Morgunblaðið - 24.11.2001, Qupperneq 55

BRÉF TIL BLAÐSINS
MORGUNBLAÐIÐ LAUGARDAGUR 24. NÓVEMBER 2001 55
HEFÐU Menningar- og friðarsam-
tök ísl. kvenna (MFÍK) fordæmt
árásarstríð Sovétmanna í Afganist-
an 1979–89, sem kostaði milljón
Afgana lífið og gerði 6,3 millj. að
flóttamönnum, væri meira mark á
þeim takandi nú, þegar þau for-
dæma hnitmiðaðar loftárásir á víg-
hreiður talibana og al-Qaeda.
MFÍK liggja undir því ámæli að
hafa tekið afstöðu með Austur-
blokkinni í kalda stríðinu, beint
hvössum spjótum að vesturveldun-
um, en hlíft Gúlagveldinu við gagn-
rýni. MFÍK höfðu ekki hátt um
neyð Afgana í sovézku innrásinni.
Nú kallar fulltrúi MFÍK það „sið-
leysi“ að dreifa matarpökkum yfir
Afganistan (Mbl. 18.10). Ásakar svo
bandamenn fyrir að drepa og lim-
lesta saklaus börn og spyr hvort Ís-
lendingar séu hreyknir af því. Vita-
skuld ekki, við finnum til með
fórnarlömbunum, en grunum talib-
ana um að stórýkja mannfall al-
mennings til að róa undir gagnrýni
á stríðsreksturinn. Þótt nokkur
hörmuleg slysaskot hafi átt sér stað
munu flestir upplýstir menn ala
með sér von um að loftárásirnar
skili tilætluðum árangri og valdi
sem minnstu manntjóni meðal al-
mennings.
Í Júgóslavíu beindust loftárásir
NATO að hernaðarlega mikilvæg-
um skotmörkum. Þrátt fyrir af-
drifarík og hneykslanleg mistök var
mannfall óbreyttra borgara sáralít-
ið miðað við flestar 20. aldar styrj-
aldir. Það er markviss ásetningur
bandamanna að hlífa almenningi í
Afganistan. Nákvæm vopn munu
stuðla að því. Fullyrðingum talib-
ana um að á 3. hundrað óbreyttra
borgara hafi fallið fyrstu 9 daga
stríðsins, en talan hafi hækkað í 900
manns á þrem dögum (til 18.10.),
tökum við með vantrú meðan þeir
hafa ekki sýnt neinar mannabyggð-
ir sem hafi orðið hart úti þessa þrjá
daga. Ólíkt pakistönskum samtök-
um sem sögðu 25 liðsmenn sína
hafa fallið í Kabúl 22.10. og 85 við
Mazar-e-Sjarif 9.11., hafa talibanar
til 11.11. ekki viðurkennt neitt
mannfall í eigin röðum, en hrópa
um dauðsföll almennings. Þetta er
ótrúverðugt, en gagnrýnendur
bandamanna kjósa að trúa talib-
önum. Ef tölurnar sjálfar stæðust
var skýringin á 600 manna fjölgun
á þrem dögum líklega sú að nýhafn-
ar árásir á hersveitir talibana hafi
skilað „árangri“. Ekki hlakka ég yf-
ir því, en meðan talibanar kjósa
fremur stríð en að framselja for-
ystu al-Qaeda er þetta val þeirra
sjálfra. Reyndar segjast þeir til-
búnir að fórna 2 millj. mannslífa –
hvar sem þeir fengu heimild til
þess! Al-Qaeda er þeim greinilega
meira virði en eigin þjóð, ef svo má
segja, því að raunar eru herfor-
ingjar talibana flestir erlendir.
Friðarsinnar gleyma því að
Chamberlain og franskir vinstri-
menn tryggðu ekki „frið um vora
daga“ þegar þeir friðmæltust við
Hitler, heldur var það „haukurinn“
Churchill og aðrir þvílíkir sem inn-
leiddu hálfrar aldar frið í álfunni
með því að berja niður óhugnað
nazismans með því eina sem dugði:
hervaldi.
Það er undarlegt hve margir á
vinstri kanti eru óðfúsir að skjóta
sjálfa sig og aðra í fótinn með því
að gefa herskárri heimsvaldastefnu
öfgamúslima færi á að vaxa og
dafna á uppeldisstöðvum sínum í
Afganistan.
Jafnvel þótt MFÍK sjái auð- og
hervald sem höfuðóvin gerir það
ekki talibana eða al-Qaeda að
bandamönnum sósíalista eða alþýð-
unnar. Þeir eru ekki einu sinni vel-
viljaðir eigin þjóð eins og sést á
harðstjórn þeirra og kvennakúgun.
Að grýta konur fyrir það eitt að
sjáist í andlit þeirra er svo skelfi-
legt ofbeldi að MFÍK á að renna
blóðið til skyldunnar að fordæma
það.
Ef MFÍK vildu stuðla að friði
hefðu þau skorað á talibana að
framselja al-Qaeda, það hefði spar-
að Afgönum þetta stríð. Hitt er
alltjent heillavænlegt að MFÍK og
aðrir hælbítar vesturveldanna geta
ekki klúðrað þeirri uppbyggingu
sem bandamenn eru ráðnir í að tak-
ast á hendur í Afganistan, strax
þegar sigur er unninn á afturhald-
inu sem þar hefur ráðið ríkjum.
Þótt ótrúlega hljómi eftir 22 ára
stríðsástand mun senn koma betri
tíð í landi Afgana.
JÓN VALUR JENSSON,
cand. theol.,
forstöðumaður
Ættfræðiþjónustunnar.
