Morgunblaðið - 17.10.2001, Blaðsíða 40

40 MIÐVIKUDAGUR 17. OKTÓBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐHORFSGREIN Þrastar Helga-
sonar 25. sept. um viðbrögð við árás-
inni á Bandaríkin inniheldur forsend-
ur sem standast ekki. Rökfærslan
fellur því um sjálfa sig. Þröstur gefur
sér að sú áætlun hryðjuverkamann-
anna hafi „tekizt fullkomlega, að
draga mesta hernaðarveldi heims á
tálar ... að tæla það út í aðgerðir sem
það hefur sjálft enga stjórn á, því það
veit ekki gegn hverjum þær beinast“.
Hann telur þessa banvænu áætlun
hryðjuverkamannanna „felast í því
að Bandaríkjamenn svari í sömu
mynt“.
Að ráðast að skipuleggjendum
hryðjuverkanna er ekki að „svara í
sömu mynt“. Það stendur ekki til, að
Bandaríkin sprengi upp skýjakljúfa
með þúsundum saklausra borgara
eða dembi sprengjuregni yfir þjáða
alþýðu Afganistans. Aðgerðirnar eru
ekki stjórnlausar, heldur skipulagðar
til hins ýtrasta með öðrum þjóðum.
Við vitum öll, að hverju þær beinast:
að því að leita uppi og handsama eða
fella Osama bin Laden og hryðju-
verkasveitir hans. Þetta er tilgang-
urinn, enda á þessi maður sök á
fjölda ódæðisverka. Harðstjórn talib-
ana, sem aðeins ein ríkisstjórn við-
urkennir þegar þetta er ritað (Pak-
istan), hefur einnig gert sig að
skotspæni með ótvíræðri samsekt
sinni. Verður örugglega reynt að
koma í veg fyrir framhald á slíku, og
væntanlega verður Afgönum hjálpað
til að endurreisa efnahag landsins og
koma á lýðræðislegri stjórn. (Já, ég
spái sigri í Afganistan; í Flóastríði
gersigruðu Bandamenn öflugasta
her Mið-Austurlanda, en liðsafli tal-
ibana er takmarkaður og aðdrættir
engir, ólíkt því sem var í innrás Sov-
étmanna í landið 1979–89.)
Í huga margra þeirra sem and-
mæla valdbeitingu í Afganistan býr
það eflaust að baki að þeir óttast að
hún hafi gagnverkandi áhrif. Þröstur
er þeirrar skoðunar og telur að með
innrás væri tilgangi hryðjuverka-
mannanna náð. En eins og segir í
leiðara The Economist 22/9: „Eitt
áherzluatriði friðarsinnanna (paci-
fists) er vissulega rétt: að hryðju-
verkamennirnir vilja ögra mönnum
til gagnaðgerða“, en blaðið bætir líka
við, og takið nú eftir: „og þeir munu
halda áfram árásum sínum þar til
þeir fá gagnaðgerðir“. Að slá gagn-
aðgerðum á frest er einungis að ýta
vandanum á undan sér og glata á
meðan tíma og tækifærum til að
draga sem mest úr hættunni á enn
stórtækari hryðjuverkum.
Einungis þeir, sem eru í megnustu
vanþekkingu eða afneitun á það, sem
er á seyði hjá al-Qaeda-samtökum
Osamas bin Laden, geta ímyndað
sér, að hér láti þeir staðar numið.
Þeir hafa þjálfað þúsundir atvinnu-
manna til illvirkja og eiga eftir að
gera miklu fleiri atlögur gegn vest-
rænum ríkjum og saklausu fólki,
hvort sem Vesturveldin hefja mótað-
gerðir nú eða síðar. Strax 1993
reyndu þeir blásýru-árás á World
Trade Center, sem mistókst, en hefði
getað drepið tugþúsundir manna.
Fleiri aðgerðir þeirra hafa mistekizt,
t.d. að sprengja upp flugvöllinn í Los
Angeles í árslok 1999. Vitað er, að
þeir hafa leitað upplýsinga um ger-
eyðingarvopn, og nú sýnir reynslan,
að þeir hika ekki við að láta tilgang-
inn helga meðalið. Sjálfir segjast þeir
ekki láta staðar numið fyrr en þeir
taka völdin í Hvíta húsinu. Það er
eins gott fyrir okkur að trúa þeim.
En einu virðast þeir ekki hafa
reiknað með: hinum mikla innri styrk
Bandaríkjamanna eftir hina grimmi-
legu árás, heitri samkennd fólksins
og vilja til að verja land sitt og þjóð.
Þetta, auk stuðnings flestra þjóða
heims, mun duga langt til að vinna að
lausn þessa geigvænlega vandamáls
21. aldar.
JÓN VALUR JENSSON,
cand. theol. og forstöðumaður
Ættfræðiþjónustunnar.
Viðhorfsgrein
svarað
Frá Jóni Val Jenssyni:
Í FÁEIN ár hafa nokkur samtök
tekið sig saman um svokallaðan „al-
þjóðlegan dag gegn McDonald’s“ á
degi sem kallaður hefur verið
„World Food Day“. Þessi dagur, 16.
október, var upphaflega tileinkaður
mat af Matvælastofnun Sameinuðu
þjóðanna, FAO, árið 1979 til þess að
vekja almenna athygli á hungri í
heiminum.
Þessi ónafngreindu samtök kalla
nú þennan dag „alþjóðlegan hung-
urdag“ eða „alþjóðlegan dag gegn
McDonald’s“.
Í öllum áróðri þessum skína í gegn
ótrúlegir fordómar sem lýsa sér í
fullyrðingum sem eiga sér enga stoð
í veruleikanum. Samtökin og þeir
einstaklingar sem að þeim standa
virðast finna sér lífstilgang í að út-
breiða óhróður um eitt fyrirtæki af
því að það er stórt á heimsmæli-
kvarða og vegna þess að það er
bandarískt að uppruna. Sannleikur-
inn virðist ekki skipta þetta fólk
neinu máli enda engin tilraun gerð til
þess að leita hans. Þau vita sem er að
ef einhverjar fullyrðingar eru settar
fram nógu oft, þá má búast við að
fleiri og fleiri trúi því sem ritað og
sagt er, jafnvel þótt sannleiksgildi
þess sé ekki neitt.
Ég hef sjálfur starfað hjá Lyst
ehf., McDonald’s á Íslandi, sem er al-
íslenskt fyrirtæki, í u.þ.b. níu ár. Ég
og annað starfsfólk McDonald’s telj-
um okkur siðað og heiðarlegt fólk og
myndum ekki starfa hjá fyrirtækinu
ef það væri jafnsiðlaust og slæmt og
þessi samtök vilja láta í veðri vaka.
Ég veit reyndar að þessi áróður
hefur ekki náð að virka. Um það bera
vitni fjölmargir viðskiptavinir
McDonald’s á degi hverjum.
PÉTUR Þ. PÉTURSSON,
markaðsstjóri McDonald’s
á Íslandi.
Marklaus áróður
Frá Pétri Þ. Péturssyni: