Morgunblaðið - 23.02.2002, Blaðsíða 50

KIRKJUSTARF
50 LAUGARDAGUR 23. FEBRÚAR 2002 MORGUNBLAÐIÐ
FYRIR mér eru unglingar frábært
fólk. Þó verð ég að viðurkenna að
stundum skil ég þá ekki. Þó held ég
að því sé oftar þannig farið að þeir
skilji mig ekki. Það gerist þegar ég
hef ekki gefið mér tíma til þess að
hlusta á áhyggjur þeirra og vanga-
veltur heldur sett mig í stellingar
þess sem þykist vita allt betur.
Ég hef trú á unglingum og er
sannfærður um að þeir eru upp til
hópa frábært fólk. Þessi trú hefur
oft hjálpað mér í starfi mínu með
unglingum hérlendis og erlendis.
Án hennar hefði ég jafnvel gefið þá
upp á bátinn. Farið auðveldu leiðina
og skilgreint skilningarleysið okkar
á milli sem viljaleysi þeirra til þess
að eiga samskipti við mig og þá
stofnun sem ég starfa fyrir, kirkj-
una.
Til þess að nálgast þarfir ung-
linga enn frekar og stuðla að fag-
legri umræðu um kristilegt starf
fyrir 14 til 20 ára fólk stendur kirkj-
an fyrir ráðstefnu undir yfirskrift-
inni: „Er æskulýðsstarf tíma-
skekkja“. Ráðstefnan sem haldin
verður mánudaginn 25. febrúar í
Grensáskirkju er opin öllu áhuga-
fólki um kristilegt æskulýðsstarf.
Hugmyndin á bak við ráðstefnuna
byggir á því að það sé grundvall-
aratriði fyrir æskulýðsstarf innan
kirkjunnar að kirkjan sé opin fyrir
samfélagslegum breytingum og hafi
blátt áfram löngun til þess að sækja
á ný mið. Þessu fylgir sú áskorun að
byggja fræðslu kirkjunnar þannig
upp að hún gefi ekki til kynna að til-
verugrundvöllur hennar séu stein-
runnar fyrirmyndir, heldur lifandi
kærleikur Krists.
Mikilvægur þáttur þessarar
fræðslu er hreinskilni í samskiptum
fólks. Og þar á ég við gagnkvæma
hreinskilni þar sem báðir aðilar
geta talað opinskátt og átt sam-
skipti án þess að nota orð sem særa
hinn aðilann. Þannig getur æsku-
lýðsstarf í kirkju byggt upp sterka
sjálfsmynd hjá unglingum sem
þangað sækja. Þar sem staðið er
faglega að æskulýðsstarfi og hrein-
skilnar umræður og opinská sam-
skipti í unglingavænu umhverfi við-
höfð, uppgötvar unglingurinn ekki
aðeins sterkar hliðar sínar. Miklu
fremur lærir hann að taka á veikum
hliðum sínum, lærir að komast upp
úr gryfjum sem fylgdu tapleikjum á
lífsleiðinni. Það er trúin sem hjálpar
okkur upp úr þessum gryfjum, það
er sú fullvissa að Guð hafi skapað
okkur sem frábært fólk.
Sífellt fleiri söfnuðir hafa á síð-
ustu árum byggt upp kröftugt og
lifandi æskulýðsstarf. Til þess að
halda utan um starfið hefur kirkjan
fengið til liðs við sig vel menntaða
einstaklinga sem hafa það að mark-
miði að gera gott starf betra. Sam-
hliða þessari uppbyggingu er unnið
að stefnumótun og námskrárgerð á
fræðslusviði Biskupsstofu. Þessi
vinna mun skila sér í enn faglegra
og metnaðarfyllra æskulýðsstarfi.
Að minnsta kosti á meðan við höld-
um okkur við sömu vinnureglu og í
æskulýðsstarfinu sjálfu. Fylgjumst
vel með því hverjar helstu sam-
félagsbreytingarnar eru og tölum í
hreinskilni um það hvort og hvernig
við erum að ná settum markmiðum í
æskulýðsstarfinu.
