Morgunblaðið - 19.02.2002, Blaðsíða 35

MINNINGAR
MORGUNBLAÐIÐ ÞRIÐJUDAGUR 19. FEBRÚAR 2002 35
Áskirkja, Opið hús fyrir alla aldurshópa kl.
10–14 í neðri safnaðarsal. Skemmtiganga
um Laugardalinn eða upplestur kl. 10:30.
Umsjón Þóranna Þórarinsdóttir. Bæna- og
fyrirbænastund kl. 12 í kirkjunni. Umsjón
Guðrún K. Þórsdóttir. Léttur hádegisverður
að stundinni lokinni. Samvera foreldra
ungra barna kl. 14–16 í neðri safnaðarsal.
12 spora starf kl. 19:00 í kirkjunni.
Bústaðakirkja, TTT-starf (starf fyrir 10–12
ára) kl. 17.00.
Grensáskirkja, Kyrrðarstund í hádegi kl.
12:10. Orgelleikur, ritningalestur, altaris-
ganga, fyrirbænir. Léttur hádegisverður í
safnaðarheimili eftir stundina.
Hallgrímskirkja, Fyrirbænaguðsþjónusta
kl. 10:30. Beðið fyrir sjúkum.
Háteigskirkja, Ævintýraklúbburinn kl.
17:00. Fjölbreytt og skemmtilegt starf fyrir
börn úr 1.–3. bekk í umsjón Guðrúnar
Helgu, Sigrúnar, Völu og Jóhönnu. Öll börn
velkomin og alltaf hægt að bætast í hóp-
inn. Unglingaklúbburinn MeMe kl. 19:30.
Kröftugt starf fyrir unglinga í umsjón Gunn-
fríðar og Jóhönnu.
Laugarneskirkja, Morgunbænir kl. 6:45-
7:05 alla virka daga nema mánudaga. TTT-
fundur kl. 16:00 fyrir krakka í 5.–7. bekk.
Fullorðinsfræðsla kl. 20:00 Yfirskrift nám-
skeiðsins er „Líf og dauði, sorg og gleði“.
Sóknarpresturinn sr. Bjarni Karlsson
fjallar um afstöðu Jesú frá Nasaret til
dauðans í eigin lífi og annarra. Aðgangur
ókeypis og öllum heimill. Gengið inn um
merktar dyr á austurgafli kirkjunnar. Þriðju-
dagur með Þorvaldi kl. 21:00. Lofgjörðar-
stund, þar sem Þorvaldur Halldórsson leið-
ir sönginn. Sóknarprestur flytur Guðs orð
og bæn. Fyrirbænaþjónusta kl. 21:30 í
umsjá bænahóps kirkjunnar undir stjórn
Margrétar Scheving og hennar samstarfs-
fólks. (Sjá síðu 650 í Textavarpi).
Neskirkja, „Litli kórinn“ kór eldri borgara
kl. 16:30. Stjórnandi Inga J. Backman. Ný-
ir félagar velkomnir. Foreldramorgunn mið-
vikudag kl. 10–12. Fræðsla: Slysavarnir
barna. Herdís Storgaard fjallar um efnið.
Umsjón Elínborg Lárusdóttir. Neskirkja
Félagstarf aldraðra sem átti að vera laug-
ardaginn 23. febrúar verður fimmtudaginn
21. febrúar kl. 14.00. Þá verður farið í
heimsókn í nýja hjúkrunarheimilið Sóltún.
Þátttaka tilkynnist í síma 511 1560. Allir
velkomnir. Sr. Frank M. Halldórsson.
Seltjarnarneskirkja, Foreldramorgunn kl.
10–12. Starf fyrir 7–9 ára kl. 16 og fyrir
10–12 ára kl. 17:30.
Fríkirkjan í Reykjavík. Kyrrðar- og bæna-
stund í dag þriðjudag kl. 12 í kapellu safn-
aðarins á 2. hæð í safnaðarheimili kirkj-
unnar, Laufásvegi 13. Allir velkomnir til
þátttöku.
Árbæjarkirkja. Foreldramorgnar kl. 10–
12. Hittumst, kynnumst, fræðumst. TTT-
klúbburinn í Ártúnsskóla kl. 14.20–15.20.
