Morgunblaðið - 23.02.2002, Blaðsíða 40
UMRÆÐAN
40 LAUGARDAGUR 23. FEBRÚAR 2002 MORGUNBLAÐIÐ
Í KÓPAVOGI hefur
verið mikil og hröð
uppbygging íbúða- og
athafnasvæða. Þegar
nýbyggingasvæði eru
skipulögð hvílir sú
skylda á hverju sveit-
arfélagi að tryggja að
frágangur gatna, upp-
bygging leikskóla og
grunnskóla sé í takt
við byggingarhraða
svæðisins. Það á við
um byggingar annarra
mannvirkja eins og
íþróttahúsa, sund-
lauga og bókasafna.
Þá ber yfirvöldum
einnig að tryggja
byggingarlóðir fyrir verslanir og
þjónustu, en ekki síst ríkisstofnana
eins og heilsugæslu.
Bæjaryfirvöld í Kópavogi hafa
kappkostað að tryggja að uppbygg-
ing þessara stofnana sé jafnhröð og
íbúðabyggðarinnar. Á það jafnt við
um fulltrúa í meiri hluta sem minni
hluta í bæjarstjórn Kópavogs.
Minni hlutinn hefur á síðustu árum
verið ötull við að flytja tillögur, fyr-
irspurnir og bókanir í þessum mál-
um og hafa þeir sem ráða tekið vel
við sér eins og vera ber.
Kópavogur er í dag miðstöð
verslunar og þjónustu
og hvers kyns afþrey-
ingar, ekki síst eftir
opnun Smáralindar.
Verslunar- og þjón-
ustusvæði austan
Reykjanesbrautar eru
nær fullbyggð og inn-
an skamms verður
lokið við frágang
skrifstofu- og þjón-
ustuhverfis í Hlíðar-
og Hagasmára en þar
eru nú þegar fjöldi
tölvu- og bókhaldsfyr-
irtækja, auk banka.
Hins vegar er
Hamraborgin miðbær
Kópavogs og verður
um ókomin ár enda er stjórnsýsla
Kópavogsbæjar þar staðsett. Það
er því mikilvægt að hafist verði
handa við áformaða byggingu yfir
gjána sem nú klýfur miðbæinn frá
vesturbænum og leitast þannig við
að tengja þetta fallega svæði enn
betur. Þá ber einnig að leitast við
að veita skjól inn á svæðið fyrir
hinni ríkjandi norðanátt til að
tryggja öruggari gönguleiðir að
miðstöð almenningsvagna.
Skrifstofur sýslumannsins í
Kópavogi og aðsetur lögreglunnar
hefur nú fengið aðsetur í glæsilegu
húsnæði við Dalveg. Aðkoma að
þessu húsi er öll til fyrirmyndar og
ekki síst fyrir aðgengi fatlaðra. Það
var löngu tímabært að jafnmikil-
væg stofnun kæmist úr gamla hús-
næðinu við Auðbrekku. Eflaust
finnst mörgum eldri íbúum bæj-
arins að þessi þjónusta hefði átt að
vera betur staðsett í bæjarlandinu
og í tengslum við gönguleiðir, en
hvað varðar vegalengdir frá stofn-
uninni og út í útjaðra lögregluum-
dæmisins er þessi staðsetning
betri.
Breytingar á skipulagi bæjar-
landsins kalla ávallt á viðbrögð íbú-
anna. Þess vegna er mikilvægt að
bæjaryfirvöld hugi vel að allri
skipulagsvinnu og gefi rúman tíma
til kynningar og umræðu meðal
íbúanna. Sá tími er dýrmætur því
til mikils er að vinna að tryggja
ánægju íbúanna og koma í veg fyr-
ir dýrkeypt mistök sem ef til vill
aldrei verða bætt. Sá tími hefur
ekki verið fyrir hendi í Kópavogi á
síðustu árum. En nú er mál að
linni. Á næstu mánuðum ber að
tryggja að skipulagsvinna á dýr-
mætum og viðkvæmum landsvæð-
um eins og í Vatnsenda verði vönd-
uð og í sátt og samvinnu við íbúa
Kópavogs.
Miðstöð
verslunar og
þjónustu
Birna
Bjarnadóttir
Kópavogur
Kópavogur er í dag,
segir Birna Bjarna-
dóttir, miðstöð versl-
unar og þjónustu og
hvers kyns afþreyingar.
