Morgunblaðið - 19.02.2002, Blaðsíða 13

Akureyrarbær og Olíufélagið Esso
SAMNINGUR hefur verið undir-
ritaður um eldsneytisviðskipti Ak-
ureyrarbæjar og Olíufélagsins
Esso. Eldsneytisviðskipti bæjarins
voru boðin út í desember síðast-
liðnum og var frávikstilboð frá
Esso hagstæðast, 119 milljónir
króna, annað tilboð frá sama félagi
var upp á 1.207 milljónir króna,
Skeljungur bauð 123,8 milljónir
króna og Olíuverslun Íslands 127,3
milljónir. Samningurinn er til 5 ára
og gildir frá undirskrift, en heimilt
er að framlengja hann um 2 ár að
þeim tíma liðnum. Um er að ræða
samning um öll eldsneytisviðskipti
allra deilda og sviða bæjarins, m.a.
Strætisvagna Akureyrar og Norð-
urorku, sem þó er bundin samningi
við annað olíufyrirtæki fram að
næstu áramótum.
Gert er ráð fyrir að Akureyr-
arbær spari um 25–30 milljónir
króna á samningstímanum. Nýtt
innkaupaferli tók gildi hjá bænum
á síðasta ári sem hefur að mark-
miði að auka sparnað og hagræð-
ingu innan bæjarkerfisins með
sameiginlegum heildarinnkaupum
og er samningurinn um eldsneyt-
isviðskiptin sá fyrsti sem tekur
gildi eftir að það kerfi var tekið
upp.
Samið um elds-
neytisviðskipti
ÁTAK er hafið í Dalvíkurbyggð sem
miðar að því að fjölga reykskynj-
urum í byggðarlaginu og gera fólk
meðvitaðra um gildi þeirra. Fyrir
því stendur slökkviliðið í Dalvíkur-
byggð og Hrísey í samvinnu við
Sparisjóð Svarfdæla.
Rafmagnstækjum hefur fjölgað
mjög á heimilum undanfarin ár en
þeim fylgir nokkur eldhætta sem
taka þarf mið af þegar reykskynj-
arar eru settir upp. Slökkviliðsmenn
munu nú á næstunni ganga í öll hús
í Dalvíkurbyggð og bjóða reyk-
skynjara til sölu auk þess sem þeir
veita ráðgjöf um staðsetningu og að-
stoða við uppsetningu ef óskað er.
Sparisjóðurinn mun greiða helming
af kostnaði við kaup á skynjara og
er því um verulega búbót að ræða
fyrir þá íbúa sem notfæra sér til-
boðið.
Átakið stendur yfir næstu vikur,
en yfir 700 heimili eru í byggðarlag-
inu.
Væntanlega munu íbúarnir taka
framtakinu vel og nýta sér þetta
tækifæri til að koma þessari nauð-
synlega tæki fyrir á heimilum sín-
um, en þau hafa oft sannað gildi sitt.
Reykskynjurum fjölgað í
Dalvíkurbyggð og Hrísey
Morgunblaðið/Guðmundur Ingi Jónatansson
Jóhanna Gunnlaugsdóttir, húsfreyja á Völlum í Svarfaðardal, tekur hér
við reykskynjara frá Sigurði Jónssyni , slökkviliðsstjóra á Dalvík.
Ekki er vitað til að slíkt átak hafi
verið gert annars staðar á landinu
og er því um að ræða brautryðj-
endastarf hjá þeim Friðriki Frið-
rikssyni sparisjóðsstjóra og Sigurði
Sigurðssyni slökkviliðsstjóra.
Slökkviliðið í Dalvíkurbyggð og Hrísey
AKUREYRI
MORGUNBLAÐIÐ ÞRIÐJUDAGUR 19. FEBRÚAR 2002 13
ÞAÐ var mikið um skemmtilega
grímubúninga í Grímsey á öskudag
eins og svo oft áður. Öskudagshá-
tíðin hófst í Múla þar sem skólabörn-
in söfnuðust saman.En vegna vest-
an- vinds og hálku var börnunum í
þetta sinn ekið á milli staða í þremur
bílum. Byrjað var á því að syngja í
Grímskjöri þar sem börn allt frá 3ja
mánaða til 12 ára tóku þátt og hófu
upp söng við fögnuð viðskiptavin-
anna. Ekki er nema ein verslun hér í
okkar góða þorpi, þannig að nú var
gengið milli verkstæða og fiskhúsa
og sungið. Að venju var gjafmildin
mikil og væntanlega eiga börnin
nammi til páska! Leiðangrinum lauk
svo á því að „slá“ köttinn úr tunninni
" í saltfiskverkuninni. Tunnukóngur
þetta árið var Garðar Alfreðsson.
Eftir vellukkaða söngferð í fyr-
irtækin fóru allir í félagsheimilið þar
sem kvenfélagskonur biðu með rjúk-
andi heitt kakó og heitar samlokur.
Morgunblaðið/Helga Mattína
Glaðbeitt öskudagsbörn í Grímsey.
