Morgunblaðið - 05.05.2002, Síða 6

FRÉTTIR
6 SUNNUDAGUR 5. MAÍ 2002 MORGUNBLAÐIÐ
VIKAN 21/4 –27/4
ERLENT
INNLENT

Reykjavíkurlistinn nýt-
ur 51,7 % fylgis og Sjálf-
stæðisflokkurinn hefur
43,4% fylgi, skv. skoð-
anakönnun sem Fé-
lagsvísindastofnun Há-
skóla Íslands gerði fyrir
Morgunblaðið 19.–28.
apríl. F-listinn hefur 3,5%
fylgi. Miðað er við þá sem
tóku afstöðu.

38 ÁRA gömul kona
var úrskurðuð í gæslu-
varðhald til 7. júní í þágu
rannsóknar á voveiflegum
dauðdaga níu ára gam-
allar dóttur hennar.

FJÖLMARGAR kvart-
anir bárust Námsmats-
stofnun vegna samræmds
prófs í stærðfræði í 10.
bekk. Prófið var sagt of
þungt og ekki í samræmi
við kennsluefni.

LANDSVIRKJUN
kynnti skýrslu um mat á
umhverfisáhrifum Norð-
lingaölduveitu. Nátt-
úruverndarsinnar gagn-
rýna skýrsluna.

20.000 manns mót-
mæltu of vægum dómum í
kynferðisbrotamálum
með því að setja nöfn sín
á undirskriftarlista.

HREINAR skuldir í
samstæðureikningi
Reykjavíkurborgar eru
9,5 milljörðum meiri en
gert var ráð fyrir í fjár-
hagsáætlun ársins 2001.

