Morgunblaðið - 19.04.2002, Qupperneq 26

ERLENT
26 FÖSTUDAGUR 19. APRÍL 2002 MORGUNBLAÐIÐ
UMSÁTUR ísraelskra
hermanna um palestínska
bardagamenn í Fæðingar-
kirkjunni í Betlehem hef-
ur nú staðið í 17 daga, og
kveðst bæjarstjórinn í
Betlehem fara þess á leit
við Jóhannes Pál páfa að
hann komi til bæjarins og
reyni að finna lausn á mál-
inu. Ísraelar segja að á
meðal þeirra um 250
manna er láti fyrir berast
í kirkjunni séu „um 30
manns“ sem séu hryðju-
verkamenn og Ísraelar
vilja fá framselda.
Ekki hefur náðst í emb-
ættismenn í Vatíkaninu til
að fá viðbrögð við beiðni
bæjarstjórans. Fjöldi Pal-
estínumanna, óbreyttir
borgarar, nunnur, munk-
ar og bardagamenn, leit-
uðu skjóls í kirkjunni, sem
var reist fyrir 1.600 árum
þar sem talið er að Krist-
ur hafi komið í heiminn,
annan apríl sl., eftir að
bardagar palestínskra
uppreisnarmanna og ísr-
aelskra hermanna höfðu
geisað í bænum. Síðan
hafa Ísraelar setið um
kirkjuna.
Viðræður standa yfir
Á miðvikudaginn skutu ísraelskir
hermenn og særðu Palestínumann
sem fór út úr kirkjunni. Sagði her-
inn að tveir meintir bardagamenn
hefðu komið út úr kirkjunni og
nálgast hermenn en virt að vettugi
skipanir um að nema staðar. Her-
mennirnir hleyptu þá af skotum og
særðu annan mannanna. Hann var
síðar fluttur á sjúkrahús. Hinn
maðurinn hljóp inn í kirkjuna aftur.
Hana Nasser, bæjarstjóri í
Betlehem, sagði að viðræður stæðu
yfir við Ísraela um að binda enda á
pattstöðuna í Fæðingarkirkjunni,
en var ekki bjartsýnn á árangur.
„Ef við getum ekki komist að skyn-
samlegu samkomulagi sem tryggir
öryggi þeirra sem eru inni í kirkj-
unni á ég ekki annarra kosta völ en
bjóða hans heilagleika, páfanum, að
koma til landsins helga og heim-
sækja Betlehem til þess að bjarga
hinni fyrstu kirkju, Fæðingarkirkj-
unni.“
Ísraelar segja að þeir vopnuðu
menn, sem eru í kirkjunni, verði
annaðhvort að koma fyrir dómstóla
í Ísrael eða samþykkja að
fara í útlegð til annars
arabalands. Palestínu-
menn vilja ekki ganga að
þessum skilmálum.
Aðstæður slæmar
í kirkjunni
Inni í kirkjunni eru að-
stæður orðnar slæmar, að
sögn palestínsks tánings,
Jihad Abdel Rahman, sem
var þar í tvær vikur, uns
ísraelskir hermenn gripu
hann er hann var að laum-
ast út úr kirkjunni sl.
mánudag. AP ræddi við
hann á heimili hans í
Dheisheh flóttamannabúð-
unum skammt frá Betle-
hem, og sagði Rahman að
Ísraelarnir hefðu yfir-
heyrt sig og síðan leyft sér
að fara.
„Það var kalt á nóttunni
og lítill matur, svo að ég
ákvað að yfirgefa Fæðing-
arkirkjuna,“ sagði Rahm-
an. Fólk deildi með sér
spaghettíi og hrísgrjónum
einu sinni á dag, sagði
hann ennfremur. Vopnuðu
mennirnir í kirkjunni
hefðu skipt sér í tvo hópa,
helmingurinn svæfi á nótt-
unni og hinn helmingurinn stæði
vörð. Palestínsku lögreglumennirn-
ir væru vopnaðir AK-47 rifflum og
hefðu hlaðið sandpokum við dyr ef
ísraelsku hermennirnir skyldu
reyna að svæla þá út með gasi.
