Morgunblaðið - 19.02.2002, Blaðsíða 7
FRÉTTIR
MORGUNBLAÐIÐ ÞRIÐJUDAGUR 19. FEBRÚAR 2002 7
FJÁRMÁLARÁÐHERRA hefur
skipað nefnd, með fulltrúum ríkis og
sveitarfélaga, sem hefur þann til-
gang að athuga hvort sveitarfélög
eigi að lúta sömu reglum og ríkið við
opinber innkaup. Skv. lögum nr. 94/
2001 um opinber innkaup eru sveit-
arfélög undanskilin ákvæðum sem
snúa að innkaupum undir viðmiðun-
arfjárhæðum Evrópska efnahags-
svæðisins. Þannig ber ríkinu að
bjóða út innkaup á vörum yfir fimm
milljónum kr. og kaup á þjónustu og
verkum yfir tíu milljónum. Sveitar-
félög þurfa hins vegar ekki að bjóða
út vöru- og þjónustukaup undir sex-
tán milljónum né verkframkvæmdir
undir 397 milljónum.
Vilhjálmur Þ. Vilhjálmsson, for-
maður Sambands Íslenskra sveitar-
félaga, er einn fulltrúi í nefnd fjár-
málaráðherra. Hann telur ekki
útilokað að reynt verði að koma því
til leiðar að fyrrgreind ákvæði um
opinber viðskipti eigi bæði við um
sveitarfélög og ríki sem og um op-
inber fyrirtæki sem ríki eða sveit-
arfélög eigi meirihluta í. „En það
þýðir ekki endilega að sveitarfélögin
gangi inn í þann lagaramma sem
þegar er búið að setja,“ segir hann
og á við að það geti allt eins þýtt að
lagarammanum verði breytt eitt-
hvað. Síðan segir hann: „Ég er á því
að það sé mjög mikilvægt að þessi
innkaup séu gagnsæ og að þau séu
gerð fyrir opnum tjöldum og séu að-
gengileg fyrir alla.“
Nefnd um opinber innkaup
Kanni hvort
samræma
eigi reglur
FRAMADAGAR Háskóla Íslands voru haldnir í áttunda
sinn í síðustu viku. Dagarnir hófust á fyrirlestrum um
ýmis málefni og enduðu með því að 28 fyrirtæki kynntu
starfsemi sína fyrir háskólanemum í Háskólabíói á
föstudag. Stefán Reynisson, markaðsstjóri Framadaga,
segir vel hafa tekist til og fyrirtækin sem voru með
kynningu hafi verið af ýmsum toga. Atvinnumið-
stöðvar, verkfræðistofur, fjármálafyrirtæki og tölvu-
fyrirtæki voru meðal þeirra. Björn Bjarnason mennta-
málaráðherra, setti Framadagana í Háskólabíói að
morgni föstudags.
Reynslan af Framadögum er góð og segir Stefán að
töluvert sé um að fyrirtæki sem kynna starfsemi sína á
dögunum ráði stúdenta í kjölfarið. Stúdentar létu sig
heldur ekki vanta og var aðsóknin góð að Framadögum
nú sem undanfarin ár.
Morgunblaðið/Sverrir
Góð aðsókn að Framadögum