Morgunblaðið - 02.10.2001, Blaðsíða 14

FRÉTTIR
14 ÞRIÐJUDAGUR 2. OKTÓBER 2001 MORGUNBLAÐIÐ
ALÞINGI Íslend-
inga, 127. löggjaf-
arþing, var sett í
gær að lokinni
guðsþjónustu í
Dómkirkjunni.
Halldór Blöndal,
Sjálfstæðisflokki,
var endurkjörinn
forseti Alþingis á
fyrsta fundi þings-
ins. Í ávarpi sínu
sagði Halldór m.a.
að þingfrestun að vori sé áformuð í
fyrra lagi á þessu þingi vegna sveit-
arstjórnarkosninga sem halda á 25.
maí nk.
Þingsetningin hófst með guðs-
þjónustu í Dómkirkjunni þar sem sr.
Gísli Gunnarsson, sóknarprestur í
Glaumbæ, prédikaði og þjónaði fyrir
altari ásamt biskupi Íslands hr.
Karli Sigurbjörnssyni.
Síðan gengu forseti Íslands, al-
þingismenn, biskup og aðrir gestir
til Alþingishússins. Þar lýsti forseti
Alþingis þingið sett og eftir að þing-
heimur hafði minnst fósturjarðar-
innar með húrrahrópum, tók aldurs-
forseti þingsins, Páll Pétursson, við
fundarstjórn og bauð þingmenn vel-
komna til starfa að nýju. Fór svo
fram kjör forseta Alþingis og var
Halldór Blöndal einn í kjöri. Í leyni-
legri atkvæðagreiðslu fékk hann 42
atkvæði, en 19 greiddu ekki at-
kvæði.
Þingfrestun áformuð
í fyrra lagi
Nýkjörinn forseti Alþingis þakk-
aði í ávarpi sínu alþingismönnum
það traust sem þeir sýndu sér með
kjörinu. Sagðist hann meta það
traust mikils.
Sagði forseti forsætisnefnd hafa,
að venju, samþykkt starfsáætlun
fyrir það þing
sem nú væri að
hefjast. Þing-
frestun að vori
væri áformuð í
fyrra lagi á þessu
þingi vegna sveit-
arstjórnarkosn-
inga 25. maí nk.
Sagði hann að á
seinasta þingi
hefði tekist að
standa við starfs-
áætlunina og ljúka þingstörfum á
tilsettum tíma og hann vænti þess
að svo megi einnig verða á þessu
þingi.
Fram kom í ávarpinu að útboð í 2.
áfanga framkvæmda við skála Al-
þingis hafi farið fram í sumar og til-
boði Íslenskra aðalverktaka í verkið
hafi verið tekið. Samningurinn kveð-
ur á um að framkvæmdum ljúki 23.
ágúst á næsta ári og er gert ráð fyr-
ir að byggingin verði tekin í notkun
fyrir upphaf þings það ár. Miðað er
við að taka bílastæði í kjallara Skál-
ans í notkun nokkuð fyrr, eða í mars
eða apríl á næsta ári.
„Eins og kunnugt er verður tengi-
bygging milli Skálans og Alþingis-
hússins og leiðir af því að gera þarf
nokkrar breytingar á þinghúsinu.
Auk þeirra breytinga er fyrirhugað
að ráðast í ýmsar aðrar breytingar í
Alþingishúsinu á sumri komandi er
miða að því að færa þinghúsið meira
í upprunalegt horf. Það má til gam-
ans geta þess að bygging Skálans er
fyrsta byggingaframkvæmdin sem
Alþingi ræðst í síðan viðbygging,
sem við nefnum Kringlu, var reist
við Alþingishúsið árið 1908,“ sagði
Halldór.
Eftir að forseti hafði lokið máli
sínu var gert hlé á fundinum vegna
þingflokksfunda. Að þeim loknum
fór fram kosning fjögurra varafor-
seta Alþingis. Guðmundur Árni
Stefánsson, Samfylkingu, var end-
urkjörinn 1. varaforseti, Guðjón
Guðmundsson, Sjálfstæðisflokki,
verður áfram annar varaforseti,
þriðji varaforseti er Ísólfur Gylfi
Pálmason, Framsóknarflokki, og
fjórði varaforseti Árni Steinar Jó-
hannsson, Vinstri grænum.
