Morgunblaðið - 17.10.2001, Blaðsíða 20

ERLENT
20 MIÐVIKUDAGUR 17. OKTÓBER 2001 MORGUNBLAÐIÐ
RANNSÓKNARMENN skoðuðu í
gær allan póst sem sendur var til
fjölmiðla í New York eftir að skýrt
var frá því að sjö mánaða barn konu
í starfsliði ABC-sjónvarpsins í borg-
inni hefði sýkst af miltisbrandi. Ótt-
inn við sýklaárásir hryðjuverka-
manna magnaðist víða um heim og
grunsamlegar póstsendingar voru
rannsakaðar í mörgum löndum en
miltisbrandur hefur hvergi fundist
utan Bandaríkjanna. Rannsóknirn-
ar beindust að umslögum og pökk-
um, sem innihéldu torkennilegt
duft, en í mörgum tilvikum reyndist
um hrekki eða blekkingar að ræða.
Alls hafa fjórir sýkst af miltis-
brandi í Bandaríkjunum. Sjö mán-
aða drengur greindist með miltis-
brand í New York og áður hafði
starfskona NBC fengið sjúkdóminn.
Tveir starfsmenn dagblaðs í Flórída
sýktust einnig og annar þeirra er
látinn. Vitað er um níu aðra sem
komust í snertingu við bakteríuna
en hafa ekki sýkst.
Drengurinn í New York er talinn
hafa fengið sýkilinn 28. september
þegar hann var með móður sinni í
byggingu ABC í New York í um það
bil tvær klukkustundir. Barnið hef-
ur fengið sýklalyf og batahorfurnar
voru sagðar góðar.
Barnið reyndist vera með milt-
isbrand í húðinni en slík sýking er
ekki eins skæð og þegar sýkillinn
kemst í öndunarfærin. Mennirnir
tveir í Flórída höfðu andað bakt-
eríunni að sér.
Miltisbrandur sendur
Tom Daschle
Miltisbrandur fannst einnig í
fyrrakvöld í bréfi sem sent var Tom
Daschle, meirihlutaleiðtoga demó-
krata í öldungadeild Bandaríkja-
þingsins. Ekki er vitað hvort að-
stoðarmenn Daschle hafi fengið
bakteríuna en þeir fengu sýklalyfið
Cipro í varúðarskyni.
„Saklaust fólk hefur dregist inn í
mál sem er því óviðkomandi,“ sagði
Daschle. „Ég er mjög, mjög von-
svikinn og reiður.“
Óttinn við sýklaárásir hefur
breiðst út til annarra landa og rann-
sökuð hafa verið fjölmörg umslög
sem innihéldu torkennilegt duft. Í
mörgum tilvikum var um hrekk að
ræða og miltisbrandur hefur ekki
fundist í póstsendingum utan
Bandaríkjanna.
Duft sem fannst í umslagi á skrif-
stofu Gerhards Schröders, kanslara
Þýskalands, reyndist ekki innihalda
miltisbrandsbakteríuna. Duftið var
sent til frekari rannsóknar.
Þrjú grunsamleg umslög voru
rannsökuð í Austurríki og franska
lögreglan lokaði pósthúsi og banka í
París vegna rannsóknar á tveimur
umslögum. Að sögn yfirvalda í
Frakklandi fundust engir sýklar í
umslögunum.
Póstflokkunarstöð í
Liverpool lokað
Ellefu manns gengust undir
læknisrannsókn í Póllandi eftir að
hafa opnað bréf sem innihéldu duft
og voru send til lögreglustöðvar og
sjónvarpsstöðvar. Stórri póstflokk-
unarstöð í Liverpool var lokað
vegna dularfullrar sendingar og
pakkar og bréf, sem innihéldu hvítt
duft, voru einnig rannsökuð í lönd-
um eins og Ítalíu, Finnlandi, Nor-
egi, Svíþjóð, Grænlandi, Eistlandi,
Kanada og Suður-Kóreu.
Grunsamlegt bréf til forsætisráð-
herra Tékklands, Milos Zemans,
fannst á skrifstofu hans um það
leyti sem hann átti að taka á móti
Shimon Peres, utanríkisráðherra
Ísraels.
Hvítt duft fannst í byggingu ísr-
aelska dagblaðsins Maariv en skrif-
stofumaður játaði að hafa sent
þangað meinlaust efni „í gríni“.
Reuters
Slökkviliðsmenn í deild, sem fæst við hættuleg efni, sprautaðir eftir athugun á grunsamlegu bréfi í aðalstöðvum ABC-sjónvarpsins.
