Morgunblaðið - 12.10.2001, Blaðsíða 30

LISTIR/KVIKMYNDIR
30 FÖSTUDAGUR 12. OKTÓBER 2001 MORGUNBLAÐIÐ
MOULIN Rouge, Rauða myllan,
dregur nafn sitt af hinum marg-
fræga næturklúbbi í París, þar sem
myndin gerist fyrir u.þ.b. 100 ár-
um. Er hún óður til fegurðarinnar,
frelsisins en fyrst og fremst ást-
arinnar, með spillt, syndugt og
seiðandi andrúmsloft staðarins,
með sínum íðilfögru dansmeyjum
og eggjandi tónlist í bakgrunninum.
Baz Luhrman stjórnar sýningunni,
en hann er orðinn einn athyglis-
verðasti leikstjóri samtíðarinnar
eftir aðeins þrjár myndir; Strictly
Ballroom, William Shakespeare’s
Romeo + Juliet og nú síðast þessi
litríka mynd um ást og hatur, sorg
og gleði, söng og dans, sem vann
hug og hjörtu áhorfenda á kvik-
myndahátíðinni í Cannes í sumar.
Luhrman hefur valið sér úrvals
samstarfsfólk í sinni dýrustu mynd
til þessa. Til að ná betur til ungra
áhorfenda er tónlistin að hluta til
samin af poppstjörnum samtímans
(Elton John, T- Rex, Madonnu,
o.fl.) þó umhverfið og bún-
ingarnir séu hannaðir í
íburðarmiklum stíl alda-
mótanna 1900. Nicole Kid-
man leikur Satine, fræg-
ustu og fegurstu stjörnu og
gleðikonu staðarins, þar
sem allt er leyfilegt – annað
en ástin. Sem stendur þó
engan veginn í vegi fyrir að
rithöfundurinn Christian
(Ewan McGregor) falli
kylliflatur fyrir hinni und-
ursamlegu Satine, mitt í
lostafullri spillingunni.
Söguþráður Moulin
Rouge sækir viðfangsefnið
til mýtunnar um Orfeif
(Orpheus); skáldið og
söngvarann í grískum sögn-
um, sem heillaði alla með
söng sínum. Þegar Evr-
ídíka, eiginkona hans, dó
fór hann til undirheima að heimta
hana – og fær með því skilyrði að
líta ekki til baka á leiðinni upp …
Leikarar: Nicole Kidman (Dead Calm,
To Die For, Eyes Wide Shut); Ewan Mc-
Gregor (Shallow Grave, Trainspotting,
Star Wars Episode I: The Phantom
Menace); John Leguizamo (Spawn, Dr.
Dolittle); Jim Broadbent (Topsy Turvy,
Little Voice, Bullets Over Broadway,
The Crying Game, Richard III.). Hand-
rit og leikstjórn: Baz Luhrman
(Strictly Ballroom, William Shake-
speare’s Romeo + Juliet).
Nicole Kidman og Ewan McGregor sem
Satine og Christian í Moulin Rouge.
Ást og undir-
heimar
Smárabíó ásamt Stjörnubíói og Borg-
arbíói Akureyri frumsýna Moulin Rouge
með Nicole Kidman, Ewan McGregor og
Jim Broadbent.
KÓNGURINN lifir, segja sumir, og
eiga vitaskuld við rokkkónginn,
sjálfan Elvis Presley. Vinsældir
hans eru ótrúlegar þótt langt sé liðið
frá dauða stjörnunnar og stórsöngv-
arans, sem vann hug og hjörtu ungra
sem eldri upp úr miðri öldinni sem
leið.
Myndir um Presley og eftirherm-
ukeppnir honum til heiðurs, eru fast-
ir liðir í Vesturheimi. Spennu- og
gamanmyndin 3000 Miles to Grace-
land, er með eina slíka í bakgrunn-
inum. Sú nefnist Alþjóðlega Elvis-
vikan, og er haldin í háborg skemmt-
analífsins, Las Vegas. Borgin er
undirlögð vongóðum Elvis „eftirlík-
ingum“, sem hyggjast vinna keppn-
ina. Sumir þeirra hafa þó mun vafa-
samari áform í huga. Þeir flytja
vélbyssur og önnur morðtól í gítar-
kössunum á mótsstaðinn, hið glæsi-
lega Riviera Hotel og spilavíti.
Ræningjarnir eru samankomnir
undir stjórn fyrrverandi fangans
Michaels (Kurt Russell), og gamals
klefafélaga hans, Murphy (Kevin
Costner). Þessir gervi-Elvisar ræna
spilavítið, komast á brott með fúlgur
fjár, skilja við Riviera í rústum áður
en þeir komast undan á ævintýra-
legan hátt.
Þegar til kemur er skálkurinn
Murphy ekki aldeilis á því að deila
auðnum og svíkur félaga sína. Áður
en af því verður grípur Michael til
eigin ráða og býr sig undir að njóta
þýfisins, einn og óstuddur. Stingur
af með smábæjarprinsessunni Cybil
(Courteney Cox), með Murphy og
aðra krimma, ásamt laganna armi,
skammt undan. Eftir fimm ára sam-
vistir í grjótinu þekkir Murphy vel til
í hugarheimi Michaels og er aldrei
langt undan. Uppgjörið ekki umflú-
ið.