Aðeins þannig getum við tryggt
að starfið sem við auglýsum sé það
starf sem unglingurinn upplifir.
Pétur Björgvin Þorsteinsson,
fræðslufulltrúi Háteigskirkju.
Fjölbreytt dagskrá
í Hallgrímskirkju
FJÖLBREYTT dagskrá verður í
Hallgrímskirkju sunnudaginn 24.
febrúar. Dagurinn hefst með
fræðslumorgni kl. 10, en þar mun
Stefán Jóhannsson MA fjöl-
skylduráðgjafi fjalla um efnið: Að
gera gott hjónaband betra.
Messa og barnastarf hefst kl. 11.
Sr. Sigurður Pálsson prédikar og
þjónar fyrir altari ásamt sr. Jóni
Dalbú Hróbjartssyni. Hópur úr Mót-
ettukór Hallgrímskirkju syngur og
Hörður Áskelsson stjórnar kórnum
og leikur á orgel kirkjunnar. Ein-
söngvari í messunni verður úr röð-
um nemenda Söngskólans í Reykja-
vík, Hafsteinn Þórólfsson, en
nemendur Söngskólans verða þenn-
an dag að syngja víða í kirkjum
borgarinnar. Magnea Sverrisdóttir
leiðir barnastarfið.
Strax að lokinni messu verður
opnuð ný sýning í forkirkjunni á
verkum Sigtryggs Bjarna Baldvins-
sonar. Þá verður boðið upp á kynn-
ingu í kórkjallara á starfi Íslenska
kristniboðsins í Kenýa og Eþíópíu.
Kristín Bjarnadóttir, sem starfað
hefur um árabil sem kennari í Nai-
robi, flytur erindi og stýrir samtali.
Boðið verður upp á samlokur og
kaffi við upphaf kynningarinnar, en
veitingar annast fólk úr Áhugahópi
Hallgrímskirkju um kristniboð og
hjálparstarf.
Ensk messa verður kl. 14, en
messur á ensku verða einu sinni í
mánuði, síðasta sunnudag hvers
mánaðar.
Um kvöldið kl. 20 verða tónleikar
við kertaljós á vegum Listvinafélags
Hallgrímskirkju. Kammerkórinn
Schola Cantorum syngur dagskrá
sem kallast: Kem ég nú þínum
krossi að. Einsöngvarar koma úr
röðum kórfélaga en stjórnandi
kórsins er Hörður Áskelsson. Efnis-
skráin er byggð kring um Sjö orð
Krists á krossinum, kórútseningar á
gömlum íslenskum lögum við Pass-
íusálmana eftir Jón Hlöðver Áskels-
son. Norræn söngverk og fjórar
föstumótettur brúa bilið milli versa
Hallgríms Péturssonar.
Eftir tónleikana verður boðið til
kynningar í safnaðarsal á Ítalíuferð,
sem Ingólfur Guðbrandsson ferða-
frömuður hefur skipulagt í tilefni af
20 ára afmæli Listvinafélags Hall-
grímskrikju. Farið verður á milli
þekktra borga lista og menningar.
Ingólfur verður fararstjóri og mun
sjálfur kynna ferðina þetta kvöld.
Ensk messa í
Hallgrímskirkju
SUNNUDAGINN 24. febrúar nk. kl.
14 verður haldin ensk messa í Hall-
grímskirkju. Prestur verður sr.
Bjarni Þór Bjarnason og organisti
Hörður Áskelsson. Guðrún Finn-
bjarnardóttir mun leiða almennan
safnaðarsöng. Alexandra Jóhann-
esdóttir syngur einsöng. Léttar
veitingar að messu lokinni.
Service in English
SERVICE in English at The Church
of Hallgrímur (Hallgrímskirkja).
Sunday February 24th at 2 pm.
Holy Communion. The second
Sunday of Lent. Celebrant and
Preacher: The Revd Bjarni Thor
Bjarnson. Organist: Hörður Áskels-
son.
