Morgunblaðið - 19.04.2002, Qupperneq 22

VIÐSKIPTI/ATHAFNALÍF
22 FÖSTUDAGUR 19. APRÍL 2002 MORGUNBLAÐIÐ
Opinn fyrirlestur
Viðskipta- og hagfræðideild
Háskóla Íslands
Odda við Sturlugötu
Sími 525 4500
www.vidskipti.hi.is
Viðskipta- og hagfræðideild
Háskóla Íslands
Marketing the Nation State
John A. Quelch, prófessor við Harvard háskóla, flytur erindi um mikilvægi
markaðssetningar þjóðríkis nú á tímum þegar mörg fyrirtæki eru alþjóðaleg en
ekki bundin tilteknu þjóðríki. Hann veltir meðal annars fyrir sér hvernig
markaðssetning þjóðríkis getur haft áhrif á útflutning, ferðaiðnað og erlendar
fjárfestingar.
Þurfum við að markaðssetja Ísland með tilliti til ofangreindra þriggja þátta sem
skipta okkur svo miklu máli?
John A. Quelch, prófessor við Harvard háskóla, er víðfrægur
fræðimaður á sínu sviði.
Hann er m.a. sérfræðingur í alþjóðaviðskiptum, alþjóða
markaðssetningu og mannauðsstjórnun og hlutverkum
alþjóðafyrirtækja og þjóðríkja.
Quelch er höfundur og meðhöfundur fjölmargra bóka um ýmis málefni
sem lúta að viðskiptum auk þess sem hann hefur setið í stjórnum ýmissa
stórfyrirtækja og í fjölmörgum ráðgjafanefndum á vegum ríkisstjórna
margra þjóða.
Fundarstjóri er Ágúst Einarsson,
forseti Viðskipta- og hagfræðideildar.
Fyrirlesturinn verður í stofu 101, Odda,
föstudaginn 19. apríl, kl. 12 – 13.30.
Aðgangur er ókeypis og allir velkomnir meðan húsrúm leyfir.
N
O
N
N
I
O
G
M
A
N
N
I
I Y
D
D
A
•
N
M
0
6
0
1
6
/
si
a.
is
LYFJAVERSLUN Íslands hf. hélt
aðalfund sinn í gær og var þar meðal
annars samþykkt tillaga um að
breyta nafni félagsins í Líf hf. þar
sem Lyfjaverslun Íslands væri ekki
nægilega lýsandi fyrir víðtæka starf-
semi þess.
Annars bar helst til tíðinda á fund-
inum að miklar deilur voru á milli
meirihluta og minnihluta stjórnar, og
eru þær framhald af þeim deilum
sem urðu í fyrrasumar þegar áform
voru uppi hjá þáverandi meirihluta
stjórnar um að Lyfjaverslun keypti
fyrirtækið Frumafl og samning sem
það fyrirtæki hafði gert við ríkið um
rekstur öldrunarheimilisins Sóltúns.
Á fundinum í gær var öll stjórn fé-
lagsins ásamt varastjórn endurkjörin
án þess að til atkvæðagreiðslu kæmi,
en stjórnina skipa Margeir Péturs-
son, formaður, Grímur Sæmundsen,
Lárus Blöndal, Stefán Bjarnason og
Örn Andrésson, en í varastjórn eru
Ólafur Njáll Sigurðsson og Yngvi
Óttarsson.
Í skýrslu sinni til fundarins sagði
Margeir Pétursson formaður stjórn-
ar að liðið starfsár hefði verið bæði
sögulegt og viðburðaríkt. „Umsvif fé-
lagsins þrefölduðust, fjöldi starfs-
manna nærri fjórfaldaðist og það
flutti í nýtt og glæsilegt húsnæði.
Haldinn var sögulegur hluthafafund-
ur í júlí og miklar sviptingar urðu í
rekstrarumhverfi félagsins, sérstak-
lega því sem veit að gengismálum,“
sagði Margeir. Hann sagði einnig að
eftir samrunann við Thorarensen Lyf
og A. Karlsson væri fyrirtækið lang-
stærsti þjónustuaðilinn við íslenska
heilbrigðiskerfið, með 6,3 milljarða
króna í veltu. Þetta er mikil aukning
frá fyrra ári þegar fyrirtækið velti 2,2
milljörðum króna. Eignir þess hafa
einnig vaxið mikið, úr 1,9 í 4,8 millj-
arða króna. Hagnaður var 516 millj-
ónir króna í fyrra, en hafði verið 42
milljónir króna árið 2000. Margeir
sagði þessa afkomu slaka en ástæðan
hafi fyrst og fremst verið óhagstæð
gengisþróun íslensku krónunnar,
sem komi annars vegar fram í geng-
istapi af erlendum lánum og hins veg-
ar í því að félagið geti ekki ýtt kostn-
aðarhækkun út í verð lyfjanna.
