Morgunblaðið - 24.11.2001, Page 61
FÓLK Í FRÉTTUM
MORGUNBLAÐIÐ LAUGARDAGUR 24. NÓVEMBER 2001 61
Ljósmæður
(Midwives)
Drama
Bandaríkin, 2001. Skífan VHS. Bönnuð
innan 12 ára. Leikstjórn: Glenn Jordan.
Aðalhlutverk: Sissy Spacek og Peter
Coyote.
ÓVEÐURSNÓTT eina verður
ljósmóðir að taka örlagaríka
ákvörðun: Til að bjarga lífi barns-
ins sem hún er að taka á móti
verður hún að hætta lífi móðurinn-
ar við mjög óvenjulegar aðstæður.
Barnið lifir en móðirin ekki. Það
kemur ljósmóður-
inni síðan mikið á
óvart, og fjöl-
skyldu hennar
einnig, þegar hún
ákærð fyrir morð.
Þetta er í stuttu
máli uppistaða
hinnar allsér-
stæðu réttarhalds-
spennumyndar
Ljósmæður. Umfjöllunarefnið er
áhugavert; í raun er leitast við að
skera úr um siðferðilega togstreitu
sem lengi hefur fylgt manninum –
er líf ófædds barns þess virði að
lífi móðurinnar sé hætt? Nægir að
líta til hugtaka á borð við keis-
araskurðar, sem mér skilst að hafi
orðið til á tímum Rómaveldis, þeg-
ar barn var skorið úr kviði móður
(henni sum sé fórnað) væri þar um
að ræða tilvonandi keisara. En
þótt umrædd kvikmynd byrji vel
fellur hún í fyrirsjáanlegar tilfinn-
ingaklisjur þegar á líður og áhorf-
andinn tekur að missa áhugann á
útkomu dómsmálsins. Leikarar
standa sig þó með prýði. Heiða Jóhannsdóttir
Myndbönd
Upp á líf og
dauða
ÞAÐ tók Pétur Einarsson hvorki
meira né minna en sjö ár að fullvinna
þessa fyrstu plötu sína. Hann hefur
þó ekki setið tón-
listarlega auðum
höndum á þeim
tíma. Sum laganna
sem hér eru á boð-
stólum hefur hann
áður gefið út á
prufudiskum sem
náð hafa í útvarpsspilun. Einnig man
ég eftir einu myndbandi við lag hans
sem birst hefur í sjónvarpi, þau gætu
þó hafa verið fleiri. Þar að auki hefur
hann gert tvær heimildarmyndir um
sjálfan sig sem frekar seinheppinn
tónlistarmann og var önnur þeirra
sýnd í Ríkissjónvarpinu ekki alls fyr-
ir löngu. Myndir þessar bentu sterk-
lega til þess að Pétur tæki sig ekki
sérlega alvarlega sem tónlistar-
mann. Prakkaralegur húmorinn
hafður í fyrirrúmi og sjálfshæðnin á
köflum drepfyndin. Þegar ég fékk
diskinn í hendurnar var ég nokkuð
viss að um væri að ræða áframhald á
gríninu.
Annað kom í ljós þegar ég tók
diskinn til hlustunar. Þvert á móti er
hér á ferðinni einlægt ballöðubúnt og
fátt sem bendir til þess að Pétri sé
hlátur í huga. Flest lögin byggjast á
lágstemmdu kassagítarsdjammi
með angurværu rauli Péturs yfir og
allt um kring. Inn á milli koma svo
rafmögnuð gítarsóló þegar karli er
sérstaklega mikið niðri fyrir og
sveimkenndir hljómborðstónarnir
auka enn á hugljúflegheitin. Enskir
textarnir eru þrungnir ást og mein-
ingu. Allt er þetta stillt eftir ná-
kvæmustu rokkballöðustöðlum og
akurinn plægður fyrir pínlega syk-
ursæta upplifun.
En þegar allt kemur til alls þá eru
þessar tónsmíðar Péturs flest allar
til algjörrar fyrirmyndar. Fyrir utan
einlægnina sem er sjaldheyrð og
hressandi á þessum kaldhæðnu tím-
um þá eru melódíurnar margar sér-
lega góðar og ekki ólíklegt að þær
hafi batnað á löngum vinnslutíman-
um. Upphafslagið, „Fly Without“, er
einstklega fallegt og mundi sóma sér
vel sem kveikjaralag á risatónleikum
með hvaða rokkbandi sem er.
