Morgunblaðið - 12.02.2002, Page 1

35. TBL. 90. ÁRG. ÞRIÐJUDAGUR 12. FEBRÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 12. FEBRÚAR 2002
JACQUES Chirac skýrði frá því í
gær að hann hygðist sækjast eftir
endurkjöri sem forseti Frakklands.
Jafnframt gagnrýndi forsetinn
framgöngu forsætisráðherra
Frakklands, Lionels Jospin, á vett-
vangi efnahagsmála.
Yfirlýsing Chiracs kom ekki á
óvart því í Frakklandi höfðu menn
gengið að því sem vísu að hann
hygðist bjóða sig fram á ný. Þykir
yfirlýsing hans fallin til að auka enn
þrýstinginn á Lionel Jospin um að
fara fram gegn forsetanum. Jospin
hefur sagt að „líklegt“ sé að hann
gefi kost á sér en talið hefur verið
að hann hygðist ekki greina frá
ákvörðun sinni fyrr en eftir að þing
hefur lokið störfum eftir um tvær
vikur.
Chirac skýrði frá ákvörðun sinni
á fundi með stuðningsmönnum sín-
um í borginni Avignon í suðurhluta
Frakklands. Kvaðst forsetinn tilbú-
inn að taka þátt í þeirri „miklu um-
ræðu“ sem þegar væri hafin og
kvaðst vonast til þess að kosninga-
baráttan yrði „hófstillt og virðu-
leg“. Chirac kvaðst hafa mikla trú á
Frakklandi og kvaðst skuldbundinn
þjóðinni. „Ég þekki frönsku þjóðina
og ég ann henni,“ sagði hann.
Stoðar lítt að sitja og bíða
Fyrr um daginn hafði Chirac
hleypt af fyrsta skotinu í kosninga-
baráttunni þegar hann gagnrýndi
efnahagsstefnu stjórnar Lionels
Jospin. „Ég styð ekki þá stefnu að
mönnum beri að sjá til og bíða án
þess að hreyfa sig eftir því að efna-
hagslífið í Bandaríkjunum taki við
sér og blási þannig nýju lífi í hag-
kerfi Evrópu og Frakklands. Við
eigum sjálf að finna leiðir til að
stuðla að hagvexti og skapa fleiri
störf,“ sagði forsetinn m.a.
Fyrri umferð forsetakosning-
anna fer fram 21. apríl. Nái enginn
frambjóðandi hreinum meirihluta
verður kosið á ný á milli efstu
manna 5. maí. Er gengið að því sem
vísu að þá muni þeir Chirac og
Jospin takast á um hylli kjósenda.
Samkvæmt skoðanakönnun, sem
birt var í liðinni viku, fá þeir Chirac
og Jospin um 23% atkvæðanna
hvor í fyrri umferðinni. Þegar spurt
var hvernig kjósendur hygðust
verja atkvæði sínu í síðari umferð-
inni reyndist Jospin njóta meira
fylgis en forsetinn og fá 51% at-
kvæða gegn 49% Chiracs.
Kjörtímabil Frakklandsforseta
hefur nú verið stytt og verður fram-
vegis fimm ár í stað sjö.
Chirac hefur
kosningabaráttuna
Avignon. AFP.
Reuters
Jacques Chirac eftir að hafa lýst því yfir að hann sæktist eftir endurkjöri í forsetakosningum í vor.
VLADÍMÍR Pútín Rússlandsforseti
hefur varað Bandaríkjamenn við því
að fara með hernaði gegn Írökum. Þá
kveðst forsetinn andvígur því að
dregnir séu upp „svartir listar“ og vís-
ar þannig til þeirra orða George W.
Bush Bandaríkjaforseta að Íran, Írak
og Norður-Kórea myndi „möndul
hins illa“ í heimi hér.
Pútín lætur þessi orð falla í viðtali,
sem birtist í gær í bandaríska dag-
blaðinu The World Street Journal.
Spurður um þá yfirlýsingu Bush
forseta að ríkin þrjú myndi „öxul hins
illa“ segir Pútín: „Við erum ekki
hlynntir því að svartir listar séu tekn-
ir saman.“ Hann fellst þó á að stjórn-
völdum í Írak fylgi ákveðinn „vandi“
en lýsir yfir því að eitt tiltekið ríki geti
ekki tekið að sér „að leysa slík vanda-
mál“. Kveðst forsetinn þeirrar hyggju
að Öryggisráð Sameinuðu þjóðanna
sé réttur vettvangur fyrir meðferð
viðlíka deilumála. Rússar hafa
löngum verið nánustu bandamenn
Íraka í Öryggisráðinu.
Pútín kveður „traust“ í samskipt-
um Rússa og Bandaríkjamanna hafa
náð „nýju stigi“ og það geri stjórn-
völdum kleift að komast hjá harðvít-
ugum deilum þó svo ágreiningur komi
fram á tilteknum sviðum.
Pútín
andvígur
„svörtum
listum“
Moskvu. Associated Press.