Barnakóraæfing kl. 17–18.
Breiðholtskirkja. Bænaguðsþjónusta
með altarisgöngu kl.18.30. Bænaefnum
má koma til sóknarprests í viðtalstímum
hans. Bach í Breiðholtskirkju kl. 20:30.
Ath. breyttan tíma, verður nú þriðja þriðju-
dag í mánuði kl. 20:30. Þetta eru 21. tón-
leikarnir í tónleikaröðinni. Þýski organist-
inn Jörg E. Sondermann leikur orgelverk
eftir J.S. Bach. Aðgangseyrir rennur til
Hjálparstarfs kirkjunnar.
Digraneskikja. Kirkjustarf aldraðra. Leik-
fimi ÍAK kl. 11:15. Farið verður í heimsókn
í Hjallakirkju eftir leikfimina. Starf fyrir 10–
12 ára börn á vegum KFU&K og Digranes-
kirkju kl. 16:30–18:15. Alfa 2. KL. 19:00,
munið skráninguna.
Fella- og Hólakirkja. Kyrrðar- og bæna-
stund kl. 12:00. Ottó Ragnarsson kirkju-
vörður les úr passíusálmum Hallgríms Pét-
ursson. Bænaefnum má koma til djákna í
s. 557-3280 og í sama síma er hægt að
panta keyrslu til og frá kirkju. Léttur hádeg-
isverður í safnaðarheimilinu eftir stundina
og húsið opið áfram til kl. 15:00. Starf fyrir
11–12 ára drengi kl. 17.00.
Grafarvogskirkja. Opið hús fyrir eldri borg-
ara kl. 13:30–16:30 Helgistund, handa-
vinna, spil og spjall. Kaffiveitingar og alltaf
eitthvað gott með kaffinu. TTT (10–12 ára)
í Engjaskóla kl. 18:30–19:30. Kirkjukrakk-
ar í Engjaskóla fyrir börn 7–9 ára, kl.
17:30–18:30. Æskulýðsfélag í Grafar-
vogskirkju, eldri deild, kl. 20:00–22:00.
Hjallakirkja. Bæna- og kyrrðarstund kl.18.
Kópavogskirkja. Foreldramorgunn í dag, í
safnaðarheimilinu Borgum kl. 10–12.
Seljakirkja. Mömmumorgunn. Opið hús
milli kl. 10 og 12. Kaffi og spjall.
Vídalínskirkja. Opið hús fyrir eldri borgara
kl. 13.30–16 í Kirkjuhvoli. Spilað og spjall-
að. Helgistund í kirkjunni kl. 16. Fjölbreytt
kristilegt starf fyrir 9–12 ára stúlkur í
Kirkjuhvoli kl. 17.30 í umsjón KFUK.
Bessastaðasókn. TTT-kristilegt æskulýðs-
starf fyrir 10–12 ára í Álftanesskóla, stofu
104, kl. 17.30. Rúta ekur börnunum
heim.
Víðistaðakirkja. Barnastarf fyrir 8–9 ára
börn í dag kl 17:00. Kyrrðar- og fyrirbæna-
stund með Taizé-söngvum í dag kl. 18:00.
Hægt er að koma fyrirbænaefnum til sókn-
arprests eða kirkjuvarðar.
Fríkirkjan í Hafnarfirði. Opið hús kl. 17–
18.30 fyrir 7–9 ára. Kl. 20–22 æskulýðs-
félag yngri félaga.
Hafnarfjarðarkirkja. Opið hús fyrir 10–12
ára börn í safnaðarheimilinu Strandbergi,
Vonarhöfn frá kl. 17–18.30.
Lágafellskirkja. Kirkjukrakkafundur í
Lágafellsskóla frá kl. 13.15–14.30.
Landakirkja í Vestmannaeyjum. Kl. 16.30
kirkjuprakkarar, kl. 17.30 TTT, tíu til tólf
ára, fullt af fjöri.
Keflavíkurkirkja. Kirkjulundur opinn kl.
14–16 með aðgengi í
kirkjuna og Kapellu vonarinnar eins og
virka
daga vikunnar. Aðgengi frá Kirkjuteig.
