Morgunblaðið - 23.02.2002, Blaðsíða 12
FRÉTTIR
12 LAUGARDAGUR 23. FEBRÚAR 2002 MORGUNBLAÐIÐ
STJÓRN Þjóðmenningarhúss sam-
þykkti greiðslu fyrir eftirvinnu for-
stöðumanns í góðri trú á grundvelli
munnlegra upplýsinga hans um að
eftirvinnan hefði verið unnin á árinu
2000 áður en Kjaranefnd úrskurðaði
laun hans. Ríkisendurskoðun telji
hins vegar að reikningar sýni að um
verktakavinnu hafi verið að ræða,
unna eftir gildistöku úrskurðar
Kjaranefndar. Samþykktin virðist
því hafa byggst á röngum upplýsing-
um, sem beri að harma.
Þetta kemur fram í yfirlýsingu, að
gefnu tilefni, frá Salome Þorkels-
dóttur og Jóhannesi Nordal, en þau
sitja í stjórn Þjóðmenningarhússins
tilnefnd af forsætisráðuneyti og fjár-
málaráðuneyti. Auk þeirra átti einn-
ig sæti í stjórninni Ólafur Ásgeirs-
son, þjóðskjalavörður, tilnefndur af
menntamálaráðuneyti. Hann hefur
látið af setu í stjórninni, en nýr
stjórnarmaður ekki verið tilnefndur í
stað hans.
Yfirlýsingin er svohljóðandi orð-
rétt: „Eins og fram hefur komið í
fréttum samþykkti stjórn Þjóð-
menningarhúss greiðslu eftirvinnu
forstöðumanns, sem unnin hefði ver-
ið á árinu 2000 áður en Kjaranefnd
úrskurðaði laun hans. Þessi sam-
þykkt var gerð í góðri trú og byggð á
munnlegum upplýsingum viðkom-
andi aðila um að þessi yfirvinna hefði
verið unnin á þessum tíma, sem við
töldum ekki ástæðu til að rengja.
Ríkisendurskoðun telur hins veg-
ar að reikningar sýni að um hafi ver-
ið að ræða verktakavinnu unna eftir
gildistöku úrskurðar Kjaranefndar.
Samþykktin virðist því hafa byggst á
röngum upplýsingum, sem við hljót-
um að harma.“
Yfirlýsing frá tveimur af þremur
fulltrúum í stjórn Þjóðmenningarhúss
Samþykktin virðist
hafa byggst á röng-
um upplýsingum
REYNIR Kristinsson, framkvæmda-
stjóri PwC Consulting, (PwCC) ráð-
gjafahluta PricewaterhouseCoopers,
segir útilokað að reikna tímakaup
stjórnenda sem PwC lánar vegna
þess að menn leggi allan sinn tíma í
svona verkefni. Reynir segir að öllu
jöfnu sé samið um heildargreiðslu við
tímabundnar ráðningar sem þessar
en öðru máli gegni hins vegar þegar
um ráðgjöf eða aðra sérfræðivinnu sé
að ræða sem PwC selji.
„Það er ákaflega erfitt að mæla
þennan tíma, því mörk vinnu og
einkalífs eru oft mjög óskýr og ég
held að menn geri sér almennt litla
grein fyrir því vinnuframlagi sem
stjórnendur stórfyrirtækja leggja
fram. Ef Óskar Jósefsson, forstjóri
Símans, nær átta tíma svefni þá kalla
ég hann góðan.“
Trúnaðarmál nema
opinberir aðilar eigi í hlut
Reynir segir það rangt sem sagt
var í frétt Morgunblaðinu í gær að
PwC gæfi almennt upp upphæðir í
sambandi við tímabundna ráðningu
stjórnenda. Þvert á móti sé aðalregl-
an sú að PwC gefi slíkt alls ekki upp.
Allir samningar sem PwC geri og öll
þau verkefni sem það vinni fyrir fyr-
irtæki séu trúnaðarmál nema þegar
unnið sé fyrir opinbera aðila en þá
falli þetta undir reglur um upplýs-
ingaskyldu. Þá hafi hann gegnt stöðu
framkvæmdastjóra stjórnunarsviðs
Landspítalans tímabundið en ekki
stöðu forstjóra.
„Hvað snertir störf Óskars fyrir
Símann, komu þarna upp sérstakar
aðstæður og verið er að leysa hluti til
skamms tíma. Það var ákveðin þekk-
ing til staðar hjá okkar manni sem
menn eru að nýta sér til þess að þurfa
ekki að fá inn nýjan aðila sem hefði
þurft að setja sig inn í alla hluti á við-
kvæmu stigi söluferlisins. Óskar var
kominn vel inn í rekstur Símans og
það hefur nýst honum alveg frá byrj-
un.“
Þarf að reikna ofan í kjölinn
Spurður um heildarupphæðina, 2,5
milljónir á mánuði, segir Reynir að
PwC fái greiddar tvær milljónir á
mánuði fyrir að lána Óskar til Símans
en síðan bætist virðisaukaskattur of-
an á sem PwC verði síðan að standa
skil á. Hann vísar til þess að þá eigi
eftir að standa skil á öllum launa-
tengdum gjöldum og kostnaði vegna
bifreiðar o.s.fr.v. og upphæðin geti
því vart talist óeðlilega há.
