Morgunblaðið - 14.02.2002, Blaðsíða 6

FRÉTTIR
6 FIMMTUDAGUR 14. FEBRÚAR 2002 MORGUNBLAÐIÐ
ÍÞRÓTTADAGUR aldraðra var
haldinn í 17. skipti í gær í íþrótta-
húsinu við Austurberg. Íþróttadag-
urinn er haldinn á öskudag ár
hvert, en það er Félag áhugafólks
um íþróttir aldraðra sem stendur
fyrir samkomunni.
Þátttakendur í gær voru 600
talsins frá öllum félagsmiðstöðvum
aldraðra í Reykjanesbæ og höf-
uðborgarsvæðinu. Hóparnir voru
með sýningar á margskonar leik-
fimisæfingum auk þess sem dans
var stiginn, sungið og farið í leiki.
Hið velþekkta Vinaband leiddi
almennan söng að lokinni setningu
hátíðarinnar og síðan voru sýndir
hringdansar, ungverskur dans,
kínversk leikfimi, leikfimi með
teygjum og hringjum svo fátt sé
nefnt.
Hjörtur Þórarinsson varafor-
maður Félags áhugafólks um
íþróttir komst skemmtilega að orði
þegar hann lýsti forystuliði félags-
ins en þar eru á ferðinni fyrrver-
andi íþróttakennarar. „Uppgjafa-
íþróttakennarar, en við erum þó
ekki uppgefin,“ sagði hann eftir að
hafa heilsað blaðamanni með
íþróttamannslegu handtaki, þétt-
ingsföstu. „Við höfum virkilega
gaman af því að leiðbeina fólki og
koma því af stað í þetta verkefni,
því við vitum hvers virði heilsan er.
Hún er það sem við eigum að
vernda fram á hinsta dag.“
Hann sagði fólk ekki þurfa að
eiga það á hættu að ofbjóða sér,
enda gæti hver og einn valið sér
hreyfingu eftir getu.
Orkuflæðið jafnað með
kínverskri leikfimi
Meðal þess sem var á dagskránni
í gær var kínversk leikfimi, sem
Guðný Helgadóttir leikkona kenn-
ir. „Það er leitast við að jafna
orkuflæði líkamans og það reynir
mikið á einbeitingu, ró, jafnvægi í
huga og samhæfingu,“ sagði hún
um leikfimina. „Þetta er geysilega
mögnuð líkamsrækt því allt stoð-
kerfi líkamans styrkist með
ástundun hennar.“
Guðný kennir tveimur hópum í
félagsmiðstöðinni í Gjábakka og
segir þátttöku mjög góða og svip-
aða sögu er að segja í félagsmið-
stöðvum Reykjavíkurborgar.
Meðal þeirra sem stunda leikfim-
ina er Jóhanna Þórhallsdóttir, sem
hefur nokkurra ára reynslu af
henni og sækir tíma í félagsmið-
stöðinni Hæðargarði 31. „Kín-
verska leikfimin er mjög góð og
gefur manni meira en virðist við
fyrstu sýn. Þetta er alhliða leikfimi
og það er líka góður félagsskapur í
kringum hana. Það var ágætt að
byrja í henni á gamalsaldri og
maður gerir það sem hentar
manni, enda er lögð áhersla á að
maður ofgeri sér ekki,“ sagði hún.
„Mér finnst gaman að taka þátt í
þessu og gleðjast með öðrum og sjá
hvað hinir eru að gera,“ sagði hún
aðspurð um íþróttadaginn, sem
haldinn hefur verið síðastliðin 7 ár
í íþróttahúsinu við Austurberg.
600 manns tóku þátt í íþróttadegi aldraðra með dansi og leikfimi
Morgunblaðið/Ásdís
Hækkað í hljómflutningstækjunum og allir út á gólf og einbeiting og leikgleði skín úr hverju andliti.
„Erum ekki uppgefin“
Hópur frá Kópavogi sýnir kínverska leikfimi.Þau sýndu fimleg tilþrif.
HANNES Ó. Johnson
lést þriðjudaginn 12.
febrúar sl., 78 ára að
aldri.
Hannes fæddist á
Blönduósi 12. septem-
ber 1923, sonur
hjónanna Ólafs John-
son stórkaupmanns í
Reykjavík og Guðrúnar
Árnadóttur Johnson.
Hann nam við Verzlun-
arskóla Íslands frá
1938-1940 og Admiral
Billard Academy í
Bandaríkjunum 1941-
1942.
Hannes var búsettur í Bandaríkj-
unum 1940-1945 og vann á skrifstofu
Ó. Johnson og Kaaber hf. og Inn-
flytjendasambandsins í New York
1942-1945.
Eftir heimkomuna starfaði Hann-
es hjá Páli Stefánssyni 1946, Flug-
félagi Íslands hf. 1947-
1949 og Trolle & Rothe
hf. 1950-1954. Hann
var fulltrúi hjá Vá-
tryggingarfélaginu hf.
1954 til áramóta 1955
og síðan framkvæmda-
stjóri hjá Tryggingu hf.
Hannes átti sæti í
stjórn Sambands
brunatryggjenda á Ís-
landi 1964-1975 og var
formaður síðustu fimm
árin. Þá sat hann í
stjórn Sambands ís-
lenskra trygginga-
félaga 1972-1975,
stjórn Verslunarráðs Íslands 1974-
1976 og í stjórn Ó. Johnson og Kaab-
er og systurfyrirtækja þess frá 1967
til 2001.
