Morgunblaðið - 11.05.2002, Page 45
UMRÆÐAN
MORGUNBLAÐIÐ LAUGARDAGUR 11. MAÍ 2002 45
LEIKSKÓLAR eru
uppeldis- og mennta-
stofnanir þar sem
fram fer uppbyggjandi
og metnaðarfullt starf
undir leiðsögn sér-
menntaðs starfsfólks.
Leikskólar Kópavogs
eru stöðugt að vinna
að nýbreytniverkefn-
um til hagsbóta fyrir
nemendur sína.
Sjálfstæðimenn telja
þetta fyrsta skólastig
mjög mikilvægt því í
leikskólum örva börn
þroska sinn hvort sem
það er mál-, vitsmuna-
eða félagsþroski. Þau
læra að taka tillit til annarra, vinna
í hópum og sem einstaklingar. Í
leikskólum Kópavogs fer fram mik-
ið brautryðjendastarf sem Sjálf-
stæðisflokkurinn vill efla enn frek-
ar.
Til marks um mikilvægi þessa
málaflokks hjá Sjálfstæðisflokknum
er bæjarfulltrúi flokksins formaður
leikskólanefndar enda hefur sjaldan
eða aldrei verið lögð eins mikil
áhersla á leikskólamál eins og und-
anfarin ár. Aftur á móti hefur t.d.
R-listinn í Reykjavík ekki séð
ástæðu til þess að hafa borgarfull-
trúa sem formann þessa mikilvæga
málaflokks.
Áhersla á aukin tengsl milli
leik- og grunnskóla
Í leikskólum er leikurinn leiðandi
hugtak því fræðimenn eru sammála
um að leikurinn sé helsta náms- og
þroskaleið barna enda sýna rann-
sóknir að ung börn læra og þrosk-
ast best í leik. Menntamálaráðu-
neytið hefur gefið út aðalnámskrá
fyrir leikskóla og er þetta fyrsta að-
alnámskráin fyrir leikskóla. Nám-
skráin er stefnumótandi leiðarvísir
um uppeldisstörf í leikskólum. Jafn-
framt hefur verið unnin upp sér-
stök námskrá leikskóla Kópavogs
og hefur hún vakið verðskuldaða at-
hygli. Námskráin er rammanám-
skrá sem allir leikskólar Kópavogs
byggja sína skólanámskrá á. Fag-
legt starf í leikskólum Kópavogs
hefur verið til mikillar
fyrirmyndar en það er
ekki síst að þakka því
frábæra starfsfólki
sem starfar á leikskól-
unum og starfsfólk á
leikskólaskrifstofunni.
Samvinna milli leik-
og grunnskóla hefur
stöðugt verið að
aukast. Á síðasta ári
var settur á laggirnar
samvinnuhópur þar
sem í eiga sæti verk-
efnastjórar úr þremur
leikskólum og einum
grunnskóla. Verkefna-
stjórarnir hafa unnið
að því að auka sam-
starf milli leik- og grunnskóla fyrir
5 ára börn. Hugmyndin að baki
þessu tilraunaverkefni er að koma á
skipulagðri og markvissri samvinnu
þessara skólastiga með þarfir
barnanna í huga. Tilraunin felur
m.a. í sér að 5 ára börn fái mark-
vissa kennslu í gegnum leik í und-
irbúningi fyrir lestur, stærðfræði
og tölvuþjálfun. Með þessari sam-
vinnu gæti e.t.v. hluti af námsefni 1.
bekkjar grunnskóla færst yfir í
leikskóla. Niðurstöður þessa til-
raunaverkefnis verða síðan kynnt í
öllum leik- og grunnskólunum sem
síðan geta nýtt sér þá vinnu sem
lögð hefur verið í verkefnið.
Sjálfstæðisflokkurinn vill efla enn
frekar þetta samstarf milli skóla-
stigana og stuðla þannig að mark-
vissari námi 5 ára barna í leik-
skólum.
Stofna þróunarsjóð
Leikskólastarf er í stöðugri þró-
un og sífellt er verið að reyna ný
viðfangsefni með börnunum. Í leik-
skólum Kópavogs hafa verið í gangi
ýmis þróunarverkefni og eru nú
nokkrir leikskólar með verkefna-
stjóra til að sinna nýbreytniverk-
efnum. Þessi verkefni eru fjölbreytt
og mjög áhugaverð. Má í því sam-
bandi nefna verkefni eins og að
hafa sérstakan fagstjóra í
ákveðnum greinum eins og íþrótt-
um, tónlist og listum. Jafnframt
hafa verið unnin ákveðin þróunar-
verkefni í jafnréttismálum í leik-
skólunum og umhverfisverkefni. Að
lokinni þessari þróunarvinnu munu
niðurstöður verða kynntar öllum
leikskólastjórum bæjarins sem síð-
an geta nýtt sér þær að vild. Leik-
skólarnir geta sótt um styrk fyrir
slík verkefni til leikskólanefndar og
í þróunarsjóð menntamálaráðuneyt-
isins.
Við sjálfstæðismenn teljum það
mjög mikilvægt að leikskólar Kópa-
vogs séu ætíð skefi framar en aðrir
sambærilegir skóla í öflugu þróun-
arstarfi. Því viljum við efla enn
frekar þetta metnaðarfulla starf
leikskólanna með því að setja á fót
sérstakan þróunarsjóð sem leik-
skólarnir geta sótt styrk í.
