Morgunblaðið - 12.10.2001, Blaðsíða 24
ERLENT
24 FÖSTUDAGUR 12. OKTÓBER 2001 MORGUNBLAÐIÐ
GEORGE W. Bush Bandaríkjafor-
seti birti í fyrradag lista yfir 22
meinta hryðjuverkamenn sem
Bandaríkjastjórn leggur mest kapp
á að handtaka. Sádi-arabíski útlag-
inn Osama bin Laden er efstur á list-
anum og þar eru einnig nokkrir af
samstarfsmönnum hans. „Við verð-
um að finna þá,“ sagði Bush þegar
hann birti listann. „Þeir verða stöðv-
aðir, þeim verður refsað.“
Eftirlýstu mönnunum 22 og
meintum hryðjuverkum þeirra er
hér lýst stuttlega.
Sprengjuárásin á
World Trade Center 1993
Abdul Rahman Yasin, 41 árs,
bandarískur ríkisborgari sem flutt-
ist með fjölskyldu sinni til Íraks þeg-
ar hann var barn og sneri aftur til
Bandaríkjanna 1992. Hann flúði frá
Bandaríkjunum eftir sprengjuárás-
ina.
Samsæri um sprengju-
árásir 1995
Khalid Shaikh Mohammad, hálf-
fertugur, eftirlýstur í tengslum við
samsæri í Miðausturlöndum um að
sprengja tólf farþegaþotur í loft upp
yfir Kyrrahafi á tveimur dögum í
janúar 1995. Talið er að Mohammad
sé frá Pakistan eða Kúveit.
Sprengjuárás á
Khobar Towers 1996
Ahmed Ibrahim al-Mughassil, 34
ára Sádi-arabi. Hann var ákærður í
Virginíu í Bandaríkjunum fyrir aðild
að sprengjuárás á Khobar Towers-
herbúðirnar í Sádi-Arabíu árið 1996.
Tilræðið varð 19 bandarískum her-
mönnum að bana.
Ali Saed Bin Ali el-Houri, 36 ára
Sádi, einnig ákærður fyrir tilræðið.
Ibrahim Salih Mohammed al-
Yacoub, 35 ára Sádi.
Abdelkarim Hussein Mohamed
al-Nasser, sádi-arabískur ríkisborg-
ari.
Sprengjuárásir á bandarísk
sendiráð í Afríku 1998
Osama bin Laden, 44 ára, leiðtogi
hryðjuverkahreyfingarinnar al-
Qaeda. Fæddist í Sádi-Arabíu. Hann
er grunaður um að hafa staðið á bak
við hryðjuverkin í New York og
Washington 11. september sem
kostuðu um það bil 5.500 manns lífið.
Hann hefur einnig verið ákærður
fyrir að skipuleggja sprengjuárásir á
tvö bandarísk sendiráð í Austur-Afr-
íku árið 1998. Þá er hann grunaður
um að hafa staðið fyrir sprengjuárás
á bandaríska herskipið USS Cole.
Muhammad Atef, fyrrverandi
lögreglumaður í Egyptalandi sem
talinn er vera annar af tveimur nán-
ustu ráðgjöfum bin Ladens. Hann
hefur einnig notað nafnið Abu Hafs
el-Masry. Fyrr á árinu giftist dóttir
hans syni bin Ladens. Atef hefur
verið ákærður fyrir aðild að árásinni
á bandarísku sendiráðin og banda-
rísk yfirvöld segja hann stjórna
hryðjuverkastarfsemi al-Qaeda og
þjálfun liðsmanna hreyfingarinnar.
Talið er að hann hafi skipulagt
hryðjuverkin 11. september.
Ayman al-Zawahiri, fimmtugur
læknir, var leiðtogi Jihad-samtak-
anna í Egyptalandi áður en þau sam-
einuðust al-Qaeda árið 1998. Hann
hefur verið bendlaður við morðið á
Anwar Sadat, forseta Egyptalands,
snemma á níunda áratugnum og ým-
is hryðjuverk síðan þá.
Fazul Abdullah Mohammed, 26
eða 27 ára, talinn vera frá Kómor-
eyjum eða einhverju strandríkja
Afríku. Hann er sagður mjög snjall
tölvumaður.
Mustafa Mohamed Fadhil, um
það bil 25 ára Íraki.
Fahid Mohammed Ally Msalam,
hálfþrítugur fyrrverandi fatasali frá
Kenýa. Tony Blair, forsætisráðherra
Bretlands, hefur sagt að Msalam
hafi ásamt öðrum meintum hryðju-
verkamanni keypt bíl sem notaður
var í árásinni á sendiráðin.
Ahmed Salim Swedan, 32 ára, er
sagður hafa keypt bílinn með Msal-
am. Swedan er talinn vera frá Kenýa
eða Jemen og rak áður vöruflutn-
ingafyrirtæki í Kenýa.
Ahmed Khalfan Ghailani, Tans-
aníumaður á þrítugsaldri, hefur ver-
ið ákærður fyrir aðild að sprengju-
tilræðunum.
Abdullah Ahmed Abdullah, 38
ára Egypti. Hann flúði frá Kenýa 6.
ágúst, daginn eftir árásirnar á sendi-
ráðin, og fór til Pakistans. Talið er að
hann sé nú í Afganistan.
Anas al-Liby, 37 ára Líbýumað-
ur, sem bjó nýlega í Bretlandi þar
sem hann fékk hæli sem pólitískur
flóttamaður. Talið er að hann sé í
Afganistan.
Saif al-Adel, 41 árs Egypti, sem
er talinn hafa verið í Jihad-samtök-
unum í Egyptalandi og er nú sagður
atkvæðamikill félagi í al-Qaeda í
Afganistan.
Ahmed Mohamed Hamed Ali, 34
ára Egypti. Talið er að hann sé bú-
fræðingur að mennt og hafi starfað
við landbúnað. Hann bjó í Kenýa þar
til hann flúði til Pakistans 2. ágúst
1998, fimm dögum fyrir árásirnar á
sendiráðin. Talið er að hann sé nú í
Afganistan.
Mushin Musa Matwalli Atwah, 36
eða 37 ára Egypti, er talinn dvelja í
Afganistan.
Flugrán árið 1985
Imad Mughniyeh, um fertugt.
Hann var eitt sinn yfirmaður örygg-
ismála hjá Hizbollah-hreyfingunni
og er talinn hafa staðið fyrir mann-
ránum og sprengjutilræðum á ní-
unda áratugnum. Hann fæddist í
Líbanon og talið er að hann búi nú í
Íran. Hann hefur ekki sést opinber-
lega í áratug og tengsl hans við Hizb-
ollah eru nú óljós. Sumir sérfræð-
ingar í málefnum Mið-Austurlanda
telja að hann stjórni sérsveitum
hreyfingarinnar en aðrir segja að
hann gegni ekki mikilvægu hlutverki
í hreyfingunni. Hann var ákærður
fyrir að ræna flugvél TWA árið 1985,
ráðast á áhöfnina og nokkra farþega
og verða Bandaríkjamanni að bana.
Hassan Izz-al-Din, 38 ára Líbani,
sem talinn er tengjast Hizbollah.
Talið er að hann sé í Líbanon.
Ali Atwa, um fertugt, er sagður
félagi í Hizbollah og dvelja í Líb-
anon.
New York. AP.
Eftirlýstir fyrir
hryðjuverk
AP
Ljósmyndir af tuttugu og tveimur meintum hryðjuverkamönnum sem eru á lista bandarískra yfirvalda yfir þá
hermdarverkamenn sem þau leggja mesta áherslu á að koma höndum yfir.