ÞRJÁTÍU og sjö særðust í hernað-
araðgerðum Ísraela á heimastjórn-
arsvæðum Palestínumanna í gær en
ísraelski flugherinn lét þá sprengj-
um rigna yfir Gaza-borg, annan dag-
inn í röð. Kofi Annan, framkvæmda-
stjóri Sameinuðu þjóðanna, gagn-
rýndi aðgerðir Ísraelsmanna og hið
sama gerðu fulltrúar Bandaríkja-
stjórnar en Bandaríkjamenn hafa
fram að þessu stutt dyggilega við
bakið á Ísraelsmönnum. „Árásir sem
þessar grafa undan tilraunum til að
draga úr ofbeldi og koma á ró og
stöðugleika,“ sagði Richard Bouch-
er, talsmaður bandaríska utanríkis-
ráðuneytisins.
Ísraelsmenn beindu einkum sjón-
um sínum að Saraya-fangelsinu í
Gaza í loftárásunum í gær en sextán
herþotur tóku þátt í aðgerðunum.
Þær komu í kjölfar skotárásar í
Beersheva í suðurhluta Ísraels á
sunnudag þar sem Palestínumenn
felldu tvo ísraelska hermenn. Til-
ræðismennirnir tveir féllu einnig.
Saraya-fangelsisbyggingin er ná-
lægt helsta markaðssvæði Gaza-
borgar og meðal þeirra sem særðust
í árásunum í gær voru vegfarendur á
helstu umferðargötu Gaza. Greip um
sig mikil skelfing meðal fólks og
jafnframt urðu skemmdir á verslun-
arhúsnæði í nágrenni Saraya.
Palestínsk yfirvöld frelsuðu
nokkra fanga, sem hýstir eru í fang-
elsinu, en fullyrt var að engum liðs-
mönnum íslamskra öfgahópa hefði
verið sleppt. Í borginni Hebron náðu
hins vegar um 300 Palestínumenn að
hrifsa til sín öll völd í fangelsinu þar,
og veittu þeir m.a. frelsi hópi öfga-
manna, að því er vitni greindu frá.
Sprengjur leysa ekki vandann
Í aðgerðum Ísraela á sunnudag
urðu skemmdir á byggingum Sam-
einuðu þjóðanna í Gaza og einnig
særðust tveir starfsmenn samtak-
anna. Fordæmdi Terje Rød-Larsen,
sendimaður SÞ, sprengjuárásirnar
og sagði að þær myndu ekki leysa
vanda Ísraels og hvatti hann báða
aðila til að hefja friðarviðræður.
„Sprengjur tryggja ekki öryggi
borgaranna,“ sagði Rød-Larsen og
taldi þvert á móti að hætta væri á að
hringrás ofbeldisverka héldi áfram í
kjölfar aðgerða Ísraelsmanna.
Ariel Sharon, forsætisráðherra
Ísraels, hefur hafnað kröfum um
friðarviðræður fyrr en algert vopna-
hlé er í höfn í Mið-Austurlöndum en
sextán mánuðir eru nú liðnir frá því
að allt fór í loft upp í heimshlutanum.
Hafa næstum tólf hundruð manns
fallið í valinn á þeim tíma.
Sharon kennir Yasser Arafat, for-
seta heimastjórnar Palestínumanna,
um ofbeldið og vill ekkert við hann
tala. Arafat sagði hins vegar í gær að
Ísraelar kæmust ekki hjá því að
ræða við sig enda væri hann rétt-
kjörinn leiðtogi Palestínumanna.
Bandaríkin gagnrýna
aðgerðir Ísraelshers
Gaza-borg. AFP.

Arafat/24
37 Palestínumenn særðust í árásum Ísraela á Gaza-borg
TVEIR menn rændu í gær um 650
milljónum ísl. kr. í ýmsum gjaldeyri á
Heathrow-flugvelli. Létu þeir til skar-
ar skríða skömmu eftir að þota frá BA
kom með peningana frá Barein.
Talsmaður lögreglunnar sagði, að
mennirnir hefðu komist inn á örygg-
issvæði þar sem þeir neyddu bílstjóra
peningaflutningabíls, sem flutti féð,
til að leggjast á jörðina og bundu
hendur hans aftur á bak. Fluttu þeir
síðan peningana í annan bíl merktan
BA en hann fannst nokkru seinna.
Ránið þykir minna á ránið á Heath-
row 1983, sem er enn það mesta í
breskri sögu. Þá rændi glæpaflokkur
gullstöngum, ferðatékkum og dem-
öntum fyrir 3,7 milljarða króna.
Stórrán á
Heathrow
London. AFP.
GENGI argentínska pesósins hélst
nokkuð stöðugt gagnvart banda-
ríkjadal í gær eftir að stjórnvöld í
landinu höfðu leyft gengi gjaldmið-
ilsins að fljóta frjálst gagnvart doll-
aranum í fyrsta sinn í ellefu ár.
Höfðu íbúar Argentínu þó streymt í
bankastofnanir til að skipta pesóum
sínum í dollara, sannfærðir um að
gengi þeirra myndi hrynja.
Gengið féll fyrst eftir að markaðir
voru opnaðir en pesóinn náði sér síð-
an á strik á nýjan leik og hélst gengi
hans gagnvart dollaranum stöðugt
er á leið daginn, þ.e. um tveir pesóar
á móti einum dollara. Var ekki ljóst
hvort seðlabanki landsins hefði grip-
ið inn í til að styrkja pesóinn en tals-
maður Eduardos Duhalde, forseta
Argentínu, hafði áður látið hafa eft-
ir sér að stjórnvöld væru staðráðin í
að verja argentínska pesóann.
Reuters
Pesóum skipt í dollara
♦ ♦ ♦