Konudagurinn í
Seltjarnarneskirkju
Í TILEFNI konudagsins 24. febrúar
nk. mun kvenfélagið Seltjörn, Sel-
tjarnarnesi, taka þátt í fjölskyldu-
guðsþjónustu í Seltjarnarneskirkju.
Siv Friðleifsdóttir, umhverf-
isráðherra, mun predika. Senoritur
úr Kvennakór Reykjavíkur munu
syngja ásamt kórstjóra sínum, Sig-
rúnu Þorgeirsdóttur. Barnakór Sel-
tjarnarness kemur einnig fram og
syngur nokkur lög fyrir gesti.
Kirkjukór Seltjarnarneskirkju, org-
anleikari Viera Manasek. Prestur,
séra Sigurður Grétar Helgason og
starfsfólk barnastarfsins leiða guðs-
þjónustuna. Sólveig Samúelsdóttir
frá Söngskólanum syngur einsöng.
Eftir stundina mun kvenfélagið
bjóða upp á léttar veitingar í safn-
aðarheimili kirkjunnar.
Verið velkomin til hátíðlegrar
stundar í Seltjarnarneskirkju.
Konur í Landakirkju
KONUDAGURINN er á sunnudag
og er öllum konum sérstaklega boð-
ið að koma í konudagsmessu í
Landakirkju. Nýkrýndir bik-
armeistarar kvenna í handbolta
verða sérstakir heiðursgestir. Sókn-
arpresturinn vill koma þeirri hug-
mynd á framfæri að karlarnir komi
með börnin í barnaguðsþjónustuna
um morguninn og leyfi konunum að
sofa út í makindum, en þær fjöl-
menni síðan í messuna kl. tvö. Boðið
er upp á kaffisopa eftir messuna.
Sr. Kristján Björnsson.
Þjóðlagamessa í
Víðistaðakirkju
VIÐ guðsþjónustu nk. sunnudag
þann 24. febrúar kl. 14 verða flutt
þjóðlög og gömul kirkjutónlist í
Víðistaðakirkju. Þjóðlagahópurinn
Embla mun sjá um allan tónlist-
arflutning, en Emblu skipa þau Sig-
urður Rúnar Jónsson (Diddi fiðla),
Kristján Kristjánsson (KK), Kristín
Á. Ólafsdóttir og Bára Grímsdóttir.
Þegar litið er til arfs þjóðlaga-
tónlistarinnar, kemur glöggt í ljós
að hún hefur í gegnum aldirnar lif-
að góðu lífi innan kirkjunnar og í
trúariðkun þjóðarinnar. Vinsældir
þjóðlagatónlistar hafa farið vaxandi
á síðustu árum, og nú gefst kjörið
tækifæri til þess að njóta slíkrar
tónlistar í Víðistaðakirkju í frábær-
um flutningi Emblu.
Konudags-
guðsþjónusta
í Hafnarfjarðarkirkju
Á MORGUN, sunnudag, er konu-
dagur og þar með fyrsti dagur Góu
samkvæmt fornu tímatali. Í tilefni
dagsins verður haldin sérstök konu-
dagsguðsþjónusta í Hafnarfjarð-
arkirkju. Hefst hún kl. 11. Fjallað
verður um stöðu kvenna innan
kirkju og samfélags í predikun
dagsins og textar lesnir sem sér-
staklega tengjast konum. Eftir
guðsþjónustuna verða öllum konum
á meðal kirkjugesta gefnar rauðar
rósir um leið og gengið er til safn-
aðarheimilis. Natalía Chow stýrir
kirkjukórnum að venju en prestur
er sr. Þórhallur Heimisson. Tónlist-
arguðsþjónusta fer síðan fram kl.
17.
Hafnarfjarðarkirkja
þjóðkirkja í þína þágu.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa, heldur
lifandi steinar, manneskjur af holdi
og blóði. Þess vegna er hægt að fara
út úr kirkjubyggingum með helgi-
hald og fagnaðarerindið og mæta
fólki í dagsins önn. Í tilefni af því
bjóðum við til messu í Kolaportinu
sunnudaginn 24 febrúar kl. 14.