Fjöldi grunsamlegra bréfa til rannsóknar víðs vegar um heim
Sjö mánaða barn grein-
ist með miltisbrand
Washington. AFP, AP.
DONALD Rumsfeld, varnarmála-
ráðherra Bandaríkjanna, sagði á
mánudagskvöld að talibanar í Afgan-
istan væru „tunguliprir lygarar“ og
vísaði á bug fullyrðingum þeirra um
að Bandaríkjamenn hefðu ráðist á
þorp með þeim afleiðingum að um
200 óbreyttir borgarar hefðu fallið.
Talibanar fóru með erlenda frétta-
menn að umræddu þorpi í austur-
hluta Afganistan á sunnudag til að
sýna þeim þá eyðileggingu, sem þeir
segja að orðið hafi þegar bandarísk-
um flugskeytum rigndi yfir þorpið í
síðustu viku. Um 200 manns hafi þá
fallið og þorpið hafi verið þurrkað út.
Richard Myers, forseti banda-
ríska herráðsins, sagði á blaðamann-
fundi sem Rumsfeld sat einnig, að
ráðist hefði verið á manngerða hella
nærri þorpinu. Þegar fjarstýrðar
sprengjur Bandaríkjamanna lentu í
hellismunnanum hefðu hins vegar
orðið miklar sprengingar og eldar
hefðu logað klukkustundum saman.
Ekki við smákökubakstur
Myers sagði að enn væri ekki ná-
kvæmlega vitað hvað geymt hefði
verið í hellunum. Rumsfeld lét að því
liggja að þar hefðu verið geymd
skotfæri. „Það er alveg ljóst að þeir
voru ekki að baka smákökur inni í
þessum hellum,“ sagði ráðherrann.
Hann kvað það deginum ljósara að
menn hefðu ekki ráðist í að grafa út
slík byrgi nema af ákveðinni ástæðu.
Þar hefðu trúlega verið geymd skot-
færi og fókið sem bjó í nágrenninu
verið „tengt þeirri starfsemi“.
Myers sagði að myndir sem tekn-
ar hefðu verið af þorpinu sýndu að
sprengjur hefðu ekki fallið á það. Þar
hefðu og verið fáir íbúar ef nokkrir
þegar árásin fór fram.
Rumsfeld viðurkenndi að óbreytt-
ir borgarar hefðu týnt lífi í loftárás-
unum á stöðvar talibana og hryðju-
verkamanna vegna mistaka. Tölur
þær sem talibanar nefndu – þeir
halda því fram að meira en 300
óbreyttir borgarar hafi nú fallið –
væru hins vegar fráleitar. „Við vitum
að leiðtogar talibana eru tunguliprir
lygarar og að þeir fara í sjónvarpið
og fullyrða ýmislegt, sem er ekki
satt,“ sagði ráðherrann.
Donald Rumsfeld vænir
talibana um lygar
Ráðist var
á hella,
ekki þorp
Washington. AFP.
DÓMSTÓLL á Filippseyjum gaf í
gær út handtökuskipun á hendur
Imeldu Marcos, ekkju Ferdinands
Marcos, fyrrverandi forseta lands-
ins, vegna spillingar. Hún fékk sig
strax lausa gegn tryggingu.
Imelda, sem er 72 ára, er sökuð
um að hafa sett á fót leppfyrirtæki er
hún var ráðherra landnámsmála á
áttunda áratugnum til að koma
háum fjárhæðum undan, sem hún er
sögð hafa lagt inn á bankareikninga í
Sviss. Ákærurnar sem lesnar voru
upp í gær eru hluti af umfangsmeira
sakamáli gegn Imeldu fyrir að hafa
dregið sér stórfé á tveggja áratuga
valdatíma eiginmanns síns.
Imelda kvaðst saklaus af ákæru-
atriðunum og sakaði stjórnvöld um
ofsóknir á hendur sér.
Marcos-hjónin voru alræmd fyrir
spillingu og einræðistilburði. Þeim
var steypt af stóli árið 1986 og flúðu
til Hawaii, þar sem Ferdinand lést
þremur árum síðar. Heimsathygli
vakti að forsetafrúin skildi þúsundir
skópara eftir í forsetahöllinni.
Imeldu var leyft að snúa aftur til Fil-
ippseyja árið 1991. Hún var síðar
fundin sek um spillingu og dæmd til
tólf ára fangelsisvistar, en úrskurð-
inum var hrundið í áfrýjunarrétti.
Handtöku-
skipun á hend-
ur Imeldu
Manila. AFP, AP.
♦ ♦ ♦