Morgunblaðið - 02.10.2001, Blaðsíða 1

„VIÐ verðum að lýsa því yfir einum
rómi, að við munum aldrei gefast upp
fyrir hryðjuverkamönnum. Það verð-
ur að draga hryðjuverkaríki til
ábyrgðar og vísa þeim burt úr sam-
félagi þjóðanna,“ sagði Rudolph
Giuliani, borgarstjóri í New York, í
gær í tilfinningaþrunginni ræðu við
upphaf vikulangrar umræðu á alls-
herjarþingi SÞ um alþjóðlega hryðju-
verkastarfsemi.
Giuliani sagði, að nú væri enginn
tími fyrir málþóf og tilgangslausar
vangaveltur, vitnisburðurinn um
skepnuskapinn og virðingarleysið
fyrir lífi og limum fólks lægi grafinn
undir rústum World Trade Center í
aðeins þriggja km fjarlægð. Giuliani
er fyrsti borgarstjórinn í New York í
næstum hálfa öld, sem ávarpar þing
SÞ, en hann hefur verið rómaður
mjög fyrir frammistöðu sína eftir
hryðjuverkin.
Haft var eftir heimildum innan
bresku stjórnarinnar í gær, að Tony
Blair forsætisráðherra myndi í dag
boða árásir á talibana, á vopnabúnað
þeirra, birgðaleiðir, liðssafnað og
búðir hryðjuverkamannsins Osama
bin Ladens. Ekki er vitað hvenær af
þeim verður en talið er, að þær séu
yfirvofandi.
Stjórn talibana í Afganistan til-
kynnti í gær, að hún hefði fallist á að
deila völdum með öldungum eða höfð-
ingjum í þremur héruðum í sunnan-
verðu landinu en það hefur ekki gerst
áður síðan talibanar komust til valda
fyrir sjö árum. Talið er, að með þessu
séu þeir að reyna að vinna gegn vax-
andi stuðningi við Mohammad Zahir
Shah, fyrrverandi konung landsins.
Tilkynnt var í Róm í gær, að kon-
ungurinn og stjórnarandstaðan í Afg-
anistan hefðu náð samkomulagi um
að vinna saman að því að koma talib-
anastjórninni frá. Er ætlunin meðal
annars að endurreisa afganska stór-
ráðið, sem öldum saman hefur verið
sameiginlegur vettvangur allra þjóð-
arbrota í landinu.
Pervez Musharraf, forseti Pakist-
ans, sagði í gær, að dagar talibana-
stjórnarinnar væru líklega taldir
enda gerði afstaða hennar til bin La-
dens átök við Bandaríkjamenn óhjá-
kvæmileg.
George W. Bush forseti skoraði í
gær á Bandaríkjaþing að veita stjórn-
völdum aukið vald í baráttunni gegn
hryðjuverkamönnum, meðal annars
til eftirlits og hlerana.
Draga verður hryðju-
verkaríki til ábyrgðar
Haft eftir Tony Blair að árás á talibana sé óhjákvæmileg
Sameinuðu þjóðunum, Washington. AP, AFP.

Ný stjórn/26
Reuters
FYRSTU matvælasendingarnar til Afganistans eftir hryðjuverkin í
Bandaríkjunum komu til Kabúl í gær. Myndin er frá búðum afganskra
flóttamanna í Peshawar í Pakistan. Aðstoð við þá eykst dag frá degi.
Matur fyrir flóttafólk
224. TBL. 89. ÁRG. ÞRIÐJUDAGUR 2. OKTÓBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 2. OKTÓBER 2001
AÐ MINNSTA kosti 31 maður lét
lífið og 75 særðust þegar bílsp-
rengja sprakk í gær fyrir utan þing-
húsið í Srinagar í Kasmír. Hafa ein
samtök íslamskra aðskilnaðarsinna
gengist við hryðjuverkinu.
Sprengingin skemmdi um 150
byggingar í nánd við þinghúsið en
flestir hinna látnu voru óbreyttir
borgarar, starfsmenn þingsins og
lögreglumenn auk bílstjórans og
tveggja annarra félaga í hreyfing-
unni Jaish-e-Mohammed, sem að-
setur hefur í Pakistan. Komust þeir
inn í þinghúsið klæddir lögreglu-
búningi en voru felldir eftir mikil
átök.
Tilræðinu var augljóslega beint
gegn þingmönnum en svo virðist
sem hryðjuverkamennirnir hafi ekki
vitað, að þingfundurinn hafði verið
fluttur í annað hús.
Mjög ófriðlegt hefur verið í
Kasmír síðustu daga og meira en 90
manns fallið í átökum indverskra
hermanna og múslima, sem berjast
fyrir sjálfstæði héraðsins. Á rúmum
10 árum hafa meira en 35.000 manns
látið lífið í þessum átökum.