Öskudagsbörnin
syngja í fiskhúsum!
JÓN Skjöldur Karlsson rekstr-
arfræðingur hefur verið ráðinn
framkvæmdastjóri Ferðalausna
ehf. á Akureyri.
Fyrirtækið hefur starfað um
rúmlega eins árs skeið og unnið
að þróun markaðsvefsvæðis í
ferðaþjónustu, www.visit.is, þar
sem verður að finna heildarupp-
lýsingar um íslenska ferðaþjón-
ustu. Þeim sem tengjast vef-
svæðinu verður boðið að
tengjast bókunarkerfi vefjarins.
Notendum gefst þannig kostur
á að skipuleggja ferðalög um Ís-
land og ljúka bókunum á einu og
sama vefsvæðinu.
Unnið hefur verið að þróun
þessa vefsvæðis undanfarna
mánuði, en frá miðju síðasta ári
var unnið að þróunarstarfi undir
þaki Frumkvöðlaseturs Norður-
lands og er þetta fyrsta verkefn-
ið sem þar var unnið. Þróunar-
starf er nú að baki og er ætlunin
því að finna fyrirtækinu nýtt
húsnæði á Akureyri á næstunni.
Stærstu eigendur þess eru
Farm Inn ehf. og Búnaðarbanki
Íslands auk minni fjárfesta.
Starfsmenn fyrirtækisins eru
nú tveir en gert ráð fyrir að
þeim muni fjölga innan skamms.
Jón Skjöldur
fram-
kvæmda-
stjóri Ferða-
lausna
KJARTAN Helgason var kjörinn
nýr formaður Hestamannafélagsins
Léttis á Akureyri og Gunnar Eg-
ilsson á Grund var kjörinn formað-
ur Hestamannafélagsins Funa í
Eyjafjarðarsveit. Anna Kristín
Árnadóttir er fráfarandi formaður
Funa, en Sigfús Helgason sem ver-
ið hefur formaður Léttis í á áttunda
ár lét af störfum fyrir Létti.
Félagsmenn í hestamannafélög-
unum tveimur höfnuðu sameiningu
félaganna í liðinni viku en að sam-
einingu þeirra hafði verið unnið síð-
ustu misseri. Fráfarandi formenn
sögðu af sér formennsku í kjölfarið.
„Ég heyri ekki annað en menn
séu á því að nú sé runnið upp nýtt
tímabil og menn ætli að snúa bök-
um saman, menn ætla að slíðra
sverðin og huga að hag félagsins.
Þetta hefur verið erfitt tímabil, en
við skilum nýrri stjórn góðu búi,
peningavandræðin er að baki og ég
heyri ekki annað en nú ætli öll dýr-
in í skóginum að vera vinir,“ sagði
Sigfús Helgason fráfarandi formað-
ur Léttis og vildi óska nýrri stjórn
félagsins alls hins besta í framtíð-
inni.
Nýir formenn í Létti og Funa
RÍKISÚTVARPIÐ á Akureyri mun
flytja starfsemi sína úr Fjölnisgötu
3a í nýtt húsnæði við Kaupvangs-
stræti 1 í miðbæ Akureyrar. Gengið
var frá samningum þessa efnis um
helgina.
Sigurður Þór Salvarsson deildar-
stjóri Ríkisútvarpsins á Akureyri
sagði að ekki hefðu verið settar upp
tímaáætlanir í þessu sambandi. „Við
byrjum á að koma húsnæðinu í það
ástand sem við viljum hafa það í,“
sagði hann. Hann gerði ráð fyrir að
lítinn tíma tæki að koma upp aðstöðu
fyrir starfsfólk, en flóknara væri að
setja upp stúdíó og tæknibúnað því
tengdan.
Húsnæði það sem útvarpið tekur á
leigu við Kaupvangsstræti er um 300
fermetrar. Starfsmenn eru nú 6 tals-
ins í föstum stöðum, en unnið er að
því að flytja hluta af starfsemi Rásar
2 norður. Þar verður væntanlegur
yfirmaður rásarinnar staðsettur og
eins verða ráðnir 2–4 starfsmenn til
viðbótar eftir að hlutur landshluta-
útvarpsstöðva í dagskrá Rásar 2
verður aukinn. „Það verður þrengra
um okkur á nýja staðnum, en starfs-
menn eru hæstánægðir með að kom-
ast í miðbæinn og eins er mikilvægt
fyrir útvarpið að vera sýnilegt í
miðbæ Akureyrar,“ sagði Sigurður
Þór. Útvarpshúsið við Fjölnisgötu er
tæpir 600 fermetrar að stærð og
verður það væntanlega selt í kjölfar
flutninganna.
Fyrir er í húsinu við Kaupvangs-
stræti 1 skrifstofa Morgunblaðsins á
Akureyri, skrifstofa DV, verslunin
Ljósmyndavörur og veitingastaður-
inn Subway.
Ríkisútvarpið
flytur í miðbæinn