Morgunblaðið - 17.10.2001, Blaðsíða 8

FRÉTTIR
8 MIÐVIKUDAGUR 17. OKTÓBER 2001 MORGUNBLAÐIÐ
Námskeið í kristinni sálgæslu
Fjölkirkjuleg
sálgæsla
Hollendingurinn Teovan der Veeleheldur þriggja
daga námskeið um sál-
gæslu í safnaðarheimili
Laugarneskirkju á
fimmtudag, föstudag og
laugardag. Hann kemur til
landsins á vegum þjóð-
kirkjunnar, Hvítasunnu-
safnaðarins, fríkirkjunnar
Vegarins og KFUM og K.
Yfirskrift námskeiðsins er
Hjálpað með blessun og er
það öllum opið.
Að sögn Margrétar
Scheving, aðstoðarmanns
van der Veele á námskeið-
unum, er hann mikill Ís-
landsvinur. „Hann sótti Ís-
land heim á árunum 1985
til 1991 og kenndi þá hér
um sálgæslu og veitti
hana. Hann kom upphaflega á
vegum Ungs fólks með hlutverk.“
Hvaða maður er þetta?
„Van der Veele er guðfræðing-
ur og sálfræðingur; hefur BA-próf
í guðfræði frá ICI í Brussel og
MA gráðu í þvermenningarlegri
þjónustu með þvermenningarlega
sálgæslu sem aðalgrein frá Fuller
í Pasadena í Bandaríkjunum.
Eiginkona hans til 40 ára, Wil
van der Veele, er listmálari. Þau
störfuðu lengi vel í Taílandi sem
kristniboðar og við hjálparstörf
meðal holdsveikra þar. Einnig
vann hann við þjálfun starfsfólks á
vettvangi þvermenningarlegrar
þjónustu en síðan 1982 hefur hann
rekið einkaráðgjafarþjónustu og
kennt áfallaráðgjöf í Hollandi og
víðar í Evrópu, til dæmis á Norð-
urlöndunum, í Sviss og Austur-
ríki. Í Asíu hefur hann sinnt þessu
starfi í Taílandi, Kambódíu og
Kína og einnig í Afríkulöndunum
Úganda og Rúanda.
Árin 1992–1996 var hann í
hlutastarfi við ráðgjöf fyrir starfs-
lið geðsjúkrahúss fyrir fíkla í Hol-
landi en nú sinnir hann aðallega
kennslu og þjálfun áfallaráðgjafa
á alþjóðavettvangi.“
Hvert er markmið námskeiða
Hollendingsins?
„Meginmarkmið hans er að
þjálfa áhugasama leikmenn til
hjálparstarfa, bæði á kirkjulegum
vettvangi og utan hans. Hann
kennir okkur ákveðna nálgun,
sem hann hefur þróað og leitast
við að mæta manneskjunni þar
sem hún er tilfinningalega stödd,
að finna perslurnar í lífi hennar og
vinna út frá þeim. Í vinnu hans
felst kristmiðlæg nálgun; Kristur
er kjarninn í allri hans þjónustu
og markmiðið í sálgæslunni er að
fylgja skjólstæðingnum til Krists.
Ég hef ekki kynnst neinu öðru
sem hefur orðið til eins mikillar
lækningar og blessunar fyrir fólk
og þessi nálgun. Það að leiða fólk
inn í nærveru og frið Guðs skiptir
sköpum.
Hann biður fyrir fólki og bless-
ar það, og síðan er hreinlega eins
og lifandi Guð komi og mæti ein-
staklingnum í sársauka hans.
Fólk hefur algjörlega
stjórn á öllu sjálft; eftir
þetta getur það farið
aftur inn í frið Guðs út
úr þessum erfiðu til-
finningum og þannig
vinnur það sig í gegnum sársauk-
ann smátt og smátt. Hann vefur
guðfræðinni og kærleika Guðs um
fræðin um manninn, þannig að
kennslan verður mjög lifandi.“
Hefur hann verið áður með
námskeið hér á landi?
„Já, á sínum tíma þegar hann
kom hingað fyrst var hann með
námskeið af svipuðum toga. Svo
var hann hér aftur í vor þar sem
áherslan var á sálgæslu við kyn-
ferðislega misnotaða og svo síðast
nú í september.“
Hverjir sækja þessi námskeið
Hollendingsins?
„Bæði fagmenn á sviði meðferð-
ar og ráðgjafar, prestar og djákn-
ar, svo og leikmenn sem eru starf-
andi í kirkjulegi starfi við
sálgæslu. En námskeiðin eru opin
fyrir alla sem hafa áhuga, en fjöld-
inn takmarkast við 40. Það er
bæði hægt að skrá sig á Netinu;
netfangið er blessun@post.com
og upplýsingar eru líka gefnar í
síma 866-9562 fyrir hádegi. Upp-
lýsingar um námskeiðin er líka að
finna á heimasíðunni www.sim-
net.is/snotin/blessun.html.“
Hefur þú mikið nýtt þér þessa
reynslu þína í starfi?
„Já, þetta nám hefur mótað mig
og ég stunda sálgæslu og fyrir-
bæn fyrir fólki. Ég vann meðal
annars á unglingageðdeild Land-
spítalans og er nú starfandi sem
sálgæsluþjónn í Laugarnes-
kirkju.“
Hverjir eru það helst sem geta
notfært sér þessa þjónustu?