Annaðhvort verið að hlunnfara
skattborgara eða aðra hluthafa
Margeir ræddi einnig kaup félags-
ins á A. Karlssyni og Thorarensen
Lyfjum og sagði mikla vinnu hafa far-
ið í að sameina Thorarensen Lyf og
Lyfjaverslun, en ávinningur samrun-
ans kæmi ekki að fullu fram fyrr en á
næsta ári.
Þá vék hann að Frumafli, sem fyrri
stjórn hefði í júní í fyrra ætlað að láta
félagið kaupa af hluthafa í félaginu,
Jóhanni Óla Guðmundssyni, sem ráð-
ið hafi meirihluta stjórnar á fyrri að-
alfundi þess. „Frumafl átti 85% í Öld-
ungi hf. sem var með samning við
ríkið um rekstur hjúkrunarheimilis-
ins Sóltúns. Engar aðrar eignir voru í
félaginu,“ sagði Margeir og bætti við
að kaupverðið hafi jafngilt 850 millj-
ónum króna í hlutabréfum í Lyfja-
verslun Íslands miðað við gengi bréfa
félagsins.
„Í þessu verði fólst augljóslega að
annaðhvort væri verið að hlunnfara
íslenska skattborgara stórkostlega
með samningnum við ríkið, eða þá
aðra hluthafa í Lyfjaverslun Ís-
lands,“ sagði Margeir, og rifjaði upp
að haldinn hefði verið hluthafafundur
í fyrra sumar þar sem samþykkt hafi
verið að leita eftir riftun eða ógild-
ingu á kaupunum á Frumafli, en nú
er rekið mál fyrir dómstólum vegna
þessa. Margeir segir það sitt mat og
þriggja annarra stjórnarmanna fé-
lagsins að útilokað sé að Frumafls-
samningurinn gangi eftir. Ákvörðun-
in um kaupin hafi verið ólögmæt og
og hluthafafundur hafi fellt þau með
yfirgnæfandi meirihluta atkvæða.
Deilt um Delta-bréfin
Þá vék Margeir að sölu félagsins á
eignarhlut í Delta síðastliðið haust.
Hann sagði að ljóst hefði verið eftir
kaupin á A. Karlssyni og Thoraren-
sen Lyfjum að félagið hefði þurft að
styrkja eiginfjárhlutfall sitt, sem hafi
verið 12,3% um mitt ár. Jafnframt
hafi Lyfjaþróun verið áhugaverður
fjárfestingarkostur, sem og rekstur
lyfjaverslana í Eystrasaltslöndunum.
Margeir sagði að vegna markaðsað-
stæðna og málaferla eins hluthafans
gegn félaginu hafi ekki verið mögu-
legt að fara í hlutafjárútboð og því
hafi bréfin í Delta verið seld til að full-
nægja fjárþörf félagsins og að fyrir
þau hafi fengist 35,5 krónur á hlut,
sem hafi verið yfirverð á þeim tíma.
Margeir sagði að enginn hafi gagn-
rýnt þessa sölu fyrr en eftir áramót
þegar gengi bréfa Delta hafi tekið að
stíga. Einnig fram hjá Margeiri að
fjármagnskostnaður Lyfjaverslunar-
innar við að eiga þessi bréf hafi verið
20 milljónir króna á mánuði.
Sala á bréfum Lyfjaverslunar í
Delta, en Lyfjaverslun átti um
fimmtungs hlut í Delta, varð tilefni
mikilla umræðna á fundinum og var
hún tekin fyrir sérstaklega undir
liðnum önnur mál. Grímur Sæmund-
sen, fulltrúi minnihluta í stjórn, taldi
að með sölunni hefði verið um að
ræða meiri eignaupptöku og rýrnun
verðmæta en dæmi séu um í félagi á
Verðbréfaþingi. Hann rakti gengis-
þróun Delta og taldi ekki að Lyfja-
verslun hefði fengið yfirverð, enda
hefði mátt sjá fyrir að gengið myndi
halda áfram að hækka og sagðist
hann enn telja að bréfin muni fara
hækkandi.
