Morgunblaðið - 17.10.2002, Blaðsíða 26
LISTIR
26 FIMMTUDAGUR 17. OKTÓBER 2002 MORGUNBLAÐIÐ
EGILL Sæbjörnsson og Unnar
Örn Auðarson hafa í sameiningu lagt
undir sig neðri hæð Gerðarsafns
Listasafns Kópavogs. Egill með tón-
listaratriði en Unnar með hurðir að
opnast og lokast og ljósmyndir úr
daglega lífinu.
List Egils er á mörkum myndlist-
ar og tónlistar og margir eiga erfitt
með að átta sig á því á hvoru sviðinu
hann liggur. Þeir sem þekkja til
listamannsins vita hins vegar að Eg-
ill er myndlistarmaður fyrst og síð-
ast og tónlistin er einungis hluti af
hans list.
Það er ekki alltaf auðvelt að festa
hendur á því sem Egill er að fara í
verkum sínum. Hér fer hann ekki
ósvipaða leið og hann fór á Kjarvals-
stöðum um árið þegar hann byggði
stóra og mikla leikmynd sem um-
gjörð utan um margslungið verk.
Hér þjónar leikmyndin sem bak-
grunnur fyrir gjörning sem fram-
kvæmdur var á opnun en í henni
leikur aðalhlutverk fígúran Móri og
svo Egill sjálfur að spila á kassagít-
ar. Allt í kring stara stóreygir svert-
ingjar á mann innan úr skóginum og
ógnirnar eru allt í kring, flugvél
kastar á þá sprengju og til beggja
hliða eru ógnvaldar tilbúnir að
gleypa þá í sig. Verkið hefur þannig
bæði vísun í alþjóðastjórnmál nú-
tímans sem og gamaldags birtingar-
myndir af íbúum Afríku. Inn í þetta
bætist svo furðuskepnan Móri sem
bindur sýninguna í íslenskan veru-
leika.
Í gjörningnum gaulaði Móri með
Agli en í holu fyrir utan safnið syng-
ur hann nú brostinni röddu þjóðsöng
Íslendinga, Ó guðs vors lands. Það er
kannski ankannalegast af öllu að
standa úti og stara ofaní holuna til að
upplifa verkið en jafnframt mjög
sérstakt.
Von um breytingar
Unnar Örn bregður upp hvers-
dagslegum myndum. Annars vegar
sjáum við lyftudyr opnast og lokast í
sífellu án þess að manneskjur komi
þar nálægt og hins vegar sjáum við
afar ljóðrænt og fallegt myndband af
hurðum að opnast. Myndatakan í því
verki er jafnframt eftirtektarverð
sem og uppsetningin. Leiða má að
því líkur að Unnar fjalli þarna um
vonina. Það að opna dyr er alltaf
upphaf að einhverju nýju og spenn-
andi því margt getur leynst á bakvið
luktar dyr. Þetta er einfalt verk og
einföld hugmynd en krystaltær með
mjög víðtæka skírskotun.
Ljósmyndir af hversdagslegum
toga þekja síðan heilan vegg og á
borði eru innbundnar ljósmyndir.
Unnar virðist ganga um með mynda-
vélina sína og notar hana eins og
skrásetningartæki fyrir einskonar
myndræna dagbók. Þetta er vel
þekkt vinnuaðferð sem margir lista-
menn hafa ástundað og í sjálfu sér er
framsetning Unnars ekkert sérstak-
lega áhugaverð þar sem myndirnar
eru ekki settar í neitt ákveðið sam-
hengi.
You take all my time eftir Egil Sæbjörnsson.
Mórinn
gaular
Hérna megin, This Side, eftir Unnar Örn Auðarson.
MYNDLIST
Gerðarsafn Listasafn Kópavogs
Opið alla daga nema mánudaga frá kl.
11-17. Til 20. október.
INNSETNING, MYNDBAND, LJÓSMYNDIR
EGILL SÆBJÖRNSSON OG UNNAR ÖRN
AUÐARSON
Þóroddur Bjarnason
ÞAÐ er nokkuð klókt hjá Gerð-
arsafni setja upp sýningu á verkum
ungs myndlistargallerís úti í bæ eins
og Gallerís Hlemms. Safnið fær
þannig á einu bretti fullt af nýju
blóði inn í safnið og í leiðinni stórt
prik fyrir að sinna ungu kynslóðinni.
