Morgunblaðið - 19.02.2002, Blaðsíða 2
FRÉTTIR
2 ÞRIÐJUDAGUR 19. FEBRÚAR 2002 MORGUNBLAÐIÐ
Fylgstu
með
nýjustu
fréttum
www.mbl.isLeiftur og Dalvík líklega
í eina sæng /B1
Heiðar Helguson berst fyrir sæti
í liði Watford /B2
12 SÍÐUR48 SÍÐUR
Sérblöð í dag
Á ÞRIÐJUDÖGUM
Morgunblaðinu í dag fylgir auglýs-
ingablað frá Samtökum iðnaðar-
ins, „Ráðstefnudagskrá“. Blaðinu
verður dreift um Suðvesturland.
FYRRVERANDI sparisjóðsstjóri
Sparisjóðs Ólafsfjarðar var í gær
dæmdur í 10 mánaða skilorðsbundið
fangelsi og til að greiða sparisjóðn-
um 21 milljón kr. í skaðabætur.
Í ákæru efnahagsbrotadeildar rík-
islögreglustjóra var hann sakaður
um stórfelld umboðssvik, bókhalds-
brot og brot á lögum um ársreikn-
inga. Var hann sakaður um að hafa
stefnt fé sjóðsins í stórfellda hættu
og að hafa ekki viðhaft tilskilda pör-
un á milli fjárhagslega tengdra aðila
sem gerði það að verkum að staða
samanlagðra áhættuskuldbindinga
tengdra aðila fóru í sjö tilvikum yfir
þágildandi mörk sem voru 40% af
eigin fé sjóðsins.
Tap Sparisjóðsins vegna útlána til
þessara sjö aðila var rúmlega 600
milljónir kr. á árunum 1996–2000.
Héraðsdómur Norðurlands eystra
sakfelldi hann fyrir flest þau atriði
sem ríkislögreglustjóri hafði ákært
fyrir.
Fyrir dómi játaði sparisjóðsstjór-
inn fyrrverandi að hafa leynt
ábyrgðarveitingum til þessara sjö
aðila fyrir stjórn sparisjóðsins, lög-
giltum endurskoðanda og öðrum eft-
irlitsaðilum. Átti þetta sér stað á
tímabilinu frá mars 1994 til maí 1997.
Bar hann að þetta hafi hann gert
vegna vitundar um að á útgáfudegi
hafi lánþegarnir og að hluta fjár-
hagslega tengdir aðilar verið komnir
yfir heimiluð viðmiðunarmörk um
hámark útlána. Féllst héraðsdómur
á að maðurinn hafi misnotað aðstöðu
sína og stefnt fé sjóðsins í stórfellda
hættu og þannig brotið gegn 249. gr.
almennra hegningarlaga.
Að mati dómsins voru brot hans
stórfelld og endurtekin og ljóst að
Sparisjóðurinn varð fyrir umtals-
verðu tjóni vegna háttseminnar.
Honum var virt til málsbóta að
hafa undanbragðalaust greint frá
brotum sínum. Óumdeilt var enn-
fremur að hvorki hann sjálfur né
venslamenn hans högnuðust per-
sónulega á þessum viðskiptum og
með hjálp náinna ættingja hefur
hann greitt sparisjóðnum rúmlega
46 milljónir króna.
„Hér var sakfellt í samræmi við
ákæru í öllum aðalatriðum málsins,“
sagði Jón H. Snorrason, saksóknari
og yfirmaður efnahagsbrotadeildar
ríkislögreglustjóra. Gerir hann ráð
fyrir að þessi dómur hafi verulegt
fordæmisgildi varðandi það hvernig
sambærileg mál verði meðhöndluð
framvegis og minnir á að fjármála-
stofnanir hafi tapað gríðarlegum
fjármunum vegna áhættu sem eftir á
hefur verið talin óforsvaranleg. Ekk-
ert sambærilegt mál er þó til rann-
sóknar hjá efnahagsbrotadeildinni.
Sakarkostnaður, þ.m.t. málsvarn-
arlaun skipaðs verjanda, Jónatans
Sveinssonar hrl., greiðist af 2⁄3 af
ákærða en af 1⁄3 af ríkinu.
Ólafur Ólafsson, Freyr Ófeigsson
og Sigurður H. Pálsson kváðu upp
dóminn.
Hlaut 10 mánaða skilorðs-
bundið fangelsi og sekt
Fyrrverandi sparisjóðsstjóri Sparisjóðs Ólafsfjarðar dæmdur fyrir stórfelld brot
FERÐAFÉLAG Íslands og
hreppsnefnd Svínavatnshrepps
hafa náð samkomulagi í deilum
sínum um Hveravelli. Sam-
komulagið felur í sér að Svína-
vatnshreppur kaupir allar eignir
Ferðafélags Íslands á Hveravöll-
um.
Kaupverðið fyrir
eignirnar er trúnaðarmál
Að sögn Ingu Rósu Þórðar-
dóttur, framkvæmdastjóra Ferða-
félagsins, er kaupverðið trún-
aðarmál en eignir Ferðafélagsins
á Hveravöllum eru tveir skálar og
annar búnaður sem þeim fylgir.
„Samkvæmt samningnum mun
Ferðafélagið halda áfram rekstri
á Hveravöllum til 1. október í
haust en síðan er samkomulags-
atriði hvort við framlengjum það
eða ekki. Við rekum þarna göngu-
leið sem liggur um gömlu þjóð-
leiðina og á henni eru þrír skálar,
í Hvítárnesi, Þverbrekknamúla og
Þjófadali og við munum reka þá
áfram og í samkomulaginu felst
að við munum ekki sveigja
framhjá Hveravöllum þótt aðrir
eigendur séu komnir þar að, þ.e.
