Morgunblaðið - 14.02.2002, Blaðsíða 2

FRÉTTIR
2 FIMMTUDAGUR 14. FEBRÚAR 2002 MORGUNBLAÐIÐ
Fylgstu
með
nýjustu
fréttum
www.mbl.isUngur Hafnfirðingur gerir það gott
í norsku knattspyrnunni / C1
KR-konur lögðu Keflavík í
toppslag í körfuboltanum / C4
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
LANDLÆKNIR hefur skipað sex
lækna og tvo hjúkrunarfræðinga í
nýtt ráð er nefnist Endurlífgunarráð.
Því er ætlað að stuðla að betri vitund
um viðbrögð við hjartastoppi og
framkvæmd endurlífgunar hjá al-
menningi. Ráðið á jafnframt að vera
ráðgefandi varðandi framkvæmd og
kennslu í endurlífgun, hvetja til notk-
unar á viðurkenndum alþjóðlegum
leiðbeiningum og kynna nýjungar á
því sviði.
Á vefsíðu landlæknis kemur fram
að skyndidauði vegna hjartastopps
er algengt vandamál hérlendis. Oft-
ast verði hjartastopp hjá fullorðnum
vegna alvarlegra hjartsláttartrufl-
ana. Fyrstu viðbrögð við hjarta-
stoppi geti skipt sköpum fyrir afdrif
sjúklingsins og ef vitni séu að atburð-
inum sé mikilvægi grunnendurlífg-
unar, meðan beðið sé sjúkrabifreiðar,
ótvírætt. Formaður
ráðsins, Davíð O. Arnar,
hjartalæknir, sagði við
Morgunblaðið að ná-
kvæmar tölur væru ekki
til staðar um fjölda
þeirra sem deyja skyndi-
dauða vegna hjarta-
stopps hér á landi. Miðað
við hlutfall slíkra dauðs-
falla í nágrannalöndun-
um mætti reikna með að
fjöldinn hérlendis væri
250–300 manns á ári.
Rafstuðstæki á
almannafæri
Að sögn Davíðs hafa
rannsóknir sýnt að önd-
unaraðstoð við hjartastoppi, munn
við munn, skipti ekki jafnmiklu máli á
fyrstu mínútunum og áður var talið.
Hjartahnoðið sé hins
vegar lykilatriði og
mikilvægt að auka
þekkingu og þjálfun
almennings til að beita
þeirri aðferð.
Davíð sagði að
möguleikar væru á að
auka enn frekar ár-
angur endurlífgunar
utan sjúkrahúsa hér á
landi. Hlutfall þeirra
sem lifa eftir slíka
meðhöndlun hér er
17% en 5–10% víða
annars staðar.
„Við þurfum að fá
fleiri til að taka þátt í
endurlífgun þegar fólk
dettur niður, ekki síst að beita hjarta-
hnoði, og bæta einnig aðgengi að raf-
stuðstækjum á almannafæri,“ sagði
Davíð og benti á að víða erlendis
væru slík tæki til taks, m.a. á flug-
völlum. Hann sagði mikinn áhuga
vera fyrir því að skoða hvar rafstuðs-
tæki gætu komið að notum á Íslandi.
Davíð sagði kannanir sýna að end-
urlífgun af hálfu vitna að hjarta-
stoppi væri reynd í minna en 50% til-
fella. Vel þess virði væri að auka
þetta hlutfall upp í 70–90% og það
ætti að vera hægt hjá jafn vel upp-
lýstri þjóð.
Aðrir í Endurlífgunarráði auk
Davíðs, eru Svanhildur Þengilsdóttir
hjúkrunarfræðingur, ritari, Bjarni
Torfason brjóstholsskurðlæknir,
Felix Valsson svæfingalæknir, Gest-
ur Þorgeirsson hjartalæknir, Hildi-
gunnur Svavarsdóttir hjúkrunar-
fræðingur, Jón Baldursson
bráðalæknir og Jón Þór Sverrisson
hjartalæknir.
Nýju Endurlífgunarráði m.a. ætlað að bæta viðbrögð almennings við hjartastoppi
Davíð O.
Arnar
Talið að hjartastopp felli
árlega um 300 Íslendinga
EKKERT var flogið innanlands í
gær vegna slæmra veðurskilyrða og
ísingar í lofti. Þá felldi SBA-Norður-
leið niður áætlunarferðir milli
Reykjavíkur og Akureyrar en sunn-
anstormur var á norðan- og vestan-
verðu landinu í gær og víða var mikil
hálka á vegum.
Veðurstofan spáir stormi á norðan-
og vestanverðu landinu í dag.
Veðurhæðin náði hámarki á vest-
anverðu landinu seint í fyrrinótt en
tók að ganga niður undir morgun um
leið og veðurskilin færðust austar. Í
Litlu-Ávík á Ströndum og Bergsstöð-
um í Austur-Húnavatnssýslu mæld-
ist meðalvindur 28 m/sek. klukkan 9 í
gærmorgun. Skilin færðust á hinn
bóginn ekki yfir suðvesturlandið fyrr
en síðdegis og því var þar hvasst allan
daginn.
Í Ljósavatnsskarði fauk fólksbíll út
af veginum og valt á tíunda tímanum í
gærmorgun. Ökumaður bílsins var í
bílbelti og slapp með minniháttar
meiðsl. Að sögn lögreglunnar á Húsa-
vík fuku nokkrir bílar til viðbótar út
af veginum. Þeir héldust þó á réttum
kili og eignatjón var ekki umtalsvert.
Sigurður Brynjúlfsson, yfirlög-
regluþjónn á Húsavík, segir að í
skarðinu hafi gengið á með miklum
vindhviðum á um eins kílómetra
löngum kafla í gærmorgun og fram
undir hádegi. Lögreglumenn á upp-
hækkuðum Nissan Patrol-jeppa
drógu nokkra bíla aftur upp á veginn.
Lögreglujeppinn fauk töluvert til
meðan á þessu stóð en hélst þó á veg-
inum. Veginum um Ljósavatnsskarð
var ekki lokað en lögregla og Vega-
gerð gáfu út viðvaranir og héldu
margir kyrru fyrir á meðan veðrið
gekk yfir.
Á Dalvíkurvegi fuku nokkrir bílar
út í vegkant en lögreglan á Dalvík
hafði hvorki haft spurnir af meiðslum
né eignatjóni.
Ekkert flug
og rútu-
ferðir felld-
ar niður
MÁR Guðmundsson, aðalhagfræð-
ingur Seðlabanka Íslands, segir að
Seðlabankinn telji flest benda til að
viðskiptahallinn á síðasta ári hafi
verið í kringum 43,6 milljarða, sem
er nokkru minni halli en Þjóðhags-
stofnun spáði í byrjun desember en
þá spáði stofnunin 49 milljarða halla.
Viðskiptahallinn jókst mikið 1998
þegar hann fór upp í 40 milljarða. Á
árunum 1998–2000 var viðskipta-
hallinn samtals 150 milljarðar
króna. Viðsnúningur varð í fyrra
þegar draga fór úr viðskiptahalla.
Endanlegar tölur liggja ekki fyrir
en Már Guðmundsson segir að
Seðlabankinn spái því að viðskipta-
hallinn á árinu hafi verið 43,6 millj-
arðar samanborið við 67,1 milljarð
árið 2000. Í byrjun árs spáði Þjóð-
hagsstofnun 72,1 milljarðs við-
skiptahalla á árinu. Í endurskoðaðri
spá frá því í október var hallinn tal-
inn verða 58,6 milljarðar og í spá frá
því í byrjun desember er spáð 49
milljarða halla.
„Meginskýringar á minni við-
skiptahalla eru samdráttur í inn-
flutningi samfara því að ofþensla
hefur byrjað að hjaðna og gengi
krónunnar hefur lækkað. Auk þess
hefur útflutningur á síðustu mán-
uðum verið tiltölulega kröftugur.
Við erum að spá áframhaldi á þess-
ari þróun. Þrátt fyrir að viðskipta-
hallinn sé að minnka var hann samt
töluverður á síðasta ári. Við erum að
tala um viðskiptahalla í krónum sem
er svipaður og 1999. Samt er þetta
betri útkoma en spáð var í desem-
ber,“ segir Már.
Þjóðhagsstofnun spáði því í des-
ember að viðskiptahalli á þessu ári
yrði 38,4 milljarðar, en Már segir að
Seðlabankinn spái því að viðskipta-
hallinn geti orðið heldur minni eða
33 milljarðar. Fram kom hjá for-
sætisráðherra á viðskiptaþingi í
fyrradag að fjármálaráðuneytið spá-
ir því að hallinn í ár verði 25–30
milljarðar.
Endanlegar tölur um viðskipta-
halla í fyrra verða birtar í byrjun
mars.
Viðskiptahallinn hefur verið að minnka
Talið að hallinn
hafi verið 43,6
milljarðar í fyrra







