Morgunblaðið - 21.08.2001, Síða 14
FRÉTTIR
14 ÞRIÐJUDAGUR 21. ÁGÚST 2001 MORGUNBLAÐIÐ
GRÍMUR Eysturoy Guttorms-
son, kafari og skipasmiður, kaf-
aði fyrstur manna niður að flaki
olíubirgða-
skipsins El
Grillo á botni
Seyðisfjarðar
árið 1952.
Ranglega var
sagt í frétt
Morgun-
blaðsins síð-
astliðinn
laugardag, að
Hafsteinn Jó-
hannsson hefði fyrstur kafað
niður að flakinu. Beðist er vel-
virðingar á mistökunum.
Grímur E. Guttormsson fór
alls 81 ferð niður að flaki El
Grillo og bjargaði úr því 4.500
smálestum af svartolíu. Ekki
var þá talið að kafari hefði
nokkru sinni farið niður á meira
dýpi, en við björgunarstörf sín
fór Grímur niður á 44 metra
dýpi.
Í samtali við Morgunblaðið 7.
ágúst 1999 sagði Grímur heit-
inn, að tekist hefði að ná upp
olíunni með því að dæla sjó inn í
botninn á skipinu og þrýsta
olíunni þannig upp. Með þessu
móti hefði tekist að bjarga
4.500 tonnum af olíu úr skipinu
en Grímur sagði að heilmikið
magn hefði þó setið eftir.
Grímur var fæddur í Færeyj-
um 28. júlí árið 1919. Hann
fluttist til Íslands árið 1945 og
hóf störf við skipasmíðar. Á
stríðsárunum kafaði hann mik-
ið fyrir breska herinn og þegar
hann kom til Íslands var hann
fljótlega beðinn að taka að sér
verk á sviði köfunar. Forseti Ís-
lands sæmdi hann heiðurs-
merki hinnar íslensku fálka-
orðu.
Grímur lést hinn 17. apríl
2000, þá áttræður að aldri.
Grímur
Eysturoy
kafaði
fyrstur að
El Grillo
Grímur E.
Guttormsson
MENNINGARNÓTT Reykjavíkur
gekk vel fyrir sig að mati Geirs
Jóns Þórissonar, yfirlögregluþjóns
hjá lögreglunni í Reykjavík. Hann
telur að um 50 þúsund manns hafi
verið saman komin í miðborginni
þegar mest var. Það sé nokkuð
færra fólk en í fyrra, sem sé ekki
undarlegt í ljósi þess að Reykjavík
var menningarborg Evrópu í
fyrra.
Geir Jón segir að vissulega séu
ýmis smávægileg atriði sem bent
hafi verið á að mætti lagfæra en á
heildina litið hafi allt gengið
prýðilega. Fjöldi og eðli þeirra
mála, sem upp komu, sé í samræmi
við ástandið um venjulegar helgar
og því hafi allt í raun farið mjög
vel fram miðað við þann mann-
fjölda sem var í bænum.
Ökumenn tillitslausir
við hlaupara
Metþátttaka erlendra keppenda
var í Reykjavíkurmaraþoni á laug-
ardag. Geir Jón sagði það hafa
gengið áfallalaust fyrir sig en
reyndar hafi maraþonhlauparar
kvartað undan því að ökumenn
tækju ekki nógu mikið tillit til
þeirra.
Eftir að dagskrá menningar-
nætur lauk á miðnætti tók við
hefðbundið næturlíf borgarinnar.