Höfundur er bæjarfulltrúi í Kópa-
vogi og sækist eftir 1.–2. sæti á lista
Samfylkingarinnar.
ÖLL þau mál sem
heyra undir sveitar-
stjórnir eru mikilvæg.
Þau hafa með daglegt
líf fólksins í sveitarfé-
laginu að gera og því
mikilvægt að íbúar fái
að taka þátt í því sem
er gert. Það er nauð-
synlegt að hafa í það
minnsta áhuga á því
sem gert er og að
taka þátt er að mínu
mati ekki síður mik-
ilvægt. Ég hef starfað
með bæjarmálafélagi
Kópavogslistans og
Samfylkingarinnar frá
upphafi þar sem ég
hef fengið innsýn í það hvernig
bæjarstjórnin virkar. Ástæða þess
að ég tek þátt í þessu prófkjöri er
sú að ég vil breyttar áherslur í
Kópavogi, því breytinga er þörf.
Menntun, æskan og aldraðir
Ég er kennari hér í Kópavogi og
mér finnst skilningur og áhugi nú-
verandi meirihluta á skólamálum
hafa verið í minna lagi. Að mínu
mati þarf m.a. að endurskoða hlut-
verk Skólaskrifstofu Kópavogs og
bæta dægradvöl og matarmál nem-
enda. Efla þarf framhaldsskóla- og
sí- og endurmenntun. Fjöldi nýbúa
hefur aukist í Kópavogi og er mik-
ilvægt að Kópavogur taki vel á
móti þeim nýbúum sem kjósa að
setjast hér að, t.d. með mennt-
unarframboði við hæfi. Í öflugu
tómstundastarfi felst mikið for-
varnarstarf og hafa íþróttafélögin í
bænum staðið sig mjög vel hvað
þetta varðar. En ekki hafa allir
áhuga á íþróttum og á vissum aldri
detta margir úr íþróttunum og
hvað er gert til að
koma til móts við
þann hóp? Mjög lítið
tómstundastarf er í
boði hér fyrir ung-
menni 16–20 ára.
Þetta stóra, öfluga
sveitarfélag á að setja
á laggirnar öfluga fé-
lagsmiðstöð fyrir
þennan aldurshóp. Að
sjálfsögðu á að hafa
unga fólkið sjálft með
í ráðum.
Þó að ég sé yngst í
þessu prófkjöri þá hef
ég mikinn áhuga á því
að að vel sé haldið á
öldrunarmálum. Mér
hefur alltaf fundist eldra fólk með
því skemmtilegasta fólki sem ég
hitti. Ég finn á þeim eldri borg-
urum sem ég þekki hvað það er
ómetanlegt að geta búið heima sem
lengst og að hafa eitthvað að gera.
Mikilvægt er að í boði sé þjónusta
og afþreying við hæfi. Öldrunarmál
í Kópavogi þarf að endurskoða, t.d.
fasteignagjöld fyrir eldri borgara.
Að sjálfsögðu þarf að hafa beint
samráð við aldraða sjálfa.
Jafnréttis- og umhverfismál
Að mínu mati á Kópavogur að
vera framarlega á sviði umhverf-
ismála og hafa metnað í að græn
svæði skipi stóran sess. Núverandi
meirihluti hefur ekki staðið sig eins
vel og hægt er í þessum mála-
flokki. Þó að Umhverfisnefnd hafi
gert margt gott á undanförnum ár-
um hafa t.d. skipulagsmál oft sýnst
vera mikilvægari, því græn svæði
fá að fjúka fyrir malbiki og stein-
steypu. Ekki má heldur gleyma
nýjasta slysinu í skipulagsmálum í
Kópavogi, Vatnsenda. Þar vill nú-
verandi meirihluti byggja fimm
þúsund manna byggð alveg ofan í
eitt mesta útivistarsvæði höfuð-
borgarsvæðisins, sem einnig er
náttúruperla, mjög viðkvæm fyrir
öllu raski sem fylgir svona fram-
kvæmdum. Vinnubrögðin gagnvart
íbúum svæðisins hafa einnig verið
með ólíkindum, yfirgangur og til-
litsleysi. Svona vinnubrögð á ekki
að líða í sveitarstjórnarmálum þar
sem samvinna og gagnkvæmur
skilningur á að gilda. Hvað varðar
jafnréttismál er nauðsynlegt að
sveitarstjórnir hafi jafnréttissjón-
armið alltaf að leiðarljósi í starfi
sínu. Það er ekki bara nauðsynlegt,
það er líka í lögum. Þó að í Kópa-
vogi sé starfandi jafnréttisráðgjafi
í hálfu starfi hefur áhersla núver-
andi meirihluta á þessi mál verið
mun minni en í nágrannasveitar-
félögunum og því þarf að breyta
svo Kópavogur verði í takt við tím-
ann.
