Morgunblaðið - 11.05.2002, Blaðsíða 13

FRÉTTIR
MORGUNBLAÐIÐ LAUGARDAGUR 11. MAÍ 2002 13
HILMAR F. Foss, sem búsettur er í
Hafnarstræti 11 í Reykjavík og rek-
ur meðal annars verslunina Sterling
í sama húsi, segist afar óhress með
þá þróun sem einkennt hefur mið-
borg Reykjavíkur um árabil. Versl-
anir og fyrirtæki séu óðum að hverfa
úr bænum og fólk eigi ekki lengur
erindi í miðborgina sem sé svo að
segja horfin. Hann segir brýnt að
fólk móti sér skoðun á því hvernig
það sjái fyrir sér framtíð miðborg-
arinnar.
Húseignin í Hafnarstræti 11 hefur
lengi verið í eigu sömu fjölskyldu.
Elísabet Foss, dóttir Kristjáns
Jónssonar háyfirdómara og Íslands-
málaráðherra, lét reisa húsið árið
1929 og rak þar lífstykkjabúð í ára-
tugi. Einnig hefur faðir Hilmars,
Hilmar Foss skjalaþýðandi og dóm-
túlkur, starfrækt skrifstofu í húsinu í
áratugi. Þar til fyrir nokkrum árum
var verslunarplássið á neðstu hæð
leigt út til reksturs á vinsælu kaffi-
húsi en síðastliðin 4 ár hefur Hilmar
rekið þar verslun.
Sjálfur býr hann ásamt fjölskyldu
sinni á efstu hæð hússins sem hefur
verið til sölu frá því síðla árs 2000.
Hilmar segir aðspurður að eftir-
spurnin eftir húsnæðinu sé engin og
sömuleiðis hafi ekki tekist að leigja
húsið út til atvinnureksturs, sem
stendur autt að öðru leyti. Sömu
sögu sé í raun að segja um fjölmarg-
ar fasteignir í miðborginni sem
standi auðar.
„Það sem mér finnst skipta máli er
að Reykjavík er höfuðborg lýðveldis
og við erum að horfast í augu við að
hún hefur ekki lengur það sem hægt
er að kalla miðborg. Hingað inn í
verslun til okkar hafa komið ferða-
menn sem spyrja hvar miðborgin sé.
Þeir höfðu lesið um eitthvað en
fundu ekki né sáu það sem verið var
að segja þeim að væri hérna. Við er-
um með höfuðborg sem á ekki lengur
neinn lífkjarna á daginn,“ segir
Hilmar F. Foss.
Í Hafnarstræti 9 er starfræktur
skemmtistaður sem Hilmar segir að
af hljótist töluvert ónæði. Hann sé þó
almennt á því að skemmti- og veit-
ingastaðir eigi að blómstra í mið-
borginni en saknar mannlífsins og
umferðarinnar á daginn og þeirrar
snyrtimennsku sem viðhafa ætti í
borgum. Hann segir mjög undarlegt
að borgaryfirvöld skuli hrósa sér af
því að borgin sé hrein þegar blasi við
að svo sé ekki.
Fjandsamlegt vinnuumhverfi
Hilmar segir hugmyndir um bygg-
ingu íbúðabyggðar í Vatnsmýri og
fyrirhugaða byggingu tónlistarhúss
við Miðbakka ekki til þess fallnar að
draga fólk aftur að miðboginni.
Hann segir að fjölmargt hafi farið
miður í meðförum borgaryfivalda á
málefnum miborgarinnar á undan-
förnum árum og nefnir sem dæmi
þegar verslunin Kea Nettó sóttist
eftir því að opna verslun í húsi Jóns
Ásbjörnssonar við Geirsgötu en um-
sókninni var synjað á þeirri forsendu
að ekki væri um nægjanlega hafn-
sækið fyrirtæki að ræða.
„Verslun í landinu flytur bróður-
partinn af sínum varningi inn með
skipum. Ég get ekki ímyndað mér að
það sé margt meira hafnsækið en
verslun eins og KEA Nettó.“
Hilmar bendir á að Samvinnuferð-
ir Landsýn, sem hafi dregið að sér
þúsundir viðskiptavina, hafi flutt
starfsemi sína úr miborginni á sínum
tíma og sömuleiðis Heimsferðir.
Eimskip sé einnig hægt og bítandi að
flytja starfsemi sína inn í Sundahöfn.
„Staðreyndin er sú að héðan hefur
farið hver vinnustaðurinn á fætur
öðrum vegna þess að það hefur ekki
verið nein ástæða fyrir þá að vera
hér. Þetta hefur í raun verið fjand-
samlegt vinnuumhverfi fyrir þá sem
hér vinna.