„Nú, síðan tók náttúrlega nóttin
sjálf við. Það var kannski öðruvísi
menning sem tók þá við, ef það er
hægt að kalla það það. Og ég hef
svo sem gefið það út áður að mér
fannst vera of mikið af ungu fólki,
mjög ungu fólki, sem ég tel að
hefði bara þurft að fara heim með
foreldrum sínum, ef foreldrarnir
hafa komið með þau með sér í mið-
borgina.“ Geir Jón telur að á milli
fimm og sjö þúsund manns hafi
verið í miðborginni fram eftir
nóttu. Fyrst um þrjúleytið hafi far-
ið að fækka. „Við vísuðum mörg-
um frá og reyndum að koma
krökkunum í strætisvagna. Það
tók nú dálítinn tíma að koma þeim
í gott ról og flutningarnir, það tek-
ur allt ákveðinn tíma.“
Umferðin sem smurð vél
Geir Jón segir að augljóslega
hafi nú naglinn verið hittur á höf-
uðið varðandi umferðarmálin. Um-
ferð hafi gengið mjög vel. „Fólk
tók mjög tillit til okkar ábendinga
um að leggja bílum sínum svolítið
frá sjálfri miðborginni.“ Lögð var
megináhersla á að koma umferð-
inni sem fljótast út úr miðborginni
og segir Geir Jón að það hafi geng-
ið mjög vel. „Við vorum með lög-
reglumenn á öllum gatnamótum út
úr miðborginni, töluvert upp með
Miklubrautinni og Sæbrautinni og
settum ljósin á blikk, þannig að
forgangur var á akstur um þessar
brautir og eins á Bústaðavegi.“
Segir Geir að huga þurfi aðeins
betur að leið strætisvagnanna á
menningarnótt en farið verði yfir
það mál með Strætó og vankantar
sniðnir af því skipulagi fyrir næstu
menningarnótt.
Foreldrar séu ábyrgari
Viðveru unglinga í miðborginni
eftir miðnætti, margra hverja
drukkinna, telur Geir Jón helst
varpa skugga á nóttina. Það sé
einnig verkefni fyrir næsta ár að
fá fólk til að taka meiri ábyrgð á
börnunum sínum. „Því það var dá-
lítil ölvun á því fólki, sem síðan eft-
ir var í miðborginni, og það var nú
kannski ekki allt endilega börn og
unglingar. Það var auðvitað fólk á
öllum aldri en ég vildi ekki sjá
þessi börn undir 16 ára aldri þarna
innan um og saman við.“
Um 50 þúsund manns í miðborginni á menningarnótt
Umferð gekk að óskum
Morgunblaðið/Ómar
Þótt hraðinn hafi ekki verið eins mikill og hversdags gekk umferðin greiðlega á menningarnótt.
TVEIR aðilar munu taka saman
höndum og halda stóra sýningu í
Laugardal dagana 6. til 10. septem-
ber. Það eru Heimilið og Islandica
2001 sem standa að sýningunni sem
verður annars vegar almenn heimilis-
sýning og hins vegar ævintýrið um ís-
lenska hestinn. Fyrirhugað var að
halda sýningarnar sitt hvora helgina í
Laugardalnum í haust en að sögn
Unnar Steinsson, kynningarstjóra
Heimilisins, felur sameiningin í sér
ákveðna hagræðingu.
„Í stað þess að bítast um sömu
gestina sitt hvora helgina ákváðum
við að sameinast og skapa þannig
stærstu sýningu sem haldin hefur
verið á Íslandi. Ein af frístundum
heimilisins er hestamennskan en um
30 þúsund manns stunda þessa
heilsurækt og vissulega er þarna
snertiflötur við heimilið.“
Nær allt Laugardalssvæðið verður
lagt undir sýningarnar. Heimilið
verður með sýningu í Laugardalshöll,
Islandica verður í risatjaldi sem reist
verður við hlið hennar ásamt Skauta-
höllinni. Þá verður stórt svæði lagt
undir Tívolí á bílastæðum við Laug-
ardalshöll og loks verður Fjölskyldu-
og húsdýragarðurinn hluti af sýning-
arhaldinu.
„Það fór vel á því að skipuleggja
þetta á einu bretti og ekki síður sáum
við að með þessum sýningum samein-
uðum vorum við að fá meiri fjölda
gesta en hvor sýningin gat vænst að
fá ein og sér. Teljum við okkur þar
með vera að gera góða hluti, bæði
fyrir sýnendurna sjálfa, sem eru að
koma sínum vörum á framfæri og
sýningargestina sem fá fjölbreytta og
mikla sýningu,“ sagði
Fannar Jónasson, framkvæmda-
stjóri Islandica 2001
Um Laugardalinn
í hestakerrum
„Haldnar verða fjölbreyttar uppá-
komur, leiksýningar og fyrirlestrar.
Sýningin verður ein allsherjar fjöl-
skylduhátíð. Gestir geta farið í Tívolí,
heimsótt Fjölskyldu- og húsdýra-
garðinn, stigið á hestbak eða ferðast
um Laugardalinn í hestakerrum,“
segir í fréttatilkynningu.