Lárus Blöndal, sem er einn af
fulltrúum meirihluta í stjórn, mót-
mælti orðum Gríms og sagði að
stærstu hluthafarnir hafi viljað selja
bréfin og að það sýni að ákvörðunin
hafi verið gerð með hagsmuni hlut-
hafa í huga, enda hafi stærstu hlut-
hafarnir mestu hagsmunina, og að
þeir hafi ekki átt neina aðra hags-
muni að verja, ólíkt því sem verið hafi
í Frumaflsmálinu.
Almennir hluthafar blekktir
til stuðnings við valdatafl
Grímur Sæmundsen sagði í ræðu
sem hann flutti í umræðum um
skýrslu stjórnar að liðið starfsár hafi
verið ár mikilla hörmunga í félaginu.
Hæst hafi borið valdatöku nokkurra
hluthafa á hluthafafundi 10. júlí síðast
liðinn, en þessir aðilar hafi blekkt al-
menna hluthafa til stuðnings við sig
með rógi og óhróðri um stjórn félags-
ins sem hefði verið kosin einróma á
aðalfundi aðeins þremur mánuðum
áður. Í nafni hluthafalýðræðis hafi
fjöldinn verið blekktur til stuðnings
við valdatafl, en notað hafi verið sem
yfirskin að þáverandi meirihluti
stjórnar hafi með því að ganga frá áð-
ur samþykktum kaupum félagsins á
Frumafli ekki verið að gæta að hags-
munum almennra hluthafa.
Grímur lýsti þeirri skoðun sinni að
hagur hluthafa sé nú mun verri en ef
fyrri stjórn hefði fengið að sinna
starfi sínu áfram og nefndi hann
nokkur atriði máli sínu til stuðnings.
Félagið logi í illvígum málaferlum
sem ekki sjái fyrir endann á og þau
séu á ábyrgð þeirra sem nú stýri fé-
laginu. Hluthafar hafi tapað á þeirri
ákvörðun stjórnar að selja hlutabréf-
in í Delta og ef ekki hefðu orðið
stjórnarskipti ætti félagið nú Frum-
afl og þar með Sóltún og þá mögu-
leika sem það feli í sér vegna vaxandi
eftirspurnar eftir öldrunarþjónustu.
Loks nefndi Grímur að gengi hluta-
bréfanna hefði fallið um fjórðung, að
reksturinn væri í molum og stefnu-
mótun skorti.
Á fundinum var samþykkt sam-
hljóða fyrirliggjandi tillaga um
greiðslu 12% arðs af nafnverði hluta-
fjár til hluthafa og einnig um rétt
stjórnar til kaupa á allt að 10% af
bréfum í félaginu.
Deilur á aðalfundi
Lyfjaverslunar
Morgunblaðið/Golli
Félagið skipti
um nafn og heitir
nú Líf hf.
Sala á bréfum í Delta var gagnrýnd harðlega, en Margeir Pétursson
svaraði því til að fengist hefði yfirverð, gagnrýnin hefði komið fram eft-
ir hækkun bréfanna og að þau hefðu kostað félagið 20 m.kr. á mánuði.
OMEGA Farma, dótturfyrirtæki
Delta hf., fékk í gær markaðsleyfi
fyrir geðlyfinu cítalópram í Þýska-
landi. Þýsku fyrirtækin Merck, Rat-
iopharm, Biochemie, Temmler
Pharma, STADA og Azupharma
hafa hafið markaðssetningu á lyfinu.
Segir í fréttatilkynningu að þessi
fyrirtæki hafi yfir 80% markaðshlut-
deild á samheitalyfjum í Þýskalandi.
Áætlanir gera ráð fyrir að velta af
sölu cítalópram í Evrópu verði um 2
milljarðar króna. Lyfið er einnig
markaðssett í Hollandi, Finnlandi,
Svíþjóð og Danmörku. Cítalópram
fékkst skráð hér á landi í ársbyrjun
2001.
Omega Farma er fyrsta fyrirtæk-
ið til að setja samheitalyf af þessari
tegund á markað en lyfið er með
söluhæstu geðlyfjum í Evrópu að því
er segir í fréttatilkynningunni.
Omega Farma fær mark-
aðsleyfi í Þýskalandi