Morgunblaðið - 17.10.2001, Blaðsíða 35

HESTAR
MORGUNBLAÐIÐ MIÐVIKUDAGUR 17. OKTÓBER 2001 35
REIÐVEGIR og skipulagsmálvoru nokkuð fyrirferðar-mikil í umræðum þingsins
sem stóð yfir í tvo daga í Íþrótta-
húsinu á Ísafirði um helgina. Fjár-
mál sambandsins tóku einnig nokk-
urn tíma þingsins en samtökin voru
rekin með ríflega tveggja milljóna
króna tapi árið 2000 en með 3,7
milljóna króna hagnaði fyrstu átta
mánuði núlíðandi árs en þess ber að
geta að sú tala er talin eiga eftir að
lækka en sú hefur verið reynslan
undanfarin ár enda tekjur rýrar
síðustu fjóra mánuði ársins. Eru
margir uggandi um fjármál LH
enda hefur sigið mjög á ógæfuhlið-
ina síðustu þrjú árin.
Að sjálfsögðu var góður slatti af
tillögum er vörðuðu keppnisreglur
ýmiskonar eins og venja er til á
þingum LH.
Þrátt fyrir það voru þingfulltrúar
nokkuð á því að tekist hefði að
sveigja starfsemina nær grasrót
samtakanna, að málefnum hins al-
menna hestamanns, enda almennt
viðurkennt að reiðvegamál séu í
dag mikilvægasti málaflokkur sem
varði alla þá er stunda reiðmennsku
í einhverri mynd.
Reiðvegamálin í öndvegi
Samþykktar voru nokkrar tillög-
ur varðandi umhverfismál, reiðvegi
og reiðvegagerð og Sigríður Sig-
þórsdóttir, Sörla, flutti afar áhuga-
vert erindi um reiðvegamál sem
vakti mikil og góð viðbrögð. Var
Sigríður hyllt með lófaklappi í lok
umræðunnar enda má segja að hún
sé orðin æðsti gúrú hestamanna á
þessum vettvangi, hefur unnið mik-
ið og árangursríkt starf.
Þá stefnir loksins í að hestamenn
þingi annað hvert ár en stjórn var
falið að vinna að nauðsynlegum
breytingum á lögum og reglum
samtakanna og leggi það fyrir
næsta þing að ári. Verða þingin þá
haldin sama ár og landsmót eru
haldin.
Frávísun á
sameiningarviðræður
Tilraunir stjórnar til að koma á
viðræðum við Félag hrossabænda
um hugsanlega sameiningu samtak-
anna var blásin mjög óvænt út af
borðinu með frávísunartillögu frá
Helgu Fjólu Guðnadóttur, Geysi,
sem síðar var þakkað fyrir með
kosningu í varastjórn samtakanna.
Var stjórnarmönnum nokkuð
brugðið við þessa óvæntu afgreiðslu
og þótti ómaklegt að þingheimur
væri ekki tilbúinn að eyða tíma í að
ræða skipulagsmál samtakanna. Í
málflutningi Helgu Fjólu, þegar
hún bar fram frávísunartillöguna,
kom fram að hún teldi að stjórnin
þyrfti ekkert umboð frá þinginu til
að hefja einhverjar könnunarvið-
ræður eins og gert var ráð fyrir í
tillögunni. Talsverðar breytingar
voru gerðar á tillögunni í allsherj-
arnefnd og höfðu margir á orði að
hún hafi verið alltof beinskeytt í
upphaflegri mynd og það eitt hefði
að líkindum orðið til þess að þing-
fulltrúar voru ekki tilbúnir að svara
kalli stjórnarinnar. Fram kom einn-
ig að stjórnin hefði alla möguleika á
að gera úttekt á kostum og göllum
sameiningar og þeim annmörkum
sem ryðja þarf úr vegi verði almenn
samstaða um að sameina. Á það ber
einnig að líta að mikilla efasemda
gætti meðal þingfulltrúa um að
sameining væri vænlegur kostur
nokkuð ólíkra samtaka en vert væri
að kanna til hlítar alla möguleika á
hagræðingu með auknu samstarfi
þeirra. En stjórnin getur sem sagt
unnið málið betur fyrir næsta þing
að ári.