HÆSTIRÉTTUR
dæmdi austurrískan
mann sem var handtekinn
með um 67 þúsund e-töfl-
ur í Leifsstöð í 9 ára fang-
elsi. Héraðsdómur hafði
dæmt hann í 12 ára fang-
elsi.
Alþingi samþykkir
veiðigjald
FRUMVARP sjávarútvegsráðherra
um breytingar á lögum um stjórn fisk-
veiða var samþykkt á Alþingi á föstu-
dag. Í frumvarpinu er m.a. kveðið á um
að lagt verði á 9,5% aflagjald á handhafa
aflaheimilda. Gjaldið leggst á í áföngum
á árunum 2004 til 2009 og hækkar úr 6%
í 9,5% af aflaverðmæti að frádregnum
olíu-, rekstrar- og launakostnaði.
Frumvarpið var samþykkt með 29
atkvæðum gegn 23. Þingmenn stjórn-
arandstöðunnar voru á móti og sömu-
leiðis Einar Oddur Kristjánsson, þing-
maður Sjálfstæðisflokksins á Vest-
fjörðum.
Heimilt að veita ÍE
ríkisábyrgð
FJÁRMÁLARÁÐHERRA er nú
heimilt að veita einfalda ábyrgð á
skuldabréfum, útgefnum af móður-
félagi Íslenskrar erfðagreiningar, de-
CODE Genetics inc., að fjárhæð allt að
200 milljónum bandaríkjadala eða um
20 milljörðum íslenskra króna. Í frum-
varpinu segir að ábyrgðin verði veitt að
uppfylltum ákveðnum skilyrðum.
27 þingmenn Sjálfstæðisflokks og
Framsóknarflokks greiddu atkvæði
með frumvarpinu en þrettán þingmenn
sögðu nei. 12 þingmenn sátu hjá við at-
kvæðagreiðsluna, þrír stjórnarþing-
menn og níu þingmenn Samfylkingar-
innar.
Vextir lækka um 0,3%
BANKASTJÓRN Seðlabankans hefur
ákveðið að lækka vexti í endurhverfum
viðskiptum bankans við lánastofnanir
um 0,3%, frá og með næsta uppboði á á
endurhverfum verðbréfasamningum
sem haldið verður 7. maí nk. Aðrir vext-
ir bankans hafa þegar lækkað um 0,3%
Viðskiptabankarnir lýstu því yfir að
þeir muni í meginatriðum fylgja þessari
vaxtalækkun Seðlabankans.
YASSER Arafat, leiðtogi Palestínu-
manna, hét því á fimmtudag að end-
urreisa heimastjórn Palestínumanna
en stjórnkerfi hennar er í rúst eftir
langvarandi hernaðaraðgerðir. Ísrael-
ar afléttu herkvínni um aðsetur hans í
Ramallah fyrr um daginn. Arafat, sem
fór frjáls ferða sinna í fyrsta skipti síð-
an í desember, krafðist þess að Ísrael-
ar hættu þegar umsátri sínu um Fæð-
ingarkirkjuna í Betlehem en þar
hafast enn við nálægt tvö hundruð Pal-
estínumenn, þ.á m. nokkur hópur
vopnaðra manna.
Um eitt hundrað stuðningsmenn
fögnuðu forsetanum þegar hann kom
undir beran himin á nýjan leik en hann
hefur verið innandyra undanfarna 34
daga. Arafat, sem fordæmdi Ísr-
aelsstjórn harkalega, notaði því næst
tækifærið og skoðaði ummerki hern-
aðaraðgerða Ísraela í Ramallah.
Samkomulag náðist um að herkvínni
í Ramallah yrði aflétt með milligöngu
Bandaríkjamanna. Sagði George W.
Bush Bandaríkjaforseti að nú yrði
Arafat að sýna að hann geti veitt þjóð
sinni þá forystu sem hún þarfnaðist.
Colin Powell, utanríkisráðherra
Bandaríkjanna, tók í sama streng og
tilkynnti jafnframt að Bandaríkin,
Sameinuðu þjóðirnar, Evrópusam-
bandið og Rússland stefndu að því að
halda friðarráðstefnu með þátttöku
Palestínumanna og Ísraela í sumar.
Saeb Erekat, aðalsamningamaður
Palestínumanna, sagði að sú ákvörðun
Kofis Annans, framkvæmdastjóra SÞ,
að leysa upp nefnd, sem ætlað hafði
verið að rannsaka ásakanir um að Ísr-
aelsher hefði framið fjöldamorð í borg-
inni Jenín, væri mikið áfall. Mannrétt-
indasamtökin Human Rights Watch
greindu hins vegar frá því að rannsókn
þeirra hefði ekki leitt í ljós að fjölda-
morð hefðu verið framið í Jenín. Hins
vegar benti ýmislegt til að þar hefðu
e.t.v. verið framdir stríðsglæpir.
Vill endurreisa
heimastjórn
EINN helsti ráðgjafi
Slobodans Milosevic, fyrr-
verandi Júgóslavíuforseta,
í Kosovo-deilunni árið
1999 gaf sig á fimmtudag
fram við stríðsglæpadóm-
stól Sameinuðu þjóðanna í
Haag. Maðurinn heitir
Nikola Sainovic, var for-
sætisráðherra Serbíu
1993 og um hríð aðstoð-
arforsætisráðherra Júgó-
slavíu, hann stjórnaði
einnig leyniþjónustu lög-
reglunnar og hersins.

NIÐURSTAÐA lög-
þingskosninganna í Fær-
eyjum á þriðjudag var sú
að stjórnin og stjórn-
arandstaðan fengu jafn-
marga þingmenn og er
þetta í fyrsta sinn sem
þessi staða kemur upp.
Úrslit kosninganna sýna
að komin er upp patt-
staða í færeyskum stjórn-
málum, að sögn Anfinns
Kallsbergs lögmanns.

MEIRA en milljón
manna tók þátt í mótmæl-
um gegn hægriöfgamann-
inum Jean-Marie Le Pen
á götum franskra borga
1. maí. Á sama tíma sóttu
nokkur þúsund manns úti-
fund Le Pens í París.
Síðari umferð forseta-
kosninganna milli Le
Pens og Jacques Chirac
forseta verður í dag,
sunnudag.

