Morgunblaðið - 23.02.2002, Blaðsíða 27

LISTIR
MORGUNBLAÐIÐ LAUGARDAGUR 23. FEBRÚAR 2002 27
STÓRSÖNGVARARNIR Gunnar
Guðbjörnsson og Kristinn Sig-
mundsson, ásamt Jónasi Ingimund-
arsyni, héldu tónleika í Salnum s.l.
fimmtudagskvöld. Á
efnisskránni voru dú-
ettar og aríur úr fimm
óperum og fyrst á efn-
isskránni voru þrjú at-
riði úr Töfraflautunni,
eftir Mozart, Wie
stark ist nicht dein
Zauberton, aría Tam-
ino út lokaatriði 1.
þáttar, sem Gunnar
söng af glæsibrag og
þar eftir söng Kristinn
einhverja frægustu ar-
íuna úr óperusafni
Mozarts, In diesen
heil’gen Hallen, úr 2.
þætti og gerði það
mjög fallega og með
innilegri túlkun og
kórónaði söng sinn
með því að „fara nið-
ur“ á lokatóninum,
nokkuð sem margir
bassar veigra sér við
að gera. Mozart-þætt-
inum lauk með sam-
söng þeirra félaga í
samsöngsatriðinu á
milli Sprecher og
Tamino. Donizetti var
annað viðfangsefnið og
það voru nokkur atriði
úr Ástardrykknum,
fyrst Una furtiva la-
grima, sem Gunnar
söng að miklum ynd-
isleika og þar eftir
kom Kristinn og söng
aríu Belcore, Come Paride vezzoso,
þar sem hann raupar af kvenhylli
sinni, er var leikrænt skemmtilega
mótuð hjá Kristni. Samsöngur Ne-
morino og lyfjabruggarans Dulcam-
ara var kostulega framfærður af
þeim félögum, þó ívið með meiri til-
þrifum hjá Kristni en Gunnari.
Úr Seldu brúðurinni eftir Smet-
ana var sungið eitt atriði en það var
samsöngur Jeniks og hjúskapar-
miðlarans Kezal og aftur voru leik-
ur og túlkun Kristins sérlega frjáls-
leg og sannfærandi. Líklega er
þetta atriði betur sett í umgerð leik-
verksins en sem konsertnúmer, því
það er svo margt í þessum dúett,
sem beinlínis þarf að tengja hinni
leikrænu framvindu verksins. Sama
má segja um samsöng Fausts og
Mefistófelesar úr
Faust eftir Gounod þar
sem þeir gera með sér
samkomulag um að
Faust endurheimti
æsku sína. Þetta atriði
er töluvert áhrifamikið
í sínu rétta umhverfi.
Cavatínan Salut! De-
meure shaste et pure
úr 3. þættinum var sér-
lega fallega sungin og
sömuleiðis var seren-
aða Mefistófelesar
mjög fallega sungin og
hláturinn sem táknar
hræsni sendiboðans
var, eins og vera ber,
sérlega kvikindislegur.
Lokaviðfangsefnið
var hinn fagri dúett
perlukafaranna, Au
fond du temple saint
eftir Bizet og þar var
söngur þeirra félaga
glæsilegur. Það þarf
ekki að tíunda neitt
sérstakt um þessa tón-
leika, því í heild, bæði
söngur Gunnars og
Kristins og píanóleikur
Jónasar, voru þeir í
einu orði sagt frábær-
ir. Þó það sé ekki
venja að fjalla um
aukalög, voru sungin
tvö lög eftir Jónas sem
eru fallega samin, ein-
föld að formi og tón-
skipan, er féllu mjög vel að text-
unum, sem voru eftir Stefán Hörð
Grímsson og sem best gat að heyra,
mun síðari textinn vera eftir Jón úr
Vör.
TÓNLIST
Salurinn
Gunnar Guðbjörnsson, Kristinn Sig-
mundsson og Jónas Ingimundarson fluttu
aríur og samsöngstriði úr óperum eftir
Mozart, Donizetti, Smetana, Gounod og
Bizet. Fimmtudagurinn 21. febrúar 2002.