Gallerí Hlemmur fær í staðinn kjör-
ið tækifæri til að kynna kraftmikla
starfsemi sína fyrir breiðum hópi
áhorfenda og sjá starfstíma sinn í
heildrænu samhengi og jafnvel í
nýju ljósi.
Það má því segja að um svokallað
„win-win“ samstarf sé þarna um að
ræða þar sem báðir aðilar græða, þó
líklega græði Gerðarsafn nú meira á
endanum.
Svona sýning vekur upp vanga-
veltur um það hvort að listasöfn og
unggallerí ættu ekki að koma á
virku samstarfi sín á milli þar sem
báðir græða. Galleríið fengi þannig
aðgang að þekkingu, fjármagni og
kynningarleiðum á meðan safnið fær
eins og áður sagði bein tengsl við
það sem er nýjast að gerast á hverj-
um tíma, ferskir vindar leika um og
safnið kemur enn betur til móts við
markhóp sinn og eigendur, þ.e.
Kópavogsbúa á öllum aldri.
Ég vona í það minnsta að þetta
samstarf feli í sér eitthvað meira
heldur en bara dálitla kynningu fyr-
ir Gallerí Hlemm og listamennina
sem eru á þess snærum, því eins og
forstöðumaður gallerísins hefur sagt
í fjölmiðlum er nú komið að þeim
tímapunkti að galleríið fari að starfa
af fullri alvöru, nú verði ekki aftur
snúið þrátt fyrir takmarkaðan skiln-
ing þeirra sem eiga peningana sem
galleríið þarfnast. Þetta er kjark-
mikil yfirlýsing hjá „galleristanum“
og í henni felst kall eftir viðurkenn-
ingu og athygli fjármagns.
Á sýningunni í Gerðarsafni eru
sýnd verk eftir flesta þá listamenn
sem sýnt hafa í Gallerí Hlemmi frá
stofnun. Forstöðumaður Gerðar-
safns sá um valið, en listamönnunum
var uppálagt að bæta einu nýju
verki í sarpinn. Fyrir þann sem
fylgst hefur með starfsemi Gallerís
Hlemms eins og undirritaður, er
skiljanlega mest spennandi að sjá
nýju verkin og langar mig að benda
á t.d. verk Magnúsar Sigurðarsonar
sem virðist vera að finna sjálfan sig í
heimi dagblaðapappírs með einkar
athyglisverðum hætti, eins og birtist
svo vel á sýningu í galleríinu nýlega.
J.B.K. Ransu heldur áfram rann-
sókn sinni á málverkinu í tveimur
óhlutbundnum verkum þar sem
skírskotað er til skynveruleika sjö-
unda áratugarins. Myndband Er-
lings þ.v. Klingenbergs í anddyrinu
er óborganlegt en þar segir hann
okkur með nokkrum tormerkjum
þó, að það sé erfitt að vera ljóðskáld
með mandarínu í munninum. Enn-
fremur verð ég að benda á veggverk
Eirúnar Sigurðardóttur, Tilfinn-
ingaþrunga naumhyggju, þar sem
hún gerir naumhyggjunni skil á per-
sónulegan en jafnframt nútímalegan
hátt.
Sýningin er vel heppnuð og gefur
óvenju góða mynd af því hvað er að
gerast í íslenskri samtímalist. Nú
held ég að allir ættu að drífa sig af
stað og sjá þetta með eigin augum
og þeir sem tala eins og bilaðar plöt-
ur um að allir séu hættir að mála
málverk verða því miður að éta það
ofaní sig ef eitthvað er að marka
þessa sýningu, því málverkið lifir
góðu lífi eins og aðrir miðlar í mynd-
list unga fólksins í dag.
Hlemmur á tímamótum
MYNDLIST
Gerðarsafn Listasafn Kópavogs
Opið alla daga nema mánudaga frá 11-
17. Til 20. október.
ÝMSIR MIÐLAR
ÝMSIR LISTAMENN
Frá sýningu Gallerís Hlemms í Gerðarsafni, Listasafni Kópavogs.
Þóroddur Bjarnason