UM 100 þúsund manns
komu saman á útifundi í
Erfurt í Þýskalandi sl.
föstudag til að minnast
þess að vika var liðin frá
því að ungur maður skaut
til bana 16 manns í Gut-
enberg-framhaldsskól-
anum og loks sjálfan sig.
UM 200 manns sóttu opinn borg-
arafund með frambjóðendum Sjálf-
stæðisflokksins í Grafarvogi á
fimmtudagskvöld. Þar kynntu Guð-
laugur Þór Þórðarson borgar-
fulltrúi og Björn Bjarnason, borg-
arstjóraefni Sjálfstæðisflokksins,
skipulagshugmyndir flokksins á
svæðinu, sérstaklega var fjallað um
Landssímalóðina, Geldinganesið og
hugmyndir um skrúðgarða í Graf-
arvogi. Emil Örn Kristjánsson, íbúi
í Grafarvogi og einn af forsvars-
mönnum undirskriftasöfnunar gegn
fyrirhuguðu skipulagi á Landssíma-
lóð, talaði fyrir hönd íbúa.
Á Landssímalóð er gert ráð fyrir
þéttri íbúðarbyggð, með þremur
háreistum húsum. Guðlaugur Þór
sagði í samtali við Morgunblaðið að
sjálfstæðismenn vildu taka upp
skipulagið og endurskipuleggja
svæðið í samræmi við aðra byggð á
svæðinu. „Menn eru mjög óánægðir
með framkomu borgaryfirvalda í
þessu máli. Þessar skipulagshug-
myndir eru á skjön við þá íbúar-
byggð sem er fyrir á svæðinu. Það
sama á við um Geldinganesið. Fólk
er ekki mjög spennt fyrir því að fá
stórskipahöfn við sína byggð. Við
fundum mikinn samhljóm við okkar
málflutning á fundinum, stefna
sjálfstæðismanna og íbúanna fer al-
veg saman,“ sagði Guðlaugur Þór.
Á fundinum var sýnt myndband
sem Sjálfstæðisflokkurinn hefur
látið útbúa þar sem sést hvernig
ætlað er að flytja Geldinganesið yf-
ir í Eiðsgranda þar sem stendur til
að byggja á landfyllingum. Sjálf-
stæðisflokkurinn vill að í Geldinga-
nesi rísi íbúðarbyggð og vill að fall-
ið verði frá hugmyndum um gerð
hafnar.
Hugmyndir um skrúðgarða
Einnig voru kynntar hugmyndir
Guðlaugs um skrúðgarða og græn
svæði í Grafarvogi. „Grafarvogur-
inn er mjög stórt hverfi og á bara
eftir að stækka. Þar er enginn
garður eða staður þar sem fólk get-
ur komið saman á. Það er mikil
samkennd í hverfinu, íbúarnir
koma t.d. saman á Grafarvogsdeg-
inum og mér finnst mjög mikilvægt
að þessi svæði verði tekin frá með-
an þau eru óbyggð,“ segir Guð-
laugur. Hann hefur lagt fram til-
lögur í umhverfis- og heilbrigðis-
nefnd um að unnið verði að
tillögum að grænu svæði, annars
vegar við Gufunesbæinn gegnt
Gylfaflöt og hins vegar fyrir botni
Grafarvogs.
Fundur frambjóðenda D-lista með íbúum Grafarvogs
Vilja endurskipuleggja
Landssímalóðina
Morgunblaðið/Kristinn
Um 200 Grafarvogsbúar sátu fundinn sem haldinn var í Rimaskóla.
PÁLL Pétursson félagsmálaráð-
herra segir að ekki sé vilji til að
breyta ákvæðum um húsaleigu-
bætur þannig að hægt verði að fá
bætur fyrir leigu á einstökum
herbergjum. Þetta fyrirkomulag
var gagnrýnt á málþingi um fá-
tækt í Hallgrímskirkju um síð-
ustu helgi og hefur Björn Bjarna-
son, borgarstjóraefni Sjálfstæðis-
flokks, sagt að honum virðist sem
þarna sé komið gat á öryggisnet
velferðarkerfisins.
Páll segir að þetta útspil
Björns hafi komið honum nokkuð
á óvart. „Ég veit það reyndar af
langri reynslu í pólitík að það er
freistandi fyrir frambjóðendur að
tala eins og hver vill heyra. Ég
bar þessa skoðun undir fjármála-
