Morgunblaðið - 22.11.2002, Síða 10

FRÉTTIR
10 FÖSTUDAGUR 22. NÓVEMBER 2002 MORGUNBLAÐIÐ
PRÓFKJÖRSBARÁTTA sjálfstæð-
ismanna í Reykjavík er gott dæmi
um það hve Netið er farið að skipa
stóran sess í kosningabaráttu fram-
bjóðenda. Þrettán frambjóðendur af
sautján, þ.e. allir frambjóðendur
Sjálfstæðisflokksins í Reykjavík, ut-
an ráðherrarnir þrír og einn nýr
frambjóðandi, hafa komið sér upp
heimasíðu á Netinu í aðdraganda
prófkjörsins eða bætt þá heimasíðu
sem fyrir var. Þá hefur meirihluti
frambjóðendanna auglýst á Netinu,
t.d. á mbl.is. A.m.k. tólf hafa auglýst
á hverjum degi á mbl.is í vikunni.
Þeir sem gerst þekkja til segja að
líklega hafi Netið aldrei verið notað
jafnmikið og með jafnfjölbreytileg-
um hætti í íslenskum stjórnmálum
eins og nú í þessari baráttu.
Ekki fer á milli mála að mikið er
lagt í heimasíður flestra frambjóð-
endanna; vel er vandað til útlitsins
og myndir eru skýrar. Sumar þeirra
blikka. Á heimasíðunum er viðkom-
andi frambjóðandi kynntur, svo
dæmi sé tekið, gerð er grein fyrir
námi hans, reynslu, menntun og
fleira. Þar eru ennfremur kynnt
stefnumál frambjóðandans, svo
fleiri dæmi séu nefnd, birtar eru
greinar eftir hann og sýndar eru
myndir frá ýmsum uppákomum, s.s.
frá opnun kosningaskrifstofa.
Ef litið er á einstakar heimasíður
þá er vert að staldra fyrst við
heimasíðu Björns Bjarnasonar þing-
manns. Slóðin er: www.bjorn.is.
Heimasíðan er einstök að því leyti
að við uppsetningu eða endurgerð
hennar var beitt aðferð sem tryggir
aðgengi blindra, fatlaðra og fólks
með sérþarfir. Stefán Baxter, fram-
kvæmdastjóri Hugsmiðjunnar efh.,
sem vann að uppsetningu vefjarins,
segir að hver síða sé hönnuð með
það í huga að hún henti svokölluðum
raddgervum, en þeir lesa texta af
síðunni. Án þeirrar aðferðar sem
notuð var við hönnunina þyrftu t.d.
blindir sem notast við raddgerva að
hlusta á „alls kyns rusl áður en þeir
komast að kjarnanum“, útskýrir
Stefán. Hann segist ekki vita til
þess að almenningur eða fyrirtæki
búi til vefi eins og þennan, þ.e. vefi
sem tryggi aðgengi blindra og fatl-
aðra.
Myndbönd á Netinu
Sé litið á fleiri heimasíður fram-
bjóðenda mætti nefna heimasíðu
Guðlaugs Þórs Þórðarsonar borg-
arfulltrúa, en slóðin er: www.gud-
laugurthor.is. Þar er boðið upp á þá
nýjung að hægt er að horfa á mynd-
band sem kynnir stefnu frambjóð-
andans í fjölskyldumálum. Þá er á
heimasíðu Sigurðar Kára Kristjáns-
sonar lögmanns, en slóðin er:
www.sigurdurkari.is, hægt að hlusta
á viðtöl við frambjóðandann sem
flutt hafa verið í útvarpi og sjón-
varpi. Sigurður Kári heldur einnig
dagbók sem gefur innsýn inn í kosn-
ingabaráttuna.
Þegar farið er inn á heimasíðu
Péturs H. Blöndal alþingismanns
kemur upp á skjáinn auglýsing, þar
sem kynntir eru fræðslufundir
frambjóðandans í kosningabarátt-
unni, en á sjálfri heimasíðunni er
hægt að fá ýmsar upplýsingar, t.d.
um störf Péturs á þingi. Slóðin er:
petur.blondal.is
Aðrir þingmenn, sem taka þátt í
prófkjörinu, vísa á heimasíðum sín-
um, eins og Pétur, m.a. í það sem
þeir hafa gert á kjörtímabilinu.
