Morgunblaðið - 23.02.2002, Blaðsíða 28
LISTIR
28 LAUGARDAGUR 23. FEBRÚAR 2002 MORGUNBLAÐIÐ
Miðasala er í síma 595 7999 og 800 6434, virka daga á milli 9.00 og 17.00, og á
slóðinni www.midasala.is, en einnig má leggja inn miðapantanir á símsvara í síma
551 5677. Miðasala er í húsinu klukkutíma fyrir alla viðburði.
Richard Simm, píanóleikari
Á Sunnudags-matinée
í tónlistarhúsinu Ými 24. febrúar kl. 16.00.
Á efnisskrá eru einleiksverk fyrir píanó e. Scarlatti,
Lizst, Ravel og Grieg, auk útsetninga eftir Richard Simm.
TÓNLISTARSKÓLARNIR hafa
undanfarin ár helgað sér síðasta laug-
ardaginn í febrúar. Með tónleikum,
samkomum, sýningum og viðburðum
af ýmsum toga er þennan dag vakin
athygli á starfi skól-
anna.
Tónskólinn Do Re Mi
Opið hús frá kl. 11–13
að Frostaskjóli 2.
Tvennir tónfundir, kl.
11 og kl. 12.
Tónlistarskólinn í
Reykjavík Opið hús frá
kl. 12–16, m.a. eru opnir
tónleikar nemenda í sal
skólans í Skipholti 33.
Tónlistarskólinn í
Garðabæ Hið nýja hús-
næði skólans verður til
sýnis frá kl. 13. Kl. 14
eru árlegir stórtón-
leikar skólans þar sem
fram koma flestir þeir
sem lengst eru komnir í námi.
Tónmenntaskóli Reykjavíkur
„Tematónleikar“ verða í sal skólans,
Lindargötu 48 kl. 13. Kynnt verður
alþýðutónlist.
Söngskólinn í Reykjavík Nemend-
ur skólans syngja einsöng við guðs-
þjónustur í kirkjum Reykjavíkur-pró-
fastsdæma, auk Fríkirkjunnar, á
sunnudag. Þórunn Marinósdóttir,
sópran, syngur einsöng í Árbæjar-
kirkju og Gunnhildur Júlíusdóttir,
sópran, í Fella- og Hólakirkju. Í Graf-
arvogskirkju syngur Hólmfríður Jó-
hannesdóttir, mezzó-sópran, og í
Seljakirkju Bentína Sigrún Tryggva-
dóttir, mezzó-sópran. Hanna Þóra
Guðbrandsdóttir, sópran, syngur í
Breiðholtskirkju og Hafsteinn Þór-
ólfsson, barítón, í Hallgrímskirkju.
Aðalsteinn Jón Bergdal, tenór, í Ás-
kirkju og Ásgeir Páll Ágústsson, barí-
tón, í Dómkirkjunni. Margrét Lára
Þórarinsdóttir, sópran, Bústaða-
kirkju, og söngvari Háteigskirkju
verður Regína Unnur Ólafsdóttir,
sópran. Þorvaldur Þorvaldsson,
bassasöngvari, í Laugarneskirkju,
Hjördís Elín Lárusdóttir, sópran, í
Grensáskirkju og Dóra Steinunn Ár-
mannsdóttir, mezzó-sópran, í Frí-
kirkjunni í Reykjavík. Í Digranes-
kirkju syngur María Jónsdóttir,
mezzó-sópran, og Dóra Steinunn Ár-
mannsdóttir, mezzó-sópran, við
kvöldmessu í Kópavogskirkju og
kirkjugestir í Seltjarnarneskirkju fá
að hlíða á söng Sólveigar Sam-
úelsdóttur, sópran.
Söngskólinn Hjartansmál Opið
hús verður í skólanum kl. 14.30–16.30.
Tónleikar kl. 15.30 með nemendum
skólans.
Tónlistarskóli Hafn-
arfjarðar Skólinn opinn
frá 13–18. Kl. 14 og kl.
15 verður Töfratónar,
verk Ólafs B. Ólafsson-
ar, flutt af Barna- og
unglingakór Hafnar-
fjarðarkirkju, Eldri
skólakór Bessastaða-
hrepps og hljóðfæra-
leikurum úr Kammer-
sveit Tónlistarskólans.
Kórstjórar eru Aðal-
heiður Margrét Gunn-
arsdóttir og Linda Mar-
grét Sigfúsdóttir.
Hljómsveitarstjóri Óli-
ver Kentish. Tónleikar
Skólalúðrasveitar Tónmenntaskólans
í Reykjavík og Lúðrasveitar Tónlist-
arskóla Hafnarfjarðar eru kl. 17.