Starfsfólk verður á sama tíma í Kirkjulundi.
Fermingarundirbúningur í Kirkjulundi
kl. 14:30–15:10, 8. A & B í Holtaskóla.
kl. 15:15–15:55, 8. ST í Myllubakkaskóla.
kl. 16:00–16:40, 8. IM Myllubakkaskóla.
Umræðuhópur um málefni fjölskyldunnar
kl. 20:30.
Grindavíkurkirkja. Foreldramorgnar alla
þriðjudaga kl. 10–12.
Hveragerðiskirkja. Foreldramorgnar
þriðjudagsmorgna kl. 10–11.30.
Borgarneskirkja. TTT tíu–tólf ára starf alla
þriðjudagakl. 17–18. Helgistund í kirkj-
unni sömu daga kl. 18.15–19.
Þorlákskirkja. Fermingarfræðsla í dag kl.
13.40.
Hvammstangakirkja. Æskulýðsfundur í
Hrakhólum í kvöld kl. 20.
Krossinn. Almenn samkoma kl.20.30 í
Hlíðasmára 5. Allir velkomnir.
Hvítasunnukirkja Fíladelfía. Samvera
eldri borgara kl. 15. Allir velkomnir.
Kefas. Bænastund kl. 20.30. Allir vel-
komnir.
Akureyrarkirkja. Morgunsöngur kl. 9,
fermingarfræðsla kl. 16. Oddeyrarskóli og
8. L Lundarskóla.
Glerárkirkja. Kyrrðarstund kl. 18.10. Leit-
um innri friðar í faðmi guðs. Alfanámsekið
verður haldið í Glerárkirkju í kvöld kl. 20.
Þar verður sagt frá innihaldi og tillögum
þess.
Ytri-Njarðvíkurkirkja. Biblíulestrar þriðju-
daginn 19. febrúar kl.19.30. í umsjá
Ástríðar Helgu Sigurðardóttur guðfræð-
ings. Farið verður í Jóhannesarguðspjall.
Fyrirbænasamvera fimmtudaginn 21. febr-
úar kl.19. Fyrirbænarefnum er hægt að
koma áleiðis að morgni fimmtudagsins
milli kl.10 og 12. í síma 421-5013.
Safnaðarstarf
LJÓÐSKÁLDIN Ragnhildur Pála
Ófeigsdóttir, Einar Már Guð-
mundsson, Sigurbjörg Þrast-
ardóttir og Matthías Johannessen
munu lesa úr verkum sínum í Nes-
kirkju á föstunni.
Um árabil hefur verið í Nes-
kirkju sérstakt helgihald á mið-
vikudögum á föstunni þar sem
Passíusálmar séra Hallgríms Pét-
urssonar eru í fyrirrúmi og verður
svo áfram.
En nú eru kölluð til nútíma-
skáld, konur og karlar, yngri og
eldri, með það fyrir augum að þau
kynni úr verkum sínum ljóð þar
sem fram kemur glíman við lífið
og tilveruna, bölið og þjáninguna.
Þar með er gerð tilraun til samtals
skálda í sögu og samtíð. Helgi-
haldið er fært inn í nútímann og
þráðurinn forni spunninn áfram.
Í Biblíunni er að finna útbreidd-
ustu ljóðabók veraldar, Davíðs-
sálma, auk annarra ljóða og sálma
sem eru eins og ívaf vítt og breitt í
textum þeirrar einstöku bókar.
Iðja skálda nútímans er ekki
eðlisólík iðju þeirra innblásnu
manna sem rituðu hina helgu bók.
Nú sem fyrr er það hæfileikinn til
að undrast og óttast andspænis
Guði og gangverki lífsins, sem er
drifkraftur listar og menningar.
20. febrúar mun Ragnhildur
Pála Ófeigsdóttir lesa og hálfum
mánuði síðar, 6. mars, Einar Már
Guðmundsson. Þá kemur yngsta
skáldið í hópnum, Sigurbjörg
Þrastardóttir og les ljóð sín 20.
mars. Síðastur á dagskránni að
þessu sinni er Matthías Johann-
essen og les hann á skírdagskvöld
28. mars. Dagskráin fram-
angreinda daga hefst kl. 20 og
verður auglýst nánar í fjölmiðlum
hverju sinni.
