Morgunblaðið - 22.11.2002, Side 13

FRÉTTIR
MORGUNBLAÐIÐ FÖSTUDAGUR 22. NÓVEMBER 2002 13
VEGAGAGERÐIN er hætt að
sinna yfirborðsmálun á vegum
landsins og hefur þess í stað snúið
sér að yfirborðsmerkingum með
plastsprautun. Breytingarnar áttu
sér stað síðastliðið sumar þegar
starfsmenn Vegagerðarinnar
sprautuðu merkingar á rúmlega
700 km kafla af rúmlega 1.500 km
sem sprautaðir voru með plasti.
Áður var verkið alfarið boðið út
en Vegagerðin sinnti þess í stað yf-
irborðsmerkingum með málningu,
samtals á bilinu 1.800–1.900 km á
ári. Nú hefur sú starfsemi verið
boðin út og sl. sumar sá fyrirtækið
Vegmerking ehf. um verkið en fyr-
irtækið hefur einnig sinnt merk-
ingum með plastsprautun auk fyr-
irtækisins Vegamál ehf.
Að sögn Ásmundar Pálmasonar,
sérfræðings hjá Vegagerðinni sem
hefur umsjón með vegmerkingum
og útboðum á þeim, er ástæða
áherslubreytinga hjá Vegagerðinni
fyrst og fremst sú að gæði yfir-
borðsmerkinga úr plasti voru ekki
alltaf nægjanlega mikil og þörf var
á að auka þau. Yfirstjórn Vega-
gerðarinnar ákvað í kjölfarið að
festa kaup á vegmerkingabíl sem
er sérstaklega útbúinn til að
sprauta plastmerkingar á götur en
ákvað þess í stað að selja málning-
arbíl sem hún hafði haft til umráða.
Ásmundur segir að vegmerking-
ar með plasti sé framtíðarmerking-
armáti sem endist mun betur en
málning. Hann segir að bíllinn
komi að góðum notum á styttri
vegarköflum á afskekktari stöðum
og gott sé að að hafa bílinn til taks
ef merkja þarf með stuttum fyr-
irvara.
Nokkrir byrjunarörðugleikar
gerðu vart við sig í tengslum við
notkun bílsins í sumar, sem kostaði
rúmar 30 milljónir króna, og þurfti
m.a. að skipta um dælu í honum.
Ásmundur segir að allir slíkir örð-
ugleikar séu hins vegar löngu úr
sögunni.
Vegagerðin býður út alla yfirborðsmálningarvinnu, 1.800–1.900 km
Sinnir eingöngu
plastmerkingum
GEIR H. Haarde fjármálaráðherra
ítrekaði á Alþingi í vikunni að hann
teldi það óhjákvæmilegt að skjóta úr-
skurði óbyggðanefndar frá því í mars
sl. til dómstóla, en úrskurðurinn tók
til þjóðlendna á Biskupstungnaafrétti
og efstu landa í Biskupstungna-
hreppi, nú Bláskógabyggð. Málið var
þingfest í Héraðsdómi Suðurlands í
fyrradag, ásamt öðrum málum sem
tengjast úrskurðum óbyggðanefndar
um þjóðlendur í uppsveitum Árnes-
sýslu.
Ráðherra tók fram að ákvörðunin
um að skjóta málinu til dómstóla hefði
ekkert með það að gera að menn
treystu ekki óbyggðanefnd. „Megin-
ástæðan er sú að það er nauðsynlegt
að dómstólar taki strax afstöðu til
álitamála – sem voru til umfjöllunar
hjá óbyggðanefnd – til að skapa for-
dæmi,“ sagði hann. „Það var mat
ráðuneytisins, sem byggðist m.a. á
mati ríkislögmanns, að í máli því sem
tók til Biskupstungnaafréttar og
efstu landa í Biskupstungnahreppi
reyndi á nánast öll þau lögfræðilegu
álitamál sem upp hafa komið sem lík-
leg eru til að hafa fordæmisgildi í síð-
ari málum fyrir óbyggðanefnd. Þess
vegna var ákveðið að fara í þennan
málarekstur.“
Kom þetta fram í svari ráðherra við
fyrirspurn Jóns Bjarnasonar, þing-
manns Vinstrihreyfingarinnar –
græns framboðs, í fyrirspurnartíma á
Alþingi. Ráðherra sagði ennfremur
að hann gæti, að mörgu leyti, tekið
undir það með Jóni Bjarnasyni að það
væri kannski æskilegast að óbyggða-
nefnd héldi að sér höndum á meðan
beðið væri eftir niðurstöðu dómstóla.