Katrín Fjeldsted þingmaður vísar
t.d. inn á heimasíðu Alþingis, þar
sem hægt er að sjá öll þau þingmál
sem hún hefur staðið að á þingi, en
einnig birtir hún, svo dæmi sé tekið,
viðtöl og fréttir sem birst hafa um
hana í fjölmiðlum. Slóðin hennar er:
www.althingi.is/katrinf.
Mataruppskriftir
og brandarar
Ásta Möller þingmaður gerir
einnig grein fyrir þingmálum sínum
og stefnumálum á heimasíðu sinni,
en slóðin er: www.astamoller.is. Á
heimasíðunni birtir hún að auki sína
uppáhaldsbrandara, svo dæmi sé
tekið, sem og nokkrar matarupp-
skriftir.
Lára Margrét Ragnarsdóttir
þingmaður gerir eins og aðrir grein
fyrir stefnumálum sínum en auk
þess skýrir hún frá þátttöku sinni í
alþjóðlegu samstarfi og birtir m.a.
ræður sem hún hefur flutt á Evr-
ópuráðsþingi. Slóðin er: laramar-
gret.is
Heimasíða Guðmundar Hall-
varðssonar þingmanns er öðruvísi
uppsett en hinar síðurnar að því
leyti að hún þekur ekki allan skjá-
inn. Hann, eins og margir aðrir, gef-
ur lesendum kost á að skoða myndir
úr prófkjörsbaráttunni og sýnir
einnig skopmyndir sem Sigmund
hefur teiknað af honum í gegnum
tíðina. Slóðin er: www.ghallvards.is.
Nýliðarnir sem gefa kost á sér
eru allir nema Vernharð Guðnason
með sérstaka heimasíðu en hér að
ofan var minnst á síður Guðlaugs
Þórs og Sigurðar Kára. Birgir Ár-
mannsson aðstoðarframkvæmda-
stjóri kynnir m.a. stefnumálin á
heimasíðu sinni, en þar birtir hann
líka langan lista stuðingsmanna.
Hann gefur auk þess lesendum færi
á að senda inn fyrirspurnir, eins og
reyndar nokkrir aðrir. Slóðin hans
er: www.birgir.is.
Gagnvirkar síður
Á heimasíðu Guðrúnar Ingu Ing-
ólfsdóttur hagfræðings eru ýmsar
upplýsingar sem og fréttir og grein-
ar. Hún fer ítarlega yfir stefnumál
sín, eins og flestir aðrir, en auk þess
geta forvitnir fengið upplýsingar
um uppáhaldsdiskana hennar, svo
dæmi sé tekið. Slóðin er: www.gud-
runinga.net. Stefanía Óskarsdóttir
stjórnmálafræðingur fer einnig ít-
arlega yfir stefnumálin sín, en hún
er einnig með skoðanakönnun á
heimasíðunni um það hvort Íslend-
ingar eigi að sækja um aðild að Evr-
ópusambandinu eða ekki. Slóðin er:
www.stefania.is. Ingvi Hrafn Ósk-
arsson, formaður Sambands ungra
sjálfstæðismanna, er einnig með
netkosningu á sinni heimasíðu, en
býður lesendum einnig að skrá sig á
póstlista, svo dæmi sé tekið. Slóð
hans er: ingvihrafn.is. Þá er Soffía
Kristín Þórðardóttir nemi einnig
með póstlista og netkosningu á sinni
heimasíðu, en þar eru auk þess ýms-
ar fleiri upplýsingar. Netfangið
hennar er: www.soffia.is.