SAMSÖNGUR
Stórsöngvarar
Gunnar
Guðbjörnsson
Kristinn
Sigmundsson
Jón Ásgeirsson
Ráðhús Reykjavíkur Þórey Ey-
þórsdóttir opnar sína 12. einkasýn-
ingu kl. 16 og nefnist hún Frá
þræði til heildar. Sýninguna bygg-
ir hún einkum á vefnaðar- og text-
ílverkum sem hún hefur unnið að á
undanförnum árum. Þórey er
menntaður vefnaðarkennari en
einnig talmeinafræðingur og hefur
lokið embættisprófinu cand. paed.
spec. Þá hefur hún sótt myndlist-
arnámskeið í Noregi, Danmörku
og Bandaríkjunum. Við opnunina
syngur Ólöf Sigríður Valsdóttir
nokkur lög við undirleik Zsuzs-
anna Budai.
Þórey sýnir einnig olíu- og vatns-
litamyndir í Veitingahúsinu Horn-
inu við Hafnarstræti og standa
sýningarnar báðar til 10. mars.
Lágafellsskóli, Mosfellsbæ Ála-
fosskórinn og Skólahljómsveit
Mosfellsbæjar halda tónleika kl.
16. M.a. verða flutt lög úr söng-
leikjum og kvikmyndum.
Tónleikarnir hefjast með leik
Skólahljómsveitarinnar, en síðan
syngur Álafosskórinn nokkur lög
við ljóð eftir Halldór Laxness, og
eru tvö þeirra frumflutt af þessu
tilefni. Tónleikunum lýkur með
sameiginlegum flutningi kórs og
hljómsveitar á blönduðu efni, allt
frá þekktum söngleikjalögum til
afrískra uppskerusöngva.
Skólahljómsveitinni stjórnar Ragn-
ar Árni Sigurðsson. Stjórnandi
Álafosskórsins er Helgi R. Ein-
arsson.
Selfosskirkja Tónleikar Árnes-
ingakórsins í Reykjavík, Samkórs
Selfoss og Vörðukórsins verða kl.
16.
Í DAG
 Sjá einnig Staður og stund á mbl.is
Sýningarlok
og leiðsögn
Listasafn Reykjavíkur –
Kjarvalsstaðir
Fyrsta hluta 30 ára afmælissýn-
ingar Myndhöggvarafélgasins í
Reykjavík lýkur á sunnudag. Þar
sýna verk sín þau Níels Hafstein
og Sólveig Aðalsteinsdóttir. Mið-
vikudaginn 28. febrúar hefst annar
hluti sýningarinnar þar sem Hall-
steinn Sigurðsson og Þór Vigfús-
son sýna verk sín til 1. apríl.
Á sunnudeginum verður hefð-
bundin leiðsögn auk táknmálsleið-
sagnar um sýningar Myndhöggv-
arafélagsins og Hannesar
Lárussonar, Hús í hús kl. 15.
♦ ♦ ♦
Námskeið um
hjónin í Saurbæ
LEIKMANNASKÓLI kirkjunnar
gengst fyrir fjögurra kvölda nám-
skeiði um hjónin í Saurbæ, Guðríði
Símonardóttur og passíusálma-
skáldið Hallgrím Pétursson og
hefst kennsla nk. þriðjudagskvöld
kl. 18 í aðalbyggingu Háskóla Ís-
lands. Kennari er Steinunn Jóhann-
esdóttir rithöfundur. Hún fjallar
m.a. um heimildaleit sína og að-
föngu Reisubókar, sem út kom nú
fyrir jólin, en hún ferðaðist m.a. á
allar söguslóðir Tyrkjaránsins í
Norður Afríku, Evrópu og á Ís-
landi. Einnig mun Steinunn fjalla
um sambúð Guðríðar og Hallgríms
sem stóð í 38 ár og ævilok þeirra
beggja.