Morgunblaðið - 12.10.2001, Blaðsíða 8

FRÉTTIR
8 FÖSTUDAGUR 12. OKTÓBER 2001 MORGUNBLAÐIÐ
Evrópusamtök félagsmiðstöðva
Tækifærin
alltaf að aukast
EVRÓPUSAMTÖKfélagsmiðstöðvaeiga 25 ára afmæli
um þessar mundir og af
því tilefni munu Samfés,
samtök félagsmiðstöðva á
Íslandi, halda alþjóðlega
ráðstefnu um opið æsku-
lýðsstarf með ungu fólki.
Rástefnan er í Rúgbrauðs-
gerðinni í dag og setur Páll
Pétursson félagsmálaráð-
herra hana klukkan níu ár-
degis. Jón Rúnar Hilmars-
son, framkvæmdastjóri
Samfés, hefur haldið utan
um skipulagningu ráð-
stefnunnar og hann ræddi
um hana við Morgunblaðið
í vikunni.
Fyrir hvað stendur
Samfés og hvert er hlut-
verk þess hér á landi?
„Samfés, Samtök félagsmið-
stöðva á Íslandi, eru fagsamtök
þeirra stofnana sveitarstjórna er
vinna að æskulýðs- og tómstunda-
málum. Aðilar í samtökunum eru
t.d. félags-, tómstunda- og hverfa-
miðstöðvar og skrifstofur æsku-
lýðsfulltrúa. Samtökin voru stofn-
uð á Fríkirkjuvegi 11 í Reykjavík
af félagsmiðstöðvum í Reykjavík
og nágrenni árið 1985. Eitt af
hlutverkum Samfés er að efla
samskipti og einingu og miðla
fræðslu milli félagsmiðstöðva á
innlendum og erlendum vett-
vangi. Samfés stendur fyrir marg-
víslegum viðburðum, námskeið-
um, ráðstefnum o.fl. fyrir bæði
unglinga og starfsmenn þeirra.
Í gegnum Samfés geta starfs-
menn ráðfært sig hver við annan,
fengið hugmyndir sem gagnast í
starfi og unnið saman að ákveðn-
um verkefnum. Samfés þjónar
unglingum á aldrinum 12–16 ára
með fjölbreyttum og áhugaverð-
um tilboðum í félagsmiðstöðvum.
Stjórn Samfés er kosin árlega á
aðalfundi samtakanna og er skip-
uð formanni, varaformanni, gjald-
kera og tveimur meðstjórnendum.
Rekstur samtakanna er fjár-
magnaður með árgjöldum og af
ráðstefnuhaldi, námskeiðum og
stórum skemmtunum eins og
söngkeppni og balli.“
Er nægileg gróska í umræddu
félagsstarfi ungs fólks á Íslandi?
„Það er mjög mikið að gerast í
starfi með ungu fólki og tækifærin
alltaf að aukast. Ungt fólk sem
hefur áhuga og vilja til að gera
eitthvað í sínum frítíma hefur úr
miklu að moða og er oft mjög upp-
tekið. Við hjá Samfés finnum
þetta greinilega, samtökin hafa
vaxið gífurlega undanfarin tvö ár.
Núna eru aðildarfélagar rúmlega
sjötíu, en voru fyrir tveimur árum
um fimmtíu. Þeir viðburðir sem
við stöndum fyrir eru að sprengja
öll hús utan af sér vegna mikillar
þátttöku.“
Segðu okkur frá ráðstefnunni?
„Eftir að félagsmálaráðherra
hefur sett ráðstefnuna þá mun
varaforseti European Youth For-
um kynna evrópskt æskulýðs-
starf. Ágúst Einarsson
prófessor mun fjalla
um hnattvæðingu
menntunar og menn-
ingar, Heather Roy,
framkvæmdastjóri
heimssambands
stúlknaleiðbeinanda, kynnir
óformlegt nám. Dr. Þórólfur Þór-
lindsson kynnir æskulýðsrann-
sóknir í hnattrænu samhengi og
svo verða styttri kynningar á al-
þjóðlegu útvarpi ungs fólks, há-
lendishópi, vottun í æskulýðs-
starfi Breta, vinahópum,
hverfastarfi og Samfés. Í lok
dagsins verða svo pallborðsum-
ræður þar sem sérstök áhersla
verður lögð á unglingalýðræði.
Mun Andrew J. Cummings, fram-
kvæmdastjóri ECYC, stýra pall-
borðinu, en hann hefur verið virk-
ur þátttakandi í slíku starfi í
tengslum við Evrópusambandið.“
Fyrir hverja er ráðstefnan?
„Ráðstefnan er hugsuð fyrir
alla þá sem eru að vinna með ungu
fólki eða eru áhugasamir um það
hvað ungt fólk er að gera í dag.
Titilinn á ráðstefnunni, Opið starf
fyrir ungt fólk í Evrópu, segir allt
sem segja þarf. Allir áhugamenn
sem og fagmenn í æskulýðsstarfi
eru hvattir til að taka þátt í þessu
einstaka tækifæri sem gefst til að
skoða heildrænt opið æskulýðs-
starf í alþjóðlegu samhengi. Ráð-
stefnan er styrkt af Æskulýðsráði
ríkisins, ÍTR og menntamálaráð-
herra.“
Hver er væntanlegur árangur
umræddrar ráðstefnu, þ.e.a.s.
hvaða vonir gera menn sér um eft-
irmála?
„Við erum að fá á ráðstefnuna
fyrirlesara bæði frá Íslandi og
Evrópu þar sem verið er að kynna
það helsta sem er að gerast með
ungu fólki. Kynntar verða rann-
sóknir og kannanir sem
tengjast áhugasviðum
og virkni ungs fólks og
vandað afþreyingarefni
og staða mála á Íslandi
með neyslu vímuefna
verður einnig kynnt.