Á fundinum var einnig gengið frá
kjöri í fastanefndir og alþjóðanefnd-
ir Alþingis og síðan hlutað um sæti
þingmanna.
Færa á þing-
húsið meira
í uppruna-
legt horf
Tveir nýir þingmenn Sjálfstæðisflokks, Sigríður Ingvarsdóttir og Kjart-
an Ólafsson t.h., ganga til þingsetningarfundar.
Forseti Íslands, forsætisráðherra og biskup Íslands gengu ásamt alþingismönnum og gestum frá Dómkirkju
að lokinni guðsþjónustu yfir í Alþingishúsið þar sem 127. löggjafarþing var sett í gær.
Halldór Blöndal, forseti Alþingis, við setningu 127. löggjafarþings í gær
ÓLAFUR Ragnar Grímsson, for-
seti Íslands, sagði m.a. í ávarpi við
setningu Alþingis, 127. löggjafar-
þings, í gær að Alþingi komi nú
saman við aðstæður sem breytt hafi
heimsmyndinni meira en nokkurn
gat órað fyrir. Hann gerði hryðju-
verkin í Bandaríkjunum mjög að
umtalsefni og sagði að með þeim
hafi ekki aðeins verið gerð atlaga
að þjóðinni sem þar býr, heldur
einnig atlaga að mannkyni öllu og
þeim gildum sem verið hafa burðar-
ásar í samfélagi siðaðra manna.
Mikilvægt að sáttmálar al-
þjóðasamfélagsins séu virtir
„Íslendingar hafa einhuga vottað
bandarísku þjóðinni samúð og hlut-
tekningu og hugur okkar hefur
dvalið hjá ættingjum og vinum
þeirra sem lífið létu. Sú samstaða
er ítrekuð hér þegar Alþingi Ís-
lendinga, elsta stofnun þjóðar okk-
ar, kemur saman á ný.
Við biðjum og vonum að ódæð-
isöflin sem verkið frömdu verði í
fyllingu tímans látin sæta dómi og
dregin til ábyrgðar á þann hátt sem
ótvíræður verður talinn. Aðeins
með órofa samstöðu þjóða heims
mun okkur takast að glíma við
þessa nýju ógn,“ sagði forsetinn
m.a. í ræðu sinni.
Hann sagði nú skýrar en oftast
áður hve samofin örlög þjóða væru
orðin og hve mikilvægt væri að
sáttmálar alþjóðasamfélagsins séu
virtir.
„Rætur vandans liggja víða og
vafalaust mun taka langan tíma að
komast fyrir þær að öllu leyti. Fá-
fræði og fátækt hafa löngum verið
jarðvegur öfgaafla og gæðum heims
er því miður svo misjafnlega skipt
að hætta er á að hryðjuverkasam-
tök geti áfram náð að endurnýja
raðir sínar. Því skiptir miklu að
sýna þolinmæði og forðast að ein-
falda vandann um of.“
Ólafur Ragnar sagði að um leið
og við leggjum baráttunni gegn
hryðjuverkum það lið sem við
megnum sé ljóst að vatnaskil hafi
orðið í veröldinni og leiðin fram-
undan sé að flestu leyti ókunn.
Ógnin sem birtist heiminum á sept-
embermorgni hafi svipt okkur ör-
yggi og fótfestu sem við áður nut-
um.
„Framundan er tími óvissu og
erfiðra ákvarðana, vegferð um slóð-
ir sem þjóðir heims hafa aldrei
þurft að feta áður. Ekkert okkar
getur á þessari stundu skilið til hlít-
ar eðli þeirra tímamóta sem hryðju-
verkin mörkuðu en eitt er víst að
veröldin verður aldrei söm og áð-
ur,“ sagði hann.