Flestir frambjóðendur Sjálfstæðisflokksins með heimasíður á Netinu
Netið virðist skipta æ meira
máli í kosningabaráttu
Líklega hefur Netið aldrei verið notað jafn-
mikið í kosningabaráttu og nú fyrir prófkjör
Sjálfstæðisflokksins. Arna Schram kynnti
sér heimasíður frambjóðendanna.
arna@mbl.is
PRÓFKJÖR Sjálfstæðisflokksins í Reykjavík
fer fram í dag og á morgun. Síðast þegar haldið
var prófkjör, í október árið 1994, tóku 8.845
þátt. Þá voru um tólf þúsund manns á kjörskrá
flokksins fyrir prófkjör og höfðu um tvö þúsund
gengið í flokkinn dagana fyrir prófkjör eða á
prófkjörsdeginum. Samkvæmt upplýsingum á
skrifstofu Sjálfstæðisflokksins voru rúmlega
fimmtán þúsund manns á kjörskrá flokksins
síðdegis í gær.
Ekki var haldið prófkjör fyrir síðustu kosn-
ingar þar sem stjórn fulltrúaráðsins mælti ekki
með því. Var það í fyrsta skipti frá árinu 1974
sem framboðslisti flokksins í Reykjavík var
ekki valinn í prófkjöri. Nokkrar deilur urðu um
skipan listans. Kjörnefnd ákvað að þingmenn
flokksins skyldu skipa átta efstu sætin en átök
urðu innan nefndarinnar um níunda sætið.
Varð að kjósa tvisvar í nefndinni milli Vilhjálms
Þ. Vilhjálmssonar borgarfulltrúa og Hönnu
Birnu Kristjánsdóttur, sem þá var starfsmaður
þingflokks Sjálfstæðisflokksins en er nú borg-
arfulltrúi í Reykjavík.
Í fyrri atkvæðagreiðslunni fengu þau jafn-
mörg atkvæði en í þeirri síðari hlaut Vilhjálmur
átta atkvæði en Hanna Birna sex. Olli þetta
nokkurri óánægju meðal kvenna og ungra sjálf-
stæðismanna. Vilhjálmur hafði hins vegar sam-
band við kjörnefndina og bauðst til að taka tí-
unda sætið. Hann sagði í samtali við
Morgunblaðið í mars 1999 að hann skildi vel
sjónarmið kvenna og vildi gera allt til að
tryggja Sjálfstæðisflokknum sigur í kosning-
unum. Var í kjölfarið ákveðið að bjóða Ástu
Möller, þáverandi formanni Félags hjúkrunar-
fræðinga, níunda sætið sem hún þáði.
Búist við fjölgun þingmanna
Sjálfstæðisflokkurinn fék níu þingmenn
kjörna í síðustu kosningum en gera má ráð fyr-
ir að þingmönnum flokksins í Reykjavík fjölgi
vegna kjördæmabreytinganna.
Reykjavík hefur nú verið skipt upp í tvö kjör-
dæmi og á hvort kjördæmi níu kjördæma-
kjörna þingmenn og tvö jöfnunarsæti. Þing-
menn Reykjavíkur verða því samtals 22 eftir
næstu kosningar en eru nú nítján, þar af fjögur
jöfnunarsæti.
Sjálfstæðisflokkurinn fékk 40,7% atkvæða í
síðustu kosningum á landsvísu og bætti við sig
3,6 prósentutigum á milli kosninga.
Fylgið í Reykjavík hefur þó sögulega séð
allajafna verið meira en fylgi flokksins á lands-
vísu.
Í útreikningum sem dr. Þorkell Helgason
gerði fyrir allsherjarnefnd á sínum tíma í
tengslum við kjördæmabreytinguna er sett upp
dæmi um hvernig þingmenn gætu hugsanlega
skipst á milli Reykjavíkurkjördæmanna
tveggja að gefnum ákveðnum forsendum. Þar
er miðað við kjörfylgi flokkanna í kosningunum
1999 en því síðan skipt á milli kjördæmanna.
Sjálfstæðisflokkurinn fékk 45,7% kjörfylgi í
Reykjavík en í dæminu er því deilt niður þannig
að flokkurinn fær 48,3% í öðru kjördæminu en
43,1% í hinu. Samkvæmt þeim forsendum
myndi flokkurinn fá fimm kjördæmakjörna
menn í báðum kjördæmunum og uppbótarþing-
mann í því kjördæmi þar sem fylgið er meira.