Jakob Ágúst Hjálmarsson dóm-
kirkjuprestur predikar og þjónar
ásamt sr. Irmu Sjöfn Óskarsdóttur
verkefnastjóra á biskupsstofu og sr.
Kjartans Jónssonar framkvæmda-
stjóra KFUM&K.
Þorvaldur Halldórsson leiðir lof-
gjörðina. Áður en Kolaportsmessan
hefst kl. 13.40 mun Þorvaldur Hall-
dórsson flytja þekktar dæg-
urperlur. Þá er hægt að leggja inn
fyrirbænarefni til þeirra sem þjóna í
messunni.
Í lok stundarinnar verður fyr-
irbæn og blessun með olíu. Messan
fer fram í kaffistofunni hennar Jónu
í Kolaportinu sem ber heitið Kaffi
port, þar er hægt að kaupa sér kaffi
og dýrindis meðlæti og eiga gott
samfélag við Guð og menn.
Það eru allir velkomnir.
Miðborgarstarf KFUM.
Konudagur með kór-
söng og vöfflum í
Langholtskirkju
AMERÍSKI ungmennakórinn „The
New Canaan High School Madrigal
Ensemble“ syngur við messu í
Langholtskirkju á sunnudag kl. 11.
Kórinn hefur verið hér á landi í
viku og lýkur dvöl sinni með tón-
leikum í kirkjunni kl. 17. Í tilefni af
konudegi, skv. gömlu tímatali,
munu konur lesa ritningarlestra og
bænir við messuna en karlar munu
undirbúa kaffisopann sem verður
eftir messuna með því að baka vöffl-
ur og bjóða konum sérstaklega að
þiggja kræsingarnar.
Karlmenn mega reyndar einnig
njóta veitinganna á eftir. Prestur
Jón Helgi Þórarinsson. Djákni Svala
Sigríður Thomsen. Organisti Jón
Stefánsson.
Barnastarfið hefst í kirkjunni en
síðan fara börnin með Gunnari og
Ágústu í safnaðarheimilið og hafa
þauþar sérstaka stund fyrir börnin.
80 manna kór
í Þorgeirskirkju
SÉRSTÖK guðsþjónusta verður
haldin nk. sunnudag 24. febrúar í
Þorgeirskirkju að Ljósavatni. Þá
sameinast klerkar og kórar úr fjór-
um prestaköllum í Þingeyj-
arprófastsdæmi við guðsþjón-
ustuhald, þar sem sr. Þorgrímur
Daníelsson, prestur á Grenj-
aðarstað, prédikar en sr. Arnaldur
Bárðarson á Hálsi, sr. Örnólfur J.
Ólafsson á Skútustöðum og prófast-
urinn sr. Pétur Þórarinsson þjóna
fyrir altari.
Kirkjukórar prestakallanna
syngja og sameinast þarna um 80
kórfélagar í voldugum og vönd-
uðum söng undir stjórn söngstjór-
anna Valmars Valjaots, Dagnýjar
Pétursdóttur, Juliet Faulkner,
Bjargar Sigurbjörnsdóttur og Petru
Bjarkar Pálsdóttur. Þá mun Dagný
Pétursdóttir syngja einsöng.
Guðsþjónustan í Þorgeirskirkju
hefst kl. 14 og eru allir velkomnir.
Skagstrendingar
í Hjallakirkju
SUNNUDAGINN 24. febrúar verð-
ur glatt á hjalla í Hjallakirkju. Í
guðsþjónustu kl. 11 koma Skag-
strendingar í heimsókn. Sókn-
arpresturinn á Skagaströnd, sr.
Magnús Magnússon, prédikar og
kirkjukór Hólaneskirkju á Skaga-
strönd syngjur og leiðir safn-
aðarsöng. Með þessu vilja Skag-
strendingar svara heimsókn
Hjallakirkjufólks frá því á síðasta
vori, en þá tóku kór Hjallakirkju og
prestar hennar þátt í guðsþjónustu
á Skagaströnd. Að guðsþjónustu
lokinni verður boðið upp á veitingar
í safnaðarsal kirkjunnar. Allir eru
hjartanlega velkomnir.