Við gerum okkur vonir um að fólk
verði upplýstara um það sem er að
gerast hjá ungu fólki í dag, bæði
hér á Íslandi og annars staðar í
Evrópu. Einnig er það mikilvægt
að fá fólk sem er að vinna með
þessum aldurshópi saman til að
skiptast á skoðunum, fá nýjar
hugmyndir sem gætu gagnast í
starfi og mynda tengsl við aðra.“
Jón Rúnar Hilmarsson
 Jón Rúnar Hilmarsson er
fæddur Keflvíkingur. Hann lauk
B.ed. námi við Kennaraháskóla
Íslands árið 1992. Stundar nú
fjarnám í rekstrarfræði hjá Mið-
stöð símenntunar á Suðurnesjum
samhliða vinnu hjá Háskólanum
á Akureyri. Jón kenndi við
Holtaskóla í Keflavík árin 1987–
89 og aftur 1992–97. Skólastjóri/
yfirflokksstjóri Vinnuskóla
Keflavíkur 1991–95. Forstöðu-
maður félagsmiðstöðvarinnar
Ungó í Keflavík 1997–99 og um
leið formaður Samsuð, samtaka
félagsmiðstöðva á Suðurnesjum.
1998–99 í stjórn Samfés, sem eru
samtök félagsmiðstöðva á Ís-
landi, en framkvæmdastjóri
Samfés frá 1999. Jón hefur unnið
ýmis önnur störf, flest tengd
félagsmálum og vímuvörnum.
Hann á soninn Arnór Inga.
Samfés þjón-
ar unglingum
á aldrinum
12–16 ára
Það hlýtur að vera orðið tímabært fyrir þjóðina að skipta um þjálfara.
ÁÆTLAÐ er að launakostnaður
sveitarfélaga nemi 40 milljörðum kr.
á yfirstandandi ári og hækki um 5,5
milljarða frá seinasta ári. Þetta kom
fram í máli Karls Björnssonar, for-
manns launanefndar sveitarfélaga, á
ráðstefnu um fjármál sveitarfélaga í
fyrradag.
Miðað við skatttekjur árið 2000 er
hlutur launagreiðslna um 62% og á
þessu ári er búist við því að launa-
hlutfallið verði það sama. ,,Á næsta
ári gæti þessi þróun á hinn bóginn
orðið óhagstæð, þrátt fyrir væntan-
lega útsvarshækkun um 0,33%-stig
hjá flestum sveitarfélögum. Vegna
ótal óvissuþátta við slíka áætlunar-
gerð birti ég engar tölur í því efni að
svo stöddu. Miklar líkur eru þó á að
launakostnaður muni aukast um-
fram tekjuaukningu á næsta ári sem
kallar á enn frekari hagræðingu í
rekstri sveitarfélaga. Það þýðir að
rekstrarafgangur mun minnka og
möguleikar sveitarfélaga til nýfram-
kvæmda og greiðslu lána munu
rýrna,“ sagði hann.
Í ræðu sinni gagnrýndi Karl skort
á samráði milli sveitarfélaga og rík-
isins við gerð kjarasamninga og
sagði: „Ég ætla ekki að benda á
sökudólg í þeim efnum enda eru að-
stæður þannig þegar kjarasamn-
ingaviðræður standa yfir að erfitt
getur verið að finna tíma hjá forystu-
mönnum aðila til samráðs.
Samráðsleysi ríkis og
sveitarfélaga í kjaraviðræðum
Engu að síður er samráð sveitar-
félaga og ríkis svo mikilvægt við
undirbúning kjarasamningavið-
ræðna og meðan á þeim viðræðum
stendur að ekki eru til nægjanlega
góðar afsakanir sem réttlæta það
samráðsleysi sem átt hefur sér stað
milli þessara aðila á vettvangi kjara-
mála um langt skeið. Um er að ræða
svo stórar hagstærðir sem fjallað er
um að það er með ólíkindum að
svona samráðsleysi hafi viðgengist.
Það nægir ekki að tala um gott sam-
ráð þessara aðila á hátíðarstundum.
Hugur verður að fylgja máli. Ég tel
að fulltrúar í launanefnd sveitarfé-
laga séu reiðubúnir til að bæta úr svo
um munar á þessu sviði. Einnig hef-
ur launanefndin áhuga á að fulltrúar
Samtaka atvinnulífsins verði virkir
þátttakendur í þessu samráði en
samskipti launanefndar og Samtaka
atvinnulífsins voru með ágætum við
gerð kjarasamninga nú. Sameiginleg
stefnumótun þessara þriggja aðila
fyrir gerð kjarasamninga er þjóð-
félaginu mjög mikilvæg,“ sagði
hann.
Mælir með einum óskiptum
vinnumarkaði
Karl furðaði sig einnig á að vinnu-
markaðinum væri skipt í almennan
og opinberan vinnumarkað. ,,Eigum
við ekki öll að stefna að einum
óskiptum vinnumarkaði hér á landi
sem byggist á að ýmsir grunnþættir
kjarasamninga séu sem líkastir? Í
því sambandi nefni ég sérstaklega
lífeyrisréttindi og ýmis ákvæði um
réttindi og skyldur starfsmanna,“
sagði Karl.
Morgunblaðið/Þorkell
Fjölmargir sveitarstjórnarmenn hlýddu á erindi á tveggja daga ráðstefnu um fjármál sveitarfélaga.
Formaður launanefndar sveitarfélaga
Launakostnaður talinn
aukast um 5,5 milljarða í ár