Skemmtilegt prófkjör
Það er búið að vera mjög gaman
að taka þátt í þessu prófkjöri. Það
er mikill samhljómur í því sem fólk
hefur áhyggjur af hér í Kópavogi
og því sem Samfylkingin vill
breyta. Auðvitað stefnum við á að
eftir kosningarnar í vor verði nýr
meirihluti við völd í Kópavogi með
breyttar áherslur. Ég vil að lokum
hvetja alla til að koma og kjósa í
prófkjörinu í Digranesskóla á laug-
ardaginn og það yrði mér mikill
heiður ef ég fengi brautargengi til
að standa í fremstu röð Samfylk-
ingarfólks næstu 4 árin við að gera
Kópavog fjölskyldvænt, fjölbreytt
og umhverfisvænt samfélag í anda
Samfylkingarinnar.
Breytinga
er þörf í
Kópavogi
Kristín
Pétursdóttir
Höfundur er kennari og þátttakandi
í prófkjöri Samfylkingarinnar í
Kópavogi.
Kópavogur
Ég vil breyttar áherslur
í Kópavogi, segir
Kristín Pétursdóttir,
því breytinga er þörf.
SÍÐASTA kjörtímabil hef ég
starfað með Kópavogslistanum
sem er í framboði í vor sem Sam-
fylkingin í Kópavogi.
Hef ég setið í umhverfisráði og
haft ánægju af því
þrátt fyrir að oft
lendi góðar hug-
myndir á steinvegg
hjá núverandi
meirihluta.
Ég vil hvetja alla
Kópavogsbúa til að
taka þátt í prófkjöri
Samfylkingarinnar
á laugardaginn og sérstaklega vil
ég benda á mann sem að mínu
mati er rétti maðurinn í bæj-
arstjórn fyrir Samfylkinguna.
Valgeir Skagfjörð ber með sér
ferskleika og hugmyndaauðgi sem
er nauðsynleg hverju bæjarfélagi
sem vill leggja áherslur á meira en
byggingarkrana og steinsteypu.
Valgeir hefur mikla reynslu í
starfi með unglingum og þekkir
mjög vel til forvarnarstarfa. Sjálf-
ur á hann fjórar dætur og eru því
fjölskyldu- og skólamál honum
hugleikin. Það er nokkuð ljóst að
þar er ekki vanþörf á góðum hug-
myndum.
Börnin okkar eiga skilið góðan
arf menningar sem og náttúru án
þess að þurfa að skammast sín
fyrir forverana. Veljum Valgeir
Skagfjörð í 3. sæti.
Valgeir Skagfjörð
í 3. sæti
Ýr Gunnlaugsdóttir framkvæmdastjóri
skrifar:
Ýr Gunnlaugs-
dóttir
VONANDI hefur það ekki farið
framhjá neinum að næsta laug-
ardag er prófkjör Samfylking-
arinnar í Kópavogi.
Við í Samfylkingunni í Kópavogi
erum afar stolt af þeim fríða flokki
kvenna og karla sem
er í framboði í þessu
prófkjöri. Valið
stendur á milli 10
glæsilegra fram-
bjóðenda.
Fjölbreytnin í
hópnum er mikil, en
ég vil í þessum
hvatningarorðum
sérstaklega beina athyglinni að hlut
kvenna í prófkjörinu. Samfylkingin
er sá flokkur hér á landi er leggur
hvað ríkasta áherslu á jafnrétti á
öllum sviðum í okkar þjóðfélagi.
Og gott fólk, í þessu prófkjöri
gefa 5 mikilhæfar og sterkar konur
kost á sér í fremstu röð í sveit-
arstjórn í sínu bæjarfélagi. Allar
þessar konur hafa tekið mikinn þátt
í félagsstörfum af ýmsum toga, ver-
ið í sveitarstjórn eða nefndum á
vegum sveitarfélagsins.