„Það var enginn óttasleginn á
nóttunni, en allir reyndu að vera
varkárir,“ sagði Rahman. „Fólk
spilaði á spil, gerði að gamni sínu og
hlustaði á fréttir, en okkur leið öll-
um eins og við værum í fangelsi.“
Reynt að binda enda á umsátur ísraelskra hermanna um Fæðingarkirkjuna
Bæjarstjórinn í Betle-
hem biður páfa hjálpar
Ísraelskur hermaður tekur í hönd munks þegar hermaðurinn kemur lyfjum til fólksins í
Fæðingarkirkjunni. Ísraelski herinn dreifði þessari ljósmynd til fjölmiðla.
’ Okkur leið öllumeins og við værum
í fangelsi ‘
AP
Betlehem. AP.
ERIK Lindbergh, barnabarn flug-
mannsins fræga, Charles Lind-
berghs, leggur á morgun upp í
annan áfanga flugferðar sömu leið
og afi hans fór 1927, er lauk í Par-
ís eftir að Charles hafði orðið
fyrstur manna til að fljúga einn
síns liðs yfir Atlantshafið. Erik
veifaði til viðstaddra þegar hann
lagði upp frá San Diego á vest-
urströnd Bandaríkjanna sl. sunnu-
dagsmorgun, og lauk fyrsta
áfanga þá um kvöldið er hann lenti
í St. Louis í Mið-Bandaríkjunum. Á
morgun heldur hann til Farm-
ingdale í New York-ríki og fyrsta
maí er áætlað að hann fari af stað
yfir Atlantshafið til Parísar.
Erik er 36 ára atvinnuflugmaður
og listamaður. Ferð hans er þáttur
í hátíðahöldum í tilefni af því að 75
ár eru síðan afi hans fór sitt fræga
flug, sem einnig hófst í San Diego,
þar sem flugvél hans, er bar nafnið
The Spirit of St. Louis, var smíðuð.
Flugvél Eriks er nefnd The New
Spirit of St. Louis. Hún er af gerð-
inni Lancair Columbia 300, smíðuð
úr kolefnis- og glerblöndu og búin
nýjasta og fullkomnasta leiðsögu-
og öryggisbúnaði. Alls mun ferð
Eriks taka um 17 klukkustundir,
eða um það bil helming þess tíma
sem það tók afa hans að fara þessa
leið.
AP
Sömu leið
og afi
MÓNAKÓ er eitt af svokölluð-
um skattaskjólum, sem neita að
verða við tilmælum OECD,
Efnahags- og framfarastofnun-
ar Evrópu, um að breyta
skattalögum í því skyni að
koma í veg fyrir skattundan-
drátt og peningaþvætti. Kom
það fram hjá talsmanni stofn-
unarinnar í París í gær.
Seiichi Kondo, aðstoðarfram-
kvæmdastjóri OECD, sagði, að
auk Mónakós væri um að ræða
smáríkin Andorra, Líberíu,
Liechtenstein, Marshall-eyjar,
Nauru og Vanuatu. Sagði hann,
að framferði þessara ríkja í
skattamálum væri ekki aðeins
hættulegt skattkerfi annarra
ríkja, einkanlega þróunarríkj-
anna, heldur bein ógnun við
traust og trúverðugleika hins
alþjóðlega fjármálakerfis.
Fyrir tveimur árum birti
OECD lista yfir 35 ríki eða
skattaskjól en nú hafa 28 þeirra
bætt sitt ráð verulega.
Otmar Hasler, forsætisráð-
herra Liechtensteins, sagði í
gær, að furstadæmið væri
ávallt reiðubúið til samstarfs en
neitaði því, að bankaleyndin og
skattareglur þar ýttu undir
peningaþvætti eða fjármögnun
hryðjuverkastarfsemi.
Liechtenstein hafði sam-
vinnu við þá, sem rannsökuðu
fjármál Sani heitins Abacha,
fyrrverandi herstjóra í Níger-
íu, en hann lét greipar sópa um
fjárhirslur ríkisins. Eru bankar
í Liechtenstein, Sviss, Lúxem-
borg, Bretlandi og Jersey um
þessar mundir að afhenda níg-
erískum stjórnvöldum nærri
100 milljarða ísl. kr. af þýfinu.
Skatta-
skjólun-
um hefur
fækkað
París. AP.