Leikarar: Kurt Russell (Escape From,
New York; Silkwood, Tombstone, Break-
down); Kevin Costner (Dansar við úlfa,
Bull Durham, Robin Hood: Prince of
Thieves, The Untouchables); Courteney
Cox (Scream I., II og III, Ace Ventura:
Pet Detective, sjóvarpsþættirnir
Friends), Christian Slater (In the Name
of the Rose, True Romance, Broken
Arrow); Kevin Pollack (The Usual
Suspects, Casino, Dr Dolittle 2). Leik-
stjóri og handritshöfundur: Demian
Lichtenstein (Lawball).
Lifi Las Vegas!
Sambíóin frumsýna 3.000 Miles to
Graceland, með Kurt Russell, Kevin
Costner, Courteney Cox, Christian
Slater.
Kóngurinn lifir í 3.000
Miles to Graceland.
ILLA stendur í bólið hjá Dorothy
(Susan Lynch) og Tony (Iain Glen).
Þau eru á heimleið með lestinni úr
heimsókn til ættingja í Skotlandi og
Tony hefur allt á hornum sér. Ásak-
ar Dorothy m.a. um að hafa týnt
golfkylfunum sínum, leggur á hana
hendur og hverfur síðan út í nóttina.
Þannig hefst bresk spennumynd
um tvær stúlkur, Dorothy og Petulu
(Rachel Weisz), sem dragast hvor að
annarri vegna sameiginlegra vanda-
mála, örvita og ofbeldisfullra kær-
asta. Því þegar Dorothy ætlar að
forða sér og ná vagninum til London,
ásamt rakka sínum Plató, gengur
hún fram á Brian (Tom Mannion),
drukkinn náunga sem er að reyna að
murka líftóruna úr kærustunni sinni,
fyrrnefndri Petulu.
Stúlkurnar drösla Brian til Petulu
eftir að Dorothy hefur steinrotað
hann með næsta tiltæka barefli.
Koma honum rotuðum af högginu og
drykkju í baðkarið, svo renni af hon-
um. Totta á meðan eina jónu. Hávaði
berst úr baðherberginu er Dorothy
og Petula nálgast skekkjumörkin –
Brian er dauður.
Dömurnar eru allt í einu komnar í
vond mál og Petula býr til sögu um
að Brian sé horfinn og Dorothy læst
vera mannræningi sem krefst lausn-
arfjár. Ýmsa fer að gruna margt,
þ.á m. lögreglumanninn Hepburn
(Alex Norton), og lygasagan vefur
utan á sig. Tony kemur aftur inn í
myndina til að drepa Dorothy, eins
og sæmir í bleksvörtum, hábreskum
glæpatrylli.
Beautiful Creatures er fyrsta
myndin frá DNA Films, einu nokk-
urra smáfyrirtækja fjármagnaðra af
breska lottóinu, sem er lyftistöng
margra framleiðenda. Að baki fyr-
irtækinu standa þó engir nýgræð-
ingar, eigendurnir, Duncan Ken-
worthy og Andrew McDonald, komu
áður að gerð mynda einsog Four
Weddings and a Funeral, Notting
Hill og Trainspotting. Myndin var
tekin í og umhverfis Glasgow 1999.
Leikarar: Rachel Weisz (The Mummy,
The Mummy Returns), Susan Lynch
(Waking Ned, Nora, væntanleg í From
Hell); Iain Glen (Paranoid, Laura Craft:
Tomb Raider). Leikstjórn: Bill Eagles
(frumraun, er kunnur sjónvarpsmynda-
leikstjóri). Handrit: Simon Donald (My
Life So Far).
Dóra, Peta, Plató og
ofbeldisfullir kærastar
Rachel Weisz og Susan Lynch í hlutverkum sínum.
Háskólabíó frumsýnir Beautiful Creat-
ures, með Rachel Weisz, Susan Lynch
og Iain Glen.
„MIG hefur dreymt um að skapa
nýtt afþreyingarform, samfléttu
tækniundra tölvuleikjanna og bestu
hugsanlegra brellna í almennri
kvikmyndagerð,“ segir japanski völ-
undurinn og tölvuleikjasmiðurinn
Hironogu Sakaguchi. „Final Fant-
asy er skref í þá átt.“
Hin Japanskættaða Final Fant-
asy opinberar eilífa framþróun sam-
hæfingar tölvuleikja og kvikmynda-
gerðar, í þeim geira ættu
áhorfendur að minnast m.a. Laura
Croft: Tomb Raider, frá því fyrr í
sumar. Leikurinn Final Fantasy
hefur verið geysivinsæll í á annan
áratug um allan heim, selst í yfir 33
milljónum eintaka. Leikirnir og
kvikmyndin eru byggð á ríkri sögu-
hefð; gædd ást, vináttu, ævintýrum,
lífi og dauða. Myndin er sú fyrsta
þar sem höfundur leiksins er jafn-
framt leikstjóri kvikmyndarinnar
sem á honum byggist.