ráðherra, flokksbróður hans, og
hann var ekki sammála Birni
Bjarnasyni. Ég hef ekki heyrt
það sjónarmið úr fjármálaráðu-
neytinu að það sé mikill vilji fyrir
því að útvíkka rétt til húsaleigu-
bóta. Mér finnst satt að segja ým-
islegt brýnna í þjóðfélaginu en
gera það,“ segir Páll. Hann segist
telja það yfirdrifið að segja að
með því að greiða ekki með leigu
herbergja sé fólki haldið í fá-
tækragildru.
Páll segir að erlendis séu
hvergi greiddar bætur fyrir leigu
á einstökum herbergjum, að því
að vitað sé til í ráðuneytinu. Hann
segir að ekki sé um mjög háar
fjárhæðir að ræða þegar herbergi
eru leigð út, leigan sé ekki
íþyngjandi eins og hún geti verið
af íbúðum. Komið hefur fram í
Morgunblaðinu að algeng leiga
fyrir herbergi sé á bilinu 20–30
þúsund krónur.
Páll segir að hætta á misnotk-
un myndi aukast ef farið yrði að
greiða með leigu fyrir herberg-
iskytrur. „Síðast en ekki síst er
æskilegt og við erum að reyna að
hjálpa fólki að komast í viðunandi
húsnæði,“ segir Páll.
Lítið framboð hefur verið á
leiguhúsnæði undanfarið sem hef-
ur orðið til þess að hækka leigu.
Páll segir að nú sé verið að gera
mikið átak til að bæta við leigu-
húsnæði. Í fyrsta lagi sé verið að
hjálpa sveitarfélögunum til að
reka leiguhúsnæði, á þingi í fyrra-
dag hafi t.d. verið gengið frá laga-
setningu sem leysi þann vanda
sem sveitarfélögin hafi mörg
komist í vegna leiguhúsnæðis.
Lána út á
400 leiguíbúðir
Þá láni Íbúðalánasjóður út á
400 leiguíbúðir á ári, með nið-
urgreiddum 3,5% vöxtum, sem
ætlaðar eru fólki undir skilgreind-
um tekju- og eignarmörkum. „Svo
er sérstakt átak komið í gang í
samstarfi félagsmálaráðuneytis,
lífeyrissjóðanna og Íbúðalána-
sjóðs auk þess sem sveitarfélög-
unum er ætlað að koma að því.
Það stendur til að byggja í sér-
stöku átaki 600 leiguíbúðir á
næstu fjórum árum, 150 íbúðir á
ári.“
Ekki vilji til að auka
rétt til húsaleigubóta
BRÉF skrifstofustjóra borgarverk-
fræðings um skipulag og starfsemi
Höfuðborgarstofu var samþykkt í
borgarráði með fjórum samhljóða
atkvæðum sl. þriðjudag, en því
jafnframt beint til framkvæmda-
stjóra að nafngift verði skoðuð nán-
ar.
Í bókun borgarráðsfulltrúa Sjálf-
stæðisflokksins kemur fram að þeir
telji mikilvægt að koma á markviss-
um vinnubrögðum og skipulagi í
ferðamálum og samræma krafta
þeirra innan borgarkerfisins sem að
þeim málum komi. Málaflokkurinn
hafi liðið fyrir tilviljanakenndar að-
gerðir og tíðar og ruglingslegar
skipulagsbreytingar undir stjórn
R-listans, en fyrirliggjandi tillögur
nú rétt fyrir kosningar séu um
margt til verulegra bóta. Þó skorti
enn á fullnægjandi upplýsingar um
stjórn málaflokksins og stefnumót-
un, umfang verkefnisins og heiti og
tilflutning innan borgarkerfisins og
heildarkostnað.
Í bókuninni segir ennfremur að
mikilvægt sé að þessar upplýsingar
og ákvarðanir liggi fyrir áður en
haldið verði af stað. Ekkert liggi á,
m.a. vegna þess að væntanleg Höf-
uðborgarstofa hefji ekki starfsemi
fyrr en á næsta ári og afgreiðsla
málsins sé enn eitt dæmið um
flumruganginn í vinnubrögðum
borgarstjóra og R-listans.
Borgarráðsfulltrúar Sjálfstæðisflokksins
Gagnrýna skipulag og starf-
semi Höfuðborgarstofu