Þetta er svæði sem er manni mjög
kært og leiðinlegt að sjá hvernig bú-
ið er að fara með. Þetta er ekki eitt-
hvað sem gerist óvart heldur vegna
þess að það eru teknar rangar
ákvarðanir,“ segir Hilmar.
Hilmar F. Foss, íbúi og verslunarrekandi í
Hafnarstræti, um stöðu miðborgar
„Ekki eitthvað sem
gerist óvart“
Morgunblaðið/Jim Smart
Feðgarnir Hilmar F. Foss verslunarrekandi og Hilmar Foss, dómtúlkur
og skjalaþýðandi. Hilmar yngri býr ásamt fjölskyldu sinni í Hafnar-
stræti 11 og rekur þar verslun.
JÓN Kristjánsson heilbrigðis- og
tryggingamálaráðherra staðfesti í
gær samning Landspítala – há-
skólasjúkrahúss við heilbrigðis-
stofnanir Austurlands, Suðaustur-
lands og Ísafjarðarbæjar um
sérfræðiþjónustu á sviði barnalækn-
inga. Var skrifað undir samninginn
á Reyðarfirði. Markmið samnings-
ins er að færa sérfræðiþjónustu á
sviði barnalækna til þeirra sem
þurfa á þjónustunni að halda á við-
komandi svæðum.
Þannig mun Landspítalinn veita
þjónustu í formi farlækninga sér-
fræðinga í barnalækningum á Heil-
brigðisstofnun Suðausturlands,
Heilbrigðisstofnuninni Ísafjarðarbæ
og Heilbrigðisstofnun Austurlands.
Veitt verður þjónusta á sviði barna-
lækninga samkvæmt ósk yfirlæknis
á hverjum stað eins og þjónustan er
skilgreind í samningnum og er það
sviðsstjóri á barnasviði Landspítala
– háskólasjúkrahúss sem sér um
læknisfræðilega framkvæmd samn-
ingsins af hálfu LSH.
Viðkomandi heilbrigðisstofnanir
sjá sérfræðingi fyrir fæði, húsnæði
og ferðum við hverja komu. Land-
spítalinn greiðir hins vegar launa-
kostnað vegna samningsins og legg-
ur til ýmsa þjónustu fyrir starfsfólk
sitt s.s. launavinnslu, skipulagningu
þjónustunnar af hendi yfirmanna og
fleira sem þarf til að uppfylla samn-
inginn.
Samkomulagið felur í sér að
Landspítalinn sendir sérfræðinga í
barnalækningum á viðkomandi
heilsugæslustöð á þriggja mánaða
fresti samkvæmt fyrirframgerðri
áætlun og þjónustan sem íbúum við-
komandi svæða verður nú boðið upp
á felst meðal annars í eftirfarandi:
 Sérfræðiþjónustu á sviði barna-
lækninga við skjólstæðinga viðkom-
andi heilsugæslustöðvar í samráði
við lækna á sérhverjum stað
 Nýburaeftirliti og skoðar sér-
fræðingurinn alla nýbura í viðkom-
andi héraði sem fæðst hafa frá
næstliðinni komu
 Ungbarnavernd eftir þörfum
 Ráðgjöf varðandi heilsuvernd
barna og unglinga
 Auknu aðgengi að sérfræðingi á
Landspítalanum milli ferða, til
dæmis í síma eða með öðrum sam-
skiptaleiðum.
Samið um barnalæknaþjón-
ustu á landsbyggðinni
ÞYRLA landhelgisgæslunnar sótti í
gærmorgun veikan sjómann um
borð í línuskipið Valdimar GK sem
staddur var 15 sjómílur út af Pat-
reksfirði. Maðurinn var með mikinn
verk í höfði og missti um tíma með-
vitund. Talin var hætta á að hann
væri með heilahimnubólgu eða að
hann hefði fengið heilablæðingu.
Skv. upplýsingum frá slysadeild
Landspítala – háskólasjúkrahúss í
Fossvogi var maðurinn ekki í lífs-
hættu og við rannsókn fundust engin
merki um fyrrnefnd veikindi.
Skipverjar hringdu í Neyðarlín-
una sem hafði samband við stjórn-
stöð Landhelgisgæslu Íslands kl.
6.10. Læknir í þyrluáhöfn Landhelg-
isgæslunnar var kallaður út og taldi
hann ástæðu til að sækja manninn
með þyrlu. Aðrir í áhöfn TF-SIF,
þyrlu Landhelgisgæslunnar, voru í
framhaldi af því kallaðir út og fór
þyrlan í loftið um kl. sjö, að því er
fram kemur í fréttatilkynningu frá
Landhelgisgæslunni.
Þyrlan kom að skipinu um átta-
leytið. Vel gekk að ná manninum um
borð og lenti þyrlan við slysadeild í
Fossvogi um klukkustund síðar.
Þyrla sótti veikan sjómann
Mikill höfuðverkur
og missti meðvitund