það er viljalýsing af okkar hálfu
að kaupa af þeim þjónustu þegar
og ef þeir hefja eigin rekstur á
Hveravöllum,“ sagði Inga Rósa
Þórðardóttir.
Morgunblaðið/Árni Sæberg
Skáli Ferðafélags Íslands á Hveravöllum er ávallt vinsæll áningarstaður.
Ferðafélagið hefur
selt eignir sínar
á Hveravöllum
STÆRSTU tryggingafélögin þrjú,
Sjóvá-Almennar, VÍS og Trygg-
ingamiðstöðin, hafa öll lækkað ið-
gjöld frá síðustu áramótum og þá
hafa Búnðarbankinn og Sparisjóð-
irnar lækkað gjaldskrár sínar í
kjölfar funda með forystu ASÍ.
Grétar Þorsteinsson, forseti ASÍ,
segir að Búnaðarbankinn og Spari-
sjóðirnir hafi ákveðið að lækka
gjaldskrár sínar á svipuðum nótum
og Íslandsbanki og Landsbanki
höfðu þegar gert. „Sumir þessara
aðila hafa verið að gera eitthvað
þessu til viðbótar en það er rétt að
þeir skýri frá því sjálfir. Sömu sögu
er að segja með tryggingafélögin,
þau hafa brugðist við og öll eru þau
nú búin að lækka iðgjöld, sum
höfðu þegar gert það, en það er
einnig rétt að þau skýri sjálf frá
því.“
Ræða næst við olíufélögin
Grétar segir að í þessari viku
standi til að funda með forráða-
mönnum olíufélaganna og stóru
flutningafyrirtækjanna, þ.e. Eim-
skip og Samskip, og í framhaldi af
því verði rætt við stærstu birgjana
eða heildsalana.
„Við erum raunar einnig alltaf að
heyra af litlum fyrirtækjum sem
eru að lækka verð. Slíkt fer
kannski ekki hátt í fjölmiðlum en
viðskiptavinirnir verða varir við
þetta og ég er alveg klár á því að
fyrirtækin munu njóta þess. Á öll-
um þeim stöðum sem við höfum
farið á höfum við alls staðar fengið
jákvæðar undirtektir og hvergi
blátt nei.“
Grétar segir að ASÍ hafi bætt við
sig starfsmanni í verðlagseftirliti og
nú starfi tveir starfsmenn beint við
það auk annarra starfsmanna sem
að því koma. „Við erum að vona að í
framhaldinu getum við farið að
skoða fleiri þætti en bara þessar
hefðbundnu neysluvörur. Það er
auðvitað sitthvað fleira sem þarf að
fylgjast með og eins þarf auðvitað
að fylgjast með þróuninni næstu
mánuðina, þessu lýkur ekki 1. maí.“
Stærstu trygg-
ingafélögin hafa
lækkað iðgjöld
MÁL tveggja manna, sem ríkissak-
sóknari hefur ákært fyrir innflutn-
ing á 2.800 e-töflum til landsins síð-
astliðið vor, var dómtekið í
Héraðsdómi Reykjavíkur í gær að
loknum munnlegum málflutningi.
Annar hefur játað sök en hinn
neitar. Krefst ríkissaksóknari refs-
ingar yfir báðum og er búist við nið-
urstöðu héraðsdóms innan skamms.
Tollgæslan á Keflavíkurflugvelli
fann fíkniefnin í bakpoka annars
mannsins við komuna frá Amster-
dam eftir ábendingu frá fíkniefna-
deild lögreglunnar í Reykjavík, sem
hafði upplýsingar um að fíkniefna-
smygl væri hugsanlega í uppsigl-
ingu. Sá mannanna sem játað hefur
aðild að málinu hefur setið í gæslu-
varðhaldi frá því það komst upp.
E-töflumál
dómtekið í
héraðsdómi
LÍKT OG hjá skíðaköppum sem tví-
stíga í startholunum við brautar-
byrjun á Vetrarólympíuleikunum í
Salt Lake City er tilhlökkun og
kannski örlítill kvíði í börnum áður
en þau láta vaða. En þegar ferðin
er hafin er erfitt að snúa við og þá
er aðeins eitt hægt í stöðunni: Að
njóta ferðarinnar með bros á vör.
Brunað
niður brautina
Morgunblaðið/Sverrir
LOKIÐ er fresti til kröfulýsinga
vegna gjaldþrots Samvinnuferða-
Landsýnar á síðasta ári. Nokkur
hundruð kröfur hafa borist en Ragn-
ar H. Hall, skiptastjóri þrotabúsins,
kveðst ekki hafa enn tekið saman
hversu háar kröfurnar eru.
Kröfurnar verða metnar á næstu
vikum og að sögn skiptastjóra fundið
út hvar í réttindaröðinni þær lenda.
Skrá um kröfurnar og flokkun þeirra
á að liggja fyrir mánuði eftir að
kröfulýsingarfresti lýkur, sem var
14. febrúar.
Ekki hafa enn verið greiddar út
kröfur sem leitað er eftir úr trygg-
ingum ferðaskrifstofunnar sem
áskilið er að ferðaskrifstofur taki
samkvæmt lögum um alferðir. Sam-
kvæmt upplýsingum úr samgöngu-
ráðuneytinu er búist við að það verði
á allra næstu dögum.
Nokkur
hundruð
kröfum lýst
♦ ♦ ♦