Vaxandi karlaveldi
Konur hafa ekki verið fyrirferð-
armiklar í stjórnarkjöri hjá LH
gegnum tíðina og nú fór það svo
eina ferðina enn að engin kona situr
í aðalstjórn en Sigrún Ólafsdóttir
gjaldkeri gaf ekki kost á sér til end-
urkjörs og var Sigurður Ævarsson
kosinn í hennar stað. Þá hætti
Oddný Jónsdóttir í varastjórn en
Helga Fjóla var kosin í hennar stað.
Þá kemur Vilhjálmur Skúlason,
Fáki, nýr inn í varastjórn en að
öðru leyti er stjórnin óbreytt.
Íslandsmótin aðskilin
Af tillögum er varða keppni og
mótahald ber hæst að nú var sam-
þykkt að Íslandsmót verða nú að-
skilin eins og samþykkt var til
reynslu í fyrra sem þótti gefa afar
góða raun. Sú breyting var þó gerð
að nú munu ungmenni keppa á
yngriflokkamótinu en ekki með hin-
um fullorðnu eins og var í sumar.
Þá verður óheimilt að sömu hross
séu notuð á báðum mótunum. Þá
var samþykkt að heimila útlending-
um að keppa á Íslandsmótum sem
fullgildir keppendur að því þó und-
anskildu að útlendingar geta aldrei
orðið Íslandsmeistarar. Þetta þýðir
að sú staða gæti komið upp að Ís-
landsmeistari gæti orðið í öðru sæti
í keppninni eða jafnvel neðar þótt
afar ótrúlegt sé að slíkt muni ger-
ast.
Íslandsmót til fjögurra ára
Svo virðist sem þetta nýja fyr-
irkomulag Íslandsmóta hafi hleypt
nýju lífi í umsóknir um mótin því nú
er farin að myndast samkeppni um
að fá mótin. Fákur sótti um bæði
mótin á næsta ári en þá verður fé-
lagið 80 ára. Þá sótti Sleipnir á Sel-
fossi um fullorðinsmótið 2003 en
mesta athygli vakti umsókn Harð-
ar, sem sótti um fjögur Íslandsmót
fullorðinna á árunum 2003 til 2006.
Með því að fá öll þessi mót til ráð-
stöfunar hyggjast Harðarmenn
hafa forgöngu um þróunarstarf
með það í huga að koma þessum
mótum á hærra plan. Sögðu þeir
hjá Herði að ef þeir fengju þessum
mótum úthlutað væri ekki sjálfgefið
að þau yrðu öll haldin á félagssvæði
þeirra að Varmárbökkum en þeir
myndu hinsvegar hafa hönd í bagga
með hvernig væri staðið að verki.
Tvær tillögur vörðuðu landsmót-
ið á Vindheimamelum 2002, önnur
að hluta en hin alfarið. Samþykkt
var að veita mótshöldurum undan-
þágu til að hafa þrjú dómarapör
sem dæmdu í gæðingakeppni móts-
ins þannig að aðeins væru gefnar
upp þrjár einkunnir í stað fimm áð-
ur. Hin tillagan fjallar um 100
metra flugskeið sem notið hefur
mikilla vinsælda og er nú orðin full-
gild grein. Í samþykktinni segir að
keppt skuli í greininni á lands-
mótinu á næsta ári.
Þá voru bráðabanar aflagðir
nema um sé að ræða sigursæti í
keppnisgrein en í stað bráðabana
verði reiknað með fleiri aukastöfum
og þannig fengin niðurstaða. Ef það
gerist ekki þegar um forkeppni er
að ræða fara hinir jöfnu keppendur
eða allir ef um fleiri en tvo er að
ræða í úrslit.
Hægatöltið heldur velli
Atlaga var gerð að tvöföldu vægi
hægatöltsins í töltkeppni en það var
kolfellt þrátt fyrir rök um að vægið
sé einfalt samkvæmt FIPO-reglun-
um alþjóðlegu og greinilegt að Ís-
lendingar telja hægatöltið mjög
mikilvægt grundvallaratriði.
Þá kom fram tillaga um breyt-
ingar á úrslitakeppni í tölti í því
augnamiði að minnka álag á hest-
ana og koma í veg fyrir uppákomur
eins og á heimsmeistaramótinu í
sumar. Var tillögunni breytt tals-
vert í keppnisnefnd á þann veg að
ríða skal hvert atriði keppninnar
allt að tveimur hringum upp á
hvora hönd. Í upphaflegu tillögunni
var gert ráð fyrir að aðeins yrði rið-
ið upp á aðra höndina á hraðabreyt-
ingum og yfirferð. Breytingatillaga
nefndarinnar var samþykkt.