Atal Bihari Vajpayee, forsætis-
ráðherra Indlands, sagði í gær, að
hryðjuverkið væri örþrifaráð
manna, sem vissu, að allur heim-
urinn væri að snúast gegn þeim.
Bandaríkjastjórn fordæmdi hryðju-
verkið harðlega í gær og einnig
stjórnvöld í Pakistan, sem sögðu það
einnig vera tilræði við friðsamlega
baráttu fyrir sjálfstæði Kasmírs.
Reuters
Slasaður maður á götunni fyrir framan þinghúsið í Srinagar. Rúmlega 30 manns týndu lífi í árásinni.
Ódæðisverk í Kasmír
kostaði tugi manna lífið
Srinagar. AP, AFP.
Bílsprenging
ógnar vopnahléi
Jerúsalem. AP, AFP.
BÍLSPRENGJA sprakk í Jerúsal-
em í gær en án þess að verða nokkr-
um að fjörtjóni. Sprengingin grefur
hins vegar enn frekar undan völtu
vopnahléinu, sem nú hefur staðið í
hálfan mánuð.
Sprengingin, sem palestínsku Ji-
had-samtökin segjast bera ábyrgð á,
er sú fyrsta í Ísrael síðan Yasser
Arafat, leiðtogi Palestínumanna,
lýsti yfir vopnahléi 18. september og
talsmaður Ariels Sharons, forsætis-
ráðherra Ísraels, sagði í gær, að hún
sýndi lítinn áhuga Arafats á að binda
enda á ofbeldið. Palestínumenn saka
hins vegar Ísraela um stöðugar ögr-
anir og benda á, að síðan 26. sept-
ember, er þeir Arafat og Shimon
Peres, utanríkisráðherra Ísraels,
hittust, hafi þeir skotið til bana 19
Palestínumenn,
þar af 12 nú um
helgina.
Ísraelska utan-
ríkisráðuneytið
neitaði því í gær,
að Peres hefði
sagt ísraelska
hershöfðingjann
Moshe Yahalon
sækjast eftir lífi
Arafats en því var haldið fram um
helgina í blaðinu Yediot Aharonot.
Fullyrt var, að aðeins hefði verið um
að ræða vangaveltur blaðsins sjálfs.
Bandaríkjastjórn lýsti í gær yfir
miklum áhyggjum af ástandinu í
Miðausturlöndum og krafðist þess,
að Ísraelar og Palestínumenn ynnu
af heilindum að því að koma á friði.
Shimon Peres
Hagsmuna-
tengsl verði
upplýst
MEIRIHLUTI þingmanna á
danska þinginu krefst þess, að
öllum þingmönnum verði gert
skylt að skýra opinberlega frá
þeim atvinnu- og fjármálahags-
munum, sem þeir hafi utan
þings. Kom þetta fram í Jyl-
lands-Posten í gær.
Þessi krafa er lögð fram í kjöl-
far mikilla umræðna og gagn-
rýni á Mimi Jakobsen, leiðtoga
miðdemókrata, en auk þing-
mannsstarfsins er hún fram-
kvæmdastjóri hjálparsamtak-
anna Red Barnet. Er hún
grunuð um að hafa notfært sér
stöðu sína í því skyni að tryggja
samtökunum fjárframlag upp á
rúmlega tvo milljarða ísl. kr.
Á þingi liggur raunar frammi
listi yfir hagsmunatengsl þing-
manna úti í samfélaginu en
menn ráða því sjálfir hvort þeir
eru á þessari skrá. Á henni eru
117 af 179 þingmönnum. Segja
sumir, að hún sé atlaga að einka-
lífinu, en Torben Ishøy, formað-
ur dönsku deildarinnar innan
Transparency International,
sem fylgist með spillingu um all-
an heim, er á öðru máli. Segir
hann, að mikilvægast sé, að
kjósendur geti áttað sig á hags-
munatengslum þingmanna.
Boða nýtt lífeyris-
kerfi í Færeyjum
FÆREYSKA landstjórnin styður
tillögu um að almenna lífeyriskerf-
inu verði breytt, að horfið verði frá
gegnumstreymiskerfi og uppsöfnun-
arkerfi tekið upp í staðinn.
Sámal Petur í Grund, sem fer með
vinnumarkaðsmál í landstjórninni,
ætlar að leggja fram frumvarp þessa
efnis fyrir októberlok að því er sagði
í Jyllands-Posten í gær. Segir hann
stefnt að því að vinnumarkaðurinn
einn sjái um að fjármagna eftirlaun-
in en þó er gert ráð fyrir þeirri sam-
ábyrgð, að fólki, sem ekki hefur verið
úti á vinnumarkaði, verði tryggð lág-
markseftirlaun. Þetta nýja kerfi á að
koma til í júlí á næsta ári og fyrsta
árið verður skyldusparnaðurinn 2%.
Síðan á hann að aukast um 1% á ári
þar til 10% er náð.