„Við höfum þegar fundið hvernig
voðaverkin hafa með afgerandi
hætti haft áhrif á efnahagslíf, hag-
sæld og lífskjör um heiminn allan.
Enginn veit hve djúpstæð eða lang-
varandi slík áhrif kunna að verða
og því er brýnt að við sýnum nú
enn meiri varkárni og fyrirhyggju.
Íslenskt efnahagslíf hefur
löngum haft tilhneigingu til að fara
úr böndum þegar ytri áföll eða
kappsemin í okkur sjálfum hafa
skapað álag sem leitt hefur til verð-
bólgu og raskað viðkvæmu jafn-
vægi. Það má ekki gerast nú. Við
verðum umfram allt að varðveita
árangur og stöðugleika sem náðst
hafði að festa í sessi á undanförnum
áratug.
Hið opna hagkerfi og alþjóðleg
samskipti í fjármálum og viðskipta-
lífi hafa skapað stjórnvöldum að-
stæður og skilyrði sem að mörgu
leyti þrengja kostina til aðgerða á
hverjum tíma. Því er brýnt að sam-
ræma vel markmiðin sem að er
stefnt einkum þegar saman fara
ýmis hættumerki hjá okkur sjálfum
og mikill óvissutími í efnahagsmál-
um heimsins alls.
Við þurfum nú að vega og meta á
nýjan hátt hve langt má ganga í
fjárfrekum fjárfestingum eigi verð-
lag og gengi að haldast stöðugt. Við
þurfum að finna það meðalhóf sem
fylgja má til að auka hagsæld og
þjóðartekjur án þess að glata þeim
stöðugleika sem tókst að ná með
miklum fórnum.“
Ábyrgð Alþingis
jafnan mikil
Forseti Íslands sagði að í slíku
mati verði ábyrgð Alþingis jafnan
mikil og sagðist vita að þingheimur
muni á komandi vetri vanda það
verk og hafa í huga þær aðstæður
sem nú hafa skapast um heiminn
allan.
„Það hefur verið okkar gæfa að
hafa á umliðnum áratugum náð að
leggja traustan grundvöll að velferð
og hagsæld þjóðarinnar og vonandi
mun það lán áfram fylgja okkur
þótt veröldin sé orðin vályndari.“
Forseti Íslands óskaði alþingis-
mönnum að lokum velfarnaðar í
vandasömum verkum sem bíði Al-
þingis á komandi vetri og bað þing-
heim rísa á fæstur og minnast ætt-
jarðarinnar.
Meta þarf hve langt
má ganga í fjárfrek-
um fjárfestingum
Ólafur Ragnar Grímsson, forseti Íslands, í ávarpi við þingsetningu
KOSIÐ var í fastanefndir Alþingis og
alþjóðanefndir á setningardegi Al-
þingis í gær, en einnig hlutað um sæti
þingmanna. Ljóst er að í fastanefnd-
um verða kosnir þrír nýir formenn.
Tveir þingmenn Sjálfstæðisflokks-
ins sögðu af sér þingmennsku í sum-
ar, þeir Árni Johnsen og Hjálmar
Jónsson. Í þeirra stað koma þau
Kjartan Ólafsson, sem verður 4. þing-
maður Suðurlands, og Sigríður Ing-
varsdóttir, sem verður 4. þingmaður
Norðurlands vestra.
Árni Johnsen var formaður sam-
göngunefndar Alþingis og hefur verið
ákveðið að Guðmundur Hallvarðsson
taki við formennsku í þeirri nefnd. Þá
tekur Drífa Hjartardóttir við for-
mennsku í landbúnaðarnefnd.
Framsóknarmenn hafa ákveðið að
Magnús Stefánsson, þingmaður Vest-
urlands, taki við formennsku í um-
hverfisnefnd, en formaður hennar
Ólafur Örn Haraldsson var kosinn
formaður fjárlaganefndar undir lok
þings sl. vor.
Verður þetta formlega staðfest á
fyrsta fundi fastanefndanna.
Þrír nýir
formenn
fastanefnda