Sjálfstæðisflokkurinn vill efla
hið faglega starf skólanna
Sjálfstæðismenn gera sér grein
fyrir mikilvægi leikskólastarfsins
og því þroskandi starfi sem þar fer
fram. Leikskólastigið er gífurlega
mikilvægur þáttur í þroskaferli
barna og góður undirbúningur fyrir
áframhaldandi nám. Sjálfstæðis-
menn vilja því styrka enn frekar
hið góða og faglega starf sem er
unnið í leikskólum Kópavogs. Við
leggjum áherslu á að börn á leik-
skólaaldri fái notið þeirrar mennt-
unar og fræðslu sem þetta fyrsta
skólastig býður upp á svo þau geti
eflt mál-, vitsmuna- og félagsþroska
sinn.
Áhersla á faglegt
starf leikskóla
Sigurrós
Þorgrímsdóttir
Kópavogur
Til marks um mikilvægi
þessa málaflokks hjá
Sjálfstæðisflokknum,
segir Sigurrós Þor-
grímsdóttir, er bæjar-
fulltrúi flokksins for-
maður leikskólanefndar.
Höfundur er bæjarfulltrúi og for-
maður leikskólanefndar Kópavogs.
ÉG heimsæki oft
miðborgina. Þangað
fer ég ef mig langar að
spóka mig um helgar
og hitta fólk, þangað
fer ég á kvöldin og
drekk kaffi með vinum
mínum á kaffihúsum
og þangað fer ég til að
versla. Mér finnst
gaman í miðborginni
og því hefur undrun
mín aukist jafnt og
þétt við að lesa lýsing-
ar ýmissa frambjóð-
enda og fylgismanna
Sjálfstæðisflokksins á
miðborginni undanfarið. Miðað við
þær greinar sem birst hafa nú í
mars og apríl á síðum Morgunblaðs-
ins mætti ætla að mannasaur og
sprautunálar liggi sem hráviði um
miðborgina alla á morgnana, að dóp-
istar, rónar og vændiskonur séu
ráðandi í götumyndinni og í miðbæ-
inn sé ekkert að sækja nema
drykkjubúllur og súlustaði. Og til að
kóróna allt saman þurfa bíleigendur
að borga fyrir að leggja á þessum
viðbjóðslega stað. Útlitið er svart.
Glens og gleði
Vissulega er það rétt að maður
þarf að borga fyrir að leggja bílnum
sínum niðri í miðbæ en þar er iðu-
lega nóg af bílastæðum, t.d. í bíla-
stæðahúsum þar sem maður greiðir
fyrir þann tíma sem maður notar og
á enga möguleika á að fá sekt. Að
vísu þarf maður þá að ganga aðeins
en vegalengdirnar í miðborginni eru
stuttar og svo eru auðvitað annars
konar bílastæði um allt.
Vissulega er það líka
rétt að kaffihúsum og
skemmtistöðum hefur
fjölgað mjög í mið-
borginni. Það er gam-
an að skemmta sér í
Reykjavík, hvort sem
er um helgi eða á virk-
um dögum, og ferða-
menn dást að því ið-
andi mannlífi sem
einkennir borgina,
jafnt á kvöldin og dag-
inn. Súlustaðir eru
vissulega til lítillar
prýði en rekstur þeirra
er leyfilegur sam-
kvæmt landslögum og
lítið sem borgaryfirvöld geta gert til
að breyta því. Reykjavíkurlistinn
hefur það hins vegar á stefnuskrá
sinni að veita ekki fleiri leyfi fyrir
rekstri slíkra staða.
Lifandi miðborg
Ég efast ekki um að mannasaur
og sprautunálar hafa einhvern tíma
sést á götum miðborgarinnar og ég
efast ekki heldur um að þau fyr-
irbæri hafa sést í mörgum öðrum
hverfum borgarinnar. Sjálf hef ég
búið í miðborginni og varð aldrei vör
við slíkt. Auðvitað heyrði maður
stundum drykkjulæti á kvöldin, ekki
við öðru að búast þegar maður velur
að búa í miðborginni. Á móti vó að
geta vaknað á morgnana og gengið
beint út í líflegt og skemmtilegt
mannlíf sem er ekki hægt ef maður
býr í úthverfi.
Miðborgin er, þrátt fyrir mikla
samkeppni, hjarta Reykjavíkur-
borgar og það er þangað sem Reyk-
víkingar fara þegar þeir vilja gera
sér glaðan dag. Reykjavíkurlistinn
hefur styrkt mikla menningarstarf-
semi í miðborginni sem á stóran
þátt í að gera hana jafn skemmti-
lega og raun ber vitni. Í miðborginni
mega allir vera og þar getum við
kynnst fjölbreytni lífsins. Það er
komið nóg af níði um miðborgina úr
herbúðum sjálfstæðismanna. Mið-
borgin á mun betra skilið en slíka
aðför.
Aðförin að
miðborginni
Katrín Jakobsdóttir
Höfundur skipar 17. sæti Reykja-
víkurlistans.
Reykjavík
Miðborgin er hjarta
Reykjavíkur, segir
Katrín Jakobsdóttir, og
þangað fara Reykvík-
ingar þegar þeir vilja
gera sér glaðan dag.