Þess er vænst að sóknarbörn,
ljóðaunnendur og leitandi fólk
hvar sem er í borginni leggi leið
sína í Neskirkju og njóti þess að
heyra sögu og samtíð kallast á um
málefni himins og jarðar.
Aðalfundur
Safnaðarfélags
Digranesprestakalls
AÐALFUNDUR Safnaðarfélags
Digranesprestakalls verður hald-
inn í safnaðarsal kirkjunnar
þriðjudaginn 26. febrúar 2002, kl.
20.30 „2. grein laganna: Félagar
eru allir safnaðarmenn og aðrir
þeir sem áhuga hafa á störfum fé-
lagsins.“ Dagskrá: 1. Skýrsla for-
manns 2. Skýrsla gjaldkera 3.
Lagabreytinga: Við 5.grein lag-
anna bætist: „Stjórnarmenn sitji
eigi lengur en tvö ár í sama emb-
ætti.“ 4. Kosning stjórnar 5. Hugð-
arefni, sr. Magnús B. Björnsson 6.
Sumarferðalag kynnt 7. Önnur
mál. Fjölmennum og tökum með
okkur gesti.
Stjórnin
Barnalæknir í heim-
sókn á foreldra-
morgnum
Selfosskirkju
FORELDRAR athugið miðviku-
daginn 20. febrúar kl. 11.00 kem-
ur Geir Friðgeirsson barnalæknir
í heimsókn til okkar í safn-
aðarheimilið. Hann mun ræða um
andþyngsli og svara spurningum
foreldra. Allir foreldrar velkomn-
ir.
Selfosskirkja
Fjögur skáld á
föstu í Neskirkju
Neskirkja.
KIRKJUSTARF
elskulegu viðmóti svo að eftir var tek-
ið enda varð hann fljótt einn af þekkt-
ustu starfsmönnum Þjóðleikhússins,
kannski að leikurunum einum frátöld-
um. Leikurum, starfsmönnum sýn-
inga og ýmsum gestum eru eftir-
minnileg samkvæmin eftir
fumsýningar sem Þorlákur stóð æv-
inlega fyrir og hafði sett á þau sinn
persónulega svip. Þar hélt hann ætíð
ræðu og eru margar þeirra eftir-
minnilegar enda var hann skemmti-
legur ræðumaður.
Þegar tekin var sú ákvörðun árið
1984 að flytja Litla svið Þjóðleikhúss-
ins úr Þjóðleikhúskjallaranum yfir í
Íþróttahús Jóns Þorsteinssonar, sem
Þjóðleikhúsið hafði fengið til umráða
árinu áður, tók Þorlákur að sér að
veita því máli öllu forstöðu. Hann
hafði yfirumsjón með öllu verkinu og
kom leikhúsreynsla hans þar að mjög
góðum notum. Verkið var að megin-
hluta til kostað af Fasteignum ríkis-
sjóðs og tel ég það eingöngu harðfylgi
Þorláks að þakka að allar áætlanir
stóðust og hægt var að opna leikhúsið
með pomp og prakt á réttum tíma ár-
ið eftir. Þorlákur vann eitt annað
verkefni fyrir Þjóðleikhúsið svona um
það bil síðasta áratuginn sem hann
starfaði þar. Hann tók að sér að halda
skrá yfir ljósmyndir sem tengdust
leikmyndum og öðrum sviðsbúnaði og
setja í möppur, svo og að varðveita
aðra muni er fengur var í að geyma til
minja úr sýningum Þjóðleikhússins.
Ég tel að þessi gagnavinna hans sé
með merkustu afrekum Þorláks og
eigi eftir að hljóta verðuga viðurkenn-
ingu þegar fram líða stundir.
