Morgunblaðið - 05.05.2002, Síða 23

hafi verið erfiður tími en „hreint með
ólíkindum skemmtilegur.“ Hann
bætir við: „Það er eitthvað sérstakt
og heillandi við allt sem heitir fjöl-
miðlun. Enginn dagur er eins – það er
alltaf verið að reyna að setja eitthvað
nýtt og spennandi fram, jafnframt
því sem við erum að reyna að end-
urspegla samfélagið og taka þátt í
umræðu um þjóðfélagsumbætur.
Uppbyggingin á ritstjórn Fróða er
þannig að lögð er áhersla á að rit-
stjórar hvers og eins tímarits starfi
sjálfstætt og beri ábyrgð á sínum
blöðum. Við höfum verið afskaplega
heppin með það fólk sem hér starfar,
það er metnaðarfullt en jafnframt
ábyrgt og það hefur líka verið lán
okkar hversu vel okkur hefur haldist
á fólki, en margir þeirra sem hér
starfa hafa átt með mér samleið nær
allan tímann.“
Magnús segir að eðli málsins sam-
kvæmt verði Fróðafólk að fylgjast vel
með því sem er að gerast erlendis og
stefnum og straumum í tímaritaút-
gáfu í heiminum. „Við höfum sótt
þekkingu til útlanda, aðallega til
Bretlands og Norðurlandanna og átt
mikil og ánægjuleg samskipti við
nokkur útgáfufyrirtæki. Sjálfur hef
ég heimsótt mörg erlend tímaritafyr-
irtæki og eftir slíkar heimsóknir hef
ég verið enn sannfærðari en áður um
hvað við stöndum okkur í raun og
veru vel, miðað við þær aðstæður sem
við búum við. Á ritstjórnum hlið-
stæðra tímarita og við gefum út starf-
ar allt að því tíu sinnum fleira fólk en
hjá okkur og það er erlendum útgef-
endum undrunarefni hvers við erum
megnug. Tímaritaútgáfa er raunar
ekki einsdæmi þegar kemur að slík-
um samanburði heldur er það senni-
lega innbyggt í íslensku þjóðarsálina
að aðlaga sig að möguleikum sínum.
Ég held að það sé óhætt að fullyrða
að við stöndum framarlega í saman-
burði við erlend tímarit og séum fljót
að tileinka okkur allar nýjungar bæði
í efnisvali og framsetningu, – að við
séum nútímalegri en mörg af eldri út-
gáfufyrirtækjunum erlendis.“
Bókaútgáfa og margmiðlun
Þótt tímaritaútgáfan sé veigamest
í rekstri Fróða hf., hafa hinar deild-
irnar tvær, bókaútgáfan og marg-
miðlunardeildin, einnig gegnt veiga-
miklu hlutverki í rekstrinum.
„Fljótlega eftir að ég kom að rekstri
fyrirtækisins fórum við að taka fyrstu
skrefin í bókaútgáfu,“ sagði Magnús.
„Við ætluðum okkur aldrei stóran
hlut á þeim vettvangi, höfðum þetta
nánast sem aukabúagrein. Okkur
gekk samt vel og vorum með höfunda
sem sannarlega slógu í gegn og urðu
metsöluhöfundar ár eftir ár. Nægir
þar að nefna Þorgrím Þráinsson og
Ómar Ragnarsson. Fyrir nokkrum
árum var bókaútgáfan Iðunn, sem er
ein elsta og virtasta bókaútgáfa
landsins, sameinuð Fróða. Tilgangur-
inn með því var að huga að meiri
landvinningum á þessu sviði og ná
meiri festu í bókaútgáfuna. Á því sviði
hafa sóknarfærin hins vegar verið
takmörkuð af mörgum ástæðum, en
ekki síst vegna þess uppnáms sem
óneitanlega er á sölumarkaðinum
fyrir jólin, sem óneitanlega er aðal-
markaðstími bókanna. Eins og nú er
glögglega að koma fram hafa útgef-
endur komið sárir úr þeirri viðureign
og framtíðin er óljós ef svo heldur
sem horfir. Því höfum við frekar valið
þann kostinn að fara að öllu með gát á
þessu sviði og höfum frekar fetað þá
slóð sem Iðunn var reyndar komin
inn á, að gefa út bækur sem eiga sér
lengri sölu- og líftíma.“
Um margmiðlunardeild Fróða
sagði Magnús að undanfarin tvö ár
hefði verið lagt í mjög mikla og kostn-
aðarsama þróunarvinnu en henni
væri nú að mestu lokið. „Það er ekk-
ert vafamál að margmiðlunin er það
sem koma skal og fólk mun í vaxandi
mæli nýta sér þá möguleika sem hún
býður upp á. Það var annað hvort fyr-
ir okkur að reyna að stíga stór skref á
þessum vettvangi, eða láta hann eiga
sig að mestu. Í þeirri þjónustustarf-
semi sem við hyggjumst standa fyrir í
margmiðlun höfðum við allgóðan
grunn að byggja á, þar sem var hand-
bókin Íslensk fyrirtæki sem gefin
hefur verið út í bókarformi í áratugi.