Samkvæmt upplýsingum frá ASÍ
er ekki óeðlilegt að reikna á bilinu 35
og upp í 40% ofan á laun til þess að fá
út verktakagreiðslu. Orlof sé 10 til
11%, 6% fari í lífeyrissjóð auk 2% við-
bótarframlags, 2–3% vegna sjúkra-
trygginga, 6% í tryggingargjald og þá
eigi eftir að taka tillit til rauðra daga
sem séu ellefu á ári og kaffitíma. Sé
miðað við hærri mörkin eða 40% er
bein launagreiðsla Símans vegna
Óskars um 1.430 þúsund á mánuði en
þá á eftir að draga frá kostnað vegna
bifreiðar sem PwC leggur til auk ann-
ars búnaðar.
Heildargreiðslan
ekki óeðlilega há
Almenna reglan
er að samið sé um
eina heildar-
greiðslu þegar
stjórnendur eru
„leigðir út“
NÝTT húsnæði heilsugæslunnar í
Grafarvogi var tekið í notkun í gær
í Spönginni. Húsið er sérhannað
fyrir heilsugæslu, samtals 1500 fer-
metra að stærð. Húsnæðið er leigu-
húsnæði og er leigt til langs tíma af
Þyrpingu hf. Heilsugsæslustöð var
fyrst opnuð í Grafarvogi árið 1992 í
300 fermetra bráðabirgðahúsnæði.
Þá bjuggu um 6 þúsund manns á
svæðinu en nú eru íbúar Graf-
arvogs um 18 þúsund.
Í ávarpi sínu sagði Jón Krist-
jánsson, heilbrigðisráðherra, að
Grafarvogsbúar hefðu um langt
árabil búið við þröngan kost varð-
andi heilsugæsluna, en nú hefði ver-
ið bætt úr því með myndarlegum
hætti. Opnun heilsugæslustöðv-
arinnar væri staðfesting á þeirri
stefnu heilbrigðisyfirvalda að
byggja upp grunnþjónustu í heilsu-
gæslu sem allir hefðu aðgang að
gegn vægu verði. „Að mínu áliti er
uppbygging heilsugæslunnar skyn-
samleg, rökrétt og besti kosturinn
fyrir þá sem nýta sér hana. Þetta
segi ég af því að ég þekki heilsu-
gæsluna af eigin raun, af því að fjöl-
margar rannsóknir vísindamanna
leiða þetta ljós og því reynsla
manna víða um lönd kennir okkur
að öflug grunnþjónusta tryggir
best almennt heilsufar,“ sagði Jón.
Næsta heilsugæslustöð á höf-
uðborgarsvæðinu verður opnuð í
Salahverfi og vonast Jón eftir því
að það verði á þessu ári. Næstu
skref eru að opna heilsugæslu-
stöðvar í Hafnarfirði og í Heima- og
Vogahverfi í Reykjavík og sagði
Jón aðspurður, að stefnt yrði að því
að opna þar eins fljótt og auðið
væri. Slíkt væri þó ávallt háð fjár-
veitingum. Hann lauk máli sínu með
því að skjóta að stöku til Atla Árna-
sonar, yfirlæknis heilsugæslustöðv-
arinnar, sem hann sagði að „þekkt-
ust að austan“ en Atli er mikill
veiðimaður. Hljómaði stakan svo:
„Hér er stofnun stór og merk/
stendur hér Atli glaður/ lipur er við
læknisverk/ og lipur veiðimaður.“
Eins og heilbrigðisráðherra ósk-
aði Ingibjörg Sólrún Gísladóttir,
borgarstjóri, Grafarvogsbúum til
hamingju með hina nýju heilsu-
gæslustöð. Hún gerði þó að umtals-
efni vöntun á slíkri stöð í Voga-,
Heima- og Sundahverfi. Þar byggju
um 9 þúsund manns og væri stór
hluti þeirra eldra fólk. Hartnær 50
árum eftir að hverfið byggðist og
19 árum eftir að lög um heilsugæslu
tóku gildi væri ekki enn risin
heilsugæslustöð fyrir þessi hverfi.
Auk þess fluttu ávarp Atli Árna-
son og Guðmundur Magnússon, for-
stjóri heilsugæslunnar í Reykjavík,
og sr. Vigfús Þór Árnason flutti
blessunarorð.