Æskulýðsmessa í sam-
vinnu við Götusmiðj-
una og Foreldrahúsið
NK. SUNNUDAG er æskulýðs-
samvera í Fríkirkjunni klukkan 11.
Það er orðinn siður að við köllum
æsku safnaðarins og fjölskyldur
þeirra til samveru í kirkjuna við lok
fermingarundirbúningsins. Að
þessu sinni er yfirskrift dagsins „Til
hvers er þetta allt saman?“ Með
okkur í undirbúningi á þessari sam-
veru eru Götusmiðjan og Foreldra-
húsið. Jón Guðbergsson flytur
ávarp og fermingarbörn flytja
helgileik. Gospelkór Fríkirkjunnar
syngur undir stjórn Önnu Sigríðar
Helgadóttur og Carls Möller.
Fjölskyldur eru hvattar til þess að
koma saman til kirkju og taka þátt í
æskulýðssamverunni. Í erli þjóðlífs-
ins eru samverustundir fjölskyld-
unnar á hröðu undanhaldi. Þetta
mun ekki breytast nema við spyrn-
um við fótum og tökum frá tíma til
þess að sinna hvert öðru. Margir
þekkja þá tilfinningu að ætla síðar
að vera með börnum sínum en áður
en við er litið eru þau flogin úr
hreiðrinu og foreldrar og börn hafa
þá farið á mis við þá ánægju og
þroska, sem slíkar samverur gefa.
Á þessum degi vill Fríkirkjan
skerpa nauðsyn þess að vera saman
og eiga samleið. Það er því von okk-
ar að fjölskyldur komi saman til
kirkju og skerpi þannig einlægni og
samtal sitt við Guð í kirkju hans.
Með kærleikann og vináttuna að
leiðarljósi göngum við síðan út í líf-
ið, minnug þess hve nauðsynlegt
það er að tala saman, vera saman og
eiga samleið.
Sjáumst hress á sunnudaginn.
Safnaðarstarf Fríkirkjunnar
í Reykjavík.
Kristniboðsdagar á
Akranesi
AKRANESKIRKJA í samstarfi við
Kristniboðssambandið og KFUM og
K á Akranesi stendur að svo-
nefndum kristniboðsdögum dagana
24. til 28. febrúar nk. Guðsþjónusta
á morgun, sunnudag, verður helguð
kristniboðinu. Ragnar Gunnarsson
kristniboði prédikar. Nk. þriðju-
dags- og miðvikudagskvöld verða
síðan kristniboðssamkomur í Akra-
neskirkju og hefjast þær kl. 20.
Ragnar Gunnarsson og Kristín
Bjarnadóttir kynna kristniboðs-
starfið og flytja hugleiðingu.
Kanga-kvartettinn syngur síðara
kvöldið. Á fimmtudagskvöld verður
svo samkoma í húsnæði KFUM og K
við Garðabraut og hefst hún kl. 20.
Jónas Þórisson, framkvstj. Hjálp-
arstarfs kirkjunnar, segir frá
kristniboðinu og flytur hugleiðingu.
Akurnesingar eru hvattir til þess
að sækja þessar samkomur. Allir
velkomnir.
Sóknarprestur.
Morgunblaðið/Jim SmartSeltjarnarneskirkja.
Æskulýðsstarf
kirkjunnar –
komið til að vera?
Hvammstangakirkja. Barnamessa kl.
11.
Boðunarkirkjan, Hlíðasmára 9, Kópa-
vogi. Samkoma í dag kl. 11–12.30. Lof-
gjörð, barnasaga, prédikun og biblíu-
fræðsla þar sem ákveðið efni er tekið
fyrir, spurt og svarað. Á laugardögum
starfa barna- og unglingadeildir. Létt
hressing eftir samkomuna. Allir hjart-
anlega velkomnir. Biblíufræðsla alla
virka daga kl. 10, 13 og 22 á FM 105,5.
Safnaðarstarf