Stjórnendur eru Rúnar Óskarsson og
Stefán Ómar Jakobsson. Söngtón-
leikar verða kl. 20 þar sem Eyjólfur
Eyjólfsson, tenór, flytur fyrri hluta
burtfararprófs síns frá skólanum.
Undirleikari á píanó er Ingunn Hild-
ur Hauksdóttir.
Tónskóli Sigursveins D. Kristins-
sonar Opið hús og hljóðfærakynning í
Hraunbergi 2 kl. 13–15. Tónleikar kl.
13.30–14 í salnum. Í sal skólans,
Engjateigi 1, eru lokatónleikar Elías-
ardaga kl. 14. Í Víðistaðakirkju verða
tónleikar framhaldsnemenda kl. 15 og
kl. 17.
Tónskóli Eddu Borg Tvennir tón-
leikar í Seljakirkju, kl. 11 og kl. 12.
Tónlistarskóli Bessastaðahrepps
Händel-tónleikar í hátíðarsalnum kl.
11. Nemendur bregða upp mynd af
tónskáldinu í tali og tónum.
Suzukitónlistarskólinn í Reykja-
vík Tvennir tónleikar verða í sal skól-
ans, Sóltúni 24, kl. 14 og 15.15.
Breiðholtsskóli Skólahljómsveit
Árbæjar og Breiðholts heldur tón-
leika kl. 14. Stjórnandi er Lilja Valdi-
marsdóttir.
Tónlistarskólinn í Grafarvogi
Nemendatónleikar Húsaskóla kl. 16.
Tónlistarskóli Austur-Héraðs
Eiðadeild tónlistarskólans verður
með tónleika í barnaskólanum á Eið-
um kl. 15.
Dagur tón-
listarskólanna
Eyjólfur Eyjólfsson
UNDIRBÚNINGUR vegna 83. árs-
þings Þjóðræknisfélags Íslendinga í
Vesturheimi gengur vel, en það verð-
ur nú haldið í Bandaríkjunum í
fyrsta sinn og fer fram í Minneapolis
19. til 21. apríl næst komandi. Gert er
ráð fyrir um 200 til 250 þátttakend-
um frá Bandaríkjunum, Íslandi og
Kanada.
Haraldur Bjarnason, læknir og
einn af forystumönnunum í undir-
búningsnefndinni, segir að undir-
búningurinn gangi samkvæmt áætl-
un. Búið er að senda út
kynningarbæklinga vegna þingsins, í
liðinni viku var opnuð heimasíðan
http://www.frostbit.com/ice-
landmn og skráning fulltrúa er hafin.
Utanríkisráðuneytið hefur aðstoðað
við undirbúninginn og hefur Magnús
Bjarnason, framkvæmdastjóri ís-
lensk-ameríska verslunarráðsins og
starfandi aðalræðismaður í New
York, verið undirbúningsnefndinni
innan handar.
Þingið fer fram í húsakynnum
Minnesota-háskóla, McNamara
Center, og setur Vigdís Finnboga-
dóttir, fyrrverandi forseti Íslands,
þingið, en auk þess verður Halldór
Ásgrímsson, utanríkisráðherra, á
meðal ræðumanna. Jón Baldvin
Hannibalsson, sendiherra í Banda-
ríkjunum, og Hjálmar W. Hannes-
son, sendiherra í Kanada, taka þátt í
umræðum og Páll Skúlason, rektor
Háskóla Íslands, flytur ávarp, en í
tengslum við ráðstefnuna verður nýr
samningur milli HÍ og Minnesota-
háskóla varðandi skiptinemasam-
starf undirritaður. Skólarnir hafa
haft samstarf á þessu sviði í 20 ár og
er gert ráð fyrir nokkrum íslenskum
fyrrverandi nemendum við Minne-
sota-háskóla, búsettum á Íslandi, á
þingið af þessu tilefni.
Tilgangur ráðstefnunnar er ann-
ars vegar að efla tengsl Íslendinga-
félaganna í Kanada og Bandaríkjun-
um og hins vegar að efla tengsl
þeirra við Ísland. Undanfarin ár hef-
ur verið unnið að því að sameina öll
Íslendingafélög í Norður-Ameríku
undir einn hatt og er ljóst að um
tímamótaþing verður að ræða.
