Morgunblaðið - 02.10.2001, Blaðsíða 2

FRÉTTIR
2 ÞRIÐJUDAGUR 2. OKTÓBER 2001 MORGUNBLAÐIÐ
Fylgstu
með
nýjustu
fréttum
www.mbl.isElísabet verður næsti
þjálfari ÍBV / B12
Bjarni ræðir við Fylki og
KR í vikunni / B1
12 SÍÐUR40 SÍÐUR
Sérblöð í dag
Á ÞRIÐJUDÖGUM
ÞJÓÐHAGSSTOFNUN gerir ráð
fyrir því að hagvöxtur verði 1,9% í ár
en að á næsta ári dragist landsfram-
leiðsla saman um 0,3%. Stofnunin
segir í nýrri þjóðhagsáætlun að einka-
neysla gæti minnkað um 1% í ár og
½% á næsta ári en fjárfesting öllu
meira eða um 5% í ár og 13½% á
næsta ári. Ef spáin gengur eftir verð-
ur þetta í fyrsta sinn frá árinu 1993 að
einkaneysla dregst saman.
Eftir næsta ár er hins vegar reikn-
að með að hagvöxtur færist í aukana á
ný og verði til jafnaðar 2–2½% á ári
og meiri ef núverandi áformum um
fjárfestingu í álframleiðslu verður
hrint í framkvæmd. Hagvöxtur var
4,8% að meðaltali á ári á tímabilinu
1996–2000.
Þá spáir Þjóðhagsstofnun 6½%
hækkun vísitölu neysluverðs á milli
áranna 2000 og 2001 en að verðbólga
frá upphafi til loka árs verði 8,8%.
Gætir þar bæði mikilla launahækkana
og gengislækkunar krónunnar. Stofn-
unin segir að horfur séu á að mjög
dragi úr verðbólgu á næsta ári og hún
verði 5,9% á milli áranna 2001 og 2002
og 3,4% frá upphafi til loka 2002.
Áætlað er að kaupmáttur ráðstöf-
unartekna á mann verði hinn sami í ár
og í fyrra en að hann minnki um 1% á
árinu 2002. Í þessum áætlunum gætir
væntinga um minni spennu á vinnu-
markaði.
Áætlað er að viðskiptahalli ársins
2001 nemi 58,6 milljörðum króna, sem
samsvarar 7,9% af landsframleiðslu
ársins, og að halli ársins 2002 verði
45,9 milljarðar króna, eða 5,9% af
landsframleiðslu. Til samanburðar
var viðskiptahalli síðasta árs 67,1
milljarður króna, eða 10% af lands-
framleiðslu.
Búist er við að vöxtur útflutnings í
ár verði sem næst hinn sami og á síð-
asta ári eða ríflega 6% en að innflutn-
ingur dragist saman um 3,6% sam-
anborið við 9,3% vöxt á síðasta ári. Á
næsta ári er gert ráð fyrir að vöxtur
útflutnings verði innan við 1%, m.a.
vegna kvótaskerðingar, og að sam-
dráttur innflutnings verði enn meiri
en í ár eða tæp 5%.
Vegna sífellt aukinna vaxta-
greiðslna af erlendum lánum er þess
hins vegar að vænta að halli á jöfnuði
þáttatekna vaxi umtalsvert og dragi
mjög úr bata á viðskiptajöfnuði í
heild. Útlit er fyrir að rekja megi inn-
an við helming viðskiptahallans í ár til
halla á viðskiptum með vöru og þjón-
ustu og einungis um fimmta hluta á
næsta ári en afganginn til þáttagjalda
umfram þáttatekjur.
Viðskiptahalli undanfarinna ára og
kaup á erlendum verðbréfum hafa
kallað á miklar erlendar lántökur.