Ný heilsugæslustöð í Spönginni opnuð formlega
Morgunblaðið/Árni Sæberg
Húsnæði heilsugæslunnar í Grafarvogi var tekið formlega í notkun í gær.
„Stofnun
stór og
merk“
Morgunblaðið/Árni Sæberg
Jón Kristjánsson heilbrigðisráðherra klippir fagmannlega á borða og opnar heilsugæslustöðina í Spönginni
formlega. Við hlið hans standa Sigríður Brynja Sigurðardóttir hjúkrunaforstjóri og Atli Árnason yfirlæknir.
SJÁLFSBÖRG, landssamband fatl-
aðra, lýsir yfir miklum áhyggjum
vegna deilu þeirrar sem nú stendur
yfir milli sjálfstætt starfandi
sjúkraþjálfara og Tryggingastofn-
unar ríkisins vegna fyrirhugaðrar
hækkunar á töxtum sjúkraþjálfara
og kostnaðarþátttöku TR við
sjúkraþjálfun. Þetta kemur fram í
frétt sem Sjálfsbjörg sendi frá sér í
gær.
Ef ekki næst samkomulag verður
enginn samningur í gildi milli þess-
ara aðila um endurgreiðslu TR fyr-
ir sjúkraþjálfun frá 1. mars nk.
Í fréttinni segir ennfremur að
Sjálfsbjörg óttist að hreyfihamlað
fólk þurfi að hafa mikið fyrir þeim
endurgreiðslum sem Trygginga-
stofnun hefur þó lofað öryrkjum
eftir 1. mars, þar sem hreyfanleiki
þess er lítill og miklum erfiðleikum
háður. Ennfremur gætu tekjulágir
einstaklingar í mörgum tilfellum
ekki lagt út fyrir þjálfun sinni, þó
svo endurgreiðsla fengist síðar hjá
Tryggingastofnun ríkisins.
Sjálfsbjörg hefur ritað Félagi
sjálfstætt starfandi sjúkraþjálfara
og Tryggingastofnun ríkisins bréf,
þar sem þeirri áskorun er beint til
beggja deiluaðila að þeir sýni þá
ábyrgð og skynsemi að koma sér
saman um úrlausn þessara mála
svo það ástand komi ekki upp að
efnalítið og tekjulágt fólk þurfi að
vera án þeirrar sjúkraþjálfunar
sem það hefur þörf fyrir.
Áhyggjur Sjálfs-
bjargar vegna
sjúkraþjálfunar
KJÖRIN var ný stjórn og trún-
aðarráð á aðalfundi Félags ís-
lenskra atvinnuflugmanna sl.
fimmtudag.
Jóhann Þ. Jóhannsson hjá Flug-
leiðum var kjörinn formaður félags-
ins en Franz Ploder, sem verið hef-
ur formaður FÍA sl. 3 ár, tilkynnti
fyrir nokkru að hann gæfi ekki kost
á sér til áframhaldandi formennsku.
Þá var August Håkansson hjá
Flugleiðum kjörinn varaformaður í
stað Jóns Magnússonar, sem gaf
ekki kost á sér áfram.
Ný stjórn
kjörin hjá
FÍA
TUNDURDUFL frá seinni heims-
styrjöld kom í veiðarfæri togarans
Kleifabergs frá Ólafsvík, þegar
skipið var að veiðum út af Breiða-
firði í vikunni. Skipið hélt til hafnar
í Ólafsvík og lagðist að bryggju
þegar sprengjusérfræðingar Land-
helgisgæslunnar töldu það óhætt.
Tundurduflið var að því loknu
tekið á land og flutt á afvikinn stað
þar sem það var sprengt. Sprengi-
hleðslan innihélt 140 kg af steyptu
TNT og var hleðslan fyllilega virk.
Samkvæmt upplýsingum Landhelg-
isgæslunnar var um að ræða
óhemju öflugt sprengiefni sem
hefði tætt afturendann af skipinu
hefði það sprungið.
Sprengjudeildin hefur sinnt 12
verkefnum það sem af er ári. Í fyrra
sinnti sprengjudeildin 100 verk-
efnum vegna sprengiefna og blysa.
Ljósmynd/Landhelgisgæslan
Tundurdufl
í vörpuna
♦ ♦ ♦
SVAVAR Gestsson sendiherra af-
henti, 21. febrúar sl. Vojislav Kost-
unica, forseta Sambandslýðveldisins
Júgóslavíu, trúnaðarbréf sitt sem
sendiherra Íslands, með aðsetur í
Stokkhólmi.
Þá afhenti Svavar Gestsson for-
seta Búlgaríu, Georgi Pavanov, trún-
aðarbréf sitt sem sendiherra í Búlg-
aríu í gær.
Afhenti trún-
aðarbréf