Tölvukerfið að komast
á koppinn
Samþykkt var að taka í notkun
tölvukerfi það sem verið hefur í
burðarliðnum og LH, Bændasam-
tökin og Hestamiðstöð Íslands hafa
gert samning um að verði notað á
næsta ári, sem verði þá aðlögunar-
tími fyrir félög og mótshaldara en
frá og með 2003 verði öllum nið-
urstöðum móta skilað á þessu
formi. Þau mót sem ekki munu skila
niðurstöðum móta á þessu formi
verða samkvæmt tillögunni staðfest
sem lögleg mót. Hér er á ferðinni
afar mikilvæg samþykkt sem verða
gerð nánari skil hér í hestaþætt-
inum síðar.
Þá var samþykkt breyting á
reglum um flokkun keppenda í
styrkleikaflokka. Sá misskilningur
hefur verið nokkuð útbreiddur að
þegar keppandi (knapi og hestur)
nái meistaraflokkseinkunn þurfi
hann ekki að keppa í meistaraflokki
fyrr en þessu marki er náð í annað
skiptið. Nú var þessu breytt á þann
veg að þegar meistaraflokksein-
kunn hefur verið náð einu sinni er
keppanda heimilt að keppa í meist-
araflokki en er þó heimilt að keppa
áfram í 1. flokki þar til meistara-
flokkseinkunn hefur verið náð
þrisvar sinnum. Eftir það er honum
skylt að keppa í meistaraflokki.
Veitt voru þrenn gullmerki LH
að þessu sinni. Þau hlutu Guðmund-
ur Yngvason úr Stormi en hann
hefur verið ein aðaldriffjöður hesta-
mennskunnar á Vestfjörðum og að-
alhvatamaður að stofnun félagsins;
Birgir Sigurjónsson úr Sörla, fyrr-
um formaður LH; og Rosemarie
Þorleifsdóttir, sem unnið hefur
mikið að æskulýðsmálum bæði í
nafni samtakanna og eins á vett-
vangi Smára og Reiðskólans í Geld-
ingaholti, sem hún hefur rekið um
áratuga skeið.
52. ársþing Landssambands
hestamannafélaga
Blendin trú á
frekara sam-
einingarferli
Konur hafa alltaf átt frekar erfitt upp-
dráttar innan Landssambands hestamanna-
félaga og nú ríkir þar fullkomið karlaveldi í
aðalstjórn eftir ársþing samtakanna. Eina
konan í stjórn gaf ekki kost á sér til endur-
kjörs og karlmaður var kosinn í hennar
stað. Valdimar Kristinsson fylgdist með
þinginu sem nú var í fyrsta skipti haldið
í Vestfirðingafjórðungi.
Morgunblaðið/Valdimar Kristinsson
Kátir karlar í stjórn LH, fremri röð frá vinstri: Sigurður Steinþórsson, Smára, Sveinbjörn Sveinbjörns-
son, Gusti, Sigurður Ævarsson, Sörla, Páll Dagbjartsson, Stíganda, Ómar Antonsson, Hornfirðingi, og
Einar Ragnarsson, Herði. Sitjandi eru Sigurður Ragnarsson, Faxa, Jón Albert Sigurbjörnsson formaður,
Fáki, og Haraldur Þórarinsson varaformaður, Sleipni. Á myndina vantar Sigfús Helgason, Létti, Vilhjálm
Skúlason, Fáki, og Helgu Fjólu Kristinsdóttur, Geysi.
Jón Albert formaður segir það skemmtilegast í starfi formanns að afhenda
verðlaun eða viðurkenningar fyrir vel unnin störf í þágu hestamennsk-
unnar. Hér eru það fulltrúar æskulýðsnefndar Mána á Suðurnesjum, þær
Ástríður Guðjónsdóttir og Valdís Inga Steinarsdóttir, sem hafa tekið við
unglingabikarnum fyrir góðan árangur félagsins á þessum vettvangi.
Gul spjöld sáust oft á lofti á þinginu en ekki þó í sama tilgangi og á
hestamótunum heldur var bryddað upp á þeirri nýbreytni að menn
réttu upp gul spjöld þegar greidd voru atkvæði með tillögum en
svört spjöld þegar greitt var atkvæði á móti.
Reiðfatnaður í
miklu úrvali frá
FREMSTIR FYRIR GÆÐI