Gengislækkun krónunnar hefur einn-
ig valdið hækkun skulda. Reiknað er
með að hreinar erlendar skuldir þjóð-
arbúsins nemi 111% af landsfram-
leiðslu í árslok 2001 samanborið við
88% af landsframleiðslu í byrjun árs-
ins.
Gert er ráð fyrir að hrein staða
þjóðarbúsins verði orðin neikvæð um
84% af landsframleiðslu.
Þjóðhagsstofnun leggur fram nýja þjóðhagsáætlun
Útlit fyrir 0,3% sam-
drátt á næsta ári
SAMBAND markaðsfélaga á Norð-
urlöndum hefur einróma valið Sig-
urð Helgason, forstjóra Flugleiða,
til þess að hljóta gullpening sam-
bandsins fyrir mikilsvert framlag
hans til markaðsmála á Norð-
urlöndum.
Í umsögn dómnefndarinnar segir
að undir stjórn Sigurðar Helgason-
ar hafi Flugleiðir orðið að mark-
aðssinnuðu ferðaþjónustufyrirtæki
sem hafi umbylt heilli atvinnugrein
á Íslandi.
„Sigurður Helgason og sam-
starfsfólk hans hafa markaðsett Ís-
land með þeim árangri að ferða-
mannafjöldinn til landsins hefur
tvöfaldast á aðeins sex árum, sem
er langtum meira en í nokkru öðru
Evrópulandi. Umsvif Flugleiða,
sem hlutfall af þjóðarbúskapnum,
eru meiri en nokkurs fyrirtækis í
flugrekstri og ferðaþjónustu í ná-
lægum löndum.“
Viðurkenning við
starfsfólk Flugleiða
Sigurður Helgason segist vera
þakklátur fyrir þennan heiður. „Ég
hlýt að líta fyrst og fremst á þetta
sem viðurkenningu fyrir starfsfólk
Flugleiða hér heima og erlendis og
þá uppbyggingu í leiðakerfinu og
markaðssetningu sem við höfum
staðið fyrir á undanförnum árum.
Vonandi verður þetta okkur öllum
hvatning til þess að snúa á ný vörn í
sókn.
Ég varð að afþakka boð um að
veita viðurkenningunni móttöku nú
í morgun. Eins og allir vita höfum
við Flugleiðamenn staðið í ströngu
vegna afleiðinga hryðjuverkanna
og ég vildi vera hér. Vonandi gefst
mér tækifæri til að þakka þennan
heiður við betra tækifæri.“
Í tilkynningu ÍMARK segir að
verðlaunin hafi mikla þýðingu á
Norðurlöndunum.
Sigurður Helgason
Valinn markaðsmaður
Norðurlandanna
Skemmdir á Alþing-
ishúsinu vegna jarð-
skjálftanna í fyrra
Viðgerðar-
kostnaður
áætlaður
23 milljónir
Í fjárlagafrumvarpinu fyrir
næsta ár, sem lagt var fram á
alþingi í gær, er gerð tillaga
um 23 milljóna kr. tíma-
bundna fjárveitingu til við-
gerða á skemmdum í loftum
Alþingishússins af völdum
jarðskjálftanna í fyrrasumar.
Friðrik Ólafsson, skrif-
stofustjóri Alþingis, segir að í
kjölfar jarðskjálftanna hafi
menn orðið varir við
skemmdir sem þurft hefði að
skoða nánar. Þær hefðu
reynst heldur meiri en gert
hafði verið ráð fyrir, en m.a.
hefði þurft að fara inn í vegg-
ina og skoða burðarbita í lofti
til að meta skemmdirnar. Í
ljós hefði komið að veggir
hefðu færst til, skörð væru í
veggjum og sprungur frá
gólfi og upp úr auk þess sem
burðarbitar hefðu skekkst.
Allt húsið væri í raun skemmt
og á neðstu hæð væri t.d.
sprunga frá innvegg og út í
garð.
Að sögn Friðriks eru
skemmdirnar það miklar að
ekki er hægt að bíða með við-
gerðir lengi en ráðgert er að
fara í þær eftir að þingi verð-
ur frestað í vor.
GUNNÞÓR GK 24, 243 tonna fiski-
skip, varð vélarvana í Garðsjó, um
þrjár sjómílur vestur af Sandgerði,
eftir hádegi í gær. Björgunarskipið
Hannes Þ. Hafstein kom til hjálpar
skömmu síðar og tók Gunnþór í tog
til hafnar í Njarðvík. Skipið lagðist
þar að bryggju um sexleytið.
Gunnþór lagði úr höfn í gær-
morgun og var átta manna áhöfn
um borð. Að sögn Gunnars Svav-
arssonar skipstjóra var orsök bil-
unarinnar óhreinindi í olíu og þótti
of áhættusamt að sigla fyrir eigin
vélarafli aftur til hafnar vegna
hættu á vélarskemmdum.
Ljósmynd/Hilmar Bragi Bárðarson
Dreginn
til hafnarEiga rétt á upplýsingum
um tilefni skýrslutöku
UMBOÐSMAÐUR Alþingis hefur
komist að þeirri niðurstöðu að
ákvörðun skattstjóra Reykjanesum-
dæmis um að hafna beiðni konu, sem
boðuð var í skýrslutöku, um nánari
upplýsingar um tilefni skýrslutök-
unnar, hafi ekki verið í samræmi við
lög. Því var beint til skattstjórans að
taka mál konunnar til endurskoðun-
ar að því tilskildu að því væri ekki
lokið af hálfu embættisins.
Konan kvartaði yfir málsmeðferð
skattstjórans í Reykjanesumdæmi
við athugun hans á skattframtölum
hennar fyrir gjaldárin 1998 og 1999.
Hún taldi m.a. að hann hefði ekki
haft heimild til að boða sig til
skýrslutöku vegna athugunarinnar.
Þá gerði hún athugasemdir við synj-
un skattstjórans um að veita henni
nánari upplýsingar um tilefni þess að
hún var boðuð til skýrslutöku. Skatt-
stjórinn hafði hafnað því að veita
konunni nánari upplýsingar með
hliðsjón af „eftirlitshagsmunum“.
Umboðsmaður taldi að skattstjór-
inn hefði haft heimild til að boða kon-
una til skýrslutöku. Honum hefði
hins vegar borið að veita henni nán-
ari upplýsingar um tilefnið. Umboðs-
maður taldi að almennt yrði að gera
þá kröfu að í bréfum þar sem fólk
væri boðað til skýrslutöku vegna at-
hugunar á skattframtölum þess
gerðu skattstjórar grein fyrir þeim
atriðum eða liðum í framtölum sem
athugun beindist að.
Í slíkri tilkynningu þyrfti að til-
greina vel um hvaða mál væri að
ræða til að sá sem boðaður væri í
skýrslutöku gæti brugðist rétt við til
að gæta hagsmuna sinna.
Flutninga-
bíll fauk út
af veginum
VÖRUFLUTNINGABÍLL með
tengivagni fór út af veginum skammt
frá Hvammi undir Eyjafjöllum í
gærkvöldi. Að sögn lögreglunnar á
Hvolsvelli var afar hvasst á þessum
slóðum þegar óhappið varð.
Ökumanninn sakaði ekki en hann
sagði lögreglu að bíllinn hefði lyfst
upp í hvassviðrinu og síðan hafnað á
hliðinni fyrir utan veg.
Hvasst í höfuðborginni
Á höfuðborgarsvæðinu var hvasst
í veðri í gærkvöldi. Lögregla þurfti
að festa þakplötu á JL-húsinu. Þá
var tilkynnt um lausa hluti sem fuku
til á lóð Íslenskrar erfðagreiningar í
Vatnsmýri en gengið var úr skugga
um að þeir myndu ekki valda tjóni.