BANDARÍSKAR herflugvélar
vörpuðu í gærdag sprengjum á Kab-
úl, höfuðborg Afganistans, en þetta
er í fyrsta sinn sem þar er varpað
sprengjum í dagsbirtu. Fregnir
herma að sprengjurnar hafi hitt
flugvöll og hernaðarmannvirki aust-
ur af borginni en jafnframt að talib-
anar hafi beitt loftvarnarbyssum sín-
um af mesta megni. Einnig heyrðust
sprengingar nærri Kandahar í suð-
urhluta landsins en borgin er eitt
helsta vígi talibanastjórnarinnar.
Árásir Bandaríkjamanna í fyrri-
nótt voru þær umfangsmestu frá því
að hernaðaraðgerðir hófust gegn
Afganistan síðastliðinn sunnudag.
Sögðu talsmenn talibana að meira en
tvö hundruð manns hefðu fallið í
árásunum og þeir sökuðu Banda-
ríkjamenn um að hafa vísvitandi
reynt að valda dauða óbreyttra borg-
ara. Þeim fullyrðingum höfnuðu
Bandaríkjamenn hins vegar alger-
lega í gær.
Sendimaður talibana í Pakistan
sagði 115 hafa fallið í nágrenni borg-
arinnar Jalalabad í Norðaustur-Afg-
anistan þegar þar var varpað
sprengjum. Sagði hann fimmtán
hafa fallið þegar flugskeyti var skot-
ið á mosku í borginni.
Greindu sjónarvottar frá því að
íbúar Kandahar flýðu nú borgina en
þar var varpað sprengjum í gær og
fyrrinótt, eins og áður sagði.
Beita svonefndum
„byrgisbombum“ í fyrsta sinn
Fulltrúar Bandaríkjastjórnar
greindu frá því að lofther þeirra
hefði í fyrsta skipti beitt svonefndum
„byrgisbombum“ gegn ýmsum neð-
anjarðarfelustöðum talibana og al-
Qaeda hreyfingar hryðjuverka-
mannsins Osama bin Ladens. Alls
vega „byrgisbomburnar“ um tvö og
hálft tonn og með þeim má annað-
hvort eyðileggja neðanjarðarbyrgin
gjörsamlega eða þvinga menn upp á
yfirborð jarðar.
Sögðu fréttaskýrendur að notkun
„byrgisbombunnar“ gæti bent til
þess að Bandaríkjamenn væru þegar
farnir að huga að næsta kafla að-
gerðanna, þ.e. landhernaði. Í það
minnsta væri markmiðið að eyði-
leggja eins mikið af hernaðarmann-
virkjum talibana og bin Ladens og
hægt væri, í því augnamiði að senda
inn nokkur hundruð manna sérsveit-
ir, sem hefðu það verkefni að hafa
hendur í hári bin Ladens og annarra
leiðtoga al-Qaeda.
Leyfa afnot af flugvöllum
Athygli vakti að Pakistanar
ákváðu í gær að leyfa Bandaríkja-
mönnum afnot af tveimur flugvöllum
í landinu, nálægt suður- og norður-
landamærum Afganistans, og yrðu
þeir notaðir ef svo færi að einhverjar
flugvéla Bandaríkjamanna yrðu
skotnar niður. Mætti þá nota flug-
vellina til að senda af stað leitar- og
björgunarflugvélar. Var einnig
greint frá því í gær að flugmóður-
skipið USS Kitty Hawk væri nú á
siglingu ekki fjarri átakasvæðinu í
Afganistan sem gerir Bandaríkja-
mönnum kleift að standa að liðs-
flutningum, þ.e. senda inn þyrlur
með talsverðum fjölda hermanna.
Hjálpar þetta m.a. við að senda inn
sérsveitir en því er haldið fram að
ein af sérsveitum Bandaríkjahers
hafi þegar verið á ferðinni í norður-
hluta Afganistans.
Hörðustu
árásirnar
til þessa
Washington, Kabúl, Islamabad. AFP.