Viðamikil dagskrá verður á
þinginu með áherslu á margs konar
menningarmál. Meðal annars ræða
Guðjón Arngrímsson, Böðvar Guð-
mundsson, Jónas Þór, Wincie Jó-
hannsdóttir, Darren Gislason og Don
Gislason um landnám Íslendinga í
Vesturheimi. Neil Bardal, Sigrid
Johnson, Markús Örn Antonsson,
Paul Westdal og Haraldur Bjarna-
son fjalla um sögu Þjóðræknisfélags-
ins og framtíð þess. Níels Einarsson
og Jón Haukur Ingimundarson segja
frá Vilhjálmi Stefánssyni í tengslum
við opnun sýningar um hann. Eliza-
beth Ward frá Smithsonian-safninu
talar um Víkinga. Viðar Hreinsson,
Einar Már Guðmundsson, Bill Holm
og Eleanor Arnason ræða um bók-
menntir og fjallað verður um ætt-
fræði, svo eitthvað sé nefnt.
Guitar Islancio og Gamlir Fóst-
bræður skemmta á þinginu en í hóp
kórsins verða milli 50 og 60 manns
með mökum.
83. ársþing Þjóðræknisfélags Íslendinga í Vesturheimi
Gert ráð fyrir 200
til 250 manns
Morgunblaðið/Steinþór
Hluti undirbúningsnefndarinnar í Minneapolis. Frá vinstri: Örn Arnar,
læknir og aðalræðismaður, Mary Josefson, vararæðismaður, Björgvin
Sævarsson, framkvæmdastjóri, Magnús Bjarnason, starfandi aðalræð-
ismaður í New York, og Haraldur Bjarnason, læknir.
Blíðfinnur og Beðið
eftir Godot
Síðustu sýningar á tveimur leik-
verkum sem verið hafa á fjölum
Borgarleikhússins eru á sunnudag.
Barnaleikritið Blíðfinnur eftir Þor-
vald Þorsteinsson verður sýnt kl.
14. Með aðalhlutverk fara Gunnar
Hansson, Ólafur Guðmundsson og
Ásta Sighvats Ólafsdóttir.
Beðið eftir Godot eftir Samuel
Becket verður sýnt kl. 20. Aðal-
hlutverk er í höndum Hilmis Snæs
Guðnasonar, Benedikts Erlings-
sonar, Björns Inga Hilmarsson og
Halldórs Gylfasonar.
Cyrano frá Bergerac
Síðasta sýning á leikritinu Cyr-
ano – skoplegum hetjuleik eftir
Edmond Rostand verður í Þjóð-
leikhúsinu á sunnudag.
Leikritið gerist í Frakklandi á
frönsku gullöldinni, 17. öld. Að-
alpersóna verksins, Cyrano, er
skylmingahetja, líkt og skytturnar
þrjár úr hinni frægu sögu Dumas
sem gerist á svipuðum tíma.
Með hlutverk hinnar hagmæltu
hetju fer Stefán Karl Stefánsson,
Nanna Kristín Magnúsdóttir leik-
ur Roxönu og Rúnar Freyr Gísla-
son Christian.
Síðustu sýningar
ELZTI karlakór landsins
stendur á nítugu um þessar
mundir. Séra Friðrik Bjarnason
stofnaði og skírði Þresti árið
1912, og hélt hafnfirzki kórinn af
því tilefni afmælistónleika í
menningarsetri bæjarins, Hafn-
arborg, sl. mánudag við góða að-
sókn.
Norðurlönd eru víðfræg fyrir
kórmenningu sína, ekki sízt
karlakórana. Góður karlakór er
vissulega líka bæði voldugt og
undurblítt hljóðfæri í réttum
höndum, þó að íhaldssemi í verk-
efnavali hafi á seinni árum nokk-
uð háð ímynd miðilsins. Það er
því lofsverð viðleitni til mótvægis
og endurnýjunar að efna til kór-
lagasamkeppni á tyllidögum eins
og sézt hefur undanfarið, enda
mátti skilja á ávarpi Halldórs
Halldórssonar kórformanns að
sú væri einnig ætlun Þrasta.
Dagskrárvalið að þessu sinni
bar hins vegar yfirbragð hefðar,
eins og kannski er eðlilegt þegar
horft er aftur um öxl á tímamót-
um. Byrjunarlögin munu þannig
einnig hafa verið á fyrstu söng-
skrá kórsins 1912, þ.e. hin stuttu
en bráðhressu eins erindis lög
Spohrs og Nordbloms, Sveinar
kátir, syngið og Brosandi land,
auk hins strófíska Íslands lag
eftir Pacius. Að loknu ávarpi
kórformanns voru sungin, enn án
undirleiks, þrjú lög eftir stofn-
andann, Huldur, Hrím og Hvíl
mig rótt, öll á nótum angurværr-
ar kyrrðar. Píanóleikari kórsins,
Hólmfríður Sigurðardóttir, kom
þá inn í myndina og lék fyrst
með 16 manna Kór eldri Þrasta,
er sungu undir stjórn Guðjóns
Halldórs Óskarssonar ljúfan
tangó Eiríks Bjarnasonar,
Ljósbrá, Logn og blíðu (Bell-
man), Schubert-valsinn Hvað vit-
ið þið fegra en vínarljóð og Ég
gleymi því aldrei er svanirnir
sungu eftir Sigvalda Kaldalóns,
en Guttavísur Bellmans sem
aukalag, og uppskáru mikið
klapp.