Sú þróunarvinna sem lagt var í stefn-
ir að því að fólk geti fengið alhliða og
fullkomna þjónustu í samskiptum
sínum og viðskiptum við íslensk fyr-
irtæki. Eins og ég sagði er þessari
þróunarvinnu núna að ljúka hjá okk-
ur og stendur til að kynna og mark-
aðssetja starfsemina á næstunni. Er-
um við þess fullviss að nú getum við
boðið upp á lausnir sem taka öðru
fram sem verið hefur á markaðinum á
Íslandi.“
Veltan 1,1 milljarður króna
Starfsemi tímaritaútgáfu Fróða
byggist á þremur aðaltekjustofnum,
þ.e. áskrift, lausasölu og auglýsing-
um. Eins og aðrir fjölmiðlar og út-
gáfustarfsemi hefur tímaritaútgáfan
ekki farið varhluta af efnahagssam-
drættinum að undanförnu.
„Við fórum að finna fyrir sam-
drætti á auglýsingamarkaði á seinni
hluta síðasta árs. Þegar ég fór að hafa
afskipti af tímaritaútgáfu fyrir tutt-
ugu árum var tekjusamsetningin
þannig að tekjur af blaðasölunni voru
35–40% og auglýsingatekjur voru 60–
65%. Nú hefur þetta hlutfall snúist al-
gjörlega við og auglýsingatekjurnar
eru ekki nema um þriðjungur heild-
arteknanna. Samdrátturinn hefur
vissulega komið við okkur og skapað
okkur erfiðleika en kannski þó minna
en hann hefði gert áður. Undanfarna
mánuði hefur enn orðið samdráttur
miðað við sama tíma í fyrra, en hann
er þó innan við 10%. Blaðasala hefur
verið þó verið góð og þar höfum við
haldið alveg í horfinu, en sú aukning
sem við höfðum vonast eftir hefur lát-
ið standa á sér. Miðað við það að við
höfum þrefaldað blaðasölu okkar á
síðustu tíu árum er kannski ekkert
óeðlilegt að stöðnun verði í ákveðinn
tíma þegar þrengir að. Við vonum
auðvitað, eins og allir aðrir, að þetta
tímabil verði skammvinnt og að tæki-
færi gefist til nýrrar sóknar.“
Velta Fróða hf. á þessu ári verður
væntanlega um 1,1 milljarður króna
og er það um 15% aukning frá fyrra
ári og við gerum okkur um að ná jöfn-
uði í rekstri, en í fyrra varð tap á
rekstrinum aðallega vegna þess að
lagt var í mikinn þróunarkostnað í
margmiðlunardeild fyrirtækisins og
einnig vegna mikillar hækkunar á
fjármagnskostnaði. Fastir starfs-
menn Fróða hf. eru nú um 140 talsins,
en auk þess vinna um 500 manns
hlutastörf fyrir fyrirtækið.
„Ég er bjartsýnismaður og er viss
um að framtíðarmöguleikarnir í tíma-
ritaútgáfu á Íslandi eru miklir,“ sagði
Magnús. „Mynstrið á örugglega eftir
að taka miklum breytingum á kom-
andi tímum en tímaritin munu halda
sínum sessi sem afþreyingar- og upp-
lýsingamiðlar. Reynslan erlendis frá
sýnir okkur það að tímaritin þar hafa
haldið sínu og vel það, þótt samdrátt-
ur hafi orðið í annarri fjölmiðlaneyslu
fólks og það er engin ástæða til þess
að ætla að raunin verði önnur hér á
landi. Við gerum þó ráð fyrir því að
vöxtur fyrirtækisins muni að veru-
legu leyti mótast af möguleikum í
margmiðlun, en eins og ég hef áður
sagt erum við að undirbúa stór skref
á þeim vettvangi.“
gugu@mbl.is
MORGUNBLAÐIÐ SUNNUDAGUR 5. MAÍ 2002 23
Besta verðið til Barcelona
í beinu morgunflugi
Heimsferðir bjóða nú vikulegt flug til Barcelona 10 sumarið í röð til þessara
heillandi borgar við Miðjarðarhafið. Borgin er vettvangur fyrir lífskúnstnera því
hér er að finna ótrúlegt úrval listasafna, veitingastaða, fagurra garða, iðandi
mannlífs jafnt að nóttu sem degi, frægustu veitingastaði og skemmtistaði
Spánar, tónlistarlíf í blóma og síðast en ekki síst, frábært veðurfar. Við
bjóðum þér vinsælustu gististaðina,
spennandi kynnisferðir í fríinu og
þjónustu reyndra fararstjóra
Heimsferða til að tryggja þér
ánægjulega dvöl í fríinu.
Skógarhlíð 18, sími 595 1000.
www.heimsferdir.is
Verð kr. 34.365
M.v. hjón með 2 börn, 21. maí, flugsæti,
skattar innifaldir.
Alm. verð kr. 36.085.
Verð kr. 59.950
Flug og gisting, vikuferð, 21. maí, Hotel
Paralell með morgunmat.
Alm. verð kr. 62.950.
Beint flug alla þriðjudaga í sumar
10 ár til Barcelona
Bókaðu til
Barcelona
frá 34.365 kr.
Alltaf á þriðjudögum