Eftirlifandi eiginkona Hannesar
er Sigríður Guðbjörg Johnson. Börn
þeirra eru tvö, Hildur Elín og Agnar.
Andlát
HANNES Ó.
JOHNSON
ÚTGÁFUFYRIRTÆKIÐ Mál og
menning var í gær dæmt til að
greiða Landmælingum Íslands
rúmlega 2,7 milljónir vegna notk-
unar á kortagrunni við útgáfu á
landakortum.
Forsaga málsins er sú að Mál og
menning keypti árið 1997 gögn úr
stafrænum kortagrunni Landmæl-
inga Íslands, en fyrirtækið hugðist
þá hasla sér völl á sviði kortaút-
gáfu. Risu deilur um greiðslu vegna
birtingargjalds á kortum sem unn-
in voru eftir kortagrunninum.
Taldi óskylt að
greiða gjaldið
Taldi Mál og menning að óskylt
væri að greiða umrætt birtingar-
gjald þar sem þau gögn sem hefðu
verið notuð við kortagerðina nytu
ekki verndar höfundarréttarlaga.
Hæðartölur, útlínur landsins, lega
jökla og árfarvegir væru stað-
reyndir sem Landmælingar gætu
ekki átt höfundarrétt á. Hefði höf-
undarréttur verið fyrir hendi væri
verndartíminn ennfremur liðinn.
Þá væru kort Máls og menningar
sjálfstæð höfundarverk sem stydd-
ust við gögn sem hefðu verið keypt
á stafrænu formi úr gagnagrunni
Landmælinga. Auk þess væri
gjaldtaka Landmælinga byggð á
gjaldskrá sem skorti lagastoð.
Gjaldtakan bryti gegn samkeppn-
islögum og væri andstæð reglum
stjórnsýslulaga. Þá væri flokkun á
kortum órökstudd og endurgjaldið
ósanngjarnt.
Á þennan málatilbúnað féllst
dómurinn ekki. Í niðurstöðum hans
segir að skv. lögum um landmæl-
ingar og kortagerð sé mælt fyrir
um að Landmælingar Íslands gæti
höfundar- og afnotaréttar á öllu því
efni sem stofnunin hefur eignast,
unnið eða gefið út í sambandi við
mælingar, kort eða myndir af Ís-
landi. Þá falli gögn úr kortagrunni
undir höfundarlög á sama hátt og
bókmenntaverk.
Auk greiðslu upp á 2,7 milljónir
króna var Mál og menningu gert að
greiða 250.000 í málskostnað. Erla
S. Árnadóttir hrl. flutti málið f.h.
Landmælinga Íslands en Halldór
Birgisson hrl. var til varnar. Her-
vör Þorvaldsdóttir kvað upp dóm-
inn.
Mál og menning dæmt í héraðsdómi
Greiði Landmælingum
2,7 milljónir króna
HEILDSÖLUBAKARÍIÐ við
Grensásveg hefur farið þess á leit í
erindi til Samkeppnisstofnunar að
fyrirtækið Kjarnavörur hf. verði
leyst upp vegna einokunaraðstöðu á
viðskiptum með smjörlíki hér á
landi, bæði til matvöruframleiðslu og
heimilisnota. Haukur L. Hauksson,
bakarameistari hjá Heildsölubakarí-
inu, sagði við Morgunblaðið að hann
hefði beðið í mánuð eftir sams konar
erindi frá Landssambandi bakara-
meistara en þar sem ekkert hefði
gerst hefði hann ákveðið að gera
eitthvað sjálfur í málinu.
Fram kemur í erindi Hauks til
Samkeppnisstofnunar að fyrir u.þ.b.
mánuði hafi Kjarnavörur hf. keypt
smjörlíkisgerð Sólar-Víkings hf. og
náð þar með markaðsráðandi stöðu í
sölu á svokölluðu rúllusmjörlíki, sem
m.a. er notað í vínarbrauðsgerð.
Fyrirtækið sé einnig með markaðs-
ráðandi stöðu í sölu hrærismjörlíkis
og smjörlíkis til neytenda. Loks seg-
ir í erindinu:
„Í ljósi þessa fer ég því fram á það
við Samkeppnisstofnun að þetta fyr-
irtæki verði leyst í sundur eða að
öðrum kosti beiti Samkeppnisstofn-
un sér fyrir því að tollar og vörugjöld
verði felld niður af innfluttu smjör-
líki, svo að jafnvægis á þessum
markaði sé gætt.“
Guðmundur Sigurðsson hjá Sam-
keppnisstofnun staðfesti í samtali
við Morgunblaðið að erindið hefði
borist en vildi að öðru leyti ekki tjá
sig um innihald þess, sagði að málið
yrði skoðað eins fljótt og auðið væri.
Kvartað til Sam-
keppnisstofnunar
Smjörlíkis-
fyrirtæki
verði
leyst upp
EINN vinningsmiði í Víkingalott-
óinu í gærkvöldi var seldur hér á
landi og hlaut viðkomandi tæpar tíu
milljónir í vinning. Fimm voru með
allar tölur réttar en heildarupphæð
vinninga var rúmlega 53 milljónir
króna og fær hver vinningshafi rúm-
ar 9,7 milljónir í sinn hlut. Vinnings-
miðinn hér á landi var seldur í
Happahúsinu í Kringlunni. Hinir
vinningsmiðarnir voru seldir í Nor-
egi (2) og Danmörku (2). Tölur
kvöldsins voru 7, 11, 16, 21, 27 og 42.
Bónustölurnar voru 10 og 45.
Fékk tæpar
10 milljónir í
Víkingalottó
♦ ♦ ♦