Um vanhugsaða gagnrýni
á nauðsynlega stríðsaðgerð
Frá Jóni Vali Jenssyni:
AP
Hermenn Norðurbandalagsins skjóta á talibana í Kunduz-héraði. Grein-
arhöfundur segir þó að senn muni koma betri tíð í landi Afgana.
SÁ ÓSKEMMTILEGI atburður
átti sér stað laugardaginn 17. nóv-
ember að fjórar 12 ára stúlkur urðu
fyrir kynferðislegri áreitni fullorð-
ins karlmanns í sundlaug á höfuð-
borgarsvæðinu. Með stúlkunum í
sundlaugarferðinni voru bekkjar-
félagar þeirra en einn úr hópnum
átti afmæli og fóru foreldrar hans
með hópinn í skemmtiferð út fyrir
bæinn sem endaði síðan í sundlaug-
arferð. Í laugunum var fyrir hópur
karlmanna en einn þeirra vingaðist
fljótlega við krakkana og fór í bolta-
leik við hópinn. Síðan þurfti að sel-
flytja hópinn aftur heim og þá urðu
fjórar stúlkur eftir. Þær fóru í heita
pottinn þar sem þær þurftu ekki að
vera tilbúnar strax og þar átti
áreitnin sér stað. Þegar þær áttuðu
sig á því að maðurinn, sem rétt áður
hafði vingast við þennan barnahóp í
skemmtilegum boltaleik, hafði eitt-
hvað illt í huga flýttu þær sér upp
úr. Hann hafði þá náð að snerta þær
ósæmilega, sannarlega á þann hátt
sem þær vildu ekki. Þetta út af fyrir
sig er svo alvarlegt atvik að það eitt
og sér er nóg til að athygli sé vakin
á því, ekki síst þar sem vitað er að
þetta er ekki einsdæmi.
„Voruð þið ekki bara að
brosa sætt til hans?“
En það sem er eftir á að hyggja
líka grafalvarlegt eru viðbrögð
starfsmanna í sundlauginni. Þar
sem stúlkurnar komu miður sín inn í
búningsklefann hittu þær fyrst fyrir
tvær starfsstúlkur á miðjum aldri
sem hlógu að æsingnum í þeim og
sögðu strax að þetta væri nú varla
svona mikið mál. „Voruð þið ekki
bara að brosa sætt til hans?“ bættu
þær við. Stúlkurnar fóru þá til vakt-
manns sem sagði þeim að vera ekki
svona dónalegar. Þær væru allt of
reiðar og bað þær vinsamlegast að
gera ekki svona mikið mál úr þessu
og spurði svo: „Hvað viljið þið eig-
inlega að ég geri? Á ég kannski að
fara út og berja manninn?“
Og með þetta fóru stúlkurnar
heim. Skilaboðin sem þessi tólf ára
stúlkubörn fengu voru þau að þær
ættu nú ekki að vera að gera svona
veður út af smámunum og að þær
ættu nú eflaust sinn þátt í því að
maðurinn skyldi vilja snerta þær á
þennan hátt. Þarna kristallast við-
horf allt of margra til þessa sam-
félagsmeins sem kynferðisleg
áreitni er. Og hver ber þá ábyrgðina
þegar nauðgun á sér stað? Getur
ekki bara verið að fórnarlambið hafi
brosað til nauðgarans áður en glæp-
urinn var framinn?
Það var vaðið með skítugum
skónum yfir þessar barnssálir sem
áttu sér einskis ills von. Mér dettur
ekki í hug að börn á þessum aldri
séu skyni skroppin. Hvolpavitið er
komið og athygli hins kynsins er oft
það sem er mest spennandi og ef-
laust hefur sá leikur átt sér stað í
hópnum sem var í skemmtiferð í
sundlaugunum þennan dag. Fullorð-
inn karlmaður átti hins vegar ekk-
ert erindi inn í þann leik. Sem betur
fer brugðust stúlkurnar reiðar við af
því að þær hafa fengið þau skilaboð
frá okkur foreldrunum að svona at-
hæfi sé ekki í lagi. Því miður er ekki
alltaf svo. Mig hryllir við tilhugs-
uninni um það hvaða skaða slíkir
glæpamenn valda, sannfærðir um að
þeim sé ýmislegt leyfilegt af því að
fórnarlambið hafi í raun gefið sitt
leyfi. Samfélagið sendir misindis-
manninum og fórnarlömbum hans
því miður þau skilaboð enn þann
dag í dag eins og þetta dæmi sann-
ar.
SÓLVEIG BALDURSDÓTTIR
ritstjóri.
Kynferðisleg áreitni
í sundlaugunum!
Frá Sólveigu Baldursdóttur:
Rauðagerði 26, sími 588 1259
Stærðir 36—48
- Visa - Euro -
- Verið velkomin -
Haust
Vetur
2001
á vönduðum dömu-
og herrafatnaði
í Rauðagerði 26
í dag, laugardag
frá kl. 10 til 18
25—70%
afsláttur
Útsala Alltá að
seljast
afsláttur
af öðrum
vörum
til jóla
25%
O P I Ð
M Á n - F Ö S 1 0 - 1 8
L A U G A R D A G 1 1 - 1 6
S U N N U D A G 1 3 - 1 6

BÆJARLIND 6
200 KÓPAVOGI
SÍMI 554 6300
netfang: mira@mira.is
heimasíða: www.mira.is
AUGLÝSIR
Veislan
í Míru
heldur
áfram
i l
í í
l
afsláttur
Sófarnir
og relax
stólarnir
eru komnir
VERSLUNIN
Laugavegi 52, s. 562 4244.
Brúðhjón
A l l u r b o r ð b ú n a ð u r - G l æ s i l e g g j a f a v a r a - B r ú ð h j ó n a l i s t a r