Reyndar er ekki alveg laust við að
Pétur hafi tekið að láni úr „She’s
Like The Wind“ sem Patrick Swayze
kyrjaði forðum daga og stemmir það
vel við textann í „Fly Without“. „In
the Storm“ er að sama skapi fallegt.
Textinn fjallar víst um þá sem eiga
ekki í nein hús að venda og minna
mega sín og kemst sá boðskapur vel
til skila, hvort sem er í lagi eða texta.
„Sheila“ er hressilegasta lagið og um
leið það stysta á plötunni. Blóðheitar
gítarfléttur í spænskum stíl. Á
„Nothing“ kemur Jóhanna Harðar-
dóttir Pétri til aðstoðar í bakröddum
og ,,grúvar“ vel í frábæru lagi.
„Weed“ er sömuleiðis allrar athygli
vert þótt það sé kannski full keimlíkt
„Nothing“.
Þrátt fyrir fína frammistöðu er
eitt og annað sem betur hefði mátt
fara. Hljómborðssveimurinn verður
á stundum full uppáþrengjandi og
mettar lögin óþarflega mikið. Með
það sagt hefði lagið „Colors“ mátt
missa sín. Sömuleiðis missir Pétur
stundum tökin í söngnum og nálgast
það að vera hjákátlegur í mesta til-
finningarembingnum. Ósungnu lög-
unum í lokin er einnig ofaukið þar
sem þau eru endurtekningar á öðr-
um lögum á plötunni.
Serenity er góð plata; einmenn-
ingsverk í háum gæðaflokki. Það er
þó ekki loku fyrir það skotið að Pétur
gæti gert enn betur með heilli hljóm-
sveit þar sem samspilið fengi að
njóta sín og hljóðfæraleikurinn fengi
þá aukna dýpt. Einnig vil ég minnast
á að plata er seld á aðeins 1.500 krón-
ur út úr búð sem er hvalreki nú um
stundir þegar maður er nánast hætt-
ur að tíma því að kaupa nýjar plötur
á okurverði.
Tónlist
Af fullri
alvöru
Peter Einarsson
Serenity
Eigin útgáfa
Pétur Einarsson sér um allt á plötunni,
hvort sem það snýr að söng, hljóðfæra-
leik eða upptöku. Honum til aðstoðar við
bakraddasöng eru Magnús Orri Gríms-
son, Edda Borg Ólafsdóttir, Kristján Þór
Guðmundsson og Jóhanna Dagrún Harð-
ardóttir. Bragi Haraldsson leikur á raf-
magnsgítar og Birgir Jóhann Birgisson á
Hammond í Fly Without og Bjarni Svein-
björnsson leikur á bassa í In the Eyes of
Love. Birgir Jóhann Birgisson sér um upp-
töku og hljóðblöndun á Fly Without. Pét-
ur gefur sjálfur út. 50.32 mínútur.
Heimir Snorrason
„Serenity er góð plata; einmenn-
ingsverk í háum gæðaflokki,“
segir Heimir Snorrason um nýja
plötu Péturs Einarssonar.
Heimir Snorrason segir að
þegar allt komi til alls séu
lagasmíðar Péturs Ein-
arssonar til fyrirmyndar.
Hundakeppnin
(Best in Show)
Gamanmynd
Bandaríkin, 2000. Sam-myndbönd VHS.
(90 mín.) Leikstjórn: Christopher Guest.
Aðalhlutverk: Christopher Guest, Parker
Posey o.fl.
HÉR er á ferðinni skínandi
gamanmynd sem slær flestum
þeim myndum við sem komið hafa
í kvikmyndahús borgarinnar á
árinu. Christopher Guest (sem
áhugafólki um gamanmyndir líður
seint úr minni sem Nigel í hinni
klassísku Spinal
Tap) er potturinn
og pannan í mynd
þessari sem lýsir
vonum og vænt-
ingum ólíkra ein-
staklinga sem eiga
það sameiginlegt
að stefna á fræg-
ustu hundasýn-
ingu Bandaríkjanna með gæludýr-
ið sitt. Heimildarmyndaformið er
notað á snjallan en jafnframt
meitlaðan hátt, innsýn gefin í hin-
ar fjölmörgu persónur í stuttum
en hnitmiðuðum atriðum sem
hvert er öðru fyndnara. Í raun er
það handrit Guests sem stendur
upp úr, ásamt frábærri túlkun
allra leikara, því ekki má vanmeta
það afrek að gera hundasýningu
að því frábæra sjónarspili sem hér
verður. Heiða Jóhannsdóttir
Myndbönd
Gæðagelt