Ég hitti Þorlák síðast að máli uppi í
Þjóðleikhúsi þegar verið var að minn-
ast aldarafmælis stórleikarans Vals
Gíslasonar. Hann var afar hress og
fór vel á með okkur og við rifjuðum
upp margt frá liðnum dögum eins og
t.d. flugferðir okkar í gamla daga og
ýmislegt sem spaugilegt gerðist á ár-
um áður. Það er margs að minnast en
ég læt þetta nægja sem hinstu kveðju
til vinar og samstarfsmanns míns
Þorláks Þórðarsonar.
Ég færi Björgu og fjölskyldu
þeirra allri innilegustu samúðar-
kveðjur frá mér og konu minni.
Gísli Alfreðsson.
Þegar ég mætti í Víkina sl. laug-
ardagsmorgun og fékk þá frétt að
Þorlákur væri látinn var mér brugðið
eins og öllum þeim sem þar voru. Ég
hafði drukkið kaffi með honum morg-
uninn áður í Ráðhúsinu þar sem hann
og margir góðir og gegnir Víkingar
höfðu lagt í vana sinn að hittast í
morgunkaffi á hverjum morgni. Þor-
lákur var þá eins og venjulega hress
og gamansamur, hvort sem umræðu-
efnið var íþróttir, þá aðallega Víking-
ur, eða landsmálin.
Þorlákur var á 81. aldursári, heilsu-
hraustur, glæsilegur maður á að líta,
léttur á sér og hress í bragði og alltaf
stutt í léttleikann. Þorlákur starfaði í
Þjóðleikhúsinu frá stofnun þess til
ársins 1990 sem forstöðumaður Litla
sviðsins, sviðsstjóri og sýningarstjóri.
Á sama tíma starfaði hann einnig við
leigubílaakstur. Eftir að hann fór á
eftirlaun starfaði hann sem lausamað-
ur í nokkur ár fyrir Þjóðleikhúsið eða
til ársins 1996. Eftir það starfaði hann
til dauðadags hluta úr viku launalaust
hjá Þjóðleikhúsinu að eigin áhuga-
máli, sem um leið var geysilega mik-
ilvægt mál fyrir fyrirtækið, að flokk-
un handrita og leikskráa.
Ég held og þykist vita að stóru
áhugamálin í hans lífi voru Þjóðleik-
húsið og Víkingur. Á þeim þremur ár-
um sem ég vann í Þjóðleikhúsinu og
þegar við hittumst þá voru málefni
Þjóðleikhússins afgreidd í stuttu máli
og síðan komið að aðalmálinu, mál-
efnum Víkings.
Við Þorlákur kynntumst fyrst fyrir
alvöru á árinu 1968 en þá stakk hann
upp á mér í aðalstjórn Víkings. Fyrir
þann tíma höfðum við þekkst lítillega,
hann sem fyrrverandi stjórnarmaður
og ég sem leikmaður meistaraflokks.
Hann var á þessum tíma með þekkt-
ustu knattspyrnudómurum landsins.
Þorlákur var formaður Knattspyrnu-
félagsins Víkingur árið 1947 og aftur
1957–1958. Þess á milli var hann með-
stjórnandi. Þorlákur var síðar for-
maður fulltrúaráðs félagsins a.m.k.
fjórum sinnum auk þess að sitja í
stjórn á milli þess sem hann var for-
maður. Þorlákur var gerður að heið-
ursfélaga Víkings árið 1990. Eftir að
undirritaður tók við formennsku full-
trúaráðsins var Þorlákur í miklu sam-
bandi við mig, ekki bara í sambandi
við fulltrúaráðið sem hann hafði mik-
inn áhuga á, heldur félaginu öllu. Þor-
lákur var félaginu mikill styrkur,
hann gerði það sem margir aðrir Vík-
ingar mættu taka sér til fyrirmyndar,
hann sótti flesta leiki félagsins, mætti
á alla aðalfundi og púrraði þá upp,
sérstaklega ef einhver deyfð var yfir
þeim, og flutti hvatningarræður.
Ekkert í Víkingi var honum óviðkom-
andi. Þorlákur, eins og eldri félagar
hans í fulltrúaráðinu, hefur fylgt Vík-
ingi í gegnum súrt og sætt og fengið
að launum að fylgjast með og taka
þátt í uppbyggingu félagsins, fyrst við
Hæðargarð og síðan á einu glæsileg-
asta íþróttasvæði landsins í Fossvogi.
