf hans til kjósenda sinna var skil-
merkilegt og drengilegt en betur má
ef duga skal.
Nauðgun, morð, misþyrmingar
hvers konar og sala eiturlyfja eru á
allt annarri gráðu en fjármálaspilling
sem orðin er viðunandi ósómi sem
þjóðin leiðir hjá sér. Þjóðaríþrótt lík-
ust miðað við hvað margir Íslending-
ar ánetjast. Misþyrmingar skilja eft-
ir óbætanleg sár og eru afleið-
ingarnar skelfilegar fyrir þolendur,
ættingja og þjóðina. Þeim eina sem
er sama er glottandi gerandinn sem í
flestum tilfellum er illmenni. Það á
að birta nöfn og myndir af slíku ill-
þýði og leyfa því ekki að gleymast.
Virðum saklausa, sýnum þeim sam-
úð. Illþýði þarf ekki á henni að halda.
Ef ég hef sæmilega rétt fyrir mér
með þessum lýsingum eigum við Ís-
lendingar þungan róður fyrir hönd-
um.
ALBERT JENSEN,
Háaleitisbraut 129,
Reykjavík.
Þegar steinarnir
fljúga
Frá Alberti Jensen:
Albert
Jensen
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.