Handritið er skrifað af Al Reinert
og Jeff Winter en myndin er radd-
sett af heimskunnum leikurum í
bland, á borð við Alec Baldwin og
James Woods. Final Fantasy gerist
í náinni framtíð þegar móðir jörð er
hersetin af geimverum. Stórborgir
eru í rústum, mannkynið í útrým-
ingarhættu, geimverurnar að yfir-
taka völdin á plánetunni. Nokkrir,
mennskir ofurhugar eru á lífi, menn
sem verða að finna leiðir til að
bjarga jörðinni og jarðarbúum áður
en yfir lýkur. Fjallar myndin um
ógnarleg átök hinna herjandi afla og
yfirnáttúrlegra krafta sem eru und-
irstöðuatriði í baráttunni við ill út-
geimsöfl.
Final Fantasy er ekki aðeins há-
tæknivædd spennumynd, byggð á
rótgrónum, háþróuðum tölvuleikja-
bálki, heldur veltir hún fyrir sér sið-
ferðilegum og vistvænum framtíð-
arspurningum sem þarft er að vekja
máls á.
Raddsetning: Alec Baldwin (The Hunt
for Red October, Great Balls of Fire,
Glengary Glen Ross, State and Main);
Steve Buscemi ( Mystery Train, in the
Soup, Fargo, The Big Lebowski); Ving
Rhames (Pulp Fiction, Con Air, Out of
Sight); Donald Sutherland (M*A*S*H,
Klute, Ordinary People, Outbreak);
James Woods (Casino, The Hard Way,
The Onion Field, Videodrome). Leik-
stjóri: Hironobu Sakaguchi (frumraun.)
Kvikmyndin Final Fantasy gerist í náinni framtíð.
Hátæknivædd,
hrollvekjandi
framtíðarsýn
Smárabíó, Kringlubíó, Nýja bíó Keflavík,
Borgarbíó Akureyri frumsýna Final Fan-
tasy með Alec Baldwin, Ving Rhames og
Steve Buscemi.
HÁLFU stjörnuna hlýtur lágkúr-
an The In Crowd, fyrir að ná því
marki að vera svo ómerkileg, klisju-
kennd, ófrumleg og yfirborðskennd
að það má hafa af því nokkra
skemmtun, þó ekki eftirsóknar-
verða. Söguþráðurinn er stærsti
ljóður viðvaningslegrar og fullkom-
lega ótrúverðugrar morðsögu. Ung
stúlka (yndisfríð í ætt við létt-
timbraða Madonnu), Brittany Fost-
er (Susan Ward), fær vinnu í sveita-
klúbbi þar sem milla-erfingjar hanga
í sumarleyfinu við golf, siglingar,
drykkjuskap, eiturlyfjasukk og aðra
eftirsóknarverða afþreyingu. Britt-
any fær vinnuna fyrir atbeina geð-
læknis sem hefur annast stúlkuna,
en hún hefur dvalist á hæli eftir vægt
taugaáfall. Brittany vingast fljótt í
klúbbnum við gestina og þjónustulið-
ið, verður m.a. vinkona hinnar ynd-
isfríðu Adrien (Lori Heuring) og
yndisfríða golfkennarann, tennis-
hetjuna, o.s.frv. Fær hinsvegar lesb-
íuna (yndisfríðu), Kelly, upp á móti
sér.
Hin fyrrum sálsjúka Brittany
kemst smám saman að raun um að
hún er leiksoppur Adrien (ástæðan
er of fáránleg og ótrúverðug til þess
að reynt verði að troða hennni inná
lesendur) og upphefst lokasprettur
þar sem líkin taka að hlaðast upp og
Brittany er kennt um þótt klækjapí-
an Adrien sé potturinn og pannan.
Leikaraliðið er greinilega valið
samkvæmt einhverjum glanspíu- og
súkkulaðidrengjastaðli og vafamál
hvort nokkurt þeirra á eftir að sjást
á hvíta tjaldinu að einhverju ráði.
Það er ámóta framboð af útlitsfegurð
í Hollywood og skorti á hæfileikum.
Kreditlistinn gæti þess vegna verið á
sanskrít, óskiljanlegur utan þess að
Tess Harper fer með lítið og linju-
legt hlutverk geðlæknis. Um myndir
sem þessar er aðeins eitt orð að
segja: Tímasóun.
Morð í glanspíugenginu
KVIKMYNDIR
B í ó h ö l l i n
Leikstjóri: Mary Lambert. Hand-
ritshöfundur: Mark Gibson og Phil-
ip Halprin. Tónskáld Jeff Rona.
Kvikmyndatökustjóri: Tom Priest-
ley yngri. Aðalleikendur: Susan
Ward, Lori Heuring, Matthew
Settle, Nathan Bexton, Ethan Erik-
son, Laura Fortier, Tess Harper.
Sýningartími 105 mín. Bandarísk.
Warner Bros. 2000.
THE IN CROWD 1 ⁄2
Sæbjörn Valdimarsson