Það verður mikill sjónarsviptir að eld-
huganum Þorláki hjá félaginu.
Víkingur kveður nú einn af sínum
bestu félögum og störf hans verða
seint fullmetin.
Fyrir hönd fulltrúaráðs Víkings
færi ég eiginkonu hans Björgu og
Randveri syni hans ásamt öllum öðr-
um ástvinum samúðarkveðjur.
Örn Guðmundsson.
Vinur minn Þorlákur Þórðarson er
látinn. Hann var innfæddur Reykvík-
ingur og Víkingur frá blautu barns-
beini. Fulltrúi þeirrar kynslóðar sem
fæddist í árdaga fullveldisins og ólst
upp undir kröppum kjörum milli-
stríðsáranna. Hann upplifði ógnir
styrjaldarinnar og var þátttakandi í
þeim risavöxnu umbótum sem síðar
urðu. Fulltrúum þessarar kynslóðar
fer ört fækkandi og um leið því fólki
sem getur miðlað af reynslu sinni og
þekkingu á þessu umbrotatímabili í
sögu þjóðarinnar. Þorlákur starfaði í
rúma hálfa öld sem sviðsmaður í Þjóð-
leikhúsinu og mínar fyrstu minningar
um hann tengjast einmitt starfi hans
þar. Þá bauð hann mér baksviðs og
kynnti fyrir mér töfra og galdra leik-
sviðsins. Hann sýndi mér meðal ann-
ars hvernig góðir sviðsmenn senda
Óla Lokbrá til tunglsins og þótti mér
óendanlega mikið til um brellurnar
þótt vafalítið sé öðrum brögðum beitt
í sama tilgangi nú til dags.
Enda þótt Þorlákur nyti starfsins
baksviðs og aflaði sér virðingar og
vinsælda í leikhúsinu fannst mér allt-
af að hann nyti sín betur þegar hann
fékk sjálfur að „troða upp“. Hann var
lífsglaður leiðtogi, naut þess að segja
sögur og leið hvergi betur en í enda-
lausum félagsmálastörfum fyrir
Knattspyrnufélagið Víking sem átti
hug hans og hjarta alla tíð. Hann var
virkur og kappsamur félagi í Víkingi
um 65 ára skeið, fyrst sem leikmaður
og síðar í ýmsum trúnaðarstörfum.
Hann sat um langt árabil í stjórn fé-
lagsins og var meðal annars í tvígang
kjörinn formaður þess. Þá var hann
knattspyrnudómari fyrir hönd Vík-
ings um áratuga skeið og vék sér aldr-
ei undan störfum á þeim vettvangi
fremur en öðrum þegar félagið kall-
aði. Í rúmlega hálfa öld hafa elstu Vík-
ingarnir hist nær daglega yfir kaffi-
bolla. Það má því gera ráð fyrir að
fundirnir séu orðnir á annan tug þús-
unda og ekki þykir mér ólíklegt að
álíka oft hafi málefni Víkings borið
þar að einhverju marki á góma. Á
seinni árum höfum við sem yngri er-
um fengið að líta inn öðru hvoru. Um
leið komst Þorlákur í færi til að hvetja
okkur til dáða í störfum við félagið.
Hann hefur flutt yfir okkur ótal eld-
messur í þeim efnum, rifjað upp afrek
fyrri ára okkur hinum til eftirbreytni
og minnt á fögur fordæmi á borð við
það þegar hann málaði einsamall þak-
ið á gamla félagsheimilinu í Hæðar-
garði og hafði gaman af.
Þorlákur var tíður gestur á heimili
foreldra minna og mikill vinur okkar
systkinanna. Makar okkar og börn
hafa einnig kynnst þessum bjartsýna
og hvetjandi heiðursmanni og minn-
ingin um góðan dreng mun lifa með
okkur öllum. Við vottum eiginkonu
hans, Björgu Randversdóttur, og
börnum þeirra hjóna innilega samúð
okkar.
Eysteinn Helgason.
 Fleiri minningargreinar um Þor-
lák Þórðarson bíða birtingar og
munu birtast í blaðinu næstu daga.