Sextán berjast um sætin
Alls gefa sautján frambjóðendur kost á sér
og í þeim hópi eru allir níu þingmenn flokksins í
Reykjavík. Margir gefa kost á sér í ákveðin
sæti en samkvæmt reglum prófkjörsins verður
að kjósa tíu frambjóðendur og má hvorki velja
fleiri né færri. Er kosið með því að merkja við
með tölustöfum frá einum og upp í tíu. Nið-
urstaðan ræðst síðan af því hver fær flest at-
kvæði í hvert sæti. Fyrst eru atkvæði í fyrsta
sætið talin og mun sá leiða listann er fær flest
atkvæði í það. Annað sætið hlýtur sá er fær
flest atkvæði í fyrsta og annað sætið samtals,
þriðja sá er fær flest atkvæði í fyrstu þrjú sætin
samtals og svo framvegis.
Kjördæmabreytingin gerir að verkum að
mjörg erfitt er að segja fyrir um hvernig þing-
mannafjöldi einstakra flokka mun skiptast á
milli kjördæma. Til dæmis á eftir að koma í ljós
hvernig fylgi flokkanna mun skiptast milli
Reykjavíkurkjördæmanna tveggja og aldrei
hefur verið kosið samkvæmt nýju lögunum. Þó
má gera ráð fyrir að líklegt sé að Sjálfstæð-
isflokkurinn fái ellefu þingmenn miðað við
óbreytt fylgi. Jafnvel þótt fylgið minnki mun
hann líklega bæta við sig þingmanni miðað við
núverandi fjölda og ef fylgið eykst gæti hann
náð tólfta manninum. Það má því gera ráð fyrir
að litið verði á ellefta og jafnvel tólfta sætið í
prófkjörinu sem baráttusætin.
Í kjölfar prófkjörsins verður dregið um það í
hvoru kjördæminu fyrsta sætið lendir. Sá sem
lendir í öðru sæti í prófkjörinu mun þá leiða
listann í hinu kjördæminu og svo koll af kolli.
Oddatölurnar í öðru kjördæminu og sléttu töl-
urnar í hinu.
Morgunblaðið/RAX
Hart barist þrátt
fyrir væntanlega
fjölgun þingmanna
Sjálfstæðismenn í Reykjavíkurkjördæmum velja
frambjóðendur sína fyrir næstu kosningar til Alþingis
í prófkjöri í dag og á morgun. Steingrímur Sigur-
geirsson fjallar um prófkjörið og umfang þess.
sts@mbl.is
EKKI hefur verið ákveðið hve-
nær miðstjórn Sjálfstæðis-
flokksins kemur saman til þess
taka fyrir framkvæmd próf-
kjörsins í Norðvesturkjör-
dæmi. Fulltrúaráð sjálfstæðis-
félaganna í Skagafirði og
Húnavatnssýslum og nú síðast
á Akranesi hafa óskað eftir því
að miðstjórnin fjalli um fram-
kvæmd prófkjörsins.
Samkvæmt upplýsingum frá
Sjálfstæðisflokknum verður
fundur miðstjórnar vart hald-
inn alveg á næstunni, forsætis-
ráðherra sé staddur erlendis,
kalla þurfi saman fulltrúa víða
að og þess fyrir utan standi
prófkjör í Reykjavík fyrir dyr-
um; líklegt sé þó að til fundar
verði boðað strax eftir helgina
og að hann verði haldinn í
næstu viku.
Prófkjör í Norð-
vesturkjördæmi
Fundur
miðstjórn-
ar ekki
enn verið
boðaður
LÖGREGLAN í Reykjavík leitar
enn tveggja manna sem rændu bens-
ínstöð Olís á Klöpp við Sæbraut íá
þriðjudagskvöld.
Þeir réðust hettuklæddir inn á
stöðina og héldu tvítugri afgreiðslu-
stúlku meðan annar þeirra opnaði
peningakassann. Höfðu þeir á brott
með sér um 12 þúsund krónur í pen-
ingum.
Samkvæmt upplýsingum frá Olís
voru tveir starfsmenn á vakt á bens-
ínstöðinni þegar ránið var framið, en
ekki einn eins og greint var frá í
blaðinu á miðvikudag.
Ræningja
enn leitað