Hinn liðlega 60 manna stóri
kór tók þá aftur við og söng með
píanóundirleik allt til enda, fyrst
hið volduga Úr útsæ eftir Pál Ís-
ólfsson. Tvö dulúðug og drama-
tísk lengri lög komu í kjölfarið,
Brimlending eftir Áskel Jónsson
(með kraftmikilli lokalendingu
við hæfi) og hið ógnþrungna Nú
sigla svörtu skipin eftir Karl O.
Runólfsson. Blómarósir, frískleg-
ur vals Jóns Ásgeirssonar í
nikkulegum fransk-ítölskum
kvikmyndaanda Ninos Rota, var
næsta atriði, ljómandi vel sungið.
Þá söng Þorgeir J. Andrésson
tenór einsöng með kórnum Sjá
dagar koma (Sigurður Þórðar-
son), að vísu svolítið glissöðumót-
að. Aftur á móti var napólíski
kláfsöngurinn Funiculi, funicula
tekinn á hressilegu trukki, þó að
píanistinn lýðist annars ofurlítið
áður en lauk á úthaldskrefjandi
punkteraða akkorðubrokkinu,
auk þess sem hinni háu lokanótu
einsöngvarans á mí hefði mátt
sleppa, enda í nástöðu við sama
tón rétt á undan.
Ólafur Kjartan Sigurðarson
söng síðustu tvö lögin á prent-
aðri dagskrá með kórnum af
glæsibrag eins og við var að bú-
ast, nema hvað efstu tvær nótur
hans í Hraustir menn (Sigmund
Romberg) voru furðuklemmdar
og e.t.v. meir við hæfi tenórs eða
bjarts barýtons. Ekki vantaði þó
úthaldið á langa „horn“-eintón-
inu. Inn í hið langa lag Edvards
[ekki með w-i] Griegs, Landsýn,
kom Ólafur fyrst eftir langan
kórinngang, en þá líka með
þeirri reisn sem fornnorskum
víkingakonungi sæmdi. Kórinn
söng og tignarlega, þó að tempó-
ið væri hugsanlega nokkru hæg-
ara en tónskáldið ætlaði.
Þrestir héldu að vanda uppi
merki margs hins bezta í íslenzk-
um karlakórsöng, enda auðheyr-
anlega ekki vanbúnir góðum
söngmönnum í öllum röddum.
Samvægi þeirra var að sama
skapi með ágætum. Söngurinn
var ljómandi samtaka í hraða- og
styrkbreytingum, og verulegt
bragð var líka að forte-köflum
laganna, sem voru oftast lausir
við allan hráleika. Helztu van-
kantar kórsins fólust nú sem
endranær í veikustu styrkstig-
unum, þar sem hljómurinn vildi
dofna og tónstaðan jafnvel síga
endrum og eins. Hvort um fleira
en skort á nægum stuðningi sé
þar að ræða skal ósagt látið. En
sé svo ekki ætti alltjent að vera
tiltölulega lítið mál að kippa því í
lag, enda algjör óþarfi að leyfa
jafnlitlu að skyggja á jafnmikið.
Níræðir í fullu fjöri
TÓNLIST
Hafnarborg
Afmælistónleikar Karlakórsins Þrasta.
Lög eftir Spohr, Nordblom, Pacius, Frið-
rik Bjarnason, Pál Ísólfsson, Áskel
Jónsson, Karl O. Runólfsson, Jón Ás-
geirsson, Sigurð Þórðarson, Denza,
Romberg, Grieg, Eirík Bjarnason, Bell-
man, Schubert og Sigvalda Kaldalóns.
Einsöngvarar: Þorgeir T. Andrésson
tenór; Ólafur Kjartan Sigurðarson barý-
ton. Píanóleikur: Hólmfríður Sigurð-
ardóttir. Stjórnandi: Jón Kristinn Cort-
ez. Mánudaginn 18. febrúar kl. 20.
KÓRTÓNLEIKAR
Ríkarður Ö. Pálsson