„Allir. Það er alveg sama hverj-
ir það eru; þetta er ekki aðferð
fyrir neinn sérstakan hóp. Þó er
megináhersla hans á þá sem orðið
hafa fyrir kynferðislegri misnotk-
un og mér finnst rétt að það komi
fram að hann er eini karlmaður-
inn, mér vitanlega, sem hefur sér-
menntað sig í meðferð og ráðgjöf
fyrir þá sem orðið hafa
fyrir kynferðislegri
misnotkun,“ segir Mar-
grét.
Námskeiðið stendur
frá kl. 17.30 til 22 á
fimmtudag og föstudag en frá kl. 9
til 13.30 á laugardag. Framhalds-
námskeið í nóvember, janúar,
febrúar og apríl verða með sama
sniði. Heildarverð fyrir öll nám-
skeiðin er 85 þúsund krónur og er
boðið upp á greiðsluskilmála, að
sögn Margrétar. Auk kennslunn-
ar er innifalið í verði 50 mínútna
handleiðsluviðtal í hvert skipti og
léttar veitingar.
Margrét Scheving
 Margrét Scheving fæddist
1944 í Vestmannaeyjum. Hún út-
skrifaðist sem sjúkraliði og stúd-
ent frá Fjölbrautaskólanum í
Breiðholti. Frá 1993 til 1999
stundaði hún fjarnám við skóla
sem Teo van der Veele rekur í
Danmörku; European School of
Abuse (Sexual) Related Pastoral
Counselling. Hún er sálgætir og
ráðgjafi og starfar nú sem sál-
gæsluþjónn í Laugarneskirkju.
Eiginmaður Margrétar er Þor-
valdur Halldórsson tónlist-
armaður og eiga þau samtals sex
börn.
Skjólstæðing-
unum er fylgt
til Krists
Svona, réttu mér svo farsímann, engin SMS-skilaboð heldur, góði ...
UM 300 manns á hundrað Musso- og
Korando-jeppum tóku þátt í haust-
ferð Bílabúðar Benna sl. laugardag.
Ekið var frá Þingvöllum inn á hluta
Eyfirðingavegar sunnan Skjald-
breiðar, að Hlöðufelli, suður með
Högnhöfða og Rauðafelli og niður í
byggð í Miðdal.
Eftir stutta áningu á Þingvöllum
þar sem Benedikt Eyjólfsson að-
alfararstjóri benti bílstjórum á að
létta svolítið á loftþrýstingi í hjól-
börðum var haldið inn fyrir Þing-
völl og um seinfarinn Eyfirð-
ingaveg í austurátt að Hlöðufelli.
Stillt var og bjart en lágskýjað í
austrinu og viðbúið að úrkoma
myndi gera vart við sig síðar um
daginn. Fljótlega var ekið um snævi
þakið landslagið en snjórinn var
þessum bílaflota engin hindrun
enda ekki svo mikill ennþá og
margir á hækkuðum bílum með
sæmilega verklega hjólbarða.
Leiðin norðan við Lágafell og síð-
an sunnan Skjaldbreiðar var mjög
seinfarin enda slóðin ekki rudd
nema á köflum og lá hún að mestu
leyti yfir mela og móa.
Síðasti áfanginn drjúgur
Við skála Ferðafélagsins við
Hlöðufell grilluðu Benni og sam-
starfsmenn hans hundruð af ham-
borgurum og pylsum ofan í mann-
skapinn og síðan var lagt í síðasta
áfangann niður í Miðdal sem átti
eftir að verða drjúgur. Átti enn að
egna fyrir ökumenn og farþega
með góðgæti á Laugarvatni, nú með
kakói og bakkelsi. Nokkuð þurfti að
hafa fyrir þessum áfanga því að á
leiðinni suður með Högnhöfða og
Rauðafelli varð bæði snjór og hálka
fyrir mönnum. Tók því talsverðan
tíma fyrir jeppana hundrað að lesa
sig upp brekkurnar. Þurfti fleiri en
eina tilraun í þær sumar. Á meðan
buldi snjókoman og þakti rúður og
spegla. Var nokkuð ljóst líka að hér
máttu sín meira bílarnir með stærri
hjólbörðunum þótt hinir seigluðust
þetta allt saman á endanum. Fengu
bílstjórar þarna ágæta æfingu í að
mjaka sér gegnum skafla, gera
nokkrar tilraunir og komast einni
bíllengd lengra í hverju skaki en
einstaka sinnum varð að kippa þeim
sem fremstur fór úr ógöngum.
Allt fór líka vel að lokum og allir
komu aftur, margir með nýja
reynslu og áreiðanlega löngun til að
nota hana frekar.
Morgunblaðið/jt
Benedikt fararstjóri Eyjólfsson fylgdist með að menn færu sem réttast í erfiðu köflunum sem voru víða á leið-
inni og oft er skynsamlegast að setja í lága drifið og fara sem hægast. Á myndinni til vinstri má sjá hvar menn
hleypa úr dekkjunum sem er þjóðráð áður en haldið er í mikinn snjó og aðrar torfærur.
100 jeppar í fjallaferð
með Bílabúð Benna