Góðir Kópavogsbúar, á laug-
ardaginn þegar gengið er til próf-
kjörs Samfylkingarinnar bið ég
ykkur að kynna ykkur sérstaklega
störf og hæfileika þessa glæsilega
hóps kvenna. Það eru hæg heima-
tök að kíkja inn á heimasíðuna
Samfylkingin.kopavogur.is, þar eru
upplýsingar um alla frambjóðend-
urna að finna.
Konur í Kópavog
Kristín Jónsdóttir, arkitekt og bæj-
arfulltrúi, skrifar:
Kristínn Jóns-
dóttir
REYKJANESBÆR
er sveitarfélag sem á
að geta átt bjarta
framtíð. Stærðin um
11 þúsund íbúar á
heppilegu byggingar-
landi býður uppá
margvíslega mögu-
leika. Ég hef oft bent
á þá kosti sem við höf-
um umfram það sem
boðið er uppá á höf-
uðborgarsvæðinu.
Okkar sveitarfélag
er nógu stórt til að
geta staðið undir allri
þeirri þjónustu við
íbúana sem eðlilegt er
að gera kröfu um. Það
er spennandi verkefni framundan
að bæta þjónustuna, auka sam-
skiptin við íbúana og efla á þann
hátt frumkvæði þeirra í þeim til-
gangi að bæta mannlífið í bænum.
Skipulögð
byggingarhverfi
Til að ná þessum árangri þarf að
hafa til staðar skipulögð hverfi, þar
sem gert er ráð fyrir allri þjónustu,
s.s. leik- og grunnskólum. Með sér-
stöku kynningarátaki á réttum tíma
ætti okkur að takast að laða hingað
til okkar fólk sem kann að meta
það að búa í hæfilegri fjarlægð frá
þéttbýlasta svæði landsins.
Oft hef ég bent á Innri-Njarðvík
í þessu sambandi. Ég hef flutt,
ásamt félögum mínum, tillögur um
gerð heildarskipulags,
en þær tillögur hafa
jafnan verið felldar af
meirihluta sjálfstæðis-
og framsóknarmanna.
Með skipulögðum
vinnubrögðum, þar
sem sóknarfæri eru
nýtt getum við byggt
hér upp enn betra
bæjarfélag. Með aukn-
um tekjum sem af
slíkri uppbyggingu
fæst, verður auðveld-
ara að greiða niður
þær skuldir sem bæj-
arsjóður þarf nú að
glíma við og síðar að
standa undir enn betri
þjónustu við íbúana.
Það gengur ekki að fleiri flytji
frá okkur en til okkar nú þegar
vaxandi fjöldi fytur til flestra ann-
arra sveitarfélaga á suðvesturhorn-
inu. Á síðasta ári fluttu 90 fleiri
einstaklingar úr bænum til annarra
staða innanlands en til okkar frá
þessum sömu stöðum.
Breytinga
er þörf
Ég hef fylgst með stjórnun þessa
bæjar frá stofnun hans, ég hef séð
mörg tækifæri renna okkur úr
greipum. Ég hef líka þurft að horfa
uppá meirihluta sjálfstæðis- og
framsóknarmanna gera mörg mis-
tökin. Það hefur ekki dugað að
benda á leiðir eða vara við aug-
ljósum hættum, meirihlutinn hefur
ekki hlustað á góð ráð. Ég tel tíma
til kominn að nú verði breyting á.
Þess vegna býð ég mig fram í
fyrsta sæti á lista Samfylkingarinn-
ar í komandi kosningum. Ég óska
eftir stuðningi þínum í prófkjörinu
sem fram fer laugardaginn 23.
febrúar. Ég óska líka eftir stuðn-
ingi þínum í kosningunum 25. maí.
Finnst þér ekki kominn tími til
breytinga?
Tími fyrir
breytingar
Jóhann
Geirdal
Höfundur er oddviti Samfylking-
arinnar í Reykjanesbæ og frambjóð-
andi í prófkjörinu.
Reykjanesbær
Með skipulögðum
vinnubrögðum, þar
sem sóknarfæri
eru nýtt, segir Jóhann
Geirdal, getum
við byggt hér upp
enn betra bæjarfélag.