Eins og fram hefur komið í Morg-
unblaðinu heldur óbyggðanefnd
áfram umfjöllun sinni um þjóðlendu-
mörk í þeim sýslum sem taka átti fyr-
ir næst, þrátt fyrir dómsmál, m.a.
fyrrgreint mál, sem þingfest voru í
fyrradag. Ráðherra minnti á, í þessu
sambandi, að óbyggðanefnd væri
sjálfstæð stjórnsýslunefnd og að
hann hefði ekki umboð til að segja
henni fyrir verkum. „Hún hefur
ákveðna vinnuáætlun sem hún ætlar
greinilega að standa við,“ sagði ráð-
herra og bætti því við að hann hefði
þó talið hyggilegra að doka við meðan
beðið væri eftir niðurstöðu dómstóla,
en með niðurstöðu dómstóla fengjust
„meginlínur í verkið“, eins og ráð-
herra orðaði það.
Geir H. Haarde
Æskilegast
að óbyggða-
nefnd héldi að
sér höndum
♦ ♦ ♦
HEIMILT er að gera samkomulag
við starfsmenn sem vinna við Kára-
hnjúkavirkjun um að vinnulotur
standi í allt að 28 daga en þá á starfs-
maðurinn rétt á meira fríi en ella,
eða a.m.k. vikufríi. Þetta er meðal
ákvæða í samningi sem undirritaður
var í gær vegna fyrirhugaðra virkj-
unarframkvæmda Landsvirkjunar á
Austurlandi.
Í samningnum er fjallað um vinnu-
tilhögun og ferðir til og frá virkjun-
arsvæðum. Gert er ráð fyrir miklum
sveigjanleika í vinnulotum og er
heimilt að skipuleggja vinnu þannig
að unnið sé samfellt í 11 daga. Virkj-
unarsvæðið er afskekkt og verða
starfsmönnum greidd laun meðan á
ferðalögum þangað stendur, fari þau
ekki fram í vinnutíma. Er gert ráð
fyrir að ferðalag frá heimili að vinnu-
stað geti tekið hátt í fjórar klukku-
stundir. Starfsmenn sem hafa ekki
fasta búsetu á Íslandi teljast hafa
lögheimili á virkjunarstað og á heim-
ferðardögum eiga þeir rétt á ferða-
launum til Reykjavíkur eða Egils-
staða eftir því sem við á.
Virkjunarframkvæmdir
á Austurlandi
Vinnulotur
geta staðið í
fjórar vikur
eitt vinsælasta spil í heimi
Magnþrungin
spennusaga!
Óttar Sveinsson er einn mest seldi
höfundur síðustu ára, enda hafa fyrri
Útkallsbækur hans hlotið einróma lof fyrir
ljóslifandi lýsingar á magnþrungnum
atburðum. Óttar skrifar raunverulegar
spennusögur sem erfitt er að leggja frá
sér fyrr en sagan er öll.
Í bókinni koma fram upplýsingar, myndir og frásagnir
sem ekki hafa birst áður opinberlega.
Síðasta bók seldist upp
löngu fyrir jól!
M
Á
T
T
U
R
IN
N
&
D
Ý
R
Ð
IN
1
1
/0
2
loksins á íslensku
Catan - Landnemarnir er eitthvert vinsælasta spil
í heimi og hefur m.a. verið valið „Spil ársins“ í Þýskalandi
og Bandaríkjunum.
Auðvelt er að læra spilið en það krefst útsjónarsemi
og dirfsku (Strategy). Spilið er fyrir alla aldurshópa.
Hinn vinsæli tölvuleikur
„The Settlers“ er byggður
á spilinu.
Catan er spil sem brúar kynslóðabil og þig
langar að spila aftur og aftur.
metsö
lulistaÍE
FS
TU
SÆTUM
Í EFSTU SÆ
TU
M
Þegar glæsilegasta flugvél Íslendinga, Geysir, skilar sér
ekki á tilsettum tíma í Reykjavík, í septembermánuði
1950, setur ótta að fólki. Um borð er sex manna áhöfn og
átján hundar. Síðast spurðist til vélarinnar yfir Færeyjum.
Þegar liðnir eru rúmir fjórir sólarhringar og umfangsmikil
leit skilar engum árangri telja flestir landsmenn fólkið af og
menn eru farnir að skrifa minningargreinar. Þá berst
ógreinilegt neyðarkall: „Staðarákvörðun ókunn ... allir á lífi“.
Við tekur atburðarás sem á sér enga hliðstæðu.
ÍE
F
Í TU
M
15 milljónir
spilara
í Evrópu
Kemur
í verslanir
um helgina Sími 554 7700