 

     

   

 

     


 !" "
ELDUR kom upp í sorpgryfju við
Sorpeyðingarstöð Suðurnesja við
Hafnaveg á tíunda tímanum í gær-
kvöldi. Slökkvilið Brunavarna Suð-
urnesja fór á staðinn með slökkvibíl
og tankbíl ásamt því að Slökkviliðið
á Keflavíkurflugvelli mætti á stað-
inn með einn bíl.
Að sögn varðstjóra hjá Bruna-
vörnum Suðurnesja var um minni-
háttar eldsvoða að ræða og tókst að
ráða niðurlögum hans fljótt eftir að
slökkviliðin komu á staðinn. Svo
virðist sem rekja megi eldsupptök til
sorpfarms sem sturtað var í gryfj-
una, en hugsanlega hefur verið glóð
í farminum. Það tók síðan nokkurn
tíma að slökkva í allri glóð í sorpinu.
Bruni á Svalbarðseyri og í Ölfusi
Um kvöldmatarleytið í gærkvöldi
var slökkviliðið á Akureyri kallað að
húsi á Svalbarðseyri en þar hafði
kviknað í út frá feiti í potti. Húsráð-
endur náðu að slökkva eldinn og
þurfti slökkviliðið aðeins að reyk-
ræsta húsið. Engan sakaði en hús-
freyjan hafði brugðið sér frá bakstri
til að fara í símann og gleymt pott-
inum á heitri hellunni.
Á tíunda tímanum var Slökkvilið
Árborgar kvatt að bænum Stuðlum í
Ölfusi þar sem kviknað hafði í bíl-
skúr, sem brann til grunna.
Morgunblaðið/Hilmar Bragi
Slökkviliðsmenn að störfum við Sorpeyðingarstöð Suðurnesja.
Eldur í Sorpeyðing-
arstöð Suðurnesja
Lítið tjón í sunnanstormi