Heimilið mun kynna vörur og þjón-
ustu fyrir eldhúsið, baðið, stofuna,
svefnherbergið, bílskúrinn og frí-
stundir heimilisins. Markmið alþjóð-
legu hestavörusýningarinnar Is-
landica 2001 er að kynna vörur og
þjónustu tengda íslenska hestinum
og er tilgangurinn sá að vekja athygli
á þeim vörum bæði meðal útlendinga
og Íslendinga. Einnig að gefa gestum
kost á því að fá yfirlit yfir það helsta
sem er að gerast á þessu sviði.
Heimilið og Islandica 2001 halda sameiginlega sýningu 6. til 10. september
Laugardalurinn tekur á sig breytta mynd er sýningin verður sett upp.
Leggja und-
ir sig Laug-
ardalinn
♦ ♦ ♦
SIV Friðleifsdóttir, umhverfisráð-
herra, sat í gær fund norrænna um-
hverfisráðherra í Ivalo í Norður-
Finnlandi. Á dagskrá fundarins var
samspil umhverfis- og heilsuvernd-
ar, niðurstaða Bonn fundarins um
útfærslu Kyoto bókunarinnar, sam-
starfið við Rússland á sviði um-
hverfismála og nýleg aðild Íslands
að Alþjóða hvalveiðiráðinu.
Norrænu ráðherrarnir hyggjast
senda breskum stjórnvöldum harð-
ort bréf þar sem lýst verði yfir
áhyggjum vegna niðurstöðu nýrra
mælinga, sem sýna fram á aukna
geislavirkni í hafinu við Noregs-
strendur er rakin er til kjarnorku-
endurvinnslustöðvarinnar í Sella-
field á norðvesturströnd Englands.
Rússar valda
áhyggjum
Í dag tekur Siv þátt í fundi um-
hverfisráðherra Barentsráðsins í
Kirkenes í Norður-Noregi. Á fund-
inum verður fjallað um ástand um-
hverfismála á Kolaskaga, m.a.
hættu af kjarnorkumengun.
Ákvörðun Rússa um að heimila
innflutning á kjarnorkuúrgangi ann-
arra landa er mikið áhyggjuefni í
ljósi þess vanda, sem Rússland
stendur frammi fyrir sjálft vegna
uppsöfnunar kjarnorkuúrgangs.
Áhyggjurnar beinast m.a. að því
hvaða sjóleið úrgangur yrði fluttur
ef af innflutningi yrði.
Kjarnorkuvinnslustöð
heimsótt
Ráðherrarnir munu á morgun
fara til Murmansk þar sem fundað
verður með auðlindanefnd svæðis-
ins. Þeir munu einnig heimsækja
nýja úrvinnslustöð fyrir fljótandi
kjarnorkuúrgang úr rússneska
norðurflotanum, sem Bandaríkja-
menn og Norðmenn fjármögnuðu.
Mun tilkoma stöðvarinnar marg-
falda það magn kjarnorkuúrgangs,
sem Rússar geta unnið. Einnig
verður stórt nikkelver á Kólaskaga,
sem mikil mengun berst frá, heim-
sótt. Norræni fjárfestingarbankinn
hefur lagt fram fé til endurbóta á
verinu.
Áhyggjur
af geisla-
virkni við
strendur
Noregs
Norrænir umhverfis-
ráðherrar í Finnlandi
HJÚKRUNARFRÆÐINGAR sem
starfa hjá ríkinu hafa samþykkt
kjarasamning sem gerður var við
fjármálaráðuneytið í júlílok. Alls
voru 1.799 á kjörskrá en 1.063
greiddu atkvæði eða 59,1%. Já
sögðu 828 eða 77,9%, nei sögðu 225
eða 21,2%. Auðir seðlar voru 10 eða
0,9%
Herdís Sveinsdóttir, formaður
Félags íslenskra hjúkrunarfræð-
inga, segist ánægð með niðurstöðu
atkvæðagreiðslunnar þar sem hún
sýni almenna sátt og ánægju félags-
manna með samninginn.
Samningurinn gildir til haustsins
2004 og segir Herdís að samið hafi
verið á svipuðum nótum og gert hafi
verið í öðrum samningum. „Félag
íslenskra hjúkrunarfræðinga á eftir
að ganga frá ýmsum stofnanasamn-
ingum og samningum við sjálfseign-
arstofnanir en við reiknum með að
sú vinna eigi eftir að ganga vel,“
segir Herdís.
